Абаза чыс, ачара, атурнир: афестиваль "Абаза" шымҩаԥысуа

38
Актәи акультура-спорттә фестиваль "Абаза" мҩаԥысраны иҟоуп Аԥсны жьҭаара 16 - 18 рзы. Уи рхы аладырхәуеит Ҟарачы-Черқьесиеи Аԥсни рырҿиаратә коллективқәеи иара убас Урыстәылеи Нхыҵ Кавкази рҟынтәи аспортсменцәа.
Акультура-спорттә фестиваль Абаза Аԥсны амҩаԥысшьа

Есышықәсатәи акультура-спорттә фестиваль "Абаза" Аԥсны иахьаҵанакуа раԥхьаӡа акәны имҩаԥысуеит. Афестиваль ахықәкы - еиуеиԥшым аԥсуа абиԥарақәа абазақәа ркультуреи рҭоурыхи рырдырреи, абаза жәлар ретнокультуратә ҭынха аларҵәареи, ахатәы бызшәа аиқәырхареи арҿиареи.

Аԥсны имҩаԥысуа афестиваль ҩхәҭакны ишоуп. Жьҭаара 16-17 рзы Гәдоуҭа имҩаԥысуеит Адунеизегьтиә аԥсуа-абаза конгресс ахантәаҩы Мусса Екзеков ихраҿа агаразы зхы иақәиҭу аиқәԥаразы атурнир. Уи еизнагоит Аԥсни, Краснодартәи атәылаҿацәи, Нхыҵ Кавкази рҟынтәи аспорстменцәа.

© Foto / Всемирно абхазо-абазинский конгресс

Жьҭаара 18 рзы Аҟәа, Аԥсуа драматә театр ашҭаҿы афестиваль акультуратә хәҭа иалагоит. Уи гәыцәс иаиуеит абазақәа рҟны аҭаца аҩны лаагара ажәытә қьабз аазырԥшуа атеатралтә қәгылара. Иара убас афестиваль асасцәа ирылшоит абаза милаҭтә чысхкқәа ргьама рбар. Ақыҭа Ельбурган аетнографиатә музеии Аԥснытәи аҳәынҭқарратә музеии еицымҩаԥыргоит рколлекциақәа рекспозициа.

Аԥсуа драмтеатр ашҭаҟны "Дара рхы иашьҭоуп абаза ҳәа" захьӡу ажәытә фотосахьақәа рцәыргақәа ҟалоит. Аԥсуааи абазақәеи еицымҩаԥырго аконцерт аҟны иқәгылоит Ҟарачы-Черқьесиа Аҳәынҭқарратә филармониа акәашара атеатри Аԥсны аестрадатә шәаҳәаҩцәеи - Лиудмила Гумба, Заур Зыхәба, акллектив "Адау", аетнографиатә ансамбль "Ахьышьҭра".

Иара убас шәаԥхьар ҟалоит:

38

Иҭацәыз аҭыԥқәа рахь: Аԥсны Жәлар Реизарахь алхрақәа

150
Ԥхынгәы 12 рзы имҩаԥгахоит Аԥсны Жәлар Реизараҟны иҭацәыз адепутаттә ҭыԥқәа рахь алхрақәа. Азакәанԥҵаратә мчраҿы амандатқәа ԥшьба ҭацәуп.

Аԥсны алхратә комиссиа хада ԥхынгәы 12 аҽны иҭацәыз адепутаттә ҭыԥқәа рахь алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Лаҵара 4 рзы дара зегьы рнапынҵақәа аанрыжьит.

Аԥсны Апарламент адепутатс дҟалар илшоит дарбанызаалак 25 шықәса ирҭысхьоу,  алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арыҩшьыгақәеи зыҽрыдызцало ҳәа ишьоу, аԥсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

150

Еидырҵаз, еиҭаркыз: Аԥсны аиҳабыра реилазаашьа ҿыц

120
(ирҿыцуп 17:07 29.04.2020)
Аԥсны ахада Аслан Бжьаниа иусдҵа инақәыршәаны, Аԥсны 14 министрра ҟалоит 12 рҭыԥан, Аҳәынҭқарратә еилакқәа ааба, Аҳәынҭусбарҭақәагьы ааба.

Ахада иусдҵаҿы иаҳәоит еиҭаркуа ацентртә усбарҭақәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

120

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0