Ԥхынгәы 10 асааҭ 13:00 рзы имҩаԥгахоит авебинар абри атемала: "Атекст адизаин: иарбан, иаба, избан, иззы".
Аԥхьаҩ ажәабжь ҿыц дызладыԥхьалатәузеи ма асаит аҭааҩцәа рхыԥхьаӡара излазырҳатәузеи? Уи азы аматериал дыррала иазнеитәуп, "ауҳәан-сҳәан" аҭахӡам, аԥхьаҩ игәаԥхартә еиԥш ахышәа-ҵышәа иҭагӡатәуп. Абарҭ азҵаарақәеи еиуеиԥшым егьырҭ азҵаарақәеи дрылацәажәоит Арктика Урыстәыла аҟазаара иазку, афедералтә ҩаӡара змоу иаку аинформациатә проект Arctic.ru анапхгаҩы, аҳәынҭқарратә медиопроектқәа рзы аексперт Иулиа Атанова.
Иулиа жәашықәса инареиҳаны аинтернет-проектқәа раԥҵара, рҭыжьра, рырҿиара лнапы алакуп. Адизаин азы Британиатәи иреиҳаӡоу ашкол доушьҭымҭоуп (азанааҭ "Медиа-дизайн"). Спикерк иҳасаб ала дрылахәын апроектқәа: "Цифровая журналистика", адизаин ҿыц афестиваль "Среда", Media&Design Conference 2019, "Дизайн-выходных".
Онлаин-сессиахь ааԥхьара рымоуп афотоҭыхыҩцәа, абильдредакторцәа, ажурналистцәа, аблогерцәа, АИХқәа рхадацәеи апресс-маҵзурақәа русзуҩцәеи. Ахалархәра зҭаху зегьы заанаҵ аформа хадырҭәаарц аҳәара ҟаҳҵоит. Зыҽҭазҩыз рахь оналин-сессиа алагаанӡа сааҭк шыбжьоу ашәҟәы рзынаҳашьҭуеит уи шәаҭаарц алшара шшәоуа арбаны. Инарҭбаау аинформациа шәоур шәылшоит абри аҭел ала: +7 940 9977022.
SputnikPro — ааигәатәи аҳәаанырцә ажурналистцәа рзы имҩаԥырго рккаратә проект ҷыдоуп.
Апроект SputnikPro урыстәылатәии аҳәаанырцәтәии иреиӷьу амедиаменеџьерцәа, ажурналистцәа, апресс-маӡаныҟәгаҩцәа, аблогерцәа, аиҳабыратә курсқәа рыстудентцәа уҳәа имҩаԥырго асеминарқәеи, амастер-классқәеи, алекциақәеи ирсистемоуп. Адунеи атәылақәа 22 рҟны: Ермантәыла инаркны Индианӡа, Бырзентәыла инаркны Китаинӡа имҩаԥыргахьеит. 2018 шықәса раахыс апроект рхы аладырхәхьеит 80 тәыла рҟынтәи 3000-ҩык алахәылацәа. Иҿыцу ажәабжьқәа Facebook аҟны шәрызҿлымҳаз.
