Акультура аминистрра РУСДРАМ анапхгаҩы иаарту ишәҟәы аҭак ҟанаҵеит

73
(ирҿыцуп 15:20 09.09.2021)
Цәыббра 3 азы РУСДРАМ адиректор хада Иракли Хынҭәба Акультура аминистр Гәдиса Агрба иаарту ашәҟәы изынеишьҭит ԥхынгәы 12 раахыс акультура аусҳәарҭақәа русура аанкылара инадҳәаланы.

АҞӘА, цәыббра 9 - Sputnik. Акультура аминистрра агәыӷра аанарԥшуеит хара имгакәа атәылаҿ аепидемиологиатә ҭагылазаашьа еиӷьхап, акультура аусҳәарҭақәагьы русура иазыхынҳәып ҳәа аанацҳауеит аусбарҭа апресс-маҵзура.

Аминистрраҿы иазгәарҭеит ибзианы ишеилыркаауа РУСДРАМ адиректор хада Иракли Хынҭәба атеатр аусура ахьԥку азы имоу агәҭынчымра.

"Еилкаауп Акультура аминистррагьы ари азҵаара аӡбра аинтерес шамоу, аколлективқәа рҟазара азыхынҳәра ргәы шазыҳәо", - ҳәа аҳәоит адырраҿы.

Уаанӡа Аурыс драматә театр анапхгаҩы иаарту ишәҟәаҿы иҳәеит Акультура аминистр иҟоу азы игәаанагара иҳәар шихәҭоу, "ишалшо алагьы акультура ахьчареи, акультуратә усҳәарҭақәа русура арманшәалараеи, урҭ  рыҿиареи рзы  илшо зегь ҟаиҵар шакәу".

Ԥхынгәы 12 раахыс акультура аусҳәарҭақәа русура аанкылоуп Акультура аминистр Гәдиса Агрба идҵала. Нанҳәа 13 рзы Аԥсны ахада Аслан Бжьаниа ауааԥсыра ковид рацәыхьчаразы Акоординациатә штаб абжьгарала аусдҵа инапы аҵеиҩит ачымазара аԥырҟәҟәаразы аԥкрақәа рӷәӷәазарц. Арахь иаҵанакуеит акультуратә усҳәарҭақәа русура аанкыларагьы.

Цәыббра 30 2021 шықәсазы Аԥсны ахада Аслан Бжьаниа Акультура аминистрра анапхгара раԥшьгамҭала Агәабзиарахьчара аминистр далархәны аилацәажәара мҩаԥигеит. Ара иҟаҵан ажәадгалақәа аамҭа-аамҭала акультуратә усҳәарҭақәа аԥкрақәа ирылгазарц, русура иалагартә алшарақәа рыҭазарц.

73
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13

Аԥсны урыстәылауаа абҵарамзазтәи аԥсшьарамшқәа рзы иалырхуа аҭыԥқәа ирхыԥхьаӡалоуп

12
(ирҿыцуп 17:52 18.09.2021)
Абҵарамзазтәи аԥсшьарамшқәа рзы атуристцәа иалырхуа аамҭакьаҿла иахьыԥыруа ҭыԥқәоуп Ҭырқәтәыла, Урыстәыла, Венгриа, Аԥсны, ЕАЕ.

АҞӘА, цәыббра 18 - Sputnik. Урыстәылауаа абҵарамзазтәи рыԥсшьарамшқәа рхыгара ргәы иҭоуп Аԥсны, Ҭырқәтәыла ЕАЕ, Мысра мамзаргьы Урыстәыла аҩнуҵаҟа. Аха макьана  заанаҵтәи аҿаҵарақәа ирыламгаӡацт ҳәа рыҩуеит РИА Новости атурусбарҭақәа рхаҭарнакцәа шьаҭас иҟаҵаны.

 Anex Tour аҟны ишазгәарҭаз ала, абҵарамзазтәи аныҳәатә ԥсшьарамшқәа рзы атуристцәа иалырхуа ҭыԥқәоуп аамҭакьаҿла иахьыԥыруа Ҭырқәтәыла, Урыстәыла, Венгриа, Аԥсны ЕАЕ.

Аԥсны ԥшьаха-ԥшьымш 3* змоу асасирҭақәа рыҟны рыхәқәа 48 нызықь мааҭ инадыркны иаԥсоуп. 

Абҵара 4 инаркны Ҭырқәтәыла ҩыџьа ԥшьаха-ԥшьымш 5* змоу асасирҭақәа рҿы зегьы уахь иналаҵаны (рыкрыфара, рымҩа) 44 нызқь мааҭ инаркны. Мысра - 104 нызқь мааҭ инаркны. ЕОЕ - 105 нызқь мааҭ. Венгриа 3* змоу асасирҭаҿы ԥшьаха иаԥсоуп 117 нызқь инаркны.

Level.Travel апресс-маҵзураҿы иазгәарҭеит, абҵарамзазтәи аныҳәатә ԥсшьарамшқәа рзы аԥсшьара ицар зҭаху рхыԥхьаӡара акыр ишеиҳау 2019 шықәа иаҿурԥшозар.

Иара убас шәаԥхьар ҟалоит:

  • Аԥсны амшынеиқәа иаԥну аԥсшьарҭаҭыԥқәа ӡегь раасҭа ахә ахьымариоу ҳәа  иалыркааит
12