Ачемпионцәа рҭыԥ: Алада Ешыра иҟаз СССР Аолимпиатә база

16
(ирҿыцуп 15:09 21.07.2020)
Алада Ешыра иҟаз Асовет Еидгыла Аолимпиатә базаҟны ашьапылампыл, анапылампыл, амҵәышәмпыл, аԥқьаҭасра, агимнастика уҳәа аспортхкқәа рыла аидгыла акомандақәа рҽазыҟарҵон.

Аолимпиада-80 иалахәын иналукааша асовет спортсменцәа. Урҭ реиҳараҩык аҽазыҟаҵара иахысуан Аԥсны – Алада Ешыра иҟаз СССР Аолимпиатә база хадаҿы.

Алада Ешыра иҟаз Асовет Еидгыла Аолимпиатә база хада аргылара рыӡбеит хынҩажәатәи ашықәсқәа рзы. Усҟан ари аҭыԥ аҿы аеродром ыҟан. Уи нас Бабышьараҟа ииаргеит, ара - 64 гектар иахьрыҵаркуаз аолимпиатә ргылара нап алакын.

Ешыратәи абазаҿ зҽазыҟазҵоз аспортсменцәа иреиуан аԥснытәиқәагьы - Саида Гәынԥҳа, Москватәи Аолимпиадаҟны аҵәы аршәразы араӡны медал занашьахаз, Владимир Дорохов, Олимпиада-80 аҿы СССР анапылампыласыҩцәа ркоманда иалахәны ахьтәы медал згаз, Виктор Санеев – хынтәтәи аолимпиатә чемпион Олимпиада-80 аҿы араӡны медал занашьахаз.

Ешыратәи Аолимпиатә спорттә база аҟазаара ҿахҵәеит 1992-1993 шықәсқәа рзтәи ақырҭуа-аԥсуа еибашьраан.

Иахьазы аспортбаза еилаԥыхха игылоуп.

Иара убас шәаԥхьар ҟалоит:

Ачемпион изы "араӡны": Аԥснытәи аспортсмен Аолимпиада-80 аҿы аҩбатәи аҭыԥ шигаз

16
  • © Sputnik / Акоп Кущян

    Алада Ешыра иҟаз СССР Аолимпиатә база хада.

  • © Sputnik / Томас Тхайцук

    Аолимпиада-80 иалахәын иналукааша асовет спортсменцәа. Урҭ реиҳараҩык аҽазыҟаҵара иахысуан Аԥсны – Алада Ешыра иҟаз СССР Аолимпиатә база хадаҿы.

  • © Sputnik / Томас Тхайцук

    Алада Ешыра иҟаз СССР Аолимпиатә база хада аргыларазы аӡбра рыдыркылеит хынҩажәатәи ашықәсқәа рзы. Усҟан ари аҭыԥ аҿы аеродром ыҟан.

  • © Sputnik / Томас Тхайцук

    Аолмпиатә база аҭӡаҿы иану амозаикатә панно.

  • © Sputnik / Томас Тхайцук

    Аолимпиатә база иахьа еилаҳаны иҟоуп.

  • © Sputnik / Томас Тхайцук

    Аолимпиатә база ихадараз аихагылаҿы иҟан акрыфарҭа, асасааирҭатә уадақәа, акинотеатр.

  • © Sputnik / Томас Тхайцук

    Абри аӡҭарчаҿы рҽазыҟарҵон асовет спортсменцәа.

  • © Sputnik / Томас Тхайцук

    Ешыратәи Аолимпиатә спорттә база аҟазаара ҿахҵәеит 1992-1993 шықәсқәа рызтәи аибашьраан, аиҳарак шьаҭанкыла еилаԥыххаан. Ешера афронт цәаҳәа мҩасуан.

  • © Sputnik / Томас Тхайцук

    Аолимпиатә база аиҭашьақәыргылара алшар ҟалоит ҳәа агәыӷрақәа ыҟан 2000-тәи ашықәсқәа раан.

  • © Sputnik / Томас Тхайцук

    СССР аамҭақәа рзы аспорттә инвентарь ԥхасҭа амамкәа иааиуан, аха 1992-1993 шықәсқәа рзтәи Аԥсны аџьынџьтәылатә еибашьраан зегь блит.

Атемақәа:
Аолимпиада-80 (12)

Алаҭаҷаҷа, алгажә: "амхурсҭа аҳкәажә" аҭагалара

8
(ирҿыцуп 13:35 22.11.2020)
Аџьықәреи акультура Аԥсны иаланагалеит XVIII ашәышықәса анҵәамҭазы. Уи иаԥсахит уи аԥхьа ирааӡоз аши (ашырӡи) ахәыӡи. Аԥсны иаадрыхуа аџьықәреи ҩ-хкыкны иҟоуп: алаҭаҷаҷа, алгажә.

Аџьықәреи акультура Аԥсны иаланагалеит XVIII ашәышықәса анҵәамҭазы. Аџьықәреи алаҵара иалагоит лаҵарамзазы, анаҩсан идрашәоит, аҿыхра иалагоит ҭагалан, ибзианы инҩалак.

Аԥсны ақыҭанхамҩатә культураҿы аџьықәреи актәи аҭыԥ ааннакылоит. Уи иалҵуа ашылала ируа абысҭа аԥсуа ичыс хада - агәыхә - ауп. Уи анаҩсгьы аԥш аҵәы иахаҵаны иӡны, ма ижәны ирфоит. Ашыла мгьал агьама акәзар, акы иаламҩашьо иҟоуп. Иара убас ашыла ахархәара арҭоит егьырҭ афатә хкқәа рҟынгьы. Аџьықәреи анҭаргалалак ашьҭахь аԥҳә арахә рзы аӡын хәы ҳәа ирҵәахуеит.  Аџьықәреи ахаҭа цәырҳәны аца иҭарыԥсоит.

2020 шықәса жьҭаара анҵәамҭазы Аԥсны иҭаргалахьеит 17,7 нызқь тонна аџьықәреи.

Аҟәа араион аҿы аурақәа рзеиԥш хышәаҵышәа – 110 гектар, Гәылрыԥшь араион – 600 гектар,  Очамчыра араион – 3,5 нызқь гектар,  Тҟәарчал араион– 950 гектар,  Гал араион – 2,5 нызқь гектар.

Иара убас шәаԥхьар ҟалоит:

8
  • © Sputnik / Томас Тхайцук

    Аԥсны ақыҭанхамҩатә культураҿы аџьықәреи актәи аҭыԥ ааннакылоит.

  • © Sputnik / Томас Тхайцук

    Уи иалҵуа ашылала ируа абысҭа аԥсуа ичыс хада - агәыхә - ауп. Уи анаҩсгьы аԥш аҵәы иахаҵаны иӡны, ма ижәны ирфоит.

  • © Sputnik / Томас Тхайцук

    Аџьықәреи алаҵара иалагоит лаҵарамзазы, анаҩсан идрашәоит, аҿыхра иалагоит ҭагалан, ибзианы инҩалак.

  • © Sputnik / Томас Тхайцук

    Аԥсны абысҭа аџьыкхыш амҭакәа ируеит. Аиҳарак ашыла шкәакәа иалырхуеит (иҟоуп ашыла ҩежь ала ианыруагьы). Аишәаҟны реиҳа ихадоу гәыхәуп.

  • © Sputnik / Томас Тхайцук

    Аџьықәреи иалху ашыла, ишдыру еиԥш, ашьақар, акрахмал, авитамин В1 алоуп. Иара ирласны иухаҳауа акакәны ишьоуп.

  • © Sputnik / Томас Тхайцук

    Аџьықәреи ахаҭа цәырҳәны аца иҭарыԥсоит.

  • © Sputnik / Томас Тхайцук

    Аџьықәреи ахаҭа цәырҳәны аца иҭарыԥсоит.

  • © Sputnik / Томас Тхайцук

    Аџьықәреиҿыхра ианаамҭоу аҭаацәа зегьы еицхыраауеит.

  • © Sputnik / Томас Тхайцук

    Аџьықәреи анҭаргалалак ашьҭахь аԥҳә арахә рзы аӡын хәы ҳәа ирҵәахуеит.

  • © Sputnik / Томас Тхайцук

    "Амхурсҭа аҳкәажә" ҳәа ззырҳәо аџьықәреи аарыхны ацаҟынӡа анагаразы, шаҟа цьабаа аҭахыузеи? Адгьыл ацәаӷәара, алаҵара, арашәара, аҭагалара уҳәа.

  • © Sputnik / Томас Тхайцук

    Аџьықәреи Аԥсны аарыхра иалагеижьҭеи рацәак ҵуам. Уаанӡа иаадрыхуаз ашыи, ахәыӡи — аџьықәреи иаԥсахит.

  • © Sputnik / Томас Тхайцук

    Сынтәа аџьықәреи аҭагаларазы Аԥсны араионқәа арекордқәа шыҟарҵаз азгәарҭоит.

"Нарҭи" "Афони" реиԥылара: ашьапылампыл азы Аԥсны ачемпионат афинал

19
(ирҿыцуп 10:02 26.10.2020)
Амҽыша, жьҭаара 25 рзы акомандақәа "Нарҭи" (Аҟәа) "Афони" (Афон Ҿыц) реиԥыларала имҩаԥысит ашьапылампыл азы Аԥсны ачемпионат аҵыхәтәантәи ахәмарра.

Аҟәатәи "Нарҭ" ашьапылампыл азы Аԥсны иачемпионхеит, ашьапылампылтә клуб "Афон" ианаиааи ашьҭахь. Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

19
  • © Sputnik / Томас Тхайцук

    Афон Ҿыц имҩаԥган ашьапылампыл азы Аԥсны ачемпионат ахәмарра.

  • © Sputnik / Томас Тхайцук

    Афинал аҟны "Нарҭи" (Аҟәа) "Афони" (Афон Ҿыц) ркомандақәа еиԥылеит.

  • © Sputnik / Томас Тхайцук

    Ахәмарра ахәбатәи аминуҭ аан ампыл амба иҭаиршәит Ҭемыр Агрба ("Нарҭ" Аҟәа)

  • © Sputnik / Томас Тхайцук

    Аҩбатәи атаим аан аӡбаҩ аҟәатәи акоманда ахәмарыҩ Асҭамыр Џьынџьал далицеит. Абри ашьҭахь "Нарҭ" жәаҩыкны ихәмаруан.

  • © Sputnik / Томас Тхайцук

    Еиҭахарыла ма аҵахарыла ихәмарыр актәи аҭыԥ зауаз гәдоуҭатәи "Риҵа" акәхон.

  • © Sputnik / Томас Тхайцук

    Ҭемыр Агрба, аҽазныкгьы, 60-тәи аминуҭ азы ампыл ҭаиршәит. 71-тәи аминуҭ азы ахԥатәи ампыл амба иҭаиршәит Алан Кәыҵниа.

  • © Sputnik / Томас Тхайцук

    Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

  • © Sputnik / Томас Тхайцук

    Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

  • © Sputnik / Томас Тхайцук

    27-тәи ачемпионати Атәыла ахраҿеи рзы ахәмаррақәа ирылахәын быжь-командак: "Риҵа", "Афон", "Ерцахә", "Самырзаҟан", "Динамо", "Нарҭ", "Гагра".

  • © Sputnik / Томас Тхайцук

    Ашьапылампыласҩцәа риааира иақәгәырӷьоит.

  • © Sputnik / Томас Тхайцук

    Аԥсны ашьапылампыл азы ачемпионат ахәмаррақәа хацыркын нанҳәа 3 - 4 рзы.

  • © Sputnik / Томас Тхайцук

    Аҟәатәи "Нарҭ" ашьапылампыл азы Аԥсны иачемпионхеит.

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау