Аџьынџьтәылатә еибашьра ду аветеранцәа адокументалтә фильм аҟны рыҽҭырхуеит

28
(ирҿыцуп 16:54 15.11.2020)
Апроект "Сара сеибашьра" - Аџьынџьтәылатә еибашьра ду аветеранцәа злаху адокументалтә фильмқәа рсериа ауп.

АҞӘА, абҵара 15 - Sputnik. Аџьынџьтәылатә еибашьра ду Аиааира 75 шықәса ахыҵра аҳаҭыраз зҭыхра иаҿу адокументалтә фильм "Сара сеибашьра" иалахуп аԥснытәи аветеранцәа хәҩык, абри атәы Sputnik иазеиҭалҳәеит апроект анагӡаратә продиусер Иулиа Петрова.

Апроект иафырхацәоуп аибашьра алахәылацәа - Борис Қәҭарба, Нонна Дорофеева, Екатерина Синиавскаиа, Алықьса Шьониа, Рубен Керапиан. Аветеранцәа рыҿцәажәара мҩаԥган Владислав Арӡынба ихьӡ зху Ахьӡ-аԥша амузеи аҟны, абҵара 14-15 рзы.

"Зеиԥш ыҟам архив ауп аибашьра аветеранцәа ргәалашәарақәеи, рыԥсҭазаашьеи, риааирақәеи, ргәаҟрақәеи ахьеиҭырҳәо авидео. Ҳандуцәеи ҳабдуцәеи рҭоурых ауп ари, дара еиҭарҳәоит угәы ҭызшьаауа ахҭысқәа", - лҳәеит Петрова.

Апроект аҳәаақәа ирҭагӡаны аветеранцәа ргәалашәарақәа раԥхьа ианҵан 2000 шықәсазы. Урыстәыла арегионқәеи, аибашьра ду аветеранцәа ахьынхо атәылақәеи зегь рҟны анҵамҭақәа ҟаҵан. Апроект архив еиднакылоит 400 фильм.

Петрова лажәақәа рыла, афильмқәа аекспертиза иахысит урыстәылатәи аҭоурыхтә-арратә институт аҟны, аусзуҩцәа ахәшьара бзиа арҭеит. Аҭоурыхҭҵааҩцәа рхархәаразы аҭыхымҭақәа еиуеиԥшым архивқәа рахь ирыҭоуп.

Адокументалтә фильмқәа хәыда-ԥсада Урыстәыла ателехәаԥшра аканалақәа ирыҭоуп.

Аԥсны апроект "Сара сеибашьра" аҭыхрақәа реиҿкааразы ацхыраара ҟанаҵеит Владислав Арӡынба ихьӡ зху Ахьӡ-аԥша амузеи, Аԥсны акультура аминистрреи, ауаажәларратә хеилак "Аԥсны аурыс уаԥшьи".

Иара убас шәаԥхьар ҟалоит:

28

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2

Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит

3
(ирҿыцуп 17:53 24.11.2020)
Пицундеи Цандрыԥшьи амҩақәа рремонт иалагараны иҟоуп Аԥсны асоциал-економикатә ҿиараз Аинвестпрограмма аҳәаақәа ирҭагӡаны.

АҞӘА, абҵара 24 – Sputnik, Бадри Есиава. Пицундеи Цандрыԥшь аҳаблеи рҿы амҩақәа рремонт иалагоит ҳәа Sputnik иазеиҭарҳәеит ахадарақәа рнапхгаҩцәа.

Пицунда ахада Алхас Шамба ишиҳәаз ала аусурақәа етап-етапла имҩаԥгахоит, Аԥсны асоциал-економикатә ҿиараз Аинвестпрограмма аҳәаақәа ирҭагӡаны.

© Foto / Адгур Дасания
Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит

"Ҳҟазауаа акаҭран ашьҭаҵара иалагеит Пицундатәи ауахәама аҿаԥхьа. Нас ақалақь иалҵуа амҩақәа ҩба ирылагараны иҟоуп.  Иахьынӡаздыруа ала акаҭран ареспубликатә трасса аҟынӡа ишьҭаҵахоит, уи 12 километра иҟоуп", - иҳәеит иара.

Атәылаҿы иҟоу афинанстә ҭагылазаашьа уадаҩ иахырҟьаны асеиԥш аусурақәа ирылагап ҳәа дшақәымгәыӷуаз иҳәеит Шамба.

Аҳәынҭҿаҵа нанагӡоит "Амҩа-ргыларатә комбинат", ахылаԥшра мҩаԥнагоит ареспублика акапиталтә ргылара аусбарҭа.

© Foto / Адгур Дасания
Аинвестпрограмма аҳәаақәа ирҭагӡаны Пицундеи Цандрыԥшьи амҩақәа рремонт иалагоит

Аҳабла  Цандрыԥшь амҩа хадагьы акаҭран ақәҵара иалагеит. Аҳабла ахада Адгур Дасаниа ишиҳәо ала жәамшҟа раԥхьа азыҟаҵаратә усурақәа ирылагеит.

"Октябрьскаиа амҩа акаҭран ықәҵахоит, аҳәааҟынтәи ихадоу амҩанӡа 9 километрак иҟоуп. Амҩа даара иԥхасҭан. Ҳара курорттә раионуп, аԥхын арахь иаауа атуристцәа рацәаҩны ҳҳабла иалсуеит",- иҳәеит иара.

Иара иҳәеит Октябрьскаиа амҩа аремонт шазыруа Аинвестпрограмма ахархәарала.

Иара убас шәаԥхьар ҟалоит:

3