Очамчырантәи Кремльҟа: Валериа Адлеиԥҳа лыԥсҭазаараҟынтәи еимгеимцарақәак

67
(ирҿыцуп 17:44 20.05.2019)
  • Валериа Адлеиԥҳа лықәгылараан
  • Александр Шьоууеи Валериа Адлеиԥҳаи реиқәшәара
  • Валериа Адлеиԥҳа аҩбатәи асезон алахәцәа абжьагарақәа рылҭоит
  • Ты супер актәи асезон данаиааиз ашьҭахь Валериа ҳамҭас илырҭеит Аҟәа агәаны иҟоу ауаҭах
  • Валериа Адлеиԥҳа
  • Лера Адлеиԥҳа ашкол аҟны
  • Валериа Адлеиԥҳа аҽазыҟаҵараан
  • Валериа Адлеиԥҳа Аԥсныҟа даныхынҳәыз ишылԥылоз
  • Валериа Адлеиԥҳа лықәгылара Очамчыраа анахәаԥшуаз.
  • Валериа Адлеиԥҳа Аԥсныҟа даныхынҳәыз ишылԥылоз
  • НТВ адиректор хада Валериа Адлеиԥҳа аԥхьахә анлиҭоз, лҿаԥхьа дшьамхнышгылеит.
  • Валериа Адлеиԥҳа Аԥсныҟа даныхынҳәыз ишылԥылоз
  • Валериа Адлеиԥҳаи Аԥсны ахада Рауль Ҳаџьымбеи реиԥылара
  • Лера - Ты супер! - абас амҩаҿы нбан дула ианырҵеит Очамыраа
  • Валериа Адлеиԥҳа
Ателехәаԥшратә проект "Ты супер!" актәи асезон аҟны аиааира згаз Валериа Адлеиԥҳа 2019 шықәса хәажәкырамзазы амузыкатә шоу ахԥатәи асезон далахәылахеит.

Раԥхьаӡакәны 11 шықәса зхыҵуа Очамчыратәи аӡӷаб Валериа Адлеиԥҳа лыӡбахә цәырҵит 2017 шықәсазы. Лара НТВ аканал аҿы ателехәаԥшратә проект "Ты супер!" аҟны Аԥсны ахьӡала дықәгылеит. Валериа иаразнак ала аӡбаҩцәеи ахәаԥшцәеи лытҟәеит, дагьаиааит апроект актәи асезон. Ҳамҭас илырҭеит Аҟәа агәаны иҟоу ауаҭах, ажиури алахәыла Игор Крутои илиҭеит аҩнытәи абыжьҭаҩратә студиа.

Аиааира ашьҭахь Лера иҵегьы инарҵауланы амузыказы лҽазыҟалҵо далагеит. Далахәын аицлабра "Детская Новая волна 2017", уа иаанылкылеит аԥшьбатәи аҭыԥ, лыҽҭылхит Стас Пиеха иклип пҟны, иара убасгьы Аԥсны агәыҳалалра ацҳаражәҳәаҩыс дҟалеит.

Аиааираҟынӡа шьаҿак шагыз: Валериа Адлеиԥҳа еиҭалҳәеит "Ты супер" заанлыжьыз>>

2019 шықәса хәажәкырамзазы Валериа Адлеиԥҳа апроект "Ты супер!" асуперсезон акастинг дахысит. Уи иалахәын ашәаҳәаҩцәа ҿыцқәеи уаанӡа егьырт асезонқәа ирылахәқәази. Адлеиԥҳа қәҿиарала аетапқәа зегьы дырхысын, афиналбжаҟынӡа днеит, аха лықәгылара ашьҭахь, хатәгәаԥхарала апроект аанлыжьит.

