Урыстәыла COVID ауаҩы иалазар 27 минуҭ рыла ишьақәзыргыло арызага аԥырҵеит

10
(ирҿыцуп 16:32 07.09.2021)
Уаанӡа Афедералтә медико-биологиатә маҵзура иаԥнаҵахьан атест-ццакқәа рвариант, акоронавирус ашьақәыргыларазы.

АҞӘА, цәыббра 7 - Sputnik. Урыстәылатәи аҟазауаа COVID ауаҩы ицәеижь аҿы аҟазаара 27 минуҭ рыла ишьақәзыргыло арызага  аԥырҵеит. Абри атәы аанацҳауеит  РИА Новости Афедералтә медико-биологиатә маҵзура атранслиациатә медицинеи аинновациатә технологиақәеи Русбарҭа аиҳабы, амедицинатә ҭҵаарадыррақәа рдоктор Дариа Кручко лажәақәа ҵаҵӷәыс иҟаҵаны.

27 минуҭ аамҭа аҭахуп аматериал агара ашьҭахь, алкаа аҟаҵаразы ҳәа лҳәоит Криучко.

"Уажәы амаҵзура аусбарҭақәа руак аҿы, ФМБА афизико-химиатә Институт аҟны авирус антиген аҟазаара аилкааразы арызага аус адыруылоит. Шьаҭас иамоуп аизотермикатә амплификаци аметод", - ҳәа азгәалҭеит лара.

Лара иацылҵеит насгьы SARS-Cov-2 авирус егьырҭ антигенқәагьы реилкаара алшо иҟалап ҳәа ари ахархәага аус еиҭадуылахар.

10

Бибилов иҳәеит Бжьаниеи иареи злацәажәараны иҟоу азҵаарақәа рыӡбахә

4
2005 шықәса цәыббрамзазы Аԥсны Аҳәынҭқарреи Аахыҵ Уаԥстәылеи аусеицуразы аиқәшаҳаҭра рыбжьарҵеит.

ГАГРА, цәыббра 27 - Sputnik, Бадри Есиава. Аекономика, акультура, аспорт, аҵарадырра уҳәа ирылацәажәараны иҟоуп Аԥсни Аахыҵ Уаԥстәылеи рхадацәа. Абри атәы ажурналистцәа ирзеиҭеиҳәеит Анатоли Бибилов.

"Сара ара Аԥсны ахада Аслан Бжьаниа иааԥхьарала сыҟоуп. Ҳара ҳрылацәажәараны ҳаҟоуп аекономикатә ҿиара, акультура, аспорт, аҵарадырра уҳәа аусхкқәа", - ҳәа иҳәеит Бибилов.

Иара иазгәеиҭеит Аԥсни Аахыҵ Уаԥстәылеи рыбжьара аешьаратә еизыҟазаашьақәа аибашьра ҟалаанӡагьы аҿиара аманы ишыҟаз, ажәытә аамҭақәа раангьы аҿиара шрымаз.

Бибилов иҳәеит ԥхьаҟагьы арҭ аизыҟазаашьақәа еиҳагьы иҭбаахап, иҵауылахап ҳәа агәра шиго.

Аахыҵ Уаԥстәыла ахада Анатоли Бибилов Аԥсныҟа дааит цәыббра 27 азы Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа ихы рылаирхәырц.

Аҳәааҿы асасцәа ирԥылеит Аԥсны ахада ихаҭыԥуаҩ Бадра Гәынба, Адәныҟатәи аусқәа рминистр Даур Ақаҩба, Гагра араион ахада ихаҭыԥуаҩ Алхас Барцыц.

Ашәахьа цәыббра 27 рзы, Анатоли Бибилов напхгара зиҭо Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.

Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәо агәалашәаратәи аныҳәатәи усмҩаԥгатәқәа.

 

4

Аԥсны ахада аҳазалхратә усбарҭа аусзуҩцәа аҳамҭақәа ранеишьеит

16
(ирҿыцуп 16:04 27.09.2021)
Аԥсны Аҳәынҭқарратә ҳазалхратә еилакы шьаҭаркуижьҭеи 30 шықәса ҵит. 1991 шықәса цәыббра 27 аҽны Владислав Арӡынба зхадараҿы дгылаз Аԥсны АССР Иреиҳаӡоу асовет иаднакылеит ақәҵара аҳазалхратә усбарҭа аартразы.

АҞӘА, цәыббра 27 - Sputnik, Бадраҟ Аҩӡба. Аԥсны Аҳәынҭқарратә ҳазалхратә еилакы аусзуҩцәа рҳамҭаҭара мҩаԥысит Аԥсны ахада Иусбарҭаҿы.

"Ҳаҭыр зқәу Аԥсны Аҳәынҭқарратә ҳазалхратә еилакы аусзуҩцәа, ишәыдысныҳәалоит шәиубилеитә рыцхә. 1991 шықәса цәыббра 27 аҽны Владислав Арӡынба зхадараҿы дгылаз Аԥсны АССР Иреиҳаӡоу асовет иаднакылеит ақәҵара аҳазалхратә усбарҭа аартразы", - ҳәа иҳәеит Аслан Бжьаниа.

Аԥсны Аҳәынҭқарратә ҳазалхратә еилакы арҭ аамҭақәа зегьы рзы атәыла аекономика рӷәӷәо иахьчоит амилаҭтә интересқәа, аҳәынҭқарра абиуџьет ахарҭәаараҿы ламысцқьала аусура мҩаԥнагоит ҳәа иҳәоит ахада иҟаиҵаз адныҳәалараҿы.

Аԥсны ахада иусдҵақәа рыла: изаамҭанытәиу ачын "аҳазалхратә усбарҭа полковник" ланашьоуп аилак документла аиқәыршәара аҟәша аиҳабы Белла Кәыҵниаԥҳа, агәлаҵатә дырга ранашьоуп Анана Гогохьиа, Ҭемыр Лашәриа, Алхас Тарнаа, Леван Чагәаа, Георги Чхотуа, агәлаҵатә дырга "Аԥсны Аҳәынҭқарра зҽаԥсазтәыз аҳазалхҩы" ранашьоуп Еҭери Ачԥҳа, Оҭар Ашәба, Гәырам Барцыц, Нона Кәыҵниаԥҳа, Беслан Кобахиа, Светалана Маанԥҳа, Алиас Хышба, Иола Чабалырхәа.

Цәыббра 27азы Аԥсны Аҳәынҭқарратә ҳазалхратә еилак аҿы рмаҵуратә уалԥшьа анагӡараан иҭахаз аусзуҩцәа рбаҟа аадыртит.

16

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

0
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

0