Хәаԥ ажьҭаара аԥскымҭазы

72
  • Хәаԥ ажьҭаара иаҿуп
  • Аҩцара
Аԥсны жьҭаарамзазы, амза ахьӡ ишаҳәо еиԥш, ажьҭаара иаԥскымҭоуп. Жәытә-натә аахыс аԥсуаа ажь аҵла, еиҳарак ал, иқәҵаны ирааӡон. Уи ажь агьама иаҳагьы иархаауеит ҳәа ирыԥхьаӡон.

Хәаԥ ақыҭан инхо Ешсоу Гәажәба идгьыл аҿы имоуп 90 инареиҳаны ажь зқәу алқәа. Иара махәҿала мацара илшоит зоура 25 метра иҟоу ал дхаланы ажь аҭаара.

Аԥсуа ҩы - адунеи аҟны зегь раԥхьа ицәырҵыз арыжәтәқәа иреиуоуп. Аԥсны иԥшаан ажь агәаӷьқәа зҭаԥсаз, ҳашықәсԥхьаӡара ҟалаанӡа III—II азқьышықәсақәа рахь иаҵанакуа аирыӡқәа.

Шамахамзар аԥсуа ҩнаҭацыԥхьаӡа аҩы ҭарҭәоит. Раԥхьа излалаго, хымԥада, ажьҭааралоуп. Зны уи ҭарыԥсоит жәытә-натә аахыс аԥсуаа рхы иадырхәоз ишышны иҟарҵоз амҿтәы мҵәышә. Уи еизыхәхәоу аформа замоу хыхьынтәи ажь ҭаԥсаны ианыларышьҭуа, абӷьқәа ԥырхага анамҭарц азоуп.

Иара убас шәаԥхьар ҟалоит:

72
  • © Sputnik / Томас Тхайцук

    Хәаԥ ақыҭан инхо Ешсоу Гәажәба ажь аҵлақәа ирықәҵаны имоуп.

  • © Sputnik / Томас Тхайцук

    Ешсоу иааӡоит аԥсуа ажьхкы аҳардан.

  • © Sputnik / Томас Тхайцук

    Хәаԥ ақыҭан инхо Ешсоу Гәажәбеи Роланд Занҭариеи.

  • © Sputnik / Томас Тхайцук

    Аҵла иқәланы ажь анырҭаауа уи еизыхәхәоу аформа змоу, ишышу амҿтәы мҵәышә иҭарыԥсоит.

  • © Sputnik / Томас Тхайцук

    Ешсоу Гәажәба махәҿала мацара аҵла дхалоит.

  • © Sputnik / Томас Тхайцук

    Иара ажь иҭаауеит 25 метра аҳаракыраҟны.

  • © Sputnik / Томас Тхайцук

    Еизыргаз ажь иахьыцәаакырам ишьҭарҵоит.

  • © Sputnik / Томас Тхайцук

    Иҭеигалаз аҽаҩра Ешсоу иаразнак аҩы алихӡом.

  • © Sputnik / Томас Тхайцук

    Ирҭааз ажь иахьыцәаакырам аҭыԥ аҿы быжьба-ааба мшы ишьҭазароуп.

  • © Sputnik / Томас Тхайцук

    Ажь еиқәаҵәҳаҳараӡа афҩы лаҳалаҳауа ихнамхуа дыҟамзар ҟалап.

  • © Sputnik / Томас Тхайцук

    Аҩы аҟаҵаразы, Ешсоу ахәага ажь ҭаԥсо ахәара далагоит. Уантәи ажь шиашоу ачан ахь иҭаԥсоит.

  • Хәаԥ ажьҭаара иаҿуп
    © Sputnik / Томас Тхайцук

    Ажь анихәалак иалҵуа ашәырӡи ажь ҟәаҟәеи рмасса иахьӡуп ажьаӷь.

  • © Sputnik / Томас Тхайцук

    Уаанӡа аԥсуаа ажь аиаҳәа иҭаԥсаны акәын аҩы шыҟарҵоз.

  • © Sputnik / Томас Тхайцук

    Ианеиҵеиҵалак ашьҭахь актәи амчыбжь аан ажьаӷь иаҵыҵуеит излоу амаҷар - ажьтә шәырӡ.

  • Аҩцара
    © Sputnik / Томас Тхайцук

    Аҩы бзиан иҟаларц азы, ажьаӷь еиҵазароуп ҩба-хԥа мчыбжьы иреиҵамкәа.