Аԥсуа шәыр хьҩежь - амандарина аҿыхра иаамҭоуп

122
(ирҿыцуп 18:12 12.12.2018)
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
  • Сбор мандаринов в Абхазии
Ашықәс ҿыц зыда ухаҿы иузаамго атрибутны иԥхьаӡоу аԥсуа мандаринақәа рҿыхра иасакьаҳәымҭоуп уажәааны. Sputnik афотолентаҟны ишәыдаагалоит уи апроцесс шымҩаԥысуа аазырԥшуа асахьақәа.

Аԥсны зехьынџьара амандарина аҿыхра иаҿуп. Сынтәа ари ашәырхк иеилаҳауа рзы ныҳәарахоит — аҽаҩра даара ибзиахеит, атәыла анҭыҵгьы меигӡарахда иушьҭыша ыҟоуп.

Аԥсуа мандаринақәа ргьама лымкаала ихауп. Агәаӷь рыланы, шамахамзар, иуԥылом. Аԥсны амандарина асезон абҵарамза инаркны жәабран мзанӡа инаӡоит.

122
  • © Sputnik Томас Тхайцук

    Абҵарамза инаркны Аԥсны ихацыркхеит амандарина аҿыхра аамҭа. Гәылрыԥшьтәи ацитрустә наплакы "Софиа" аҟынгьы амандарина аҿыхра иаҿуп.

  • Сбор мандаринов в Абхазии
    © Sputnik Томас Тхайцук

    Сынтәа ари ашәыр бзианы иит, агьамагьы хаауп.

  • Сбор мандаринов в Абхазии
    © Sputnik Томас Тхайцук

    Аҽаҩра ахьбзиахаз аҟнытә атәыла анҭыҵтәи аџьырмыкьахь меигӡарахда иушьҭыша ҟалоит.

  • Сбор мандаринов в Абхазии
    © Sputnik Томас Тхайцук

    Амандарина ҿырхуеит секаторла, иҭыжәжәаны аҿыхра ҟалаӡом, аҵла иаԥырхагоуп.

  • © Sputnik Томас Тхайцук

    Убас ииашаны иҿыху ашәыр анҵырагьы еиҳахоит.

  • Сбор мандаринов в Абхазии
    © Sputnik Томас Тхайцук

    Амандарина аҿыхра иазҟазоу рус ирласӡаны иҟарҵоит.

  • Сбор мандаринов в Абхазии
    © Sputnik Томас Тхайцук

    Сынтәа ацитрусқәа рыҟәшәара хацыркхеит абҵарамза 10 инаркны.

  • Сбор мандаринов в Абхазии
    © Sputnik Томас Тхайцук

    Амандарина аҿыхразы арахь есышыкәса иаауеит Аԥсны ақыҭауаа, иара убас Алада Урыстәылеи, Донецки, Лугански рҟынтә ауааԥсыра.

  • Сбор мандаринов в Абхазии
    © Sputnik Томас Тхайцук

    Сынтәа убас аусуразы иааз ируаӡәкхеит Кот-д'Ивуари Гвинеиеи ртәылауаагьы.

  • Сбор мандаринов в Абхазии
    © Sputnik Томас Тхайцук

    Амандарина ахә ҳаракӡам уажәааны, кьылак - 50 мааҭ ҳәа иухәҳар ауеит.

  • Сбор мандаринов в Абхазии
    © Sputnik Томас Тхайцук

    Ақыҭанхамҩа аминистрра адыррақәа рыла, сынтәа Аԥсныи Урыстәылеи рҳәаа иахыргахьеит 11 нызқь 200 тонна амандаринақәа.

  • © Sputnik Томас Тхайцук

    Макьанагьы даҽа 30 нызқь тонн раҟара ацитрустәқәа ҟалоит ҳәа иазыԥшуп.

  • Сбор мандаринов в Абхазии
    © Sputnik Томас Тхайцук

    Аԥсны амандарина асезон абҵарамза инаркны жәабран мзанӡа инаӡоит, егьиабжьара ирҭиуа амандаринақәа, шамахамзар, аԥснытәқәаӡам.

Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

31
(ирҿыцуп 19:45 29.06.2020)
Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

Иахьа Аԥсны ашколқәа рҟны аҵыхәтәантәи аҵәҵәабжьы геит. Аушьҭымҭацәа рхыԥхьаӡара 1791-ҩык рҟынӡа инаӡоит.Жәеизаҩык медалла иалгеит. Арҵаҩцәа роушьҭымҭацәа ирзеиӷьаршьеит аԥеиԥш лашеи ақәҿиара дуқәеи. Аушьҭымҭацәагьы аганаҿ иаанмхеит, арҵаҩцәа акыршықәсазтәи рааԥсаразы иҭабуп ҳәа рарҳәеит.

Ишаԥу еиԥш, аушьҭымҭацәа ркьаҿ шкәакәақәа рҟны адныҳәаларқәеи азеиӷьшьарақәеи анырҵон. Аҵыхәтәан ажәҩан ахь аԥышҭарчқәа халарҵеит, раԥхьааҟа ирзыԥшу агәырӷьаратә хҭысқәа ирсимволны.

Акоронавирустә пандемиа иахҟьаны Аԥсны аиҳабыра ирыӡбеит хәажәкырамзазы ашколхәыҷқәа зегьы аҵараҟынтә роушьҭра, изаамҭанытәымыз аԥсшьара рыҭаны. Сынтәа аҵарашықәс хыркәшан лаҵарамза 13 рзы. Рашәара 2 рзы аушьҭымҭацәа ҩы-мчыбжьа ҳәа ашкол ахь ихынҳәит, аԥышәарақәа рҽырзыҟарҵарц. Иалагалаз аԥкрақәа ирыхҟьаны аҵараамҭа иахьагхаз азы, хә-ԥышәарак рхаҭыԥан сынтәа аушьҭымҭацәа иарҭон ҩба: ахатәы бызшәеи алгебреи.

31
  • © Sputnik / Томас Тхайцук

    Аԥсны ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Аҵыхәтәантәи аҵәҵәабжьы геит атәыла ашколқәа 153 роушьҭымҭацәа рзы.

  • © Sputnik / Томас Тхайцук

    Сынтәа ашкол иалгаз ахәыҷқәа рхыԥхьаӡара 1791-ҩык рҟынӡа инаӡоит.

  • © Sputnik / Томас Тхайцук

    Жәаҩык аушьҭымҭацәа ахьтәы медалқәа роуит, аӡәы - араӡны.

  • © Sputnik / Томас Тхайцук

    Аҟәатәи ажәабатәи абжьаратә школ аҟны аҵыхәтәантәи аҵәҵәабжьы.

  • © Sputnik / Томас Тхайцук

    Ахәыҷқәа ркьаҿ шкәакәақәа рҿы азеиӷьшьарақәеи адныҳәаларақәеи рыҩуан.

  • © Sputnik / Томас Тхайцук

    Аушьҭымҭацәа рырҵаҩцәа иҭабуп ҳәа рарҳәеит ирыдырҵаз ааԥсаразы.

  • © Sputnik / Томас Тхайцук

    Арҵаҩцәагьы ахәыҷқәа ирзеиӷьаршьеит мҩамш иқәларц, раԥхьаҟа иҵегь аҵара дуқәа рҵарц.

  • © Sputnik / Томас Тхайцук

    Шьҭарнахыс ашкол аушьҭымҭацәа аԥсҭазаара ду ахь ршьаҿа еихыргоит.

Аҟармаратәи аӡхыҽҽақәа: ашахтиортә ҳабла аԥшӡара

24
(ирҿыцуп 16:02 26.06.2020)
Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

"Адау" Аԥсны иҟоу аӡхыҽҽақәа зегь реиҳа идууп ҳәа иԥхьаӡоуп, уи аура 100-метрак иреиҳауп. Аӡхыҽҽақәа Аалӡга аӡиас ашьхантә иалало аӡымахәҭа иарҿиоит, дара-дара еишьҭагылоуп. "Ирина" аура 40 метра иҟоуп. "Иԥшьоу" -38.

Аԥсшьаҩцәа рзы аӡхыҽҽақәа рахь амҩа аартын 2016 шықәсазы.

24
  • © Sputnik / Томас Тхайцук

    Ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау".
    Аҭыхымҭаҟны: аӡхыҽҽақәа рымҩахь арбага.

  • © Sputnik / Томас Тхайцук

    "Адау"- зегь реиҳа идуу аԥснытәи ӡхыҽҽоуп.

  • © Sputnik / Томас Тхайцук

    Аура 100-метрак иреиҳауп.

  • © Sputnik / Томас Тхайцук

    "Адау" инацәыхарамкәа иҟоуп даҽа ӡхыҽҽак "Ирина". Дара рахь аԥсшьаҩцәа рзы амҩа аартын 2016 шықәсазы.

  • © Sputnik / Томас Тхайцук

    Аӡхыҽҽақәа Аалӡга аӡиас ашьхантә иалало аӡымахәҭа иарҿиоит.

  • © Sputnik / Томас Тхайцук

    "Адау" ацаҟьа иагәылсуеит.

  • © Sputnik / Томас Тхайцук

    "Ирина" аӡхыҽҽахьы уназго амҩахәасҭа.

  • © Sputnik / Томас Тхайцук

    Аҟармара ирацәоуп аӡхыҽҽа маҷқәеи акәарҷҷақәеи.

  • © Sputnik / Томас Тхайцук

    Аӡхыҽҽақәа дара-дара еишьҭагылоуп.

  • © Sputnik / Томас Тхайцук

    Аалӡга аӡиаси уаҟа иху ацҳа хәыҷи убла иаахгылоит аҟармаратәи аӡхыҽҽақәа рахь уанцо.

  • © Sputnik / Томас Тхайцук

    "Иԥшьоу " аӡхыҽҽа аҿаԥхьа акаҳуажәырҭа аартуп.

  • © Sputnik / Томас Тхайцук

    Аӡхыҽҽа "Ирина" аура 40 метра иҟоуп.

  • © Sputnik / Томас Тхайцук

    Аӡхыҽҽа "Иԥшьоу" аура 38 метра иҟоуп.

  • © Sputnik / Томас Тхайцук

    Аалӡга аӡиас

  • © Sputnik / Томас Тхайцук

    Аӡхыҽҽақәа рахь анеира уадаҩуп – шьапыла, ма ишьҭыху машьынала унаӡартә иҟоуп.

Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

0
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

0