Sputnik акулисақәа рышьҭахь: хәышықәса рыҩнуҵҟа иреиӷьу аимгеимцарақәа

134
(ирҿыцуп 09:31 09.12.2019)
  • Пресс-центр
Аинформациатә маҵзура Sputnik Аԥсны аусура иалагеит ԥхынҷкәын 8, 2014 шықәса рзы. Хәышықәса рыҩнуҵҟа апортали арадиои Sputnik ареспубликатә хҭысқәа реиԥш, аҳәаанырцәтәи ажәабжьқәагьы еиҭанаҳәоит.

Аинформациатә агентра Sputnik Аԥсны ԥхынҷкәын 8 рзы иазгәанаҭоит раԥхьатәи аиубилеи - хәышықәса ахыҵра. Ари аамҭа иалагӡаны асаит аԥсуа версиа иаҭааит 143 нызқь уааԥсыра инареиҳаны, аурыс версиа - 12 миллионҩык инареиҳаны.

Иааидкыланы аԥсуеи аурыс версиеи рҟны иҭыҵит 56 495 статиа, 6116 видеонҵамҭа, 1746 фотонҵамҭа, 794-нтә аинфографика ахархәарала аинформациа ҟаҵан.

Зегь реиҳа ихадоу ажәабжьқәа Sputnik асоциалтә даҟьақәа рҟны ицәырнагоит. Есышықәса урҭ зыҽрыҵазыҩуа рхыԥхьаӡара иазҳауеит. Онлаин ҳасабла ахҭысқәа ирыцклаԥшуеит 109 444-ҩык ауаа. Асоциалтә ҳа Instagram аҟны мацара - 60 нызқьҩык анапаҵаҩцәа ыҟоуп. 

2017 шықәсазы Sputnik Аԥсны ишиашоу ицо ахатәы ефир ахь ицәырҵит Аҟәа иҟоу астудиаҟынтәи. Уи ацәқәырԥақәа наӡоит ҳтәылаҿы ауааԥсыра ахьынхо аҭыԥқәа зегь рахь. Sputnik Аԥсны аматериалқәа цитатақәас активла рхы иадырхәоит ҳтәылаҟны иҟоу аинформациатә агентрақәа 15, ателеканалқәа 2, радиостанциак.

Sputnik аиубилеитә фотонҵамҭаҟны ишәзеизнагеит зегь реиҳа угәалашәараҿы иаанхо, ажәабжьқәа раԥҵара апроцесс аазырԥшуа, урҭ аԥызҵо арбақәан зну, иара убас русура алҵшәа иамоу аиуразы уадаҩрақәас ирымоу, насгьы иахьнеиз-иахьааиз уҳәа зну афотоҭыхымҭақәа реизак.

Иара убас шәаԥхьар ҟалоит:

134
  • © Sputnik

    Аӡбара хадақәа здызкыло аредакторцәа роуп. Аредактор илаԥш изыҵшәом гхак, ииашам фактк.

  • © Sputnik / Томас Тхайцук

    2017 шықәса рзы Sputnik Аԥсны ахатәы радиодырраҭарақәа аанартит. Иара иазыӡырҩыр рылшоит ареспублика ауааԥсыра зегьы.

  • © Sputnik

    Акорреспондентцәа зыҿцәажәало шеиуеиԥшым еиԥш еиуеиԥшымкәагьы азнеишьа рыҭалатәуп, иахәҭоу аинформациа аиуразы.

  • Пресс-центр
    © Sputnik / Томас Тхайцук

    Sputnik аҿы аус ауеит апресс-центр. Хәышықәса рыҩнуҵҟа ара имҩаԥган 237 пресс-конференциа.

  • © Sputnik

    Sputnik акорреспондентцәа ирылымшо акгьы ыҟам.

  • © Sputnik

    Аха зны-зынла аинформациа азнагара аҵкыс ахыхьчара еиӷьуп.

  • Абасоуп Sputnik аҿы авидео шаԥырҵо.

  • © Sputnik

    Аԥхьаҩ иҟны иноугаанӡа ухала "атехнологиа" ԥушәароуп.

  • © Sputnik

    Русураан акорреспондентцәа еиуеиԥшым азанааҭқәа рнапахьы иааргоит. Зеиԥш ҟамло егьыҟам.

  • © Sputnik

    Атәыла ахада иалхрақәа раан аусура мҩаԥысуан иааиԥмырҟьаӡакәа, даҽакала иуҳәозар - нон-стоп арежим ала.

  • © Sputnik

    Sputnik аусзуҩцәа рылацәа анааихьыршьуагьы ҟалоит. Зны-зынла иахьаарықәшәаз.

  • © Sputnik

    Sputnik Аԥсны ҳтәыла атрадициақәа, акультура, абзазара атәы аҳәоит.

  • © Sputnik

    Ари ҳинфографик Леон иоуп. Иарбанызаалак аграфикеи асхемеи импыҵаманшәалахоит.

  • © Sputnik

    Зны-зынла аусура ааухаршҭны ажәҩан уҩаҵаԥрыргьы уҭаххалоит.

  • © Sputnik

    Ма уааԥсара наухухыр уҭаххоит... амузыкатә студиаҿы.

  • © Sputnik

    Иҟалалоит русуразы акорреспондентцәа андырҽхәо.

  • © Sputnik

    Зегь иреиҳау аҳамҭа – ацәароуп. Аусуратә ҭыԥ аҿы акәзаргьы.

  • © Sputnik

    Ҳкорреспондентцәа ахьымнеиц ыҟам.

  • © Sputnik

    Аха уеизгьы бзиа еицырбо ҭыԥуп акаҳуа афҩы хааӡа иахьдыршуа акҿаҩраҿы.

  • © Sputnik

    Акорреспондент Бадри Есиава ахәышәтәырҭақәа рҿы деицырдыруеит. Аԥсны имҩаԥырго аинновациатә хәышәтәратә методқәа ирылацәажәо иара иоуп.

  • © Sputnik

    Аӡәгьы игәы иаанамгааит Бадраҟ Аҩӡба ихы данақәиҭу криҭиуеит ҳәа. Мап. Ари афонд "Ашана" агәыҳалалратә акциоуп. Иара уа дыцхыраауан.

  • © Sputnik

    Sputnik аҟны аԥстәқәа рыхьчаҩ хада Бадри иоуп. Абзиеибабара ду рыбжьоуп.

  • © Sputnik

    Иара убасгьы Sputnik – аҭыԥҳацәа ԥшӡақәа ираҳҭынроуп.

  • © Sputnik

    Аԥсны асасцәа ҳкорреспондентцәа ирывагыланы рфотоҭыхра жәҩангәашәԥхьарак ирзаҩызоуп.

  • © Sputnik

    Sputnik аҿы ажәабжь бзиа узнагара адагьы, ихааны какалк удыркуеит.

  • © Sputnik

    Уажәшьҭа оумашәа иубаша. Абасоуп Sputnik акорреспондентцәа рҩымҭа ахы шырхәыцуа, еиҳаракгьы аредактор уи 1001-нтә мап ацәикхьазар.

  • © Sputnik / Томас Тхайцук

    Sputnik аколлектив - 39 –ҩык рыла ишьақәгылоу информациатә ҭаацәара д.

Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

32
(ирҿыцуп 19:45 29.06.2020)
Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

Иахьа Аԥсны ашколқәа рҟны аҵыхәтәантәи аҵәҵәабжьы геит. Аушьҭымҭацәа рхыԥхьаӡара 1791-ҩык рҟынӡа инаӡоит.Жәеизаҩык медалла иалгеит. Арҵаҩцәа роушьҭымҭацәа ирзеиӷьаршьеит аԥеиԥш лашеи ақәҿиара дуқәеи. Аушьҭымҭацәагьы аганаҿ иаанмхеит, арҵаҩцәа акыршықәсазтәи рааԥсаразы иҭабуп ҳәа рарҳәеит.

Ишаԥу еиԥш, аушьҭымҭацәа ркьаҿ шкәакәақәа рҟны адныҳәаларқәеи азеиӷьшьарақәеи анырҵон. Аҵыхәтәан ажәҩан ахь аԥышҭарчқәа халарҵеит, раԥхьааҟа ирзыԥшу агәырӷьаратә хҭысқәа ирсимволны.

Акоронавирустә пандемиа иахҟьаны Аԥсны аиҳабыра ирыӡбеит хәажәкырамзазы ашколхәыҷқәа зегьы аҵараҟынтә роушьҭра, изаамҭанытәымыз аԥсшьара рыҭаны. Сынтәа аҵарашықәс хыркәшан лаҵарамза 13 рзы. Рашәара 2 рзы аушьҭымҭацәа ҩы-мчыбжьа ҳәа ашкол ахь ихынҳәит, аԥышәарақәа рҽырзыҟарҵарц. Иалагалаз аԥкрақәа ирыхҟьаны аҵараамҭа иахьагхаз азы, хә-ԥышәарак рхаҭыԥан сынтәа аушьҭымҭацәа иарҭон ҩба: ахатәы бызшәеи алгебреи.

