Аԥсны адәныҟатәи ахәаахәҭра 2019 шықәсазы

250
(ирҿыцуп 15:28 10.03.2020)
Аԥсны Аҳәынҭқарратә ҳазалхратә еилакы адыррақәа рыла, 2019 шықәса рзы ареспублика адәныҟахәаахәҭратә еикәыршара ишьақәнартәеит 25 миллиард 989 миллион мааҭ. Еиҳа ахашәала зцыз аусхкқәеи атауарқәа римпорти рекспорти рдинамикеи Sputnik аинфографикаҿ.
Аԥсны адәныҟахәаахәҭратә еикәыршара
© Sputnik Леон Гәниа

2019 шықәса рзы ареспублика адәныҟахәаахәҭратә еикәыршара арбагақәа 2018 шықәсазтәи раасҭа 9,5% рыла еиҳахеит. Иааидкыланы 25 миллиард 989,4 миллион мааҭ артәеит. 2019 шықәса рзы аимпорт ахышәа-ҵышәа 20 миллиард мааҭ ыҟан. Уи 2018 шықәса иаҿырԥшны 29% рыла еиҳан.

Аизҳара аныԥшуеит аекспорт. 2018 шықәса рзы атәыла иалгазар 5 миллиардки 162 миллион мааҭ рыхә атауар, 2019 шықәса рзы 5 миллиардки 935,4 миллион мааҭ алган, аизҳара 13% артәеит.

Аиҳарак аекспорт мҩаԥган агроааглыхратә комплекс атауарқәа рыла – 54% зеиԥш процентла; аԥсыӡи аԥсыӡтә аалыҵи – 22%, ацитрусқәа – 6%, араса – 0,5%.

Ахәаахәҭратә баланс асальдо аҵыхәтәантәи ҩышықәса рзы еиҵан: 13 миллиарди 393,1 миллион мааҭ - 2018 шықәса рзы, 14 миллиарди 119 миллион мааҭ - 2019 шықәса рзы. Аԥсны Аҳазалхратә еилакы ари зыхҟьаз аимпорт тауарқәа еиҳа аҭахра ахьрымоу ауп ҳәа иаԥхьаӡоит (ахәшәқәа, афатә аалыҵ, аргыларатә маҭәахәқәа, абылтәы).

Аԥсны рылахәаахәҭуеит 40 рҟынӡа тәыла. Ареспублика аекономикатә партниор хада Урыстәылоуп - 70% азеиԥшеикәыршараҟынтә. 2019 шықәса рзы урыстәылатәи аимпорт иартәеит 13 миллиардки 495 миллион мааҭ, аекспорт - 4 миллиардки 499 миллион мааҭ.

250

Иҭацәыз аҭыԥқәа рахь: Аԥсны Жәлар Реизарахь алхрақәа

149
Ԥхынгәы 12 рзы имҩаԥгахоит Аԥсны Жәлар Реизараҟны иҭацәыз адепутаттә ҭыԥқәа рахь алхрақәа. Азакәанԥҵаратә мчраҿы амандатқәа ԥшьба ҭацәуп.

Аԥсны алхратә комиссиа хада ԥхынгәы 12 аҽны иҭацәыз адепутаттә ҭыԥқәа рахь алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Лаҵара 4 рзы дара зегьы рнапынҵақәа аанрыжьит.

Аԥсны Апарламент адепутатс дҟалар илшоит дарбанызаалак 25 шықәса ирҭысхьоу,  алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арыҩшьыгақәеи зыҽрыдызцало ҳәа ишьоу, аԥсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

149

Еидырҵаз, еиҭаркыз: Аԥсны аиҳабыра реилазаашьа ҿыц

120
(ирҿыцуп 17:07 29.04.2020)
Аԥсны ахада Аслан Бжьаниа иусдҵа инақәыршәаны, Аԥсны 14 министрра ҟалоит 12 рҭыԥан, Аҳәынҭқарратә еилакқәа ааба, Аҳәынҭусбарҭақәагьы ааба.

Ахада иусдҵаҿы иаҳәоит еиҭаркуа ацентртә усбарҭақәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

120

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0