Уахыки-ҽнаки рыла хынтә: афымцалашара арцәара аграфик

17
Абҵара 15, 2020 шықәса инаркны Аԥсны иахьаҵанакуа аамҭа-аамҭала афымцалашара арцәара иалагеит.
Аԥсны аамҭа-аамҭала афымцалашара арцәара аграфик

Аграфик инақәыршәаны, алашара дырцәалоит уахыки-ҽнаки рыла хынтә.

Гал араион, Тҟәарчал араион ахәҭак, Аҟәа мраҭашәаратәи ахәҭа, Аҟәа араион ахәҭак, Афон ҿыц, Гәдоуҭа араион мрагыларатәи ахәҭа рҿы алашара дырцәалоит асааҭ 01:00 - 03:00, 09:00 - 11:00, 17:00 - 19:00 рзы.  

Аҟәа агәы, Аҟәа араион ахәҭак, Гәдоуҭа араион мраҭашәаратәи ахәҭа, Гәдоуҭа, Алаҳаӡы ақыҭа алашара дырцәалоит асааҭ 03:00 - 05:00, 11:00 - 13:00, 19:00 - 21:00 рзы.  

Гагра, Гагра араион, Пицунда, Бзыԥ, Мархьаул, Тҟәарчал, Тҟәарчал араион ахәҭак рҿы алашара дырцәалоит асааҭ 05:00 - 07:00, 13:00 - 15:00, 21:00 - 23:00 рзы. 

Аҟәа мрагыларатәи ахәҭа, Аҟәа араион ахәҭак, Очамчыреи Гәылрыԥшьи рраионқәа рҿы алашара дырцәалоит асааҭ 01:00 - 03:00, 09:00 - 11:00, 15:00 - 17:00 рзы. 

17

Уахыки-ҽнаки рыла ҩынтә: алашара арцәара иркьаҿу аграфик

26
(ирҿыцуп 18:51 20.11.2020)
Аԥсны иахьаҵанакуа афымцалашара арцәара аграфик дыркьаҿуеит 2020 шықәса абҵара 21 инаркны.
Аԥсны афымцалашара арцәара аграфик ҿыц (абҵара 21 инаркны)

Уи инақәыршәаны афымцалашара дырцәалоит уахыки-ҽнаки рыла ҩынтә ҩба-ҩба сааҭ. Уаанӡа Аԥсны иахьаҵанакуа аамҭа-аамҭала афымцалашара арцәара иалагеит абҵара 15 инаркны. Усҟан
алашара дырцәалон уахыки-ҽнаки рыла хынтә.

Аграфик ҿыц инақәыршәаны афымцарцәара аамҭа:

Аҟәеи Аҟәа араиони мраҭашәаратәи рыхәҭа, Гәдоуҭа араион мрагыларатәи ахәҭа, Очамчыреи Тҟәарчали рраионқәа, Бзыԥҭа аҳабла - асааҭ 08.00 - 10.00, 17.00 - 19.00 рзы.

Аҟәа агәи мрагыларатәи ахәҭеи, Аҟәа араион мрагыларатәи ахәҭа, Гәдоуҭа араион мраҭашәаратәи ахәҭа, Алаҳаӡы ақыҭа, Гәылрыԥшь араион - асааҭ 10.00 - 12.00, 19.00 - 21.00 рзы.

Гагра араион, Пицунда, Гал араион, Аҟәа агәы ахәҭак - асааҭ 12.00 - 14.00, 21.00 - 23.00 рзы.

26

COVID-19 аҿагыларазы аԥкра ҿыцқәа

28
(ирҿыцуп 11:38 15.10.2020)
Аԥсны ахада Аслан Бжьаниа атәылаҿы акоронавирустә чымазара ҿкы аламырҵәаразы иназыцҵоу аԥкрақәа ралагаларазы уаанӡа иҟаиҵахьаз адҵа аиҭакрақәа алеигалеит жьҭаара 13 рзы. Урҭ арбақәан шәаԥхьа Sputnik аинфографикаҿы.
© Sputnik / Томас Тхайцук

Аԥсны ахада Аслан Бжьаниа атәылаҿы акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаиҩит аҩаша, жьҭаара 13 рзы.

Уи инақәыршәаны, жьҭаара 15 инаркны абҵара 24 рҟынӡа атәылаҿы иақәиҭтәым амассатә спорттә, агәмырҿыӷьратә, аланарԥшыратә, ацәыргақәҵатә усмҩаԥгатәқәа. Аус рулаӡом акультуратә усбарҭақәа - атеатрқәа, амузеиқәа, абиблиотекақәа, аконцерттәи ацәыргақәҵатәи залқәа.

Иаркызаауеит ахәыҷбаҳчақәеи ашколқәеи, аҵараиуратә зыҟаҵарақәа, иара убас аспорттә, акәашаратә секциақәа аус рур ҟалаӡом. СПА-салонқәеи, асаунақәеи, амассажҟаҵарҭақәеи русуразы азин ыҟам. 

Абри аамҭазы аҳәынҭқарратә биуџьеттә усбарҭақәа 60 шықәса иҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәыроуп русураҟынтә. Убри аан руалафахәы рзынрыжьроуп. Абри аҩыза абжьгарақәа рыҭоуп икоммерциатәуи иккоммерциатәыми аиҿкаарақәагьы.

Аҳәынҭқарратә усбарҭақәа русзуҩцәа амедицинатә сабрадақәеи анапхаҵақәеи хымԥада иныҟәыргалароуп. Анапхгара ируалуп русуҩцәа арзҩыдагатә маҭәашьарқәа рыла реиқәыршәара.

Атәылауааи асасцәеи ауаажәларратә ҭыԥқәа рҿы хымԥада амедицинатә сабрадақәа ныҟәыргалароуп.

Жьҭаара 14 рызтәи аҭагылазаашьала Аԥсны акоронавирустә инфекциа рыдырбалахьеит 2479-ҩык ауааԥсыра, урҭ рахьтә 1100-ҩык ргәы бзиахеит, 23-ҩык рыԥсҭазаара иалҵит.

28
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны

9
Аԥсны ахада Аслан Бжьаниа иҳәахьан, Урыстәылатәи Афедерациа Аԥсны ацхыраара анаҭоит ЕгрыГЕС аҿы аремонттә усурақәа рымҩаԥысраан ҳәа.

АҞӘА, абҵара 25- Sputnik. Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны, абри атәы аанацҳауеит Аекономика аминистрра апресс-маҵзура.

Урыстәыла аган ишьақәнырӷәӷәоит атехникатә ҟазшьа змоу ауснагӡатәқәа шынагӡоу Урыстәылантәи Аԥсныҟа афымцалашара аиуразы, абри атәы еилкаахеит аенергетика аминистрраҟны имҩаԥгаз аиҿцәажәарақәа рышьҭахь.

Аԥснынтә аилатәара далахәын аԥыза-министр ихаҭыԥуаҩ, аекономика аминистр Кристина Озганԥҳа.

Абҵара 25 рзы еилкаахеит Аԥсны афымцалашара арцәара аамҭа ԥшь-сааҭк рҟынтәи ҩ-сааҭк рҟынӡа иркьаҿхоит ҳәа.

Иара убас шәаԥхьар ҟалоит:

 

9