Урыстәыла АШәМ Ҟрыми Ҭаҭарсҭани ИГИЛ "афинансистцәа" русурақәа ԥнакит

3
(ирҿыцуп 14:04 16.02.2021)
Иаанкыло ирымхуп аимадаратә хархәагақәа, акомпиутертә техника, аинформацианыҟәгага, рганахь ала атеррористцәа рыцхырааразы ҳәа ашьаус хацыркуп.

АҞӘА, жәабран 16 - Sputnik. Урыстәыла АШәМи Росфинмониторинги Ҟрыми Ҭаҭарсҭани ИГИЛ ("Исламское государство") аԥара азеизызгоз "афинансистцәа" русурақәа ԥнакит. Абри атәы аанацҳауеит Урыстәыла АШәМ ауаажәларратә еимадарақәа Рцентр.

Азинеилагаҩцәа агәыҳалалратә усура мҩаԥыргошәа аинтернет ала аԥар еизыргон аҳәаанырцә иҟоу атеррористцәа рзы. Аусҭҵаара адыррақәа рыла ари аус мҩаԥысуан 2015 -2019 шықәсқәа рзы.

Иаанкыло ирымхуп аимадаратә хархәагақәа, акомпиутертә техника, аинформацианыҟәгага.

Иаанкылоу рганахь ала атеррористцәа рыцхырааразы ҳәа ашьаус хацыркуп.

3

Аԥсны даҽа 21 акоронавирустә хҭыс ҿыц ашәҟәы иҭагалоуп

3
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны афымцалашара аиуразы аамҭалатәи аԥкырақәа алагалоуп

22
(ирҿыцуп 18:27 05.03.2021)
Авольтҳарак цәаҳәа "Кавкасиони" аҟны аремонттә усурақәа цонаҵы Аԥсны аамҭала афымцалашара арцәара аграфик алагалоуп.

АҞӘА, хәажәкыра 5 - Sputnik. Аԥсны афымцалашара аиуразы аамҭалатәи аԥкырақәа алагалахоит авольтҳарак цәаҳәа "Кавкасиони" аҟны аремонттә усурақәа хәажәкыра 5, асааҭ 21:00 рзы ихыркәшамхар, ҳәа адырра ҟанаҵоит "Амшынеиқәафымцамч".

Ацәаҳәаҿы имҩаԥысуа аусурақәа ирыхҟьаны Урыстәылантәи Аԥсныҟа иааиуа афымцалашара аиура еиԥҟьоуп.

Аамҭа-аамҭала афымцалашара арцәара аграфик абас иҟоуп:

  • асааҭ 15:00- 16:00 - АҲ Баӷмаран-1, астанциа маҷ Гагра-3
  • асааҭ 16:00- 17:00 - астанциа маҷ Сухум-220, астанциа маҷ  Гагра-2, ПС Цандрипш-тяга, астанциа маҷ Бзыбь-220, ПС Тҟәарчал ГРеС, АҲ Калдахәара
  • асааҭ 17:00- 18:00 -АҲ Шешелети-1, Гагра-1 (Т1)
  • асааҭ 18:00 до 19:00 - АҲ Шешелети -2, АҲ кьалашәыр, АҲ Пицунда, астанциа маҷ Гычрыпшь
  • асааҭ 19:00- 20:00 - АҲ Баӷмаран-2, АҲ Чагал, астанциа маҷ Гагра-1 (Т1)
  • асааҭ 20:00 до 21:00 - астанциа маҷ Алаҳадзыхь.

Ԥхынҷкәын 11 рзы Аԥсны Урыстәылантәи алашара аиура иалагеит, убри аан ажьырныҳәа 20 рҟынӡа Гәылрыԥшь, Очамчыра, Гал, Тҟәарчал араионқәа ЕгрыГЕС аҟынтәи ироуан алашара.

Иара убас шәаԥхьар ҟалоит:

22
Атемақәа:
Аԥсны аенергетика апроблемақәа