"Аӡырҳәыԥныҟәцаҩцәа рыҩны": Галтәи аспортбаза аҭагылазаашьа

17
(ирҿыцуп 20:36 23.07.2020)
Аԥсны Мрагыларатәи ахәҭа, Актәи Гал ақыҭаҟны иҟоуп иахьа игәыгәҭажьу, аха асовет аамҭазы Европеи, Азиеи рҟнытәи аӡырҳәыԥныҟәцаҩцәа (абаидарочникцәа) рҽазыҟаҵарақәа ахьымҩаԥыргоз аспортбаза.

Галтәи аспортбаза ргылан 1972 шықәсазы. Арахь шықәсык ахь ԥшьынтә аҽазыҟарақәа рзы иаауан Асовет Еидгыла иаҵанакуаз атәылақәа рҟынтә аспортсменцәа. Дара рхыԥхьаӡараҿы иҟан Европеи, Адунеи, Аолимпиатә хәмаррақәеи рчемпионцәа - Иури Филатов, Галина Крефт, Владимир Парфенович, Виталии и Леониди Ивановаа.

Аобект еилаҳаит Аԥсны Аџьынџьтәылатә еибашьра ашықәсқәа рзы. Аҭыԥантәи анхацәа, зыҩнқәеи згәарақәеи рыблыз, аспортбаза иатәыз амал еимырҵәеит. Уи аахыижьҭеи аспортбаза гәыгәҭажьны иҟоуп, акәша-мыкәша агәамсам кажьуп, аҵакырадгьыл арахә ҭоуп, амаӷ ахысны иҟоуп.

Аспорткомплекс иаҭынхеит акрыфарҭа, иахьа ахархәара амоуп қьафурҭаҵас, асовет аамҭа рныԥшуеит аҩнымаҭәеи аинтериери.

Иара убас шәаԥхьар ҟалоит:

 

 

17
  • © Foto / Акоп Кущян

    Галтәи аспортбазахь аҽазыҟарақәа рзы иаауан Асовет Еидгыла иаҵанакуаз атәылақәа рҟынтә аспортсменцәа. Дара рхыԥхьаӡараҿы иҟан Европеи, Адунеи, Аолимпиатә хәмаррақәеи рчемпионцәа - Иури Филатов, Галина Крефт, Владимир Парфенович, Виталии и Леониди Ивановаа.

  • © Sputnik / Томас Тхайцук

    Актәи Гал ақыҭаҿы игылоуп Аԥсны Аџьынџьтәылатә еибашьра ашықәсқәа рзы еилаҳаз аспортбаза, аҭыԥантәи анхацәа уи амазара еимырҵәеит.

  • © Sputnik / Томас Тхайцук

    Иахьатәи Актәи Гал збо агәра игашам 27 шықәса раԥхьа ара аԥсҭазаара еилашуан ҳәа.

  • © Sputnik / Томас Тхайцук

    Акрыфарҭа иахьагьы аус ауеит, амала уажәы ақьафурҭа ахьӡуп.

  • © Sputnik / Томас Тхайцук

    Асовет аамҭа рныԥшуеит аҩнымаҭәеи аинтериери.

  • © Sputnik / Томас Тхайцук

    Аспортсменцәеи азыҟаҵаҩцәеи аамҭа анрымаз абилиард ихәмарлон.

  • © Sputnik / Томас Тхайцук

    Аҭыԥантәи аҿар аспортбаза аҵакырадгьыл лассы-лассы иаҭаауеит.

  • © Sputnik / Томас Тхайцук

    Аспортсменцәа ррежим ӷәӷәан: ашьыжь асааҭ быжьба рзы игылон, иҩуан, шьыжьхьа ашьҭахь аҽазыҟаҵарақәа мҩаԥыргон. Шьыбжьышьҭахь ҩ-сааҭк аԥсшьара рыман, нас еиҭах аҽазыҟаҵарақәа ирылагон.

  • © Sputnik / Томас Тхайцук

    Аӡҭырчы ааигәа игылаз аҽыкәабарҭақәа.

  • © Sputnik / Томас Тхайцук

    Абаидаркақәеи аканоеи рыспортхкы азыҟаҵаҩ Виачеслав Миқаа.

  • © Sputnik / Томас Тхайцук

    Галтәи аӡеизакырҭа ԥсыӡкра ҳәа иаҭаауеит акәымзар, уажәшьҭа аспортсменцәа рхы иыдрхәартә иҟам.

Атемақәа:
Аолимпиада-80 (12)

Абзиараз, ҭагалан: быӷькаԥсан Аԥсны

29
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

29
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.

Знапы ахьы аԥссоу гәдоуҭатәи аҟазацәа русушьа

6
(ирҿыцуп 16:17 30.11.2020)
Ажьи Зураб Ҳагба иҟазарҭа ашә аартуижьҭеи иҵуеит фышықәса. Уи аамҭа иалагӡаны ирацәоуп идҵаало, иҿазҵо.

Заанаҭла имашьынарныҟәцаҩу, аха аҟыбаҩ ҷыда злоу Гәдоуҭа ақалақь аҟны инхо Ҳагба Зураб инапкымҭакәа даара иааџьоушьартә иҟоуп.

Аиха аус адиулоит. Еиуеиԥшым аихалыхқәа ҟаиҵоит: агәашәқәа, ашьаҟақәа, амардуанқәа, аихатәы ҟәардәқәа уҳәа ауаҩы игәы ззыҳәо зегьы.

Иҿазҵарц зҭаху ирыдигалоит хкы рацәала аихалыхқәа зну асахьақәа, нас уи дахәаԥшны ргәаҳәара наигӡоит.

Аиха знапаҿы иаазгаз: ажьи Зураб Ҳагба иҭоурых - шәаԥхьар ҟалоит.

 

6
  • © Sputnik / Томас Тхайцук

    Фышықәса раԥхьа иааиртит аҟазарҭа Зураб Ҳагба, афотоҟны раԥхьатәи инапкымҭа.

  • © Sputnik / Томас Тхайцук

    Иахьазы Зураб дивагыланы ас иуеит Узбекистанынтә иааз аусзуҩ Иакуб Хаитов

  • © Sputnik / Томас Тхайцук

    Еиуеиԥшым аихалыхқәа ҟаиҵоит: агәашәқәа, ашьаҟақәа, амардуанқәа, аихатәы ҟәардәқәа уҳәа ауаҩы игәы ззыҳәо зегьы.

  • © Sputnik / Томас Тхайцук

    Араҟа улаԥш нақәшәоит еиуеиԥшым аус здиуло амыругақәа, зегьы инарыгӡоит рхатәы роль. Акы аиха ариашоит, акы еикәанарҵәиуеит, акы иарҟьаԥсуеит.

  • © Sputnik / Томас Тхайцук

    Иҿазҵарц зҭаху ирыдигалоит хкы рацәала аихалыхқәа зну асахьақәа, нас уи дахәаԥшны ргәаҳәара наигӡоит.

  • © Sputnik / Томас Тхайцук

    Иҟоуп зыҟаҵара еиҳа иуадаҩу аҿаҵамҭақәа, аамҭала маҷк иадхаларгьы, зегьы акоуп хара имгацәакәан инарыгӡоит.

  • © Sputnik / Томас Тхайцук

    ажьи Зураб Ҳагба иажәақәа рыла аусутә рацәаны имоуп, иҿазҵогьы рхыԥхьаӡара еиҳа еизҳауеит.

  • © Sputnik / Томас Тхайцук

    Ҳагаа рҭаацәа рнапкымҭақәеи урҭ ирыцу аусуратә гәахәареи идырҵабыргуеит шаҟа иманшәаланы, ҭахҧхықәрала, рус бзиа ибаны ишазнеиуа.

  • © Sputnik / Томас Тхайцук

    Зураб иԥа Алиасгьы дазҿлымҳауп иаб инапы злаку аус. Инапкымҭоуп еиуеиԥшым аихалыхқәа.

Атемақәа:
Иҟаҵоуп Аԥсны
Ноги младенца в руках матери

COVID-19 аан ан лҟынтәи ахәыҷ иахь ацәеижьҿагыларақәа шиасуа атәы аарԥшуп

4
Уаанӡа Роспотребнадзор аҟны еилыркаахьан адуцәа шракәу ахәыҷқәа авирус рылазгало.

АҞӘА, ԥхынҷ 1 - Sputnik. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, ҳәа лҳәеит Роспотребнадзор ЦНИИ аепидемиологиа аклиника-аналитикатә усуразы адиректор ихаҭыԥуаҩ Наталиа Пшеничнаиа. Абри атәы аанацҳауеит РИА Новости.

"SARS-CoV2 IgG,  SARS-CoV2 IgA рахь ацәеижьҿагылақәа аарԥшуп COVID-19 змаз ан лгәыԥҳәыхш аҟны. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, аха урҭ ирласны иӡуеит, убри азоуп ахәыҷы агәыԥҳәыхш ифонаҵы дзыхьчо", - лҳәоит Пшеничнаиа.

Лара иазгәалҭеит COVID-19 змоу анацәа згәы бзиоу рхәыҷқәа рҟны ацәеижьҿагыла шаадырԥшуа.

Урҭ ацәеижьҿагылақәа ирласны рыӡра ишьақәнарӷәӷәоит дара ан лҟынтәи ахшара иахь ииасыз шракәу, лҳәоит аепидемиолог.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау