Аиааира Ду амш: Асовет Еидгыла иалаз аҳәынҭқаррақәа аныҳәа шазгәарҭаз

48
(ирҿыцуп 22:16 09.05.2020)
Маи 9 рзы Асовет Еидгыла иалаз аҳәынҭқаррақәа зегьы иазгәарҭеит Аиааира Ду 75 шықәса ахыҵра. Абаҟақәа рымҵан ашәҭшьыҵәрақәа шьҭарҵеит.

Сынтәа акоронавирус апандемиа иахырҟьаны Аџьынџьтәылатә еибашьра Ду аҟны Аиааира 75 шықәса ахыҵра амшныҳәа арыцхә инахоуп.

Урыстәыла ахада Владимир Путин анапынҵа ҟаиҵеит Москва имҩаԥысраны иҟаз Аиааира апарад аҽазыҟаҵара аграфик еиҭакзарц акоронавирус инадҳәаланы. Лаҵара 9 рзы имҩаԥгахараны иҟоуп аибашьцәа рбаҟақәеи рмемориалқәеи рымҵан ашәҭшьыҵәрақәа рышьҭаҵара, иҭахаз ргәаларшәара.

Аԥсны ауаажәлар 55 нызқьҩык инареиҳаны Аџьынџьтәылатәи еибашьра иалахәын, урҭ рыҟнытә 17 нызқьҩык инарыцны изыхнымҳәит, 22-ҩык Асовет Еидгыла Афырхацәа ҳәа ахьӡ рыхҵоуп.

Аџьынџьтәылатә еибашьра Ду аҿы Аиааира иазку аҭыжьымҭақәа шәрыԥхьар ҟалоит абра>>

 

48
  • © Sputnik

    Аџьынџьтәылатә еибашьра ду аветеранцәа алахәын Гәдоуҭа имҩаԥгаз аныҳәа. Аԥсны иҟоу урыстәылатәи аруаа ирыдырныҳәалеит Аиааира Ду амш.

  • © Foto / Official website of President of Azerbaijan Republic

    Азербаиџьан ахада Ильхам Алиеви иԥшәмаԥҳәыс Мехрибиан Алиеви ҩынтә Асовет Еидгыла Афырхаҵа Ази Асланов ибаҟа амҵан ашәҭқәа шьҭарҵеит.

  • © Foto / Sputnik / Asatur Yesayants

    Ермантәыла ахада Армен Саркисиан даҭааит Ереван иҟоу Аиааира абаҳча.

  • © Foto / Sputnik / Инна Гришук

    Гродно ақалақь, Белоруссиа. Аветеранцәа ашәҭқәа шьҭарҵоит абаҟа амҵан.

  • © Foto / Пресс-служба президента КР / Султан Досалиев

    Аџьынџьтәылатә еибашьра Ду аҿы игаз Аиааира аҳаҭыраз Бишкек имҩаԥган амитинг, уи иалахәын аҳәынҭқарра анапхгара.

  • © Foto / Sputnik / Sergey Melkonov

    Латвиа "Ԥсра зқәым архәҭа" аԥшьгаҩ Маргарита Драгиле даҭааит Ахьчаҩцәа рбаҟа, лнапаҿы илкын аблокада зхызгыз ланду лфотосахьа.

  • © Foto / Sputnik

    Акарантин шыҟоугьы, Литва атәылауаа ирҭааит абаҟақәа, асовет ар ргәымшәаразы ашәҭқәа шьҭарҵеит.

  • © Foto / Sputnik/ Miroslav Rotari

    Молдова атәыла анапхгара амемориалтә комплекс аҿаԥхьа ашәҭқәа шьҭарҵеит.

  • © Foto / Пресс-служба президента Узбекистана

    Узбеқисҭан ахада Швкат Мирзеев Аџьынџьтәылатә еибашьра аветеранцәа ирыдиныҳәалеит Аиааира Ду амш.

  • © Foto / Facebook/ Хадамоти матбуоти Президенти Тоҷикистон

    Ҭаџьыкисҭан ахада Емомали Рахмон, Апарламент ахантәаҩы, Душанбе ақалақь ахада Рустам Емомали ашәҭқәа шьҭарҵеит "Аиааира абаҳча" аҟны, Душанбе.

  • © Foto / Sputnik

    Аахыҵ Уаԥстәыла Аиааира Ду амш азгәарҭеит.