32
  • © Sputnik / Томас Тхайцук

    Аԥсны ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Аҵыхәтәантәи аҵәҵәабжьы геит атәыла ашколқәа 153 роушьҭымҭацәа рзы.

  • © Sputnik / Томас Тхайцук

    Сынтәа ашкол иалгаз ахәыҷқәа рхыԥхьаӡара 1791-ҩык рҟынӡа инаӡоит.

  • © Sputnik / Томас Тхайцук

    Жәаҩык аушьҭымҭацәа ахьтәы медалқәа роуит, аӡәы - араӡны.

  • © Sputnik / Томас Тхайцук

    Аҟәатәи ажәабатәи абжьаратә школ аҟны аҵыхәтәантәи аҵәҵәабжьы.

  • © Sputnik / Томас Тхайцук

    Ахәыҷқәа ркьаҿ шкәакәақәа рҿы азеиӷьшьарақәеи адныҳәаларақәеи рыҩуан.

  • © Sputnik / Томас Тхайцук

    Аушьҭымҭацәа рырҵаҩцәа иҭабуп ҳәа рарҳәеит ирыдырҵаз ааԥсаразы.

  • © Sputnik / Томас Тхайцук

    Арҵаҩцәагьы ахәыҷқәа ирзеиӷьаршьеит мҩамш иқәларц, раԥхьаҟа иҵегь аҵара дуқәа рҵарц.

  • © Sputnik / Томас Тхайцук

    Шьҭарнахыс ашкол аушьҭымҭацәа аԥсҭазаара ду ахь ршьаҿа еихыргоит.

Аҟармаратәи аӡхыҽҽақәа: ашахтиортә ҳабла аԥшӡара

24
(ирҿыцуп 16:02 26.06.2020)
Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

"Адау" Аԥсны иҟоу аӡхыҽҽақәа зегь реиҳа идууп ҳәа иԥхьаӡоуп, уи аура 100-метрак иреиҳауп. Аӡхыҽҽақәа Аалӡга аӡиас ашьхантә иалало аӡымахәҭа иарҿиоит, дара-дара еишьҭагылоуп. "Ирина" аура 40 метра иҟоуп. "Иԥшьоу" -38.

Аԥсшьаҩцәа рзы аӡхыҽҽақәа рахь амҩа аартын 2016 шықәсазы.

24
  • © Sputnik / Томас Тхайцук

    Ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау".
    Аҭыхымҭаҟны: аӡхыҽҽақәа рымҩахь арбага.

  • © Sputnik / Томас Тхайцук

    "Адау"- зегь реиҳа идуу аԥснытәи ӡхыҽҽоуп.

  • © Sputnik / Томас Тхайцук

    Аура 100-метрак иреиҳауп.

  • © Sputnik / Томас Тхайцук

    "Адау" инацәыхарамкәа иҟоуп даҽа ӡхыҽҽак "Ирина". Дара рахь аԥсшьаҩцәа рзы амҩа аартын 2016 шықәсазы.

  • © Sputnik / Томас Тхайцук

    Аӡхыҽҽақәа Аалӡга аӡиас ашьхантә иалало аӡымахәҭа иарҿиоит.

  • © Sputnik / Томас Тхайцук

    "Адау" ацаҟьа иагәылсуеит.

  • © Sputnik / Томас Тхайцук

    "Ирина" аӡхыҽҽахьы уназго амҩахәасҭа.

  • © Sputnik / Томас Тхайцук

    Аҟармара ирацәоуп аӡхыҽҽа маҷқәеи акәарҷҷақәеи.

  • © Sputnik / Томас Тхайцук

    Аӡхыҽҽақәа дара-дара еишьҭагылоуп.

  • © Sputnik / Томас Тхайцук

    Аалӡга аӡиаси уаҟа иху ацҳа хәыҷи убла иаахгылоит аҟармаратәи аӡхыҽҽақәа рахь уанцо.

  • © Sputnik / Томас Тхайцук

    "Иԥшьоу " аӡхыҽҽа аҿаԥхьа акаҳуажәырҭа аартуп.

  • © Sputnik / Томас Тхайцук

    Аӡхыҽҽа "Ирина" аура 40 метра иҟоуп.

  • © Sputnik / Томас Тхайцук

    Аӡхыҽҽа "Иԥшьоу" аура 38 метра иҟоуп.

  • © Sputnik / Томас Тхайцук

    Аалӡга аӡиас

  • © Sputnik / Томас Тхайцук

    Аӡхыҽҽақәа рахь анеира уадаҩуп – шьапыла, ма ишьҭыху машьынала унаӡартә иҟоуп.

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0