Аԥсуа-ақырҭуа ҳәаа

Аныхеи агәҭыхеи анушьҭоу, мамзаргьы ҳҳәынҭқарратә политиказы зҵаарақәак

161
(ирҿыцуп 20:45 29.01.2020)
Қырҭтәылеи ҳареи иҳабжьаҳамҵацт аҭынчратә еиқәшаҳаҭра. Урҭ иахьа уажәраанӡагьы Аԥсны архынҳәразы ирымоу агәҭакы анагӡаразы рхы иадырхәо аметодқәеи аԥсуаа ҳҳәынҭқарратә политика ԥсыҽрақәас иаанарԥшуеи ртәы шәаԥхьа Елеонора Коӷониаԥҳа лматериал аҿы.
Аныхеи агәҭыхеи анушьҭоу, мамзаргьы ҳҳәынҭқарратә политиказы зҵаарақәак

Инымҵәаӡо еибашьра ыҟамзар акәхап, аха аԥсуа-ақырҭуа еибашьра рацәакгьы ахыҵуам, макьаназы агрессорцәеи ҳареи официалла еиқәшаҳаҭракгьы ҳамам, аибашьра анцоз ааха иҳарҭаз азы компенсациак ҳшәап ҳәа агәҭакгьы рымам, "аоккупациа зызуу атәыла" ҳәа иҳашьҭоуп 2008 ш. Урыстәыла ҳахьазханаҵаз азы. Бџьарла Аԥсны рнапаҿы ишырзаамгогьы рзымдыркәа иҟам, аха, зегь акоуп, рполитикатә философиа зегь зызку Аԥсны дырҩегьых архынҳәроуп.

"Еибашьрада Аԥсны Қырҭтәылахь аргьежьра" захьӡу амҩа алырхит ақырҭуа политикцәа ҳаԥсыҽрақәа гәаҭаны, еиҳа зеиҩаӡара мариоу, иуашәшәыроу ахырхарҭақәа алкааны. Зегь раԥхьаӡа иргыланы иазгәасҭарц сҭахуп аибашьра шеилгаз еиԥшҵәҟьа, иацы иҳахьыз ааҳхашҭын, даргьы ҳаргьы џьаргьы ианым ахәаахәҭратә еизыҟазаашьақәа шышьҭаҳхыз. Еиуеиԥшым атауарқәа уахь ицоит, арахь иаауеит. Ажәакала, аҳәынҭқарра хашәалахәы азымҭо абжьахәаахәҭра мҩаԥысуеит иааиԥмырҟьаӡакәа.

Ари азымхо, агәабзиара захьӡу ахырхарҭаҿгьы, ҳуааԥсыра рзы иманшәалахаша амҩақәа аадыртуа иалагеит, Қырҭтәыла амаа зку, иара убас дара қьаҳиацәас ирымоу Америкеи Европеи нарыцырхыраааны. Аҵыхәтәантәи аамҭазы Аԥсныи Урыстәылеи рыбжьара аҽыхәшәтәразы аиқәшаҳаҭрақәа шыҟоугьы, амедицинатә ԥгаԥса ҳәа изышьҭоу аус ауазаргьы, зегь акоуп ҳауаажәлар Қырҭтәылатәи аклиникақәа рахь ицоит. Иҟоуп ари амҩа шәарҭам, иамоузеи ауаҩы иахьиҭаху ҽыхәшәтәра дцар ҳәа изыԥхьаӡо, иара убри аан уи хьымӡӷуп ҳара ҳтәылазы ҳәа агәынамӡара знаҭогьы.

Элеонора Когония и Марина Барциц во время войны в Гудауте
© Фото : предоставлено Элеонорой Когония

Аԥсуаа рдунеихәаԥшышьа ҳазааҭгылозар, рашьа дызшьыз агәыла иахь шылаԥсахра ҳәа инеиуамызт. Сара сгәанала, игәаӷьыуацәоуп ҳауаажәлар ргәабзиара агеноцид ҳзызуаз аҳәынҭқарра анапы анҵара. Аха ауаҩы убас дшоуп, игәабзиара аҳаҭыразы иалихуеит еиҳа иманшәалоу, еиҳа иласу, еиҳа зыхә мариоу амҩа, иҟаз аибашьра хырҩа азуны.

Қырҭтәыла акураторцәеи дареи ихәыцны ирымоуп амедицинатә проект, қәҿиаралагьы инарыгӡоит. Аҳәара сцәыуадаҩуп ҳтәылауаа рахьтә шаҟаҩы уахь ицаны рҽырхәышәтәуа, уи аҩыза аинформациа џьаргьы исзымԥшааит, аха, алымҳаҭасқәа исымоу рыла, рхыԥхьаӡара маҷым иааиԥмырҟьаӡакәагьы уахь ицо.

Аԥсны Агәабзиарахьчара аминистрра иаҳнаҭо аинформациа ала "шықәсыки бжаки иалагӡаны Урыстәылатәи аклиникақәа рахь аҽыхәышәтәразы ишьҭуп 800-ҩык рҟынӡа ҳтәылауаа". Абарҭқәа рыдагьы, ицәырҵит алшара, Урыстәыла атәылауаҩра змамгьы, уахь ахәышәтәразы рышьҭра.

Схатә ԥышәа салацәажәозар, сыԥшәма аибашьра аветеран игәабзиара иахылаԥшуа аҳақьымцәа иҟарҵаз алкаа ала, Аԥсны анҭыҵ иҷыдоу аклиникаҿы ихьуа ҭҵаатәуп. Қырҭтәылаҟа ацара ҳхахьгьы имааит, Агәабзиарахьчара аминистррахь ашәҟәы алаҳҵан, маҷк иагхазаргьы, иааиуа цәыббрамзазы изыԥшуп Москватәи ахәышәтәырҭақәа руак аҿы.

Хымԥада, аҳәынҭқарра иҳәаақәнаҵозар ауп атәылауаа ргәабзиара ахылаԥшра, ҳаӷацәа рахь имцарц азы, иаарласны ахәышәтәра зҭаху ауаа Урыстәылаҟа, ма даҽа ҳәынҭқаррак ахь рцара аиҿкаара дырласлароуп. Ус акәзаргьы, ари зыҩуа сзы аилкаара уадаҩуп, иҳабашьуаз ҳнапы рымҵакны, шәҳацхраа ҳәа ҳахьцо?! Дара џьаракыр ирҳәама "аԥсуаа, шәҿаԥхьа ахара ду ҳадуп, шәгәабзиара ахарџь ахҭнаҳҵоит" ҳәа. Қырҭтәыла ицаны иаауа зегь ргәабзиара ахьышәҭҳәа иаушьақәгылахуа, шаҟантә иҟалахьоузеи, аибашьра аветеранцәа уа рдунеи рыԥсахны арахь рҭоубыҭқәа анаарго. Аибашьраҿы иҭахаз апоет қәашьда Саида Делԥҳа илымҳәахьази: "Ихынҳәуан аибашьцәа, иззеибашьуаз рхашҭны" ҳәа. Абарҭқәа зегь ҳҳәынҭқарра аполитика ахьысҳара иахҟьоит. Ауаажәларра ракәзар, ирласны иархашҭуа иалагеит Сталин ихаан ирыцҳашьан иҳадаҳкылаз, нас иааҳәны ишаҳҿагылаз.

Агәабзиара ахьчаразы адагьы, ақырҭқәа рахь ицоит амаҭәа аахәара, ма ашьапылампыл ахәаԥшразы, ажәакала аиҭанеиааира ҿианы иҟоуп.

Агәабзиара иазку аполитика анаҩсан, ирлас-ырласны иаахәыҵҟьоит аԥсуааи ақырҭқәеи ркультуратә еимадарақәа ртәы. Уажәааигәа ақырҭуа интернет ҵакыраҿы ицәырҵит аԥсуааи ақырҭқәеи "Аныха" захьӡу адокументалтә фильм еицҭырхит ҳәа. Аԥсуааи ақырҭқәеи рызҵаатәқәа рыҭҵааразы ақырҭуа ҭҵаарадырратә усҳәарҭа ахада Зураб Шенгьелиа иҳәоит: "Ари афильм аԥсуаа иҭырхит ҳаргьы ҳалархәны", - ҳәа. Шенгьелиа иажәақәа рыла, афильм ԥсышәала иҟаҵоуп, Қарҭ иддырбоз қырҭшәала асубтитр аман. "Ари аусеицура ақырҭқәа рзы аԥсуа етно-культуратә дунеи аҭҵаара" иазкызаап, Шенгелиа излеиҳәо ала.

 

Ақырҭуа информациатә агентрақәак рҟны иуоуа аинформациа маҷым, "Аԥсуааи ҳареи абар 20 шықәса ҵуеит аус еицаҳуеижьҭеи. 50 проект нагӡоуп уи аамҭа иалагӡаны" уҳәа акыр. Азакәан ҳазхьаԥшуазар, иҟалап арҭ апроектқәа рҿаԥхьа имчыдазар, аха иабацеи ԥсышәала зеиҭагара уадаҩу, амораль ҳәа изышьҭоу аилкаара? Шенгьелиа апортал аҿы ишазгәеиҭаз ала, "Аныха" Аҟәа џьара идырбан. Хымԥада ас еиԥш иҟоу апроектқәа хәыда-ԥсадам, ақырҭқәа ирхылаԥшуа аҳәынҭқаррақәа уи азы ахарџь еигӡарымызт, аха ҳара адунеи изаҳарбозеи урҭ рыда "ԥсыхәа шҳамам". Ирлас иаҳхашҭыма ақырҭуа политика иҳахҭнагахьоу?

Аԥсны Аџьынџьтәылатә еибашьраҿы иҭахеит зықьҩыла аԥсуа рԥарцәеи аҭыԥҳацәеи. Хыхь ишысҳәахьоу еиԥш, нҵәара зқәым еибашьра ыҟамзар акәхап, аха сара сзы еилкаамкәа инхоит иарбан политикоу Кырҭтәыла аганахь аԥсуа ҳәынҭқарра иахьа имҩаԥнаго? Агәабзиареи, акультуреи - уи аҳәынҭқарратә политика иаҵанамкӡои? Изуалда нас ари алацәажәара, амчраҿы ҽмырба ҟарҵозар, аоппозициеи егьырҭ аветерантә еиҿкаарақәеи "рыла хырҩозар"? Абас еиԥш иҟоу апроектқәа рыла ҳара адунеи иаҳарбоит Қырҭтәыла аҟынтә ҳхьыԥшымкәа аҟаларазы амотивациа ҳамамшәа.

© Foto / из личного архива семьи Аджба

Сынтәа Аԥсны зиубилеи азгәарҭоз апоет Таиф Аџьба иԥшәмаԥҳәыс Римма Коӷониаԥҳа ақырҭқәа илзаарыцҳаит, хабарда ибжьаӡыз апоет иӡбахә зҳәо адокументалтә фильм ҭырхырц шырҭаху. Апоет иԥҳәыс илзырыҩуаз ашәҟәқәа рҿы аҳәара ҟарҵон азин рылҭарц уи афильм аҭыхразы. Хымԥада дақәшаҳаҭымхеит. Ари ԥсахрахон апоет иҿаԥхьа. Таиф имшынҵа иаԥхьахьо ирдыруеит аибашьра аамҭазы аиааира деигәыӷуа "Ԥшӡала иаҳзырша" ҳәа дышныҳәоз, аха игәыхәтәы дахьырмыгӡеит...

Аҭоурых адаҟьақәа санрызхәыцуа, еилыскаауеит ҳарҭ хара ҳамхәыцра шакәу иаҳԥықәслоз ауадаҩрақәа ҵаҵӷәыс ирымоу. Ас ҳныҟәо ҳалагар, иалшоит 1992 шықәсазтәи аҭагылазаашьахь ҳаиҭакылсыр. Аҭоурых аҵара унамырҵозар, аныхеи агәҭыхеи еснагь иушьҭазаауеит, рхы урдыруа.

Автори аредакциеи ргәаанагарақәа еиқәымшәозар ҟалоит

161

Бжьаниа Гәылрыԥшь араион ашәахтәқәа реизгаразы: зегьы аилибакаара ҳабжьан

140
(ирҿыцуп 19:57 29.12.2020)
Аԥсны ашәахтәқәеи аизгақәеи рминистрра иатәу Гәылрыԥшьтәи аҟәша аиҳабы Асҭамыр Бжьаниа арадио Sputnik аефир аҿы еиҭеиҳәеит сынтәатәи аплан анагӡара ахьынӡарылшаз.
Раионк аԥсҭазаараҟынтә: Бжьаниа Гәылрыԥшь араион аҿы ашәахтәқәа реизгара иазкны

"Араион аколлектив зегьы ҳҳәоу еиқәшәаны аус ҳуит, иҳалшоз зегьы ҟаҳҵеит. 2020 шықәсазы планс иҳадын 61 миллион мааҭ инареиҳаны. Иахьазы араион абиуџьеҭ ахь иалаҳгалеит 71 миллион мааҭ инареиҳаны. Проценла 115% аплан нагӡоуп. Ҵыԥх аиҳа сынтәа 8 миллионк иреиҳаны иалаҳгалеит. Араионқәа зегьы рҿы иҟаз ауадаҩрақәа ҳаргьы иҳаман. Анаплакыҩцәа русура уадаҩхеит, ашәахтә ҷыда ҳәа изышьҭоу ҩымз иршәаӡомызт, рхы иақәиҭын, аха аплан анагӡараҿы зегьы ацхыраара ҳарҭеит. Ауалқәа зшәаз ыҟоуп. Ахашәалазы ашәахтә планс иҳадыз аиҳа еиҳаны еизаҳгеит. Араион аҿы абиуџьет хазырҭәаауа аиҿкаарақәаны иҟоуп "Эра", СФТИ, ООО "Позитив" уҳәа", - ҳәа еиҭеиҳәеит Бжьаниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

140

Америкаа Урыстәыла Аҩбатәи адунеизегьтә еибашьраан Америка иаҿагылан ҳәа ирыԥхьаӡоит

8
(ирҿыцуп 18:50 22.06.2020)
Азҵаараҭҵаара мҩаԥган ЕАА Sputnik News азы. Имҩаԥнагеит асоциологиатә еилахәыра IFop, 2020 шықәса, лаҵара 22 - 25 рзы. Иара иалахәын 1004-ҩык ареспондентцәа, 18 шықәса еиҳаны изхыҵуаз.

АҞӘА, рашәара 22 - Sputnik. Америка ауааԥсыра 11% Урыстәыла Аҩбатәи адунеизегьтәи аибашьраан Америка иаҿагылан ҳәа ирыԥхьаӡоит. Абри азы шаҳаҭра ауеит Sputnik.Агәаанагара имҩаԥнагаз азҵаараҭҵаара.

1941-45 шықәсқәа рзы ЕАА иаҿагылаз Германиеи Иапониеи шракәыз иашан ирҳәеит 77%; 67% респондент. 5% Америка Китаи иабашьуан ҳәа ирдыруеит.

69% изазҵааз рҟынтәи 42% лаҵара 8 рзы ЕАА иазгәарҭо Европа Аиааира амш (V-E Day).

Убри аан 63% ииашаны ирҳәеит Холокост Аҩбатәи адунеизегьтә еибашьраан аурымқәа ргеноцид ауп ҳәа. 12% ари ажәа аҵакы рыздырӡом.

Азҵаараҭҵаара мҩаԥган ЕАА Sputnik News азы. Имҩаԥнагеит асоциологиатә еилахәыра IFop 2020 шықәса, лаҵара 22-25 рзы. Иара иалахәын 1004-ҩык ареспондентцәа, 18 шықәса еиҳаны изхыҵуаз.

Sputnik.Агәаанагара

Sputnik – иналукааша жәларбжьаратәи амассатә-информациатә хархәага, 32 бызшәа рыла иҟоу аинтернет-саитқәа еидызкыло, амультимедиитә информациатә хабқәа зманы, 90 тәылақәа рыҟны 33 бызшәа рыла иҟоу жәабжьтә маҵзуроуп, арадио ефиргьы амоуп. Sputnik ахь иаҵанакуеит 30 рҟынӡа асаитқәа, аналогтәи, ацифратәи радиодырраҭарақәа, амобилтә хархәагақәеи асоциалтә ҳақәа рыҟны адаҟьақәеи. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла. Sputnik аудиториа 80 миллионҩык рҟынӡа инаӡоит, Sputnik China аккаунт анапаҵаҩцәа 20 миллионҩык рҟынӡа ыҟоуп. Бишкек инаркны Кишиниовнӡа, Пекин инаркны Монтевидео аҟынӡа аредакциақәа рҿы аус руеит зықьҩыла еиуеиԥшым амилаҭ ирыҵаркуа ауаа. Sputnik амедиогәыԥ "Россия сегодня" иаҵанакуеит. Sputnik аофис хада Москва аус ауеит.

8

Жәлар рсахьаҭыхҩ: аԥсуа цәа зыҟәну Сергеи Габелиа иусумҭақәа

0
  • Сергей Габелия за работой
  • Работа художника Сергея Габелия
  • Автопортрет. Художник Сергей Габелия
  • Крым. Художник Сергей Габелия
  • Апсуа Чара. Художник Сергей Габелия
  • Автопортрет. Художник Сергей Габелия
  • Ауадхара. Художник Сергей Габелия
  • Пимба Трапш. Художник Сергей Габелия
  • Прибалтика. Художник Сергей Габелия
  • Новый Афон. Художник Сергей Габелия
  • Кастеи Арстаа. Художник Сергей Габелия
  • Прибалтика. Художник Сергей Габелия
  • Карикатура на Хуту Авидзба. Художник Сергей Габелия
  • Гора Ажара. Художник: Сергей Габелия
  • Портрет сына. Художник Сергей Габелия
  • Отцовский дом. Художник Сергей Габелия
  • Село Гуп. Художник Сергей Габелия
  • Портрет отца. Художник Сергей Габелия
  • Махаджиры. Художник Сергей Габелия
Аԥсны зҽаԥсазтәыз асахьаҭыхыҩ Сергеи Габелиа диижьҭеи 82 шықәса ҵит ажьырныҳәа 23 рзы. Иара ҩажәа шыкәса инареиҳаны Аԥсны асахьаҭыхыҩцәа реидгыла напхгара аиҭон.

Сергеи Габелиа диит 1939 шықәсазы Очамчыра араион Гәыԥ ақыҭан. 1972 шықәсазы рзы Сергеи Габелиа Асахьаҭыхыҩцәа реилазаара анапхгаҩыс дахадыргылоит. Уи аусура кыршықәса даланахалоит, 20 шықәса инареиҳаны.

Сергеи Габелиа – жәлары дырсахьаҭыхҩуп. Ирҿиамҭақәа ауаа зегьы ирзааигәоуп, еилыркаауеит. Иара инапынҵақәа нижьит еиуеиԥшым ажанрқәа рҟны: апортреҭ, апеизаж, абзазаратәи, аҭоурыхтә сахьақәеи рҿи.

Сергеи Габелиа иусумҭақәа ыҟоуп асахьаҭыхратә галереиаҟны, ирацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.

0
  • Сергей Габелия за работой
    © Фото : из архива семьи Габелия

    Аԥсны зҽаԥсазтәыз асахьаҭыхыҩ Сергеи Габелиа диижьҭеи 82 шықәса ҵит ажьырныҳәа 23 рзы.

  • Работа художника Сергея Габелия
    Сергей Габелия

    Ақыҭа ԥсҭазаарахь имаз абзиабара иусумҭақәа жәпакы ирныԥшуеит. Асахьа "Аџьатә ҭаацәара".

  • Автопортрет. Художник Сергей Габелия
    Сергей Габелия

    Сергеи Габелиа диит 1939 шықәсазы Очамчыра араион Гәыԥ ақыҭан. Гәыԥтәи абжьаратә школ аҿы аа-класск хыркәшаны, иҵара иациҵеит Тҟәарчалтәи абжьаратә школ No1 аҟны.

  • Крым. Художник Сергей Габелия
    Сергей Габелия

    Сергеи Габелиа – жәлары дырсахьаҭыхҩуп.

  • Апсуа Чара. Художник Сергей Габелия
    Сергей Габелия

    Ирҿиамҭақәа ауаа зегьы ирзааигәоуп, еилыркаауеит.

  • Автопортрет. Художник Сергей Габелия
    Сергей Габелия

    Габелиа инапынҵақәа нижьит еиуеиԥшым ажанрқәа рҟны: апортреҭ, апеизаж, абзазаратәи, аҭоурыхтә сахьақәеи рҿи.

  • Ауадхара. Художник Сергей Габелия
    Сергей Габелия

    "Ирацәоуп апатреҭтә жанр ала аԥсуа быргцәа нагақәа рхаҿсахьақәа иаанижьыз. Еиҳаракгьы аҿыханҵа аҟны акәын иҽахьԥишәоз, иара убасгьы ашәҟәқәа сахьала еиқәиршәон. Сергеи Габелиа аԥсуа сахьаҭыхратә ҟазараҟны иаарылҳәҳәо ҳәа иҟоу дреиуоуп. Иуаҩышьа бзиан, инакәызаалак аӡәы игәы иалсуа аҳәара иҟазшьамызт, дҩыза бзиан, даԥхьагылаҩын", - иҳәеит Сергеи Ҵәыџьба.

  • Пимба Трапш. Художник Сергей Габелия
    Сергей Габелия

    Сергеи Габелиа иусумҭақәа ыҟоуп асахьаҭыхратә галереиаҟны, ирацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.

  • Прибалтика. Художник Сергей Габелия
    Сергей Габелия

    Асахьа "Прибалтика". Сергеи атәылақәа жәпакы дырҭаахьан.

  • Новый Афон. Художник Сергей Габелия
    Сергей Габелия

    Афон Ҿыц. Сергеи Габелиа иусумҭа.

  • Кастеи Арстаа. Художник Сергей Габелия
    Сергей Габелия

    Абырг Ҟасҭеи Арсҭаа ихаҿсахьа Сергеи Габелиа иҭыхит 1970 шықәсазы.

  • Прибалтика. Художник Сергей Габелия
    Сергей Габелия

    Многим было бы интересно видеть работы Габелия в Выставочном зале Союза Художников Абхазии, погрузиться в волнующий мир мыслей и чувств художника, которые двигали им на творческом пути.

  • Карикатура на Хуту Авидзба. Художник Сергей Габелия
    Сергей Габелия

    Сергеи Михаил-иԥа Аԥсны Аџьынџьтәылатә еибашьраан "Ажәеиԥшьаа" ҳәа акарикатуристцәа реилазаара еиҿызкааз дреиуоуп.

  • Гора Ажара. Художник: Сергей Габелия
    © Фото : предоставлено семьей Габелия

    "Ажара".

  • Портрет сына. Художник Сергей Габелия
    Сергей Габелия

    Сергей Габелиа иҷкәын иавтопортреҭ.

  • Отцовский дом. Художник Сергей Габелия
    Сергей Габелия

    Ирацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.

  • Село Гуп. Художник Сергей Габелия
    Сергей Габелия

    Сергеи Габелиа иусумҭақәа ыҟоуп асахьаҭыхратә галереиаҟны.

  • Портрет отца. Художник Сергей Габелия
    Сергей Габелия

    Ирацәоуп апатреҭтә жанр ала аԥсуа быргцәа нагақәа рхаҿсахьақәа иаанижьыз.

  • Махаджиры. Художник Сергей Габелия
    Сергей Габелия

    Сергеи Габелиа идипломтә усумҭа амҳаџьырра иазкын, уи атема дазыхынҳәауан анаҩс ирҿиараҟны.