Президент Сирии Башар Асад. Архивное фото.

Башар Асад Аԥсны аԥыза-министр иҭахара инамаданы адышшылара ҟаиҵеит

26
(ирҿыцуп 09:39 12.09.2018)
Аԥсны Аԥыза-министр Геннади Гагәылиа машәырла дҭахеит цәыббра 8 ауха.

АҞӘА, цәыббра 12 – Sputnk. Шьамтәыла ахада Башар Асад цәыббра 11 рзы Аԥсны Ахада Рауль Ҳаџьымба адышшыларатә шәҟәы изааишьҭит Аԥсны аԥыза-министр Геннади Гагәылиа машәырла иҭахара инамаданы. Абри атәы аанацҳауеит Ахада иофициалтә саит.

"Гәалсра дула исыдыскылеит Шьамтәылантәи Аԥсныҟа шәыхынҳәраан аԥыза-министр Геннади Гагәылиа амҩатә машәыр аҟны дҭахеит ҳәа исаҳаз ашәаџь ажәабыжь", — ҳәа аҳәоит адышшылара атекст.

Башар Асад иазгәеиҭеит Геннади Гагәылиа аделегациа Шьамтәыла рыҟазаараан иҟазшьа ҷыдақәа шааирԥшыз, урҭ атәылақәа рыбжьара аиҩызаратә еизыҟазаашьақәеи аусеицуреи рырӷәӷәара иазырханы ишыҟаз.

"Шәыхьӡала срыдышшылар сҭахуп иҭахаз иҭаацәа, ижәлар. Аӷәӷәареи ачҳареи шәзеиӷьасшьоит. Иаҳҳхылаԥшхәу сиҳәоит иԥсы ҭынчзарц", — ҳәа иҩуеит Асад.

Аԥсны аԥыза-министр Геннади Гагәылиа Шьамтәыла официалтә визитла иҟаз аԥсуа делегациа далахәын. Шәачатәи аҳаирбаӷәаза аҟынтәи Аԥсныҟа амҩа иқәыз аиҳабыратә кортеж амҩатә машәыр ианиеит цәыббра 8 ауха. Геннади Гагәылиа иоуз аахақәа ирыхҟьаны иԥсҭазаара далҵит.

26
Атемақәа:
Аԥсны аԥыза-министр Геннади Гагәылиа иҭахара (37)