Аҵыхәтәантәи алҵшәақәа: Аԥсны ахадарахьы алхрақәа актәи ртур шымҩаԥысыз

99
Аԥсны Алхратә комиссиа хада нанҳәа 27 рзы ирыланаҳәеит ахада иалхрақәа актәи ртур аҵыхәтәантәи алҵшәақәа.
Аԥсны ахадарахьы алхрақәа актәи ртур алҵшәақәа
© Sputnik Леон Гәниа Аԥсны ахадарахьы алхрақәа актәи ртур алҵшәақәа

Аԥсны ахада иалхрақәа актәи ртур аҵыхәтәантәи алҵшәақәа Алхратә комиссиа хада ирыланаҳәеит.

Аҩбатәи атур ахь инеит иахьатәи Аԥсны ахада Рауль Ҳаџьымба, уи иоуит 24,83% (20 551 бжьы), аоппозициатә партиа "Амцахара" ахантәаҩы Алхас Кәыҵниа, уи иоуит 22,91% (18 995 бжьы).

Олег Аршба изы рыбжьы арҭеит 22,56% (18 668-ҩык ауаа). Асҭамыр Ҭарба иоуит 6,89% (5 703 бжьы). Леонид Ӡаԥшьба ирҳаит 5,97% (4 938 бжьы). Шамиль Аӡынба изы рыбжьы арҭеит 4,32% (3 579-ҩык ауаа), Алмас Џьапуа иоуит 2,12% (1 755 бжьы), Артур Анқәаб - 1,7% (1 403), Асҭамыр Какалиа - 1,02% (841 бжьы).

Арҭ акандидатцәа рахьтә аӡәгьы атәыла ахадас дырбар рҭахым 1,9% алхыҩцәа - 1 666-ҩык ауаа.

Ԥлиаԥҳа абжьыҭаразы: "зегьы ирҿагылоу" ацәаҳәа сақәшаҳаҭым>>

АКХ адыррақәа рыла, зынӡа алхрақәа рахь иааит 65,18% алхыҩцәа, рыбжьы арҭеит 82 752 ауаа.

Аҩбатәи атур ҟалоит цәыббра 8 рзы.

Иара убас шәаԥхьар ҟалоит:

99

Иҭацәыз аҭыԥқәа рахь: Аԥсны Жәлар Реизарахь алхрақәа

151
Ԥхынгәы 12 рзы имҩаԥгахоит Аԥсны Жәлар Реизараҟны иҭацәыз адепутаттә ҭыԥқәа рахь алхрақәа. Азакәанԥҵаратә мчраҿы амандатқәа ԥшьба ҭацәуп.

Аԥсны алхратә комиссиа хада ԥхынгәы 12 аҽны иҭацәыз адепутаттә ҭыԥқәа рахь алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Лаҵара 4 рзы дара зегьы рнапынҵақәа аанрыжьит.

Аԥсны Апарламент адепутатс дҟалар илшоит дарбанызаалак 25 шықәса ирҭысхьоу,  алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арыҩшьыгақәеи зыҽрыдызцало ҳәа ишьоу, аԥсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

151

Еидырҵаз, еиҭаркыз: Аԥсны аиҳабыра реилазаашьа ҿыц

120
(ирҿыцуп 17:07 29.04.2020)
Аԥсны ахада Аслан Бжьаниа иусдҵа инақәыршәаны, Аԥсны 14 министрра ҟалоит 12 рҭыԥан, Аҳәынҭқарратә еилакқәа ааба, Аҳәынҭусбарҭақәагьы ааба.

Ахада иусдҵаҿы иаҳәоит еиҭаркуа ацентртә усбарҭақәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

120

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0