  • © Sputnik / Алексей Дружинин

    Урыстәыла ахада Владимир Путин Аиааира амш аҽны Идырым асолдаҭ иҳаҭгәын аҟны, Александр ибаҳчаҿы ашәҭқәа шьҭеиҵеит. Урыстәыла Аиааира Ду 75 шықәса ахыҵра азгәанаҭоит.

Знапы ахьы аԥссоу гәдоуҭатәи аҟазацәа русушьа

4
(ирҿыцуп 16:17 30.11.2020)
Ажьи Зураб Ҳагба иҟазарҭа ашә аартуижьҭеи иҵуеит фышықәса. Уи аамҭа иалагӡаны ирацәоуп идҵаало, иҿазҵо.

Заанаҭла имашьынарныҟәцаҩу, аха аҟыбаҩ ҷыда злоу Гәдоуҭа ақалақь аҟны инхо Ҳагба Зураб инапкымҭакәа даара иааџьоушьартә иҟоуп.

Аиха аус адиулоит. Еиуеиԥшым аихалыхқәа ҟаиҵоит: агәашәқәа, ашьаҟақәа, амардуанқәа, аихатәы ҟәардәқәа уҳәа ауаҩы игәы ззыҳәо зегьы.

Иҿазҵарц зҭаху ирыдигалоит хкы рацәала аихалыхқәа зну асахьақәа, нас уи дахәаԥшны ргәаҳәара наигӡоит.

Аиха знапаҿы иаазгаз: ажьи Зураб Ҳагба иҭоурых - шәаԥхьар ҟалоит.

 

4
  • © Sputnik / Томас Тхайцук

    Фышықәса раԥхьа иааиртит аҟазарҭа Зураб Ҳагба, афотоҟны раԥхьатәи инапкымҭа.

  • © Sputnik / Томас Тхайцук

    Иахьазы Зураб дивагыланы ас иуеит Узбекистанынтә иааз аусзуҩ Иакуб Хаитов

  • © Sputnik / Томас Тхайцук

    Еиуеиԥшым аихалыхқәа ҟаиҵоит: агәашәқәа, ашьаҟақәа, амардуанқәа, аихатәы ҟәардәқәа уҳәа ауаҩы игәы ззыҳәо зегьы.

  • © Sputnik / Томас Тхайцук

    Араҟа улаԥш нақәшәоит еиуеиԥшым аус здиуло амыругақәа, зегьы инарыгӡоит рхатәы роль. Акы аиха ариашоит, акы еикәанарҵәиуеит, акы иарҟьаԥсуеит.

  • © Sputnik / Томас Тхайцук

    Иҿазҵарц зҭаху ирыдигалоит хкы рацәала аихалыхқәа зну асахьақәа, нас уи дахәаԥшны ргәаҳәара наигӡоит.

  • © Sputnik / Томас Тхайцук

    Иҟоуп зыҟаҵара еиҳа иуадаҩу аҿаҵамҭақәа, аамҭала маҷк иадхаларгьы, зегьы акоуп хара имгацәакәан инарыгӡоит.

  • © Sputnik / Томас Тхайцук

    ажьи Зураб Ҳагба иажәақәа рыла аусутә рацәаны имоуп, иҿазҵогьы рхыԥхьаӡара еиҳа еизҳауеит.

  • © Sputnik / Томас Тхайцук

    Ҳагаа рҭаацәа рнапкымҭақәеи урҭ ирыцу аусуратә гәахәареи идырҵабыргуеит шаҟа иманшәаланы, ҭахҧхықәрала, рус бзиа ибаны ишазнеиуа.

  • © Sputnik / Томас Тхайцук

    Зураб иԥа Алиасгьы дазҿлымҳауп иаб инапы злаку аус. Инапкымҭоуп еиуеиԥшым аихалыхқәа.

Атемақәа:
Иҟаҵоуп Аԥсны

Алаҭаҷаҷа, алгажә: "амхурсҭа аҳкәажә" аҭагалара

10
(ирҿыцуп 13:35 22.11.2020)
Аџьықәреи акультура Аԥсны иаланагалеит XVIII ашәышықәса анҵәамҭазы. Уи иаԥсахит уи аԥхьа ирааӡоз аши (ашырӡи) ахәыӡи. Аԥсны иаадрыхуа аџьықәреи ҩ-хкыкны иҟоуп: алаҭаҷаҷа, алгажә.

Аџьықәреи акультура Аԥсны иаланагалеит XVIII ашәышықәса анҵәамҭазы. Аџьықәреи алаҵара иалагоит лаҵарамзазы, анаҩсан идрашәоит, аҿыхра иалагоит ҭагалан, ибзианы инҩалак.

Аԥсны ақыҭанхамҩатә культураҿы аџьықәреи актәи аҭыԥ ааннакылоит. Уи иалҵуа ашылала ируа абысҭа аԥсуа ичыс хада - агәыхә - ауп. Уи анаҩсгьы аԥш аҵәы иахаҵаны иӡны, ма ижәны ирфоит. Ашыла мгьал агьама акәзар, акы иаламҩашьо иҟоуп. Иара убас ашыла ахархәара арҭоит егьырҭ афатә хкқәа рҟынгьы. Аџьықәреи анҭаргалалак ашьҭахь аԥҳә арахә рзы аӡын хәы ҳәа ирҵәахуеит.  Аџьықәреи ахаҭа цәырҳәны аца иҭарыԥсоит.

2020 шықәса жьҭаара анҵәамҭазы Аԥсны иҭаргалахьеит 17,7 нызқь тонна аџьықәреи.

Аҟәа араион аҿы аурақәа рзеиԥш хышәаҵышәа – 110 гектар, Гәылрыԥшь араион – 600 гектар,  Очамчыра араион – 3,5 нызқь гектар,  Тҟәарчал араион– 950 гектар,  Гал араион – 2,5 нызқь гектар.

Иара убас шәаԥхьар ҟалоит:

10
  • © Sputnik / Томас Тхайцук

    Аԥсны ақыҭанхамҩатә культураҿы аџьықәреи актәи аҭыԥ ааннакылоит.

  • © Sputnik / Томас Тхайцук

    Уи иалҵуа ашылала ируа абысҭа аԥсуа ичыс хада - агәыхә - ауп. Уи анаҩсгьы аԥш аҵәы иахаҵаны иӡны, ма ижәны ирфоит.

  • © Sputnik / Томас Тхайцук

    Аџьықәреи алаҵара иалагоит лаҵарамзазы, анаҩсан идрашәоит, аҿыхра иалагоит ҭагалан, ибзианы инҩалак.

  • © Sputnik / Томас Тхайцук

    Аԥсны абысҭа аџьыкхыш амҭакәа ируеит. Аиҳарак ашыла шкәакәа иалырхуеит (иҟоуп ашыла ҩежь ала ианыруагьы). Аишәаҟны реиҳа ихадоу гәыхәуп.

  • © Sputnik / Томас Тхайцук

    Аџьықәреи иалху ашыла, ишдыру еиԥш, ашьақар, акрахмал, авитамин В1 алоуп. Иара ирласны иухаҳауа акакәны ишьоуп.

  • © Sputnik / Томас Тхайцук

    Аџьықәреи ахаҭа цәырҳәны аца иҭарыԥсоит.

  • © Sputnik / Томас Тхайцук

    Аџьықәреи ахаҭа цәырҳәны аца иҭарыԥсоит.

  • © Sputnik / Томас Тхайцук

    Аџьықәреиҿыхра ианаамҭоу аҭаацәа зегьы еицхыраауеит.

  • © Sputnik / Томас Тхайцук

    Аџьықәреи анҭаргалалак ашьҭахь аԥҳә арахә рзы аӡын хәы ҳәа ирҵәахуеит.

  • © Sputnik / Томас Тхайцук

    "Амхурсҭа аҳкәажә" ҳәа ззырҳәо аџьықәреи аарыхны ацаҟынӡа анагаразы, шаҟа цьабаа аҭахыузеи? Адгьыл ацәаӷәара, алаҵара, арашәара, аҭагалара уҳәа.

  • © Sputnik / Томас Тхайцук

    Аџьықәреи Аԥсны аарыхра иалагеижьҭеи рацәак ҵуам. Уаанӡа иаадрыхуаз ашыи, ахәыӡи — аџьықәреи иаԥсахит.

  • © Sputnik / Томас Тхайцук

    Сынтәа аџьықәреи аҭагаларазы Аԥсны араионқәа арекордқәа шыҟарҵаз азгәарҭоит.

Москвеи Санкт-Петербурги рҵараиурҭақәа адистанциатә ҵарахь ииаргеит

1
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

1