Родион Папба иҽы "Интер-Виуллер"

40
(ирҿыцуп 22:57 09.05.2016)
  • Подготовка к скачкам
  • Подготовка к скачкам
  • Подготовка к скачкам
Ииашаны аҽы аӷәра аҿаҵареи, акәадыр ақәҵашьеи, ԥсуаҵас аҽы ақәтәашьеи албаашьеи шаҭахыу ҳирбеит аҽыҩҷкәын Родион Папба.

Беслан Гәынба иааӡымҭацәа дреиоуп Родион Папба. Иара Аԥсни, Шәачеи, Краснодари рыҟны имҩаԥыргоз аҽырыҩрақәа акырынтә дрылахәхьеит, аԥхьахә ҭыԥқәагьы ааникылахьеит.

"Бзыԥҭа аҽырыҩраҭаҟны раԥхьаӡа акәны сыҩуан, сызқәтәаз аҽы иахьӡын "Ледокол", актәи аҭыԥ ааныскылеит. Аҽыҩҷкәынцәа ибзианы ирныруазар ауп аҽы агәалаҟазаара, рымаха-рышьаха ӷәӷәазар ауп, рнаԥқәа ҟәымшәышәзар ауп. Аҽқәа рыҟны — аӷәра ауп ԥсҟыс иҟоу, уи ибзианы акышьа уақәшәароуп, аҽы узыӡырҩыр ауп иуҭахә аныҟанаҵо. Аҽы ахааныз исыԥҟаӡом", — ҳәа иҳәеит аҽыҩ.

Гәдоуҭатәи аҽқәа рааӡарҭатә школ аҟны иахьа ирааӡоит зшьа цқьоуи, аԥсуа ҽқәеи неидкыланы "Риҵа", "Фигура", "Магнум", "Интер-виуллер" ҳәа хьӡыс измоу аа-ҽык.

 

40
  • Подготовка к скачкам
    © Sputnik / Томас Тхайцук

    Аҽы акәадыр ақәуҵаанӡа ирыцқьатәуп, ахҳәала иҳәатәуп, анаҩсан аӷәра аҿарҵоит

  • Подготовка к скачкам
    © Sputnik / Томас Тхайцук

    Аҵаршә ақәыршәны акәадыр ақәырҵоит, амгәарххақәа рыла иҿарҳәоит, аҽышькылқәа уԥырхагымхарц иаҭахыу аура ауҭоит

  • Подготовка к скачкам
    © Sputnik / Томас Тхайцук

    Акәадыр амаҭәахә бзиа иалхзар ауп, аҽы ацәа цәнамҟьарц, иара убас аҽыҩ изыҳәан иманшәлазар ауп.

  • Подготовка к скачкам
    © Sputnik / Томас Тхайцук

    Аҽы ахьҭаку еилаҳәаны инақәтәаны иҭыҵоит, ашҭаҟны идырыҩуеит

  • Подготовка к скачкам
    © Sputnik / Томас Тхайцук

    Аспортсменцәа аҽы иԥаны иақәтәоит, ԥсуаҵас акәзар аҽышькыл арӷьашьапы аҿаргыланы аҽы иақәтәоит, ианылбаауагьы убас

  • Подготовка к скачкам
    © Sputnik / Томас Тхайцук

    Аҽы ашьыжь акраҿаҵаны инаиааироуп, ирхәмаратәуп.

  • Подготовка к скачкам
    © Sputnik / Томас Тхайцук

    Аҽымаҭәа аибыҭареи аныҟәгареи иамоу акәама-ҵамарақәа рацәоуп. Аҽы ақәтәареи албаареи ахатәы ԥҟара амоуп

  • Подготовка к скачкам
    © Sputnik / Томас Тхайцук

    Аҽы аназыҟауҵалак ашьҭахь икәабаны аҭыԥ аҟны иҭаргылатәуп