Москватәи ахәмаррақәа риубилеи: Аолимпиада-80 гәырӷьарыла аартра

9
(ирҿыцуп 15:12 20.07.2020)
Хсааҭк инарзынаԥшуа имҩаԥысуаз Аолимпиада-80 аартра ацеремониа иалахәын 16 нызқьҩык аспортсменцәеи, ахаԥшьгаратә коллективқәеи, ашәаҳәаҩцәеи.

40 шықәса раԥхьа, ԥхынгәы 19 рзы Москва иаартын XXII Аолимпиатә хәмаррақәа. Арҭ ахәмаррақәа раԥхьаӡа акәны Мрагыларатәи Европа аҵакырадгьыл аҟны имҩаԥгаз, иара убас раԥхьатәи Аолимпиатә хәмарра асоциалисттә тәылаҟны имҩаԥгаз ракәхеит.

60 тәыла рхаҭарнакцәа Москва Аолимпиада амҩаԥгара иаҿагылан, аха уеизгьы аспортсменцәа аолимпиадатә бираҟ иаҵагыланы иқәгылеит.

Москватәи ахәмаррақәа ирылахәын 80 тәыла рҟынтәи аспортсменцәа.

 

9
  • © Sputnik / Vladimir Vyatkin

    XXII Аолимпиатә хәмаррақәа Москва. В.И.Ленин ихьӡ зху астадион. Абаҩрҵәыратә факультет астудентцәа рықәгылара.

  • © Sputnik / Sergei Guneev

    Италиатәи амилаҭтә олимпиатә комитет алахәылацәа Аолимпиада-80 аартраан Москва.

  • © Sputnik / Yuriy Abramochkin

    Амшә Гоша аолимпиатә хәмаррақәа ирылахәын

  • © Sputnik / Vladimir Akimov

    Аолимпиатә мца. Аолимпиада-80 аартра.

  • © Sputnik / A. Knyazev

    XXII Аолимпиатә хәмаррақәа раартра Москва ԥхынгәы 19, 1980 шықәсазы. Атрибунаҿы - Аолимпиада асимвол - Амшә.

  • © AP Photo.

    XXII Аолимпиатә хәмаррақәа раартраан ахәаԥшцәа америкатәи абираҟ рыманы.

  • © Sputnik / A. Knyazev

    XXII Аолимпиатә хәмаррақәа раартра.

  • © Sputnik / Vladimir Vyatkin

    Акәашаратә коллектив "Амилаҭқәа реиҩызара" XXII Аолимпиатә хәмаррақәа раартраан.

  • © Sputnik / Sergei Subbotin

    Аныҳәа алахәылацәа аолимпиада асимвол - Амшә - ацәамаҭәа рышәҵаны иқәгылеит XXII Аолимпиатә хәмаррақәа раартраан.

  • © Sputnik / Vladimir Chistyakov

    XXII Аолимпиатә хәмаррақәа раартра Москва ԥхынгәы 19, 1980 шықәсазы.

  • © AP Photo.

    XXII Аолимпиатә хәмаррақәа раартра Москва ԥхынгәы 19, 1980 шықәсазы.

  • © Sputnik / Vladimir Vyatkin

    XXII Аолимпиатә хәмаррақәа раартра Москва ԥхынгәы 19, 1980 шықәсазы.

  • © Sputnik / Dmitryi Donskoy


    XXII Аолимпиатә хәмаррақәа раартра Москва ԥхынгәы 19, 1980 шықәсазы. Аолимпиатә мца аркын Олимпиа ауахәама Гера амҵан. Москваҟа амца еимдо иааргеит Аолимпиада иалахәыз аспортсменцәа рхаҭарнакцәа.

  • © Sputnik / Sergey Subbotin

    XXII Аолимпиатә хәмаррақәа раартра Москва ԥхынгәы 19, 1980 шықәсазы.

  • © Sputnik / A. Knyazev

    XXII Аолимпиатә хәмаррақәа раартра Москва ԥхынгәы 19, 1980 шықәсазы.

Атемақәа:
Аолимпиада-80 (12)

Адырра амш: аҟәатәи ашколқәа рҵаҩцәа

20
(ирҿыцуп 19:50 03.09.2020)
2020 шықәсазы аԥснытәи ашколқәа ирыдыркылеит ҩ-нызқьи бжаки инареиҳаны актәи акласс аҵаҩцәа. Ари ахыԥхьаӡара макьана цәыббра 15 рҟынӡа аҽаԥсахлоит, актәи аклассаа рсиа иацлалоит азы.

Ҩ-нызқьи бжаки инареиҳаны актәи акласс аҵаҩцәа Аԥсны ашколқәа рахь ицеит. Ари ахыԥхьаӡара макьана цәыббра 15 рҟынӡа аҽаԥсахлоит, актәи аклассаа рсиа иацлалоит азы.

Цәыббра 1 азы Аԥсны иҟоу 153 абжьаратә азеиԥшҵараиуратә школ рахьтә 152 шаатыз, аҟәатәи абжьаратә школ №6 акарантин аҿы цәыббра 7 рҟынӡа ишыҟазаауа.

Нанҳәа 17 рзы Аԥсны асанитартә ҳақьым хада Лиудмила Скорик атәыла аҵара-ааӡаратә усбарҭақәа рҟны акоронавирустә инфекциа ахҭысқәа рцәырҵреи ралаҵәареи иадҳәалоу ашәарҭарақәа рырмаҷра алзыршо аԥҟара-абжьгарақәа ҟалҵеит.

Аԥсны Аминистрцәа Реилазаара хәажәкыра 18 рзы ахәыҷбаҳчақәеи, ашколқәеи, аспорттә секциақәеи, иреиҳау аҵараиурҭақәеи рҟны аҵаратә процесс аанкыларазы аӡбамҭа аднакылеит. Ашколтә каникулқәа хәажәкыра 30-нӡа инахеит, аха аҵарашықәс ацҵара уаҳа изалмыршахеит аԥкрақәа иахьрыцҵахаз инамаданы. Ашколқәеи иреиҳау аҵараиурҭақәеи роушьҭымҭацәа заҵәык роуп аԥышәарақәа раҭара зылшаз.

Ԥхынгәы 1 инаркны Ауааԥсыра акоронавирус рацәыхьчаразы аоперативтә штаб ашколқәранӡатәи аусбарҭақәа аусура алагара иақәиҭыртәит.

Сынтәа Аԥснытәи аҳәынҭқарратә университет иҭало аԥсуа школқәа роушьҭымҭацәа ԥышәарада ирыдыркылеит адкыларатә комиссиа аӡбарала.

Иара убас шәаԥхьар ҟалоит:

20
  • © Sputnik / Томас Тхайцук

    Цәыббра 1 азы Аԥсны иҟоу 153 абжьаратә азеиԥшҵараиуратә школ рахьтә 152 шаатыз, аҟәатәи абжьаратә школ №6 акарантин аҿы цәыббра 7 рҟынӡа ишыҟазаауа.

  • © Sputnik / Томас Тхайцук

    Раԥхьатәи аҵәҵәабжьы иазкыз агәырӷьаратә цәаҳәахьы ахәыҷқәа рышәҭқәа рыманы иааит.

  • © Sputnik / Томас Тхайцук

    Ахәыҷқәа зегьы еиԥшны ари амш иазыҟам, шьоукы алахьеиқәҵара рзацуп.

  • © Sputnik / Марианна Кубрава

    Агәырӷьаратә цәаҳәа актәии ажәеизатәии аклассқәа рзы имҩаԥган.

  • © Sputnik / Томас Тхайцук

    Егьырҭ аклассқәа рҵаҩцәа иаразнак аурокқәа рымҩаԥгара иалагеит.

  • © Sputnik / Марианна Кубрава

    Актәи акласс ахь зшьаҿа еихызгаз ахәыҷқәа рыбжьара иҟан зылаӷырӡ зызнымкалозгьы.

  • © Sputnik / Томас Тхайцук

    Аҟәатәи ажәабатәи абжьаратә школ аҵаҩцәа.

  • © Sputnik / Томас Тхайцук

    Ҩ-нызқьи бжаки инареиҳаны актәи акласс аҵаҩцәа Аԥсны ашколқәа рахь ицеит.

  • © Sputnik / Томас Тхайцук

    Аҵарадырра амҩа ианылаз ахәыҷқәа гәырӷьоит.

  • © Sputnik / Томас Тхайцук

    Первый звонок – событие, которого долго ждали дети и их родители.

  • © Sputnik / Томас Тхайцук

    Аҟәатәи абжьаратә школқәа рахь актәи акласс ҳәа инеит 800-ҩык рҟынӡа ахәыҷқәа.

  • © Sputnik / Марианна Кубрава

    Ажәҩан ихалырҵаз аԥышәҭырчқәа ирыхәаԥшоит ахәыҷқәа.

  • © Sputnik / Томас Тхайцук

    актәи аурок аҟны арҵаҩы ашколхәыҷқәа анбанқәа длырбоит.

Ашьхараҿы аԥсшьара: аԥхынтәи Ауадҳара аԥшӡара

23
Ауадҳара — Аԥсны ашьхараҿы илеиуа ӡиасуп, иара убас ашьхаратә бальнеологиатә курортуп, уи амшын инахыкны 1650—1700 метра иҳараку аҭыԥ аҿы иҟоуп, аӡиа Риҵаҟынтәи 18 километра аҩадахьы.

Аԥсны ашьхаратә туризм амшынтә еиԥшҵәҟьа ауаа бзиа ирбоит. Ауаа ҭынч аԥсшьареи ақалақь аӷьалпали ирцәыбналарц азы Ауадҳара рыԥсшьараамҭа рхыргарц рҽазыҟарҵоит.

Ауадҳара уаныҟоу ашьха ӡиақәа рахь шьапыла ма ҽыла уцар улшоит, агитара арҳәо амца уҽҳәатәаны ахәылԥазқәа ухугар ҟалоит, мамзаргьы акаҳуа афҩы лаҳалаҳауа шьыжьнаҵы ижәуа, ашьха цаҩцаҩқәа ургәыдыԥшыло уаамҭа ухугар улшоит.

Ауадҳараҟа уҩызцәа урыцны уцар ҟалоит, еиуеиԥшым агаджетқәа рҟынтәи ухы аԥсы аршьаны, уҭаацәеи уареи аамҭа еицухыганы, угәы ухауршҭыр улшоит, умчқәа еизганы, ахәыцрақәа рҭыԥ иқәҵаны, мамзаргьы гәацԥыҳәарак узааины умузагьы узцәырҵыр ҟалоит.

Ауадҳара атуристцәагьы бзиа ирбоит, аха уеизгьы ашьхараҿы аасҭа амшын аҿоуп дара еиҳарак иахьубо.

Иара убас шәаԥхьар ҟалоит:

23
  • © Sputnik / Томас Тхайцук

    Ашьхақәа ургәыдыԥшыло ашьыжьтәи аҭаалым ала ашьыжь ианалаго - еиӷьу иҟоузеи!

  • © Sputnik / Томас Тхайцук

    Ауадҳара активла аԥсшьара бзиа избо рзы иреиӷьу ҭыԥуп.

  • © Sputnik / Томас Тхайцук

    Ауадҳаранӡа амашьына ҳаракқәа рыла ацара реиҳа иманшәалоуп.

  • © Sputnik / Томас Тхайцук

    Атуристцәеи аҭыԥантәи ауааԥсыреи ҽыла инаргааргоит.

  • © Sputnik / Томас Тхайцук

    Шьоукгьы аҽазыҟаҵарақәа аспортзал аҟынтәи аҳауа цқьахь ииаргоит.

  • © Sputnik / Томас Тхайцук

    Даҽа шьоукы шьапыла аныҟәарақәа бзиа ирбоит, амҩан ашәҭ ԥшӡақәагьы ҿырхуеит.

  • © Sputnik / Томас Тхайцук

    Быжь-ӡиак ркаршәра.

  • © Sputnik / Томас Тхайцук

    Ашьхараҟны ухала уԥсы ушьартә, ухы аҭыԥ аҿы иааугартә азы иреиӷьу ҭыԥуп.

  • © Sputnik / Томас Тхайцук

    Иара убас уҭаацәеи уареи аамҭа еицышәхыжәгар ахьалшо иреиӷьу ҭыԥзар ҟалап.

  • © Sputnik / Томас Тхайцук

    Мамзаргьы укәша-мыкәша иҟоу убла хызкуа аԥшӡарақәа арыхәаԥшрадагьы уаҳа ак аҭахым.

  • © Sputnik / Томас Тхайцук

    Аӡынра Ауадҳараҟа ахалара гәаӷьыуацәазаргьы, аԥхынра уаатәи аҩнхәыҷқәа рҿы иҭацәу аҭыԥ аԥшаара уадаҩуп.

  • © Sputnik / Томас Тхайцук

    Аԥсны атәылауаа Ауадҳараҟа еиҳара изхало ақалақьтә еилаҩеиласрақәа рҟынтәи рыԥсы ршьарц азоуп.

  • © Sputnik / Томас Тхайцук

    Ауадҳаратәи асахьақәа уанрыхәаԥшуа, зны-зынла иузхамҵаргьы ҟалоит, абасҵәҟьа иԥшӡароума ҳәа!

  • © Sputnik / Томас Тхайцук

    Ашьхаҿы аҽы уақәтәаны умныҟәакәа улбаар, ашьха уҟамызт ауп иаанаго.

  • © Sputnik / Томас Тхайцук

    Убасҵәҟьа амца еиқәҵаны уҽҳәамтәакәа ауам.

  • © Sputnik / Томас Тхайцук

    Ажәакала, Ауадҳара - ухы, угәы, уцәаҩала уԥсы ахьушьо, џьара ҿкык сыхьп ҳәа уахьацәымшәо ҭыԥуп.

Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

0
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0