Аҟармаратәи аӡхыҽҽақәа: ашахтиортә ҳабла аԥшӡара

24
(ирҿыцуп 16:02 26.06.2020)
Тҟәарчал, ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау". Ақалақь Тҟәарчалынтә аԥсабаратә цәырҵрақәа рҟынӡа 12 километр бжьоуп.

"Адау" Аԥсны иҟоу аӡхыҽҽақәа зегь реиҳа идууп ҳәа иԥхьаӡоуп, уи аура 100-метрак иреиҳауп. Аӡхыҽҽақәа Аалӡга аӡиас ашьхантә иалало аӡымахәҭа иарҿиоит, дара-дара еишьҭагылоуп. "Ирина" аура 40 метра иҟоуп. "Иԥшьоу" -38.

Аԥсшьаҩцәа рзы аӡхыҽҽақәа рахь амҩа аартын 2016 шықәсазы.

24
  • © Sputnik / Томас Тхайцук

    Ашахтиортә ҳабла Аҟармара х-ӡхыҽҽак ыҟоуп – "Иԥшьоу", "Ирина", "Адау".
    Аҭыхымҭаҟны: аӡхыҽҽақәа рымҩахь арбага.

  • © Sputnik / Томас Тхайцук

    "Адау"- зегь реиҳа идуу аԥснытәи ӡхыҽҽоуп.

  • © Sputnik / Томас Тхайцук

    Аура 100-метрак иреиҳауп.

  • © Sputnik / Томас Тхайцук

    "Адау" инацәыхарамкәа иҟоуп даҽа ӡхыҽҽак "Ирина". Дара рахь аԥсшьаҩцәа рзы амҩа аартын 2016 шықәсазы.

  • © Sputnik / Томас Тхайцук

    Аӡхыҽҽақәа Аалӡга аӡиас ашьхантә иалало аӡымахәҭа иарҿиоит.

  • © Sputnik / Томас Тхайцук

    "Адау" ацаҟьа иагәылсуеит.

  • © Sputnik / Томас Тхайцук

    "Ирина" аӡхыҽҽахьы уназго амҩахәасҭа.

  • © Sputnik / Томас Тхайцук

    Аҟармара ирацәоуп аӡхыҽҽа маҷқәеи акәарҷҷақәеи.

  • © Sputnik / Томас Тхайцук

    Аӡхыҽҽақәа дара-дара еишьҭагылоуп.

  • © Sputnik / Томас Тхайцук

    Аалӡга аӡиаси уаҟа иху ацҳа хәыҷи убла иаахгылоит аҟармаратәи аӡхыҽҽақәа рахь уанцо.

  • © Sputnik / Томас Тхайцук

    "Иԥшьоу " аӡхыҽҽа аҿаԥхьа акаҳуажәырҭа аартуп.

  • © Sputnik / Томас Тхайцук

    Аӡхыҽҽа "Ирина" аура 40 метра иҟоуп.

  • © Sputnik / Томас Тхайцук

    Аӡхыҽҽа "Иԥшьоу" аура 38 метра иҟоуп.

  • © Sputnik / Томас Тхайцук

    Аалӡга аӡиас

  • © Sputnik / Томас Тхайцук

    Аӡхыҽҽақәа рахь анеира уадаҩуп – шьапыла, ма ишьҭыху машьынала унаӡартә иҟоуп.

Аԥсҭазаара ду ахь ашьаҿеихгара: Аԥсны ашколқәа рҿы аҵыхәтәантәи аҵәҵәабжьы

30
(ирҿыцуп 19:45 29.06.2020)
Сынтәа иҟаз аԥкрақәа ирыхҟьаны Аԥснытәи ашколхәыҷқәа апроблемақәа жәпакы рызцәырҵит. Рхала аԥышәарақәа рҽахьырзыҟарҵоз адагьы, акыр ргәы иҵхон аҵыхәтәантәи аҵәҵәабжьи аушьҭымҭацәа рыхәылԥази ҟало-иҟамло азҵаара.

Иахьа Аԥсны ашколқәа рҟны аҵыхәтәантәи аҵәҵәабжьы геит. Аушьҭымҭацәа рхыԥхьаӡара 1791-ҩык рҟынӡа инаӡоит.Жәеизаҩык медалла иалгеит. Арҵаҩцәа роушьҭымҭацәа ирзеиӷьаршьеит аԥеиԥш лашеи ақәҿиара дуқәеи. Аушьҭымҭацәагьы аганаҿ иаанмхеит, арҵаҩцәа акыршықәсазтәи рааԥсаразы иҭабуп ҳәа рарҳәеит.

Ишаԥу еиԥш, аушьҭымҭацәа ркьаҿ шкәакәақәа рҟны адныҳәаларқәеи азеиӷьшьарақәеи анырҵон. Аҵыхәтәан ажәҩан ахь аԥышҭарчқәа халарҵеит, раԥхьааҟа ирзыԥшу агәырӷьаратә хҭысқәа ирсимволны.

Акоронавирустә пандемиа иахҟьаны Аԥсны аиҳабыра ирыӡбеит хәажәкырамзазы ашколхәыҷқәа зегьы аҵараҟынтә роушьҭра, изаамҭанытәымыз аԥсшьара рыҭаны. Сынтәа аҵарашықәс хыркәшан лаҵарамза 13 рзы. Рашәара 2 рзы аушьҭымҭацәа ҩы-мчыбжьа ҳәа ашкол ахь ихынҳәит, аԥышәарақәа рҽырзыҟарҵарц. Иалагалаз аԥкрақәа ирыхҟьаны аҵараамҭа иахьагхаз азы, хә-ԥышәарак рхаҭыԥан сынтәа аушьҭымҭацәа иарҭон ҩба: ахатәы бызшәеи алгебреи.

30
  • © Sputnik / Томас Тхайцук

    Аԥсны ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Аҵыхәтәантәи аҵәҵәабжьы геит атәыла ашколқәа 153 роушьҭымҭацәа рзы.

  • © Sputnik / Томас Тхайцук

    Сынтәа ашкол иалгаз ахәыҷқәа рхыԥхьаӡара 1791-ҩык рҟынӡа инаӡоит.

  • © Sputnik / Томас Тхайцук

    Жәаҩык аушьҭымҭацәа ахьтәы медалқәа роуит, аӡәы - араӡны.

  • © Sputnik / Томас Тхайцук

    Аҟәатәи ажәабатәи абжьаратә школ аҟны аҵыхәтәантәи аҵәҵәабжьы.

  • © Sputnik / Томас Тхайцук

    Ахәыҷқәа ркьаҿ шкәакәақәа рҿы азеиӷьшьарақәеи адныҳәаларақәеи рыҩуан.

  • © Sputnik / Томас Тхайцук

    Аушьҭымҭацәа рырҵаҩцәа иҭабуп ҳәа рарҳәеит ирыдырҵаз ааԥсаразы.

  • © Sputnik / Томас Тхайцук

    Арҵаҩцәагьы ахәыҷқәа ирзеиӷьаршьеит мҩамш иқәларц, раԥхьаҟа иҵегь аҵара дуқәа рҵарц.

  • © Sputnik / Томас Тхайцук

    Шьҭарнахыс ашкол аушьҭымҭацәа аԥсҭазаара ду ахь ршьаҿа еихыргоит.

Аиааира Ду аҳаҭыраз: Ашҭа ҟаԥшь аҿы апарад шымҩаԥысыз

15
(ирҿыцуп 14:40 24.06.2020)
Ашҭа ҟаԥшь аҿы, Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз имҩаԥгаз апарад хыркәшоуп. Аныҳәаҟынтә иреиӷьу аҭыхымҭақәа Sputnik афотонҵамҭаҟны.

Ашҭа ҟаԥшь аҿы Аиааира Ду апарад иалахәын 14 нызқьҩык аруаа, 234 ак арратә техника, 13 тәыла рыруаа.

