Бжьаниа аоппозициа аганахьала акадртә политика далацәажәеит

11
(ирҿыцуп 18:22 17.11.2020)
Аҟәа имҩаԥгаз апресс-конференциаҿ Аслан Бжьаниа иҳәеит ашықәс нҵәаанӡа даҽа ҩ-кадр ԥсахрак мҩаԥгахараны ишыҟоу.

АҞӘА, абҵара 17 - Sputnik, Сариа Кәарцхьиаԥҳа. Аҟәа имҩаԥгаз апресс-конференциаҿ Аԥсны ахада Аслан Бжьаниа далацәажәеит аиҳабыраҿы иҟалараны иҟоу акадртә ԥсахрақәа ртәы.

Ахада игәаанагарала, иахәҭаны иҟоуп иааиԥмырҟьаӡакәа ауаажәларратә еиҿкаарақәеи апартиақәеи аус ахьрыцрулаша аҭыԥ.

"Ари хымԥада иаҭаху усуп. Сгәанала хара имгакәагьы усеиԥш иҟоу аҭыԥ еиҿкаахоит", - ҳәа иҳәеит иара.

Бжьаниа дақәгәыӷуеит аиҿкаарақәеи апартиақәеи афактқәа мацара ирықәныҟәалап, игәаҭам аинформациа рхы иадырхәарым ҳәа. Иара игәаанагарала уи хымԥадазароуп.

"Аус азы хәарҭара змоу ажәалагала уеигәырӷьаны иудукылоит", - иҳәеит Аслан Бжьаниа.

Бжьаниа инаҵшьны иазгәеиҭеит ахадас даныҟала инаркны дышрыцәхьаҵыз иара идымгылоз ауаа русура рамхра апозициа.

"Игәашәҭазар, аҭыԥ дуқәа рҿы аус зуа жәпаҩык уаанӡатәи ахада ихаан аус зуаз роуп. Ари сазхәыцны иҟасҵаз шьаҿоуп. Ҿыц иасҭаз раасҭа еиҭасҭаз еиҳауп. Агәра згоит ҳтәылауаа уи ахә ҳаракны ишыршьаз", - ҳәа иҳәеит иара.

Ахада иажәақәа рыла, акадртә ԥсахрақәа хымԥада иҟалоит, аха урҭ ауаҩы аус ахьиуаз аштаб иадҳәаламзароуп.

"Раԥхьа иргыланы ауаҩы инапы иану шынеигӡо ауп. Ҩыџьа анапхгаҩцәа ашықәс нҵәаанӡа иԥсахтәхоит", - ҳәа иҳәеит Аслан Бжьаниа.

Аԥсны ахада Аслан Бжьаниа апресс-конференциа мҩаԥигеит абҵара 17 рзы.

Иара убас шәаԥхьар ҟалоит:

11
Ноги младенца в руках матери

COVID-19 аан ан лҟынтәи ахәыҷ иахь ацәеижьҿагыларақәа шиасуа атәы аарԥшуп

4
Уаанӡа Роспотребнадзор аҟны еилыркаахьан адуцәа шракәу ахәыҷқәа авирус рылазгало.

АҞӘА, ԥхынҷ 1 - Sputnik. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, ҳәа лҳәеит Роспотребнадзор ЦНИИ аепидемиологиа аклиника-аналитикатә усуразы адиректор ихаҭыԥуаҩ Наталиа Пшеничнаиа. Абри атәы аанацҳауеит РИА Новости.

"SARS-CoV2 IgG,  SARS-CoV2 IgA рахь ацәеижьҿагылақәа аарԥшуп COVID-19 змаз ан лгәыԥҳәыхш аҟны. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, аха урҭ ирласны иӡуеит, убри азоуп ахәыҷы агәыԥҳәыхш ифонаҵы дзыхьчо", - лҳәоит Пшеничнаиа.

Лара иазгәалҭеит COVID-19 змоу анацәа згәы бзиоу рхәыҷқәа рҟны ацәеижьҿагыла шаадырԥшуа.

Урҭ ацәеижьҿагылақәа ирласны рыӡра ишьақәнарӷәӷәоит дара ан лҟынтәи ахшара иахь ииасыз шракәу, лҳәоит аепидемиолог.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Валериа Адлеиԥҳа ҷыдала афестиваль "Аԥсны" азы ашәа ҿыц ҭалҩит

9
(ирҿыцуп 10:32 01.12.2020)
Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы.

АҞӘА, ԥхнҷ 1 – Sputnik. Валериа Адлеиԥҳа ҷыдала афестиваль "Аԥсны", Москватәи аԥсуа диаспора еиҿыркааз азы иҭалҩит аԥсышәала ашәа "Сыҟоуп уааигәара" (Я с тобой). Абри атәы  Sputnik иазеиҭалҳәеит лара ашәаҳәаҩ лхаҭа.

"Афестиваль "Аԥсны" ҩынтәуп салахәхоижьҭеи. Ҵыԥх Москва сықәгылан, сынтәа апандемиа иахҟьаны иҳаӡбеит онлаин амҩаԥгара. Азыӡырыҩцәа рзы ашәа-аҳамҭа ҭааҩит",- лҳәоит лара.

Валериа лажәақәа рыла ашәа аҩызареи аицхыраареи ирызкуп.

"Ашәаҿ уҩыза  ҭагылазаашьак иахҟьаны инапқәа аниваҳауа, имч анымхо ушивагылаша атәы аҳәоит. Зегь шыбзиахо агәра иуыргароуп. Ашәа ахьӡгьы "Сыҟоуп уааигәара" ҳәоуп ишыҟоу",- лҳәоит лара.

Ажәақәеи амузыкеи иҩит Анри Гәымба, ашәа акустикатә версиа иалахәын амузыкантцәа - Алхаси Алмасхани Марколиаа, Ҭимур Агрба. Абек вокал – аԥсуа блогер Сандро Аблоҭиеи Ирена Сымсымԥҳаи.

Афестиваль "Аԥсны", Москватәи аԥсуа диаспора еиҿыркааит цәыббра 30 2018 шықәса рзы.

2020 шықәсазы акоронавирустә пандемиа иахырҟьаны онлаин-формат ала имҩаԥгахоит.

Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы афестиваль лҽалалырхәырц анаԥхьара лыҭан.

Иара убас шәаԥхьар ҟалоит:

9