Аҵарауаа ишьақәдыргылеит алаҵа ашьҭахь акоронавирус зласыз рыпроцент

36
(ирҿыцуп 11:12 29.08.2021)
Голландиатәи аҵарауаа COVID-19 зыхьуа рыстатистика ҭырҵааит алаҵа ззыҟаҵаз амедицинатә усзуҩцәа рыбжьара.

АҞӘА, нанҳәа 25 - Sputnik. Алаҵа ҟазҵаз рҟынтәи атест-гәыԥ аҟынтәи ачымаза шьҭызкааз процентк иреиҵахеит. Аҭҵаара аихшьаалақәа кьыԥхьын асервер medRxiv.org аҿы.

© Sputnik / Томас Тхайцук

Убри аан иазгәаҭан ирыхьыз коронавирус аштамм  ҿыц "дельта" шакәыз.

Аҵарауаа ишырҳәо ала иахьазы рхы иадырхәо алаҵақәа рҟынтәи акгьы 100-процентк хра аманы ишыҟам.

Нидерландиатәи  Еразмус Амедицинатә центри Радбауд Ауниверситети рҵарауаа анализ азыҟарҵеит COVID-19 амедицинатә усзуҩцәа рыхьра, аҭыԥантәи ахәышәтәырҭақәа ҩба рҿы.

Дара иҭырҵааит  алаҵа аҩбатәи адоза ашьҭахь 14 мшы рыҩныҵҟала ицәырҵыз аҿкыра, убри аан 45 мшы уи аԥхьа  ауаҩы акоронавирус иҵоуроу арбагақәа имамкәа иҟазаараан.

Анализ иаанарԥшит алаҵа нагӡаны изоуыз 24 706-ҩык рҟынтәи 161-ҩык шычмазаҩхаз. Ари иартәоит 0,65 процент.

Авторцәа ишазгәарҭо ала, убри аан изласызгьы ачымазара уадаҩрада ирхыргон, ахәышәтәырҭахь аӡәгьы днагамызт. 90,5 процент SARS-CoV-2 адельта-вариант акәын. Ичмазаҩхаз рыбжьаратә қәра 25,5 шықәса рыкәша-мыкәша иҟоуп.

36

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Путин Аҳәынҭқарратә Дума ҿыц аҿаԥхьа ӡбатәыс иқәгылоу азҵаарақәа рыӡбахә иҳәеит

3
(ирҿыцуп 20:08 25.09.2021)
Урыстәылатәи Афедерациа ахада Владимир Путин аилацәажәара мҩаԥигеит Аҳәынҭқарратә Думахь иалырхыз аполитикатә партиқәа рнапхгаҩцәа алархәны, аусураҟны ақәҿиарақәа рзеиӷьеишьеит, абжьгарақәа риҭеит.

АҞӘА, цәыббра 25 - Sputnik. Урыстәылатәи Афедерациа ахада Владимир Путин Аҳәынҭқарратә Дума ааԥхьара ҿыц адепутатцәа рҿаԥхьа нагӡатәыс иҟоу адҵақәа рыӡбахә иҳәеит, абри атәы аанацҳауеит РИА Новости.

Урҭ рыбжьара:

  • аӷарра армаҷӡара
  • заагарҭа маҷу аҭаацәарақәа рынхашьа, рыҿиара, рҵара, рыкрыфара аиӷьтәра
  • ҳаамҭа иақәшәо аҵараиуреи агәабзиарахьчареи рыҩаӡара аҳаракреи изҭаху иоуртә аҟаҵареи
  • аекономика аструктураҟны ицо аиҭакрақәа рыцҵара атехнологиа ҳаракқәа рхархәарала. 

Аҳәынҭдумахь инеиз апартиақәа рхаҭарнакцәа рԥылараан атәыла ахада ааԥхьара риҭеит алхрақәа рыламҭалаз алхыҩцәа иҟаҳҵоит ҳәа агәра иддыргоз нарыгӡаларц.

Цәыббра 17-19 рзы имҩаԥысыз алхрақәа рылҵшәақәа рыла, ҵаҟатәи апалата иақәшәеит хә-партиак: "Иаку Урыстәыла", КПРФ, "Ииашоу Урыстәыла - Аиаша иадгылоу", ЛДПР, "Ауаа ҿыцқәа".

"1999 шықәсазы имҩаԥысыз алхрақәа рышьҭахь раԥхьаӡа акәны Адумаҿы ԥшь-фракциак иреиҳаны иҟалоит, ари иаанаго алхрақәа демократиала имҩаԥысит, ҳтәылаҿы адемократиа ҿиоит, уи иаанагоит еиуеиԥшым аполитикатә мчқәа рхы аадырԥшыр рылшоит ҳәа", - азгәеиҭеит Путин.

Иара инаҵшьны иҳәеит алхрақәа иаартны, азакәан инақәыршәаны имҩаԥысит ҳәа.

3