Аџьынџьтәылатә еибашьра ду аҿы аиааира 75 шықәса ахыҵра амшныҳәа амҩаԥгара аԥсахрақәа аланагалеит акоронавирустә пандемиа. Аиааира апарад арыцхә ахыган.
COVID-19 иахҟьаны акарантин, еиуеиԥшым аԥкрақәа шьҭахьҟа иааныжьны иаԥылоит аныҳәа ду - Аиааира 75 шықәса ахыҵра.
Акыр ҵуеит аныҳәа ҳазыԥшуижьҭеи.
Урыстәыла аҳҭнықалақь аиҳабыра аҽазыҟаҵарақәа ҩаӡара ҳаракыла имҩаԥыргеит: Москва еиуеиԥшым аҩычагақәеи абираҟқәеи рыла идырԥшӡеит.
Бжьышә цыра инареиҳаны абираҟқәа кнарҳаит Арбатҿыцтәи (Новоарбатский) Ацҳа, Ахаҳәтә Цҳа Ду (Большой Каменный Мост), Москворецктәи Ацҳа Ду (Большой Москворецкий Мост) рҿы.
Ақалақь зегьы аҩычагақәа "Аиааира Аорден" и "Аиааира Асалиут" рыла ақалақь зегьы ҩычоуп, Атриумфалтә хыргьагьаҟны идыргылеит "Москва - Ақалақь-Фырхаҵа" ҳәа зну аеҵәа.
Москва блахкыгоуп!
Аиааира Ду апарад инадҳәаланы Москва шдырԥшӡаз шәахәаԥшырц шәылшоит ҳфотосахьақәа рҟны.
Аԥсны ауаажәлар 55 нызқьҩык инареиҳаны Аџьынџьтәылатәи еибашьра иалахәын, урҭ рыҟнытә 17 нызқьҩык инареиҳаны изыхнымҳәит, 22-ҩык Асовет Еидгыла Афырхацәа ҳәа ахьӡ рыхҵоуп.
