Илегендахаз: 1945 шықәсазтәи раԥхьатәи Аиааира Апарад

21
(ирҿыцуп 13:13 24.06.2020)
75 шықәса раԥхьа Москва, Ашҭа Ҟаԥшь аҟны имҩаԥысит раԥхьатәи апарад, уи адунеи аҟны зегь реиҳа зымҽхак духаз, ауаа ргәалашәараҿы иаанхаз акәхеит. Иара Аџьынџьтәылатә еибашьра Ду аҿы СССР афашисттә Германиа иахьаиааиз иазкын. Аҭоурыхтә кадрақәа - Sputnik афотонҵамҭаҿы.

Раԥхьатәи апарад амҩаԥгаразы аӡбара рыдыркылеит Лаҵара 9 ашьҭахь хара имгакәа.

Амҩасра иалахәын 30 нызқьҩык инареиҳаны ауааԥсыра. Урҭ иреиуан Аџьынџьтәылатә еибашьра Ду аан афырхаҵара, агәымшәара, арратә дырра аазырԥшыз.

2020 шықәса рзы Владимир Путин Аиааира 75 шықәса ахыҵра апарад ауснагӡатәқәа рыҿҳәара иахигеит аепидемиологиатә ҭагылазаашьа инадҳәаланы. Лаҵара 9 рзы Урыстәыла ақалақьқәа рҿы имҩаԥган авиапарадқәеи аныҳәатә салиутқәеи. Лаҵара анҵәамҭазы ахада алаҳәара ҟаиҵеит Аиааира апарад рашәара 24 рзы имҩаԥгахоит ҳәа.

21
  • © Sputnik /

    Афильм "Асовет жәлар риааира ду" аҟынтәи акадр. Москва, рашәара 24, 1945 шықәса. Ашҭа ҟаԥшь аҟны Аиааира Апарад. Асовет солдаҭцәа афашисттә бираҟқәа карыжьуеит В.И.Ленин Имавзолеи аҿаԥхьа.

  • Москва Ашҭа ҟаԥшь аҟны рашәара 24, 1945 шықәсазы имҩаԥысуаз Аиааира Апарад

  • "…Амшцәгьа шыҟазгьы, зегьы ргәалаҟазаара бзиан, ақәаршҩы шлеиуазгьы, Ашҭа ҟаԥшь уаала иҭәын", - абас илгәалалыршәоит ари амш амаршал Иван Баграмиан имаҭа Карине Наџьарова.

  • © Sputnik / Mikhail Ozerskiy

    Апарад адҵаҟаҵаҩ амаршал Константин Рокоссовски иҭыԥ ааникылеит апарад здызкылоз амаршал Георги Жуков иҿаԥхьа. Асааҭ 10:00 рзы, Кремль акурантқәа рыбжьы андырга, Жуков иҽыхәа дақәтәаны Ашҭа ҟаԥшь дықәлеит.

  • Ашҭа ҟаԥшь Ленин Имавзолеи аҟны атрибуна рашәара 24, 1945 шықәсазы.

  • ЦК ВКП(б)/КПСС Амаӡаныҟәгаҩ хада Иосиф Сталин Ашҭа ҟаԥшь аҟны атрибунаҿы рашәара 24, 1945 шықәсазы.

  • 1945 шықәсазтәи аҭоурыхтә парад цон ҩ-сааҭк (122 минуҭ), уи ахьынӡацоз ақәаршҩы ааҟәымҵӡакәа илеиуан.

  • © Sputnik / Yakov Khalip

    Москва, Ашҭа ҟаԥшь, рашәара 24, 1945 ш. Аџьынџьтәылатә еибашьра Ду аан афашисттә Германиа Аиааира иазкыз Апарад алахәылацәа. Агәҭаны - 4-тәи Украинатәи афронт аилахәыратә архәҭа акомиссар аинрал-маиор Леонид Илиа-иԥа Брежнев, армарахь - 38-тәи ар 101-тәи ахысратә корпус адҵаҟаҵаҩ аинрал-леитенант Андреи Леонти-иԥа Бондарев.

  • Апарад иалахәын афронтқәа реилахәыратә архәҭақәа, Атәылахьчара анаркомати Арра-мшынтә флоти, арратә академиақәа, аҵараиурҭақәа, Москватәи агарнизон архәҭақәа, атехника, авиациа. Архәҭақәа ирылан аибашьраан агәымшәара аазырԥшыз, аорденқәа занашьаз асолдаҭцәа, асержантцәа, аофицерцәа.

  • Москва Ашҭа ҟаԥшь аҟны рашәара 24, 1945 шықәсазы имҩаԥысуаз Аиааира Апарад

  • Арратә мҩасра иалахәын 24-ҩык амаршалцәа, 249-ҩык аинралцәа, 2536-ҩык аофицерцәа, 31 116-ҩык асержантцәеи асолдаҭцәеи.

  • Апарад алахәразы иалырхуан аибашьраҿы агәымшәареи афырхаҵареи аазырԥшуаз аибашьцәа. Аха уи адагьы дара роуреи рықәреи хшыҩзышьҭра арҭон: 1-тәи Белоруссиатәи афронт архәҭақәа рзы лаҵара 24, 1945 шықәсазтәи адҵаҟаҵараҟны изларбаз ала, апарад иаладырхәуаз аруаа роура 176 см еиҵамзар акәын, қәрала 30 шықәса иреиҳамзар акәын.

  • Асааҭ 23:00 рзы азенитчикцәа ишьҭырхыз аеростатқәа 100 рҟынтәи 20 нызқь ракета залпла ажәҩан иалаҵан.

  • © Sputnik / Sergei Loskutov

    Аминаԥшааратә маҵзура иатәыз аминаԥшааҩцәеи рлақәеи Москва Ашҭа ҟаԥшь аҟны рашәара 24, 1945 шықәсазы имҩаԥысуаз Аиааира Апарад аҿы.

  • © Sputnik / Anatoliy Garanin

    Аиааира Апарад иаҭааз аҳәаанырцәынтәи асасцәа. Москва, рашәара 24, 1945 шықәса

  • Москва Ашҭа ҟаԥшь аҟны рашәара 24, 1945 шықәсазы имҩаԥысуаз Аиааира Апарад

  • Ар реинрал В.Д. Соколовски Аиааира Апарад аҟны. Рашәара 24, 1945 шықәсазы.

  • СССР Арра-мшынтә фронт аррамаҵзурауаа: асҭаршынцәа (актәи ариад), асолдаҭцәа.

  • © Sputnik / Sergei Loskutov

    Москва Ашҭа ҟаԥшь аҟны рашәара 24, 1945 шықәсазтәи Аиааира Апарад 1939-1945 шш. Аҩбатәи Адунеизегьтәи аибашьраҟны афашисттә Германиа аилаԥыххаара азгәаҭаразы имҩаԥган. Асовет солдаҭцәа афашисттә бираҟқәа карыжьуеит В.И.Ленин Имавзолеи аҿаԥхьа.

Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (72)

Адырра амш: аҟәатәи ашколқәа рҵаҩцәа

17
(ирҿыцуп 19:50 03.09.2020)
2020 шықәсазы аԥснытәи ашколқәа ирыдыркылеит ҩ-нызқьи бжаки инареиҳаны актәи акласс аҵаҩцәа. Ари ахыԥхьаӡара макьана цәыббра 15 рҟынӡа аҽаԥсахлоит, актәи аклассаа рсиа иацлалоит азы.

Ҩ-нызқьи бжаки инареиҳаны актәи акласс аҵаҩцәа Аԥсны ашколқәа рахь ицеит. Ари ахыԥхьаӡара макьана цәыббра 15 рҟынӡа аҽаԥсахлоит, актәи аклассаа рсиа иацлалоит азы.

Цәыббра 1 азы Аԥсны иҟоу 153 абжьаратә азеиԥшҵараиуратә школ рахьтә 152 шаатыз, аҟәатәи абжьаратә школ №6 акарантин аҿы цәыббра 7 рҟынӡа ишыҟазаауа.

Нанҳәа 17 рзы Аԥсны асанитартә ҳақьым хада Лиудмила Скорик атәыла аҵара-ааӡаратә усбарҭақәа рҟны акоронавирустә инфекциа ахҭысқәа рцәырҵреи ралаҵәареи иадҳәалоу ашәарҭарақәа рырмаҷра алзыршо аԥҟара-абжьгарақәа ҟалҵеит.

Аԥсны Аминистрцәа Реилазаара хәажәкыра 18 рзы ахәыҷбаҳчақәеи, ашколқәеи, аспорттә секциақәеи, иреиҳау аҵараиурҭақәеи рҟны аҵаратә процесс аанкыларазы аӡбамҭа аднакылеит. Ашколтә каникулқәа хәажәкыра 30-нӡа инахеит, аха аҵарашықәс ацҵара уаҳа изалмыршахеит аԥкрақәа иахьрыцҵахаз инамаданы. Ашколқәеи иреиҳау аҵараиурҭақәеи роушьҭымҭацәа заҵәык роуп аԥышәарақәа раҭара зылшаз.

Ԥхынгәы 1 инаркны Ауааԥсыра акоронавирус рацәыхьчаразы аоперативтә штаб ашколқәранӡатәи аусбарҭақәа аусура алагара иақәиҭыртәит.

Сынтәа Аԥснытәи аҳәынҭқарратә университет иҭало аԥсуа школқәа роушьҭымҭацәа ԥышәарада ирыдыркылеит адкыларатә комиссиа аӡбарала.

Иара убас шәаԥхьар ҟалоит:

17
  • © Sputnik / Томас Тхайцук

    Цәыббра 1 азы Аԥсны иҟоу 153 абжьаратә азеиԥшҵараиуратә школ рахьтә 152 шаатыз, аҟәатәи абжьаратә школ №6 акарантин аҿы цәыббра 7 рҟынӡа ишыҟазаауа.

  • © Sputnik / Томас Тхайцук

    Раԥхьатәи аҵәҵәабжьы иазкыз агәырӷьаратә цәаҳәахьы ахәыҷқәа рышәҭқәа рыманы иааит.

  • © Sputnik / Томас Тхайцук

    Ахәыҷқәа зегьы еиԥшны ари амш иазыҟам, шьоукы алахьеиқәҵара рзацуп.

  • © Sputnik / Марианна Кубрава

    Агәырӷьаратә цәаҳәа актәии ажәеизатәии аклассқәа рзы имҩаԥган.

  • © Sputnik / Томас Тхайцук

    Егьырҭ аклассқәа рҵаҩцәа иаразнак аурокқәа рымҩаԥгара иалагеит.

  • © Sputnik / Марианна Кубрава

    Актәи акласс ахь зшьаҿа еихызгаз ахәыҷқәа рыбжьара иҟан зылаӷырӡ зызнымкалозгьы.

  • © Sputnik / Томас Тхайцук

    Аҟәатәи ажәабатәи абжьаратә школ аҵаҩцәа.

  • © Sputnik / Томас Тхайцук

    Ҩ-нызқьи бжаки инареиҳаны актәи акласс аҵаҩцәа Аԥсны ашколқәа рахь ицеит.

  • © Sputnik / Томас Тхайцук

    Аҵарадырра амҩа ианылаз ахәыҷқәа гәырӷьоит.

  • © Sputnik / Томас Тхайцук

    Первый звонок – событие, которого долго ждали дети и их родители.

  • © Sputnik / Томас Тхайцук

    Аҟәатәи абжьаратә школқәа рахь актәи акласс ҳәа инеит 800-ҩык рҟынӡа ахәыҷқәа.

  • © Sputnik / Марианна Кубрава

    Ажәҩан ихалырҵаз аԥышәҭырчқәа ирыхәаԥшоит ахәыҷқәа.

  • © Sputnik / Томас Тхайцук

    актәи аурок аҟны арҵаҩы ашколхәыҷқәа анбанқәа длырбоит.

Ашьхараҿы аԥсшьара: аԥхынтәи Ауадҳара аԥшӡара

19
Ауадҳара — Аԥсны ашьхараҿы илеиуа ӡиасуп, иара убас ашьхаратә бальнеологиатә курортуп, уи амшын инахыкны 1650—1700 метра иҳараку аҭыԥ аҿы иҟоуп, аӡиа Риҵаҟынтәи 18 километра аҩадахьы.

Аԥсны ашьхаратә туризм амшынтә еиԥшҵәҟьа ауаа бзиа ирбоит. Ауаа ҭынч аԥсшьареи ақалақь аӷьалпали ирцәыбналарц азы Ауадҳара рыԥсшьараамҭа рхыргарц рҽазыҟарҵоит.

Ауадҳара уаныҟоу ашьха ӡиақәа рахь шьапыла ма ҽыла уцар улшоит, агитара арҳәо амца уҽҳәатәаны ахәылԥазқәа ухугар ҟалоит, мамзаргьы акаҳуа афҩы лаҳалаҳауа шьыжьнаҵы ижәуа, ашьха цаҩцаҩқәа ургәыдыԥшыло уаамҭа ухугар улшоит.

Ауадҳараҟа уҩызцәа урыцны уцар ҟалоит, еиуеиԥшым агаджетқәа рҟынтәи ухы аԥсы аршьаны, уҭаацәеи уареи аамҭа еицухыганы, угәы ухауршҭыр улшоит, умчқәа еизганы, ахәыцрақәа рҭыԥ иқәҵаны, мамзаргьы гәацԥыҳәарак узааины умузагьы узцәырҵыр ҟалоит.

Ауадҳара атуристцәагьы бзиа ирбоит, аха уеизгьы ашьхараҿы аасҭа амшын аҿоуп дара еиҳарак иахьубо.

Иара убас шәаԥхьар ҟалоит:

19
  • © Sputnik / Томас Тхайцук

    Ашьхақәа ургәыдыԥшыло ашьыжьтәи аҭаалым ала ашьыжь ианалаго - еиӷьу иҟоузеи!

  • © Sputnik / Томас Тхайцук

    Ауадҳара активла аԥсшьара бзиа избо рзы иреиӷьу ҭыԥуп.

  • © Sputnik / Томас Тхайцук

    Ауадҳаранӡа амашьына ҳаракқәа рыла ацара реиҳа иманшәалоуп.

  • © Sputnik / Томас Тхайцук

    Атуристцәеи аҭыԥантәи ауааԥсыреи ҽыла инаргааргоит.

  • © Sputnik / Томас Тхайцук

    Шьоукгьы аҽазыҟаҵарақәа аспортзал аҟынтәи аҳауа цқьахь ииаргоит.

  • © Sputnik / Томас Тхайцук

    Даҽа шьоукы шьапыла аныҟәарақәа бзиа ирбоит, амҩан ашәҭ ԥшӡақәагьы ҿырхуеит.

  • © Sputnik / Томас Тхайцук

    Быжь-ӡиак ркаршәра.

  • © Sputnik / Томас Тхайцук

    Ашьхараҟны ухала уԥсы ушьартә, ухы аҭыԥ аҿы иааугартә азы иреиӷьу ҭыԥуп.

  • © Sputnik / Томас Тхайцук

    Иара убас уҭаацәеи уареи аамҭа еицышәхыжәгар ахьалшо иреиӷьу ҭыԥзар ҟалап.

  • © Sputnik / Томас Тхайцук

    Мамзаргьы укәша-мыкәша иҟоу убла хызкуа аԥшӡарақәа арыхәаԥшрадагьы уаҳа ак аҭахым.

  • © Sputnik / Томас Тхайцук

    Аӡынра Ауадҳараҟа ахалара гәаӷьыуацәазаргьы, аԥхынра уаатәи аҩнхәыҷқәа рҿы иҭацәу аҭыԥ аԥшаара уадаҩуп.

  • © Sputnik / Томас Тхайцук

    Аԥсны атәылауаа Ауадҳараҟа еиҳара изхало ақалақьтә еилаҩеиласрақәа рҟынтәи рыԥсы ршьарц азоуп.

  • © Sputnik / Томас Тхайцук

    Ауадҳаратәи асахьақәа уанрыхәаԥшуа, зны-зынла иузхамҵаргьы ҟалоит, абасҵәҟьа иԥшӡароума ҳәа!

  • © Sputnik / Томас Тхайцук

    Ашьхаҿы аҽы уақәтәаны умныҟәакәа улбаар, ашьха уҟамызт ауп иаанаго.

  • © Sputnik / Томас Тхайцук

    Убасҵәҟьа амца еиқәҵаны уҽҳәамтәакәа ауам.

  • © Sputnik / Томас Тхайцук

    Ажәакала, Ауадҳара - ухы, угәы, уцәаҩала уԥсы ахьушьо, џьара ҿкык сыхьп ҳәа уахьацәымшәо ҭыԥуп.

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

0
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0