Апарад хыркәшан авиациа: адесант-транспорттә вертолиот Ми-26, арратә вертолиотқәа Ми-8 ԥшьба, авертолиотқәа Ми-35 ргәыԥ, арра-транспорттә вертолиотқәа Ка-52, аҳаирпланқәа Ми-28 А-50, Ил-76, Ту-95, Ту-22, Ту-160, Ил-78 ахыԥрааны. Анаҩс аоператив-тактикатә авиациа аҳаирпланқәа ргәыԥ МиГ-29, Су-24; ажәыларатә ҳаирпланқәа ԥшьба Су-57, абжьы аасҭа иццаку авиациатә ракетатә комплекс "Кинжал" зықәгылоу аҳаирпланқәа МиГ-31 москватәи ажәҩан иаҵаԥыруан.

Апарад ашьҭахь Владимир Путини Москваҟа инеиз аҳәаанырцә ҳәынҭқаррақәа рхадацәеи Александровтәи абаҳчаҿ Идырым асолдаҭ инышәынҭра аҿаԥхьа ашәҭшьыҵәрақәа рышьҭаҵарахь инеит.

Аԥсуа делегациа напхгара аиҭоит Аԥсны аҳәынҭқарра ахада Аслан Бжьаниа.

Иара убас шәаԥхьар ҟалоит:

15
  • © Sputnik / Host photo agency / Alexander Vilf

    Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз Ашҭа ҟаԥшь аҿы имҩаԥган арратә парад.

  • © Sputnik / Host photo agency / Ilya Pitalev

    Аруаа қәыԥшцәа Аиааира Ду апарад аҟны.

  • © Sputnik / Host photo agency / Ilya Pitalev

    Аиааира Ду апарад иалахәны Ашҭа ҟаԥшь иқәсуан аибашьыгатә машьына (БМПТ) "Терминатор".

  • © Sputnik / Sergey Pyatakov

    Урыстәыла ахада - Урыстәыла Атәылахьчара Арбџьармчқәа Рыдҵаҟаҵаҩ хада Владимир Путин Аиааира Ду апарад алагаанӡа.

  • © Sputnik / Host photo agency / Alexander Vilf

    Урыстәыла Атәылахьчара аминистр Сергеи Шоигу (арымарахь) Урыстәыла атәылахьчара адгьылтә архәҭақәа рхада, аинрал Олег Салиуков Ашҭа ҟаԥш аҿы.

  • © Sputnik / Host photo agency / Ilya Pitalev

    Ашҭа ҟаԥшь аҿы Аиааира апарад иалахәын 14 нызқьҩык аруаа.

  • © Sputnik / Host photo agency / Evgeny Biyatov

    Атанк Т-34 Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз имҩаԥгаз апарад аҟны.

  • © Sputnik / Host photo agency / Vladimir Pesnya

    Апарад аҳаиртә хәҭа хдыркәшеит ажәыларатә ҳаирпланқәа Су-25. Урҭ москватәи ажәҩан Урыстәыла абираҟ аԥшшәыхәқәа рыла ирҩычеит.

  • © Sputnik / Host photo agency / Vladimir Astapkovich

    Арратә ҳаирплан Ту-160 апарад аҟны.

  • © Sputnik / Host photo agency / Vladimir Pesnya

    Апарад иара убасгьы иалахәын 10 ҳаирпланк - аоператив-тактикатә авиациа иатәу "Русские витязи" "Стрижи".

  • © Sputnik / Host photo agency / Alexander Vilf

    1941-1945 шш. рызтәи Аџьынџьтәылатә еибашьра Ду аан Аиааира агара 75 шықәса ахыҵра иазку Москва Ашҭа ҟаԥшь аҿы имҩаԥысуаз арратә парад иалахәын атанк Т-34-85.

  • © Sputnik / Dmitry Astakhov

    Урыстәыла аԥыза-министр Михаил Мишустин Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз имҩаԥгаз апарад аҟны.

  • © Sputnik / Host photo agency / Alexey Maishev


    Ашҭа ҟаԥшь аҿы Аиааира апарад иалахәын 234 ак арратә техника.

  • © Sputnik / Host photo agency / Ramil Sitdikov

    Ҳара иаҳуалуп асовет жәлар ирыхҭысыз ҳәаа змам арыцҳарақәа рхамыршҭра иҳәеит Урыстәыла ахада Владимир Путин, апарад аартуа.

  • © Sputnik / Host photo agency / Ilya Pitalev

    Ашҭа ҟаԥшь аҿы Аиааира апарад иалахәын Азербаиџьан, Ермантәыла, Белоруссиа, Индиа, Ҟазахсҭан, Киргизиа, Китаи, Молдавиа, Монголиа, Сербиа, Таџьикисҭан, Туркменисҭан, Узбекисҭан рыррамаҵзурауаа рхаҭарнакцәа.

  • © Sputnik / Host photo agency / Mikhail Voskresenskiy

    1941-1945 шш. рызтәи Аџьынџьтәылатә еибашьра Ду аан Аиааира агара 75 шықәса ахыҵра иазку Москва Ашҭа ҟаԥшь аҿы имҩаԥысуаз арратә парад иалахәыз атанкқәа Т-34-85.

  • © Sputnik / Dmitry Astakhov

    Рашәара 24, 2020 шықәса. Урыстәылатәи Афедерациа Ашәарҭадаратә Хеилак ахантәаҩы ихаҭыԥуаҩ Дмитри Медведеви Москватәии Урыстәылазегьтәии апатриарх Кирилли Аиааира 75 шықәса ахыҵра иазку Москва Ашҭа ҟаԥшь аҿы имҩаԥысуаз арратә парад алагаанӡа.

  • © Sputnik / Host photo agency / Vladimir Pesnya

    Азениттә ракета-бзарбзантә комплексқәа "Панцирь-СА" 1941-1945 шш. рызтәи Аџьынџьтәылатә еибашьра Ду аан Аиааира агара 75 шықәса ахыҵра иазку Москва Ашҭа ҟаԥшь аҿы имҩаԥысуаз арратә парад аан.

  • © Sputnik / Host photo agency / Mikhail Voskresenskiy

    Аруаа Аиааира Ду апарад аҿы.

  • © Sputnik / Ekaterina Chesnokova

    Арратә техника Аиааира Ду апарад аҿы.

  • © Sputnik / Host photo agency / Sergey Pyatakov

    Аруаа Аиааира Ду апарад аҿы.

  • © Sputnik / Host photo agency / Evgeny Biyatov

    1941-1945 шш. рызтәи Аџьынџьтәылатә еибашьра Ду аан Аиааира агара 75 шықәса ахыҵра иазку Москва Ашҭа ҟаԥшь аҿы имҩаԥысуаз арратә парад иалахәыз атанкқәа Т-34-85.

  • © Sputnik / Host photo agency / Sergey Pyatakov

    Аиааира Ду апарад иахәаԥшырц еизаз асасцәа.

  • © Sputnik / Host photo agency / Vladimir Pesnya

    Аруаа Аиааира Ду апарад аҿы.

  • © Sputnik / Host photo agency / Sergey Piatakov

    Аруаа аиааира Ду апарад аҿы.

  • © Sputnik / Host photo agency / Sergey Pyatakov

    Аџьынџьтәылатәи еибашьра 1941-1945 шықәсазы аибашьра аветеран Аиааира ду апарад аҿы.

  • Фотохост-агентство

    Апарад ашьҭахь Владимир Путини Москваҟа инеиз аҳәаанырцә ҳәынҭқаррақәа рхадацәеи Александровтәи абаҳчаҿ Идырым асолдаҭ инышәынҭра аҿаԥхьа ашәҭшьыҵәрақәа рышьҭаҵарахь инеит.

Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

0
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0