67
  • Валериа Адлеиԥҳа лықәгылараан
    НТВ

    Аинформациатә агентреи арадиои Sputnik-и ателеканала НТВ-и еицымҩаԥырго апроект "Ты супер!" аҟыбаҩ злоу, ахәыҷқәа рыҩны, ашкол-интернатқәа, ааӡара иргаз аҭаацәарақәа рҟынтәи ахәыҷқәа рхы цәырыргарц алшара рынаҭоит.

  • Александр Шьоууеи Валериа Адлеиԥҳаи реиқәшәара
    © Фото : Антон Девяткин

    Раԥхьаӡакәны 11 шықәса зхыҵуа Очамчыратәи аӡӷаб Валериа Адлеиԥҳа лыӡбахә цәырҵит 2017 шықәсазы.

  • Валериа Адлеиԥҳа аҩбатәи асезон алахәцәа абжьагарақәа рылҭоит
    © Sputnik Зафас Гамгия/Анжелика Бения

    Валериа Адлеиԥҳа "Ты супер" актәи асезон ашьҭахь Аԥсныи уи анҭыҵи деицырдыруа дҟалеит

  • Ты супер актәи асезон данаиааиз ашьҭахь Валериа ҳамҭас илырҭеит Аҟәа агәаны иҟоу ауаҭах
    © Sputnik / Томас Тхайцук

    Апроект аԥхьа Лера ашкол-интернат дҭан, лҭаацәеи лареи аԥсшьарамшқәа рзакәын ианеибабоз. Аиааира анылгаз ашьҭахь ҳамҭас илырҭаз Аҟәатәи ауаҭах ахь лҭаацәеи, лареи, лашьа хәыҷи нхара ҳәа ииасит.

  • Валериа Адлеиԥҳа
    © Sputnik / Илона Хварцкия

    Лера иара убасгьы дықәгылоит еиуеиԥшым аконцертқәеи амузыкатә усмҩаԥгатәқәеи рҿы. 2019 шықәсазы лара иҭлыжьит аԥсышәала илҳәаз раԥхьатәи лыклип "Са сзы улаша".

  • Лера Адлеиԥҳа ашкол аҟны
    © Sputnik / Томас Тхайцук

    Лера аҵара лҵоит Аҟәатәи ашкол №4 аабатәи акласс аҟны. Зегьы иреиӷьалшьоит аҭоурых, аурыс бызшәа, англыз бызшәа амаҭәарқәа.

  • Валериа Адлеиԥҳа аҽазыҟаҵараан
    © Sputnik / Томас Тхайцук

    Агастрольқәеи, аконцертқәеи, аҽазыҟаҵарақәеи ирыхҟьаны лҵатәхәқәа бжьалыжьлар акәхоит.

  • Валериа Адлеиԥҳа Аԥсныҟа даныхынҳәыз ишылԥылоз
    © Sputnik / Томас Тхайцук

    Лера лықәҿиарақәа ирызҿлымҳан Аԥсны зегьы. Лара аҳәааҟны илызԥшын лҟазара абзиабаҩцәа.

  • Валериа Адлеиԥҳа лықәгылара Очамчыраа анахәаԥшуаз.
    © Sputnik / Томас Тхайцук

    Валериа Адлеиԥҳа лықәгылара Очамчыраа ахәаԥшуан Акультура ахан аҟны аекран ду кнаҳаны.

  • Валериа Адлеиԥҳа Аԥсныҟа даныхынҳәыз ишылԥылоз
    © Sputnik / Томас Тхайцук

    Валериа Адлеиԥҳа Аԥсныҟа даныхынҳәыз лырҿиара абзиабаҩцәа аҳамҭақәа лырҭон.

  • НТВ адиректор хада Валериа Адлеиԥҳа аԥхьахә анлиҭоз, лҿаԥхьа дшьамхнышгылеит.
    НТВ

    НТВ адиректор хада Валериа Адлеиԥҳа аԥхьахә анлиҭоз, лҿаԥхьа дшьамхнышгылеит.

  • Валериа Адлеиԥҳа Аԥсныҟа даныхынҳәыз ишылԥылоз
    © Sputnik / Томас Тхайцук

    Лера илгаз аиааира ашьҭахь Аԥсны ақалақьқәа рҟны лырҿиара иацклаԥшуаз лԥылон.

  • Валериа Адлеиԥҳаи Аԥсны ахада Рауль Ҳаџьымбеи реиԥылара
    © Sputnik Бадрак Авидзба

    Валериа Адлеиԥҳаи Аԥсны ахада Рауль Ҳаџьымбеи реиԥылара

  • Лера - Ты супер! - абас амҩаҿы нбан дула ианырҵеит Очамыраа
    © Sputnik / Томас Тхайцук Анжелика Бения

    Лера - "Ты супер!" - абас амҩаҿы нбан дула ианырҵеит Очамыраа

  • Валериа Адлеиԥҳа
    © Sputnik

    2019 шықәса хәажәкырамзазы Валериа Адлеиԥҳа апроект "Ты супер!" асуперсезон акастинг дахысит. Уи иалахәын ашәаҳәаҩцәа ҿыцқәеи уаанӡа егьырт асезонқәа ирылахәқәази. Адлеиԥҳа қәҿиарала аетапқәа зегьы дырхысын, афиналбжаҟынӡа днеит, аха лықәгылара ашьҭахь, хатәгәаԥхарала апроект аанлыжьит.

Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

33
(ирҿыцуп 19:45 29.06.2020)
Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

Иахьа Аԥсны ашколқәа рҟны аҵыхәтәантәи аҵәҵәабжьы геит. Аушьҭымҭацәа рхыԥхьаӡара 1791-ҩык рҟынӡа инаӡоит.Жәеизаҩык медалла иалгеит. Арҵаҩцәа роушьҭымҭацәа ирзеиӷьаршьеит аԥеиԥш лашеи ақәҿиара дуқәеи. Аушьҭымҭацәагьы аганаҿ иаанмхеит, арҵаҩцәа акыршықәсазтәи рааԥсаразы иҭабуп ҳәа рарҳәеит.

Ишаԥу еиԥш, аушьҭымҭацәа ркьаҿ шкәакәақәа рҟны адныҳәаларқәеи азеиӷьшьарақәеи анырҵон. Аҵыхәтәан ажәҩан ахь аԥышҭарчқәа халарҵеит, раԥхьааҟа ирзыԥшу агәырӷьаратә хҭысқәа ирсимволны.

Акоронавирустә пандемиа иахҟьаны Аԥсны аиҳабыра ирыӡбеит хәажәкырамзазы ашколхәыҷқәа зегьы аҵараҟынтә роушьҭра, изаамҭанытәымыз аԥсшьара рыҭаны. Сынтәа аҵарашықәс хыркәшан лаҵарамза 13 рзы. Рашәара 2 рзы аушьҭымҭацәа ҩы-мчыбжьа ҳәа ашкол ахь ихынҳәит, аԥышәарақәа рҽырзыҟарҵарц. Иалагалаз аԥкрақәа ирыхҟьаны аҵараамҭа иахьагхаз азы, хә-ԥышәарак рхаҭыԥан сынтәа аушьҭымҭацәа иарҭон ҩба: ахатәы бызшәеи алгебреи.

33
  • © Sputnik / Томас Тхайцук

    Аԥсны ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Аҵыхәтәантәи аҵәҵәабжьы геит атәыла ашколқәа 153 роушьҭымҭацәа рзы.

  • © Sputnik / Томас Тхайцук

    Сынтәа ашкол иалгаз ахәыҷқәа рхыԥхьаӡара 1791-ҩык рҟынӡа инаӡоит.

  • © Sputnik / Томас Тхайцук

    Жәаҩык аушьҭымҭацәа ахьтәы медалқәа роуит, аӡәы - араӡны.

  • © Sputnik / Томас Тхайцук

    Аҟәатәи ажәабатәи абжьаратә школ аҟны аҵыхәтәантәи аҵәҵәабжьы.

  • © Sputnik / Томас Тхайцук

    Ахәыҷқәа ркьаҿ шкәакәақәа рҿы азеиӷьшьарақәеи адныҳәаларақәеи рыҩуан.

  • © Sputnik / Томас Тхайцук

    Аушьҭымҭацәа рырҵаҩцәа иҭабуп ҳәа рарҳәеит ирыдырҵаз ааԥсаразы.

  • © Sputnik / Томас Тхайцук

    Арҵаҩцәагьы ахәыҷқәа ирзеиӷьаршьеит мҩамш иқәларц, раԥхьаҟа иҵегь аҵара дуқәа рҵарц.

  • © Sputnik / Томас Тхайцук

    Шьҭарнахыс ашкол аушьҭымҭацәа аԥсҭазаара ду ахь ршьаҿа еихыргоит.

Аҟармаратәи аӡхыҽҽақәа: ашахтиортә ҳабла аԥшӡара

24
(ирҿыцуп 16:02 26.06.2020)
Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

"Адау" Аԥсны иҟоу аӡхыҽҽақәа зегь реиҳа идууп ҳәа иԥхьаӡоуп, уи аура 100-метрак иреиҳауп. Аӡхыҽҽақәа Аалӡга аӡиас ашьхантә иалало аӡымахәҭа иарҿиоит, дара-дара еишьҭагылоуп. "Ирина" аура 40 метра иҟоуп. "Иԥшьоу" -38.

Аԥсшьаҩцәа рзы аӡхыҽҽақәа рахь амҩа аартын 2016 шықәсазы.

24
  • © Sputnik / Томас Тхайцук

    Ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау".
    Аҭыхымҭаҟны: аӡхыҽҽақәа рымҩахь арбага.

  • © Sputnik / Томас Тхайцук

    "Адау"- зегь реиҳа идуу аԥснытәи ӡхыҽҽоуп.

  • © Sputnik / Томас Тхайцук

    Аура 100-метрак иреиҳауп.

  • © Sputnik / Томас Тхайцук

    "Адау" инацәыхарамкәа иҟоуп даҽа ӡхыҽҽак "Ирина". Дара рахь аԥсшьаҩцәа рзы амҩа аартын 2016 шықәсазы.

  • © Sputnik / Томас Тхайцук

    Аӡхыҽҽақәа Аалӡга аӡиас ашьхантә иалало аӡымахәҭа иарҿиоит.

  • © Sputnik / Томас Тхайцук

    "Адау" ацаҟьа иагәылсуеит.

  • © Sputnik / Томас Тхайцук

    "Ирина" аӡхыҽҽахьы уназго амҩахәасҭа.

  • © Sputnik / Томас Тхайцук

    Аҟармара ирацәоуп аӡхыҽҽа маҷқәеи акәарҷҷақәеи.

  • © Sputnik / Томас Тхайцук

    Аӡхыҽҽақәа дара-дара еишьҭагылоуп.

  • © Sputnik / Томас Тхайцук

    Аалӡга аӡиаси уаҟа иху ацҳа хәыҷи убла иаахгылоит аҟармаратәи аӡхыҽҽақәа рахь уанцо.

  • © Sputnik / Томас Тхайцук

    "Иԥшьоу " аӡхыҽҽа аҿаԥхьа акаҳуажәырҭа аартуп.

  • © Sputnik / Томас Тхайцук

    Аӡхыҽҽа "Ирина" аура 40 метра иҟоуп.

  • © Sputnik / Томас Тхайцук

    Аӡхыҽҽа "Иԥшьоу" аура 38 метра иҟоуп.

  • © Sputnik / Томас Тхайцук

    Аалӡга аӡиас

  • © Sputnik / Томас Тхайцук

    Аӡхыҽҽақәа рахь анеира уадаҩуп – шьапыла, ма ишьҭыху машьынала унаӡартә иҟоуп.

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

8
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

8