Аиааира аламҭалаз: Мраҭашәаратәии Мрагыларатәии афронтқәа Кәыдры ацҳаҿы ишеиԥылаз

48
(ирҿыцуп 19:41 29.09.2020)
Цәыббра 29, 1993 шықәсазы Кәыдрытәи ацҳаҿы Аԥсуа ар Мраҭашәаратәии Мрагыларатәии афронтқәа еиқәшәеит.

Цәыббра 29, 1993 шықәсазы Аԥсны Аҳәынҭқарра Арбџьармчқәа аԥхьагыларатә архәҭақәа аӡиас Гәылрыԥшь араион Маҷара аӡиас аҟны ақырҭуа ар рхырӷәӷәарҭақәа ԥжәаны Бабышьра ақыҭан Аҟәатәи аҳаирбаӷәаза ааныркылеит. Аҩбатәи агәыԥ Кәыдры аӡиас аҟынӡа инаӡеит, уа Мрагыларатәи афронт аибашьцәеи дареи еиԥылеит.

Ари афотонҵамҭаҿы еизгоу афотоҭыхымҭақәа равтор Марина Барцыцԥҳа Емма Ҭаниаԥҳаи афонд "Амшреи" иҭабуп ҳәа ралҳәоит афотоархив асканер ахыжьраҟны иҟарҵаз ацхырааразы. Марина Барцыцԥҳа Аԥсны Аџьынџьтәылатә еибашьраан амедицина-санитартә баталион далан, уи аамҭазы аибашьцәа рфотосахьақәа ҭылхуан, архив ду аԥҵаны илымоуп.

"Сгәанала, сара исықәҿиеит ианаҭахыз иахьаҭахыз сахьыҟалаз. Уаҳа афотоҭыхҩы ииҭахи? Насыԥс исыман Кәыдрытәи ацҳахь раԥхьа инеиз сахьрылаз. Ҳара иаразнак иагьҳзеилымкааит уи ацҳа ҳахысыр шыҟалоз, нырцә ҳара ҳтәқәа шгылаз. Ҳаибашьцәа ацҳа агәҭаҟны раԥхьаӡа ианеиԥылоз аминуҭқәа рзы рааигәара сҟалеит. Уи насыԥ дуӡӡан зегь ҳзы. Цәаныррақәас иҳамаз зегьы афотосахьақәа рҿы иубоит. Убри амш акәын сара сзы аиааира амш. Убас ҳгәы иаанагон - адунеи зегьы ҳҿагыларгьы, аӡәгьы уажәшьҭа даҳзымиааиуазшәа", - ҳәа Sputnik иалҭаз аинтервиуқәа руак аҿы илҳәеит Марина Барцыцԥҳа.

Аринахыс Очамчыра-Тҟәарчалтәи арегион 13 мзы инареиҳаны изҭагылаз аблокада аҵыхәа ԥҵәан. Ақырҭуа ар рыхәҭақәак рабџьари рырратә техникеи кажьны ашьхақыҭа Лаҭа шыҟаз рхы рханы иқәҵуан.

Қырҭтәыла иаҿагыланы аибашьраҿы аԥсуа ган аҟынтәи иҭахеит 3,5 нызқьҩык. Хә-нызқьҩык инарзынаԥшуа ахәрақәа роуит, ҩышәҩык инареиҳаны хабарда ибжьаӡит.

Цәыббрамза аҵыхәтәантәи амшқәа рзы Аԥсны иргәаладыршәоит ареспублика ахьыԥшымра зхы ақәызҵаз, иазгәарҭоит Аиааира Амшныҳәа.

 

48
  • © Foto / Марина Барциц

    Цәыббра 29, 1993 шықәсазы Кәыдрытәи ацҳаҿы Мраҭашәаратәии Мрагыларатәии афронтқәа еиқәшәеит.

  • © Foto / Марина Барциц

    Аӷацәа рырхәҭақәа ашьхарақәа рҿы иҟаз ақыҭақәа рахь ихьаҵит, уаҳа аҿагылара ҳәа акгьы ҟарҵомызт.

  • © Foto / Марина Барциц

    Аԥсуа ар еиҟәшаз рымч уажәшьҭа еибырҭеит, иззымиааиуаз ҳәа акгьы ыҟамызт.

  • © Foto / Марина Барциц

    "Аиԥылара". Ҳаибашьцәа акыр иззыԥшыз Аиааира еидырныҳәалоит. Уи насыԥ дуӡӡан зегь рзы.

  • © Foto / Марина Барциц

    Ацҳа ахьчаҩцәа - Мушьни Хәарцкьиа ихьӡ зхыз аԥшыхәра-диверсиатә гәыԥ аибашьцәа: адҵаҟаҵаҩ Амиран Берзениа, Вахтанг Мацхарашвили, Гиви Ҭурқьиа, Рауль Ԥанҭиа.

  • © Foto / Марина Барциц

    Аԥшыхәра-диверсиатә гәыԥ дҵас иаман аӷа ацҳа аҩганк рыла дзықәымсыртә аҟаҵара. Ацҳа ахәҭак ԥжәан.

  • © Foto / Марина Барциц

    Аԥсуа ар афронтқәа рыҩбагьы анеиқәшәа ашьҭахь, Егры аҳәаахь рымҩа иацырҵеит.

  • © Foto / Марина Барциц

    Ақырҭуа-аԥсуа еибашьраҟны аԥсуа ган ахьтә иҭахеит 3,5 нызқьҩык, х-нызқьҩык рҟынӡа ахәрақәа роуит, ҩышәҩык инареиҳаны хабарда ибжьаӡит.

  • © Foto / Марина Барциц

    Ацҳахь Тҟәарчалынтәи инеит аибашьцәа зҭатәаз Камаз. Аринахыс Тҟәарчали Очамчыреи араионқәа 13 мзы изҭагылаз аблокада рхыхын.

  • © Foto / Марина Барциц

    Афотоҭыхымҭақәа равтор Марина Барцыцԥҳа Емма Ҭаниаԥҳаи афонд "Амшреи" иҭабуп ҳәа ралҳәоит афотоархив асканер ахыжьраҟны иҟарҵаз ацхырааразы.

"Ицаҳәцаҳәуа" анаҟәа: урыстәылатәи аруаа арзҩыдара шымҩаԥырго Аԥсны

10
(ирҿыцуп 18:12 21.10.2020)
Ҟрымынтәи Гәдоуҭа иҟоу урыстәылатәи арратә базахь иааит 11 машьына рколонна, жьҭаара 19 рзы.

Амшын еиқәа афлот арадиациатәи, ахимиатәи, абиологиатәи хьчара архәҭаҟынтәи акоронавирус аламырҵәаразы Аԥсны иааны ауснагӡатәқәа рымҩаԥгара иаҿуп, урҭ ирылагеит Аҟәатәи аџьармыкьа ала.

Атехника ҷыда аџьармыкьа хадеи иара иаԥну аҭыԥқәеи ахимиатә еилазаарала аус рыдырулоит. Абри ашьҭахь аԥхарратә машьынала аџьармыкьа аерозольтә рзҩыдагала ихнаҟьоит.

Иара убас шәаԥхьар ҟалоит:

10
  • © Sputnik / Томас Тхайцук

    Специалист готовит тепловую машину с реактивным двигателем, с ее помощью обработали рынок аэрозольным дезинфецирующим раствором.

  • © Sputnik / Томас Тхайцук

    Работы начались с Центрального рынка в Сухуме.

  • © Sputnik / Томас Тхайцук

    Амшын еиқәа афлот арадиациатәи, ахимиатәи, абиологиатәи хьчара архәҭаҟынтәи акоронавирус аламырҵәаразы Аԥсны иааны ауснагӡатәқәа рымҩаԥгара иаҿуп, урҭ ирылагеит Аҟәатәи аџьармыкьа ала.

  • © Sputnik / Томас Тхайцук

    Аԥхарратә машьынала аџьармыкьа аеразольтә рзҩыдагала ихнаҟьоит.

  • © Sputnik / Томас Тхайцук

    Военные опрыскали специальным раствором всю территорию рынка.

  • © Sputnik / Томас Тхайцук

    Жьҭаара 21 рзы арзҩыдара мҩаԥгахоит аҿкчымазаратә хәышәтәырҭа, арранаԥхьаратә пункт, архив, ар рыштаб –50 000 метр ԥшьыркца еиуеиԥшым ахыбрақәа.

  • © Sputnik / Томас Тхайцук

    Автомашьынақәа ирылахәуп зхала арзҩыдага ақәызҭәо амобилтә комплексқәа АРС-14М, ареактив рныҟәага зықәгылоу амашьынақәа ТМС-65У, ДКВ-1К, аԥхарратә машьынақәа ТМС-65У, арзҩыдага ҷыдақәа ДК-4.

  • © Sputnik / Томас Тхайцук

    Ари аиԥш арзҩыдара акыр хра аманы иҟоуп.

  • © Sputnik / Томас Тхайцук

    Арзҩыдара анымҩаԥыргоз аамҭазы ахылаԥшра рырҭон аԥснытәи амилициа аусзуҩцәа

  • © Sputnik / Томас Тхайцук

    Уи адагьы арзҩыдара иахрыжьуеит амҩадуқәа.

Амобилтә цхыраара: урыстәылатәи антиковидтә госпиталь Аԥсны

7
Урыстәыла Атәылахьчара аминистрра амобилтә госпиталь Аҟәа, асасааирҭа "Аиҭар" аҟны жьҭаара 19 рзы идыргылеит.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит.

Амобилтә медицинатә еилазаара иалоуп 113-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшоит. Иара убас ара иҟоуп алабораториа, арентген ауада, еиқәыршәоуп арԥҳақәа аҳауарҭарсгақәа, УЗИ аппаратқәа, ашьа анализҟаҵагақәа рыла. ПЦР-анализқәагьы аҭыԥан иҟарҵалоит.

Урыстәылатәи арратә госпиталь раԥхьатәи COVID-19 змоу апациентцәа аднакылеит жьҭаара 20 аҽны.

Иара убас шәаԥхьар ҟалоит:

7
  • © Sputnik / Томас Тхайцук

    Урыстәыла Атәылахьчара аминистрра амобилтә госпиталь Аҟәа, асасааирҭа "Аиҭар" аҟны жьҭаара 19 рзы идыргылеит.

  • © Sputnik / Томас Тхайцук

    Аҟәа асасааирҭа "Аиҭар" ашҭаҿы иаадыртыз арратә госпиталь иахьа, жьҭаара 20 раԥхьатәи апациентцәа аднакылеит.

  • © Sputnik / Томас Тхайцук

    Амобилтә хырхарҭарацәалатә госпиталь аруаа аштаттә техника ала Ставропольтәи атәылаҿацә Будионновск ақалақь аҟынтәи Аԥснынӡа иааит 800 километра ирхысны.

  • © Sputnik / Томас Тхайцук

    Амобилтә медицинатә еилазаара иалоуп 113-ҩык аррамаҵурауааи иҷыдоу арратә техника 30 цыреи.

  • © Sputnik / Томас Тхайцук

    Урыстәыла атәылахьчара аминистрра амобилтә госпиталь, иаҭаххар, 150-ҩык рҟынӡа акоронавирус змоу апациентцәа аднакылар алшоит.

  • © Sputnik / Томас Тхайцук

    Урыстәылатәи аҳақьымцәа иааргеит амедицинатә маругақәеи ахәшәқәеи.

  • © Sputnik / Томас Тхайцук

    Иҟоуп алабораториа, арентген ауада, еиқәыршәоуп арԥҳақәа аҳауарҭарсгақәа, УЗИ аппаратқәа, ашьа анализҟаҵагақәа рыла. ПЦР-анализқәагьы аҭыԥан иҟарҵалоит.

  • © Sputnik / Томас Тхайцук

    Амобилтә госпиталь аҿы аус рулоит 99-ҩык аҟазауаа.

  • © Sputnik / Томас Тхайцук

    Амобилтә госпиталь ареспубликахь идәықәҵоуп акоронавирустә инфекциа змоу апациентцәа рыхәышәтәраҿы ацхыраара аҟаҵаразы.

  • © Sputnik / Томас Тхайцук

    Оборудование для мобильного госпиталя Минобороны России в Абхазии.

  • © Sputnik / Томас Тхайцук

    Апалаткақәа амашьынақәа ианырҭыргоз аруаа асабрадақәа рҿан, ахыхьчаратә ԥҟарақәа ирықәныҟәон.

  • © Sputnik / Томас Тхайцук

    Агоспиталь аусура хацнаркит жьҭаара 20 рзы.

  • © Sputnik / Томас Тхайцук

    Амобилтә госпиталь ареспубликахь идәықәҵан Аԥсны атәылахьчара аминистрра иҟанаҵаз аҳәара ашьҭахь, акоронавирустә инфекциа змоу апациентцәа рыхәышәтәраҿ ацхырааразы.

Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны 134-ҩык акоронавирус рыдырбалеит, аӡәы лыԥсҭазаара далҵит

4
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау