Ҳахгьы ҳахьчарц, ҽаӡәгьы ҳиеиҷаҳарц: акоронавирус иаҳзаанагаз ашьцылара

29
(ирҿыцуп 16:20 17.10.2020)
Адунеи зегь зымҽхазкыз акоронавирус апандемиа Аԥсны аҿагылоижьҭеи шықәсыбжак еиҳауп. Атәылаҿы уажәы-уажәы еиуеиԥшым аԥкрақәа аларгалалоит. Аԥсны иқәынхои уи асасцәеи ирабжьыргоит ауаа рахь ианцәырҵуа асабрадақәа рҿарҵаларц.

COVID-19 ҳзышьцыланы ҳаҟаз ҳабзазашьа аԥсахит. Ачымазара ҿкы иацәшәаны амедицинатә сабрадақәа зхазҵо иалагаз рацәаҩхеит.

Еиҳарак асабрадақәа зҿоу ауаа уԥылоит ахыбрақәа рыҩнуҵҟа, ажәлар ахьеизо аҭыԥқәа рҿы. Аха иҟоуп апарк аҿы ма аԥшаҳәаҿы ианынеиааиуагьы зынӡа изхызымхуа.

Жьҭаара 13 рзы Аԥсны ахада Аслан Бжьаниа адҵа инапы аҵаиҩит атәылаҿы акоронавирус аламырҵәаразы аԥкрақәа ралагаларазы. Урҭ инарықәыршәаны, ауаа рацәа ахьеизо аҭыԥқәа рҿы амедицинатә сабрадақәа ныҟәыргаларц рабжьыргоит.

Жьҭаара 15 рызтәи адыррақәа рыла, акоронавирустә инфекциа Аԥсны ирыдырбалахьеит 2672-а, ргәы бзиахеит 1175-ҩык, 23-ҩык рыԥсҭазаара иалҵит.

Акоронавирус иазку ажәабжьқәа шәрыԥхьар ҟалоит абра>>

29
  • © Sputnik / Томас Тхайцук

    Аҟәа аԥшаҳәаҿы иуԥылоит асабрадақәа зҿоу аҭыԥҳацәа

  • © Sputnik / Томас Тхайцук

    Аԥсны адәныҟатәи аусқәа рминистр Даур Ақаҩба Алада Кавказ аҿы Евроеидгыла иҷыдоу ахаҭарнак Тоиво Клаар даниԥылоз

  • © Sputnik / Томас Тхайцук

    Аԥснытәи аҳәынҭқарратә университет астудентцәа урҿыԥшыртә иҟоуп. Урҭ алекциақәа раан адагьы, аԥсшьараамҭақәа рызгьы асабрадақәа рҿоуп.

  • © Sputnik / Томас Тхайцук

    Аџьармыкьаҿы асабрада зҿаны иуԥыло рацәаҩым, аха ари аҭиҩы лыхгьы дазхәыцуеит, даҽаӡәгьы ашәарҭара дҭалыргылом.

  • © Sputnik / Томас Тхайцук

    Аџьармыкьа - реиҳа ауаа рацәаны иахьеизо аҭыԥқәа иреиуоуп. Убри азы ароуп еиҳарак ухы уахьеиҷаҳаша.

  • © Sputnik / Томас Тхайцук

    Астудентцәа анеицәажәогьы асабрадақәа рҿоуп.

  • © Sputnik / Томас Тхайцук

    Амашьынаргыларҭаҿы аус зуа ахаҵагьы ихы ихьчоит.

  • © Sputnik / Томас Тхайцук

    Аԥсадгьыл ахьчаҩцәа апандемиа аамҭазы даҽа "џьаԥҳаныкгьы" рзацлеит - амедицинатә сабрада.

  • © Sputnik / Томас Тхайцук

    Ари ахәыҷы иакәзар, зегь рыла алеишәа ааирԥшуеит - даҽаӡәы иҽизааигәаитәуам, асабрадагьы иҿоуп.

  • © Sputnik / Томас Тхайцук

    Асабрада авирус адагьы узыцәнахьчо ыҟоуп.

  • © Sputnik / Томас Тхайцук

    Афильм "Чик ихәыҷра" аԥхьарбараан еизаз ауаагьы асабрадақәа рҿан.

  • © Sputnik / Томас Тхайцук

    Азинхьчаҩгьы ҳазҭагылоу аамҭа иашьашәаланы зегь рыла деибыҭоуп.

  • © Sputnik / Томас Тхайцук

    Иршәуи рсабрадақәеи еинрааланы изшәызҵогьы маҷҩым.

  • © Sputnik / Томас Тхайцук

    Апаркқәа рҟынгьы асабрадақәа зҿызымхуа ыҟоуп.

  • © Sputnik / Томас Тхайцук

    Аԥсуа телехәаԥшра аоператор "75 лет Победы" ҳәа зну асабрада иҿоуп.

  • © Sputnik / Томас Тхайцук

    Ажурналистцәа асабрадақәагьы рҿоуп, хара-харагьы еидтәалоуп.

  • © Sputnik / Томас Тхайцук

    Ахымҩаԥгашьа иаша уақәшәар, авирусгьы уҵараҵара иаԥырхагахом.

  • © Sputnik / Томас Тхайцук

    Шахи мати азықәҳаргылап, ҳаиааип акоронавирус.

Ҭагалантәи акакаҷқәа: Аԥсны аԥсабара аԥхынра шнаскьанаго

11
  • Шықәсык изызҳауа ашәҭқәа улаԥш дыргәырӷьоит
Аԥсны ҭагалан азы аԥсабара убла хнакуеит. Амш аԥхарра инаваргыланы ашәҭкакаҷқәа ԥштәырацәала иҭаҳәҳәаны ирымоуп ҳаԥсадгьыл.

Абри ашықәс аамҭазы Аԥсны иқәынхо ауааи асасцәеи ара изызҳауа ашәаԥыџьаԥ рызхара ирызбом, убри аҟара иԥшӡоуп - есымша ииаҵәоу аԥсақәа, атропикатә пальмақәа, урҭ ирывагылоуп амагнолиақәа, аолеандрқәа уҳәа зеиуахк уҭаху еиуеиԥшым аҵиаақәа.

Ҭагалан Аԥсны усҟак ишоурам аԥхын еиԥшҵҟьа, аха акыр иԥхарроуп. Ҽынла аҳауа аԥхарра бжьаратәла +23°С, уахынла +14°С.

Аԥхынтәи амра ашәахәақәа рҟны рыҽдырԥхарц Аԥсныҟа иаауеит Урыстәыла зегь аҟынтәи атуристцәа. Амшын аҿы зҽызкәабо рацәаҩуп, даҽа шьоукы аҭыԥантәи аҭыԥ ԥшӡарақәа ирҭаауеит, ашьхарақәа рахь ныҟәара ицоит.

11
  • © Sputnik / Томас Тхайцук

    Аԥсны ҭагалан акыр ихьшәаны иааиуеит, уи дыршаҳаҭуеит акыр аамҭа аԥхарра зҵоу амшқәа рыдагьы, иааҳакәыршаны ишәҭуа аҵиаақәа.

  • Шықәсык изызҳауа ашәҭқәа улаԥш дыргәырӷьоит
    © Sputnik / Томас Тхайцук

    Шықәсык изызҳауа ашәҭқәа улаԥш дыргәырӷьоит

  • © Sputnik / Томас Тхайцук

    Аҩнытәи ашәҭқәагьы макьана ауаа рбарҵақәа рҟны иқәыргыланы ирымоуп.

  • © Sputnik / Томас Тхайцук

    Аҳауа цқьеи аԥсабареи рыла ргәы дырҭәуеит ауаа рыдагьы, ацыгәқәагьы.

  • © Sputnik / Томас Тхайцук

    Ари Аҟәатәи аботаникатә баҳчаҿы изызҳауа абананқәа роуп.

  • © Sputnik / Томас Тхайцук

    Аҟәатәи аботаникатә баҳчаҿы изызҳауа ашәҭқәа амрахь рхы рханы игылоуп.

  • © Sputnik / Томас Тхайцук

    Аҭыԥҳацәа Аҟәа аԥшаҳәаҿы аҳауа рхьадырсуеит, амраҿы рыҽдырԥхоит.

  • © Sputnik / Томас Тхайцук

    Аԥсны ҭагалан бутиа ҟалоит, урҭ афиникқәа роуп ҳәа згәы иаанагогьы ыҟоуп.

  • © Sputnik / Томас Тхайцук

    Абыжәырҭа (Брехаловка) аҿы амш анбзиоу ахацәа еизаны ашахмат иасуеит.

  • © Sputnik / Томас Тхайцук

    Ҳамҩақәа зырԥшӡо аолеандр.

Ҭагалан агьама: Аԥсны аџьармыкьақәа рҟны ицәырҵыз аҽаҩра

16
Ҭагалан азбжаҟынӡа ҳааирц егьагым, аха макьана амра ашәахәақәа ихааӡа ҳдырԥхоит, абри аамҭазы Аҟәатәи аџьармыкьаҿы ирҭиуеит ари ашықәс аамҭазы иҭаргало аҽаҩра. Ԥштәы рацәала иуаