Аџыш, арзҩыдатәга: аԥсуаа ахада дшалырхуа

34
(ирҿыцуп 20:37 22.03.2020)
Аԥсны Аҳәынҭқарра ахада иалхрақәа мҩаԥысит амҽыша, хәажәкыра 22 рзы алхырҭатә ҭыԥқәа 152 рҿы. Москвеи Черқьесски иаартын алхырҭатә ҭыԥқәа акака. Ахадарахьы иқәгылан акандидатцәа хҩык.

Аԥсны ахада иалхрақәа рымҩаԥгаразы аус зуаз алхырҭатә ҭыԥқәа адыркит асааҭ 20:00 рзы.

Зынӡа атәылаҟны абжьыҭара мҩаԥысуан алхырҭатә ҭыԥқәа 152 рҿы, иара убас Москвеи Черқьесски Аԥсны атәылауаа рыбжьы арҭар рылшон. Зынӡа абжьыҭаразы азин рымоуп 127 нызқьи 232-ҩык алхыҩцәа

Алхырҭатә ҭыԥқәа зегьы еицҿакны иаартын асааҭ 8:00 рзы. Алхратә комиссиа хада адыррақәа рыла, асааҭ 12:00 рзы Аԥсны ахы-аҵыхәа рыбжьы арҭахьан 23,78% алхыҩцәа, асааҭ 15:00 рзы ауаа рааишьа иартәеит 43,29%, 18:00 рзы – 58,85%. Алхрақәа шьақәгылеит ҳәа рылаҳәан.

Иара убас шәаԥхьар ҟалоит:

 

 

34
  • © Sputnik / Томас Тхайцук

    Хәажәкыра 22 рзы Аԥсны ахада иеиҭалхраан абжьыҭара мҩаԥысуеит Аԥсны аҩнуҵҟеиԥш Москвеи Черқьесски.

  • © Sputnik / Томас Тхайцук

    Акоронавирус аҽацәыхьчаразы алхырҭатә ҭыԥқәа рҟны аус зуаз зегьы ирыҭан акасыш иалху аҿаршәқәеи адезинфекциа злаҟарҵо амаҭәахәқәеи.

  • © Sputnik / Томас Тхайцук

    АКХ аҟны еиҿкаау Жәларбжьаратәи апресс-центр аҟны алхрақәа шымҩаԥысуа азы аҵыхәтәантәи ажәабжьқәа рҳәоит.

  • © Sputnik

    Акоронавирус зҽацәызыхьчо ажурналистцәа

  • © Sputnik / Томас Тхайцук

    Алхрақәа рҟны ашәарҭадара иахылаԥшуеит аԥснытәи амилициа аусзуҩцәа.

  • © Sputnik / Томас Тхайцук

    Аахыҵ Уаԥстәылантәи анаԥшцәа Аԥсны алхрақәа рхылаԥшразы иааит.

  • © Sputnik / Томас Тхайцук

    Аслан Бжьаниа ибжьы аиҭеит алхратә ҭыԥ №5, иқыҭа гәакьа Тамшь еиҿкаау 31-тәи алхратә ҭыԥ хадаҟны.

  • © Sputnik / Томас Тхайцук

    Алхрақәа мҩаԥысуеит атәыла алхратә ҭыԥқәа 152 рҟны, иара убас анҭыҵ – ақалақьқәа Москвеи Черқьесски.

  • © Sputnik

    Аԥсны ахадарахьы акандидат Леонид Ӡаԥшьба ибжьы аиҭеит Аҟәа, афбатәи алхырҭатә ҭыԥ аҿы (алхырҭатә ҭыԥ хада №2).

  • © Sputnik / Томас Тхайцук

    Акоронавирус аџыш иацәшәоит ҳәа ауҳәансҳәан гәароуп.

  • © Sputnik / Томас Тхайцук

    Аԥсны Аҳәынҭқарра ахадарахьы акандидат Адгәыр Арӡынба ибжьы аиҭеит Афон ҿыц ақалақь аҟны иҟоу актәи алхратә ҭыԥ хада алхырҭатә ҭыԥ 20 аҟны.

  • Алхратә комиссиа хада, Апрокуратура хада рнапхгаҩцәа, иара убас Адәныҟатәи аусқәеи Аҩнуҵҟатәи аусқәеи рминистрцәа атәылауаа адырра рырҭалоит Аԥсны ахада иалхратә процесс шымҩаԥысуа.

  • © Sputnik / Томас Тхайцук

    Аԥсны ахада иалхрақәа рымҩаԥгаразы аус зуаз алхырҭатә ҭыԥқәа адыркит асааҭ 20:00 рзы.

Атемақәа:
Аԥсны ахада иалхрақәа -2020 (125)

Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

29
(ирҿыцуп 19:45 29.06.2020)
Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

Иахьа Аԥсны ашколқәа рҟны аҵыхәтәантәи аҵәҵәабжьы геит. Аушьҭымҭацәа рхыԥхьаӡара 1791-ҩык рҟынӡа инаӡоит.Жәеизаҩык медалла иалгеит. Арҵаҩцәа роушьҭымҭацәа ирзеиӷьаршьеит аԥеиԥш лашеи ақәҿиара дуқәеи. Аушьҭымҭацәагьы аганаҿ иаанмхеит, арҵаҩцәа акыршықәсазтәи рааԥсаразы иҭабуп ҳәа рарҳәеит.

Ишаԥу еиԥш, аушьҭымҭацәа ркьаҿ шкәакәақәа рҟны адныҳәаларқәеи азеиӷьшьарақәеи анырҵон. Аҵыхәтәан ажәҩан ахь аԥышҭарчқәа халарҵеит, раԥхьааҟа ирзыԥшу агәырӷьаратә хҭысқәа ирсимволны.

Акоронавирустә пандемиа иахҟьаны Аԥсны аиҳабыра ирыӡбеит хәажәкырамзазы ашколхәыҷқәа зегьы аҵараҟынтә роушьҭра, изаамҭанытәымыз аԥсшьара рыҭаны. Сынтәа аҵарашықәс хыркәшан лаҵарамза 13 рзы. Рашәара 2 рзы аушьҭымҭацәа ҩы-мчыбжьа ҳәа ашкол ахь ихынҳәит, аԥышәарақәа рҽырзыҟарҵарц. Иалагалаз аԥкрақәа ирыхҟьаны аҵараамҭа иахьагхаз азы, хә-ԥышәарак рхаҭыԥан сынтәа аушьҭымҭацәа иарҭон ҩба: ахатәы бызшәеи алгебреи.

29
  • © Sputnik / Томас Тхайцук

    Аԥсны ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Аҵыхәтәантәи аҵәҵәабжьы геит атәыла ашколқәа 153 роушьҭымҭацәа рзы.

  • © Sputnik / Томас Тхайцук

    Сынтәа ашкол иалгаз ахәыҷқәа рхыԥхьаӡара 1791-ҩык рҟынӡа инаӡоит.

  • © Sputnik / Томас Тхайцук

    Жәаҩык аушьҭымҭацәа ахьтәы медалқәа роуит, аӡәы - араӡны.

  • © Sputnik / Томас Тхайцук

    Аҟәатәи ажәабатәи абжьаратә школ аҟны аҵыхәтәантәи аҵәҵәабжьы.

  • © Sputnik / Томас Тхайцук

    Ахәыҷқәа ркьаҿ шкәакәақәа рҿы азеиӷьшьарақәеи адныҳәаларақәеи рыҩуан.

  • © Sputnik / Томас Тхайцук

    Аушьҭымҭацәа рырҵаҩцәа иҭабуп ҳәа рарҳәеит ирыдырҵаз ааԥсаразы.

  • © Sputnik / Томас Тхайцук

    Арҵаҩцәагьы ахәыҷқәа ирзеиӷьаршьеит мҩамш иқәларц, раԥхьаҟа иҵегь аҵара дуқәа рҵарц.

  • © Sputnik / Томас Тхайцук

    Шьҭарнахыс ашкол аушьҭымҭацәа аԥсҭазаара ду ахь ршьаҿа еихыргоит.

Аҟармаратәи аӡхыҽҽақәа: ашахтиортә ҳабла аԥшӡара

24
(ирҿыцуп 16:02 26.06.2020)
Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

"Адау" Аԥсны иҟоу аӡхыҽҽақәа зегь реиҳа идууп ҳәа иԥхьаӡоуп, уи аура 100-метрак иреиҳауп. Аӡхыҽҽақәа Аалӡга аӡиас ашьхантә иалало аӡымахәҭа иарҿиоит, дара-дара еишьҭагылоуп. "Ирина" аура 40 метра иҟоуп. "Иԥшьоу" -38.

Аԥсшьаҩцәа рзы аӡхыҽҽақәа рахь амҩа аартын 2016 шықәсазы.

24
  • © Sputnik / Томас Тхайцук

    Ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау".
    Аҭыхымҭаҟны: аӡхыҽҽақәа рымҩахь арбага.

  • © Sputnik / Томас Тхайцук

    "Адау"- зегь реиҳа идуу аԥснытәи ӡхыҽҽоуп.

  • © Sputnik / Томас Тхайцук

    Аура 100-метрак иреиҳауп.

  • © Sputnik / Томас Тхайцук

    "Адау" инацәыхарамкәа иҟоуп даҽа ӡхыҽҽак "Ирина". Дара рахь аԥсшьаҩцәа рзы амҩа аартын 2016 шықәсазы.

  • © Sputnik / Томас Тхайцук

    Аӡхыҽҽақәа Аалӡга аӡиас ашьхантә иалало аӡымахәҭа иарҿиоит.

  • © Sputnik / Томас Тхайцук

    "Адау" ацаҟьа иагәылсуеит.

  • © Sputnik / Томас Тхайцук

    "Ирина" аӡхыҽҽахьы уназго амҩахәасҭа.

  • © Sputnik / Томас Тхайцук

    Аҟармара ирацәоуп аӡхыҽҽа маҷқәеи акәарҷҷақәеи.

  • © Sputnik / Томас Тхайцук

    Аӡхыҽҽақәа дара-дара еишьҭагылоуп.

  • © Sputnik / Томас Тхайцук

    Аалӡга аӡиаси уаҟа иху ацҳа хәыҷи убла иаахгылоит аҟармаратәи аӡхыҽҽақәа рахь уанцо.

  • © Sputnik / Томас Тхайцук

    "Иԥшьоу " аӡхыҽҽа аҿаԥхьа акаҳуажәырҭа аартуп.

  • © Sputnik / Томас Тхайцук

    Аӡхыҽҽа "Ирина" аура 40 метра иҟоуп.

  • © Sputnik / Томас Тхайцук

    Аӡхыҽҽа "Иԥшьоу" аура 38 метра иҟоуп.

  • © Sputnik / Томас Тхайцук

    Аалӡга аӡиас

  • © Sputnik / Томас Тхайцук

    Аӡхыҽҽақәа рахь анеира уадаҩуп – шьапыла, ма ишьҭыху машьынала унаӡартә иҟоуп.

Аԥсны Апарламент ахь аиҭалхрақәа рҿы абжьыҭара хыркәшоуп

Аԥсны Апарламент ахь аиҭалхрақәа рҿы абжьыҭара хыркәшоуп

0
Амҽыша, ԥхынгәы 12 рзы Аԥсны имҩаԥысит атәыла Апарламент аҟны иҭацәыз амандатқәа ԥшьба рахь аиҭалхрақәа.

АҞӘА, ԥхынгәы 12 - Sputnik. Аԥсны Апарламент ахь аиҭалхрақәа раан алхратә ҭыԥ хадақәа ԥшьба аркын асааҭ 20:00 рзы амҽыша, ԥхынгәы 12 рзы. Урҭ аусура иалагеит ашьыжь, асааҭ 8:00 рзы.

АКХ асааҭ 18:00 рызтәи адыррақәа рыла, алхратә ҭыԥқәа зегь рыҟны ауаа рааишьала алхрақәа шьақәгылеит.

Ибжьы аиҭеит Аԥсны ахада Аслан Бжьаниагьы, уи Тамшь ақыҭаҟны дахьҭаҩу аҭыӡҭыԥ ала иҟоу алхратә ҭыԥ даҭааит.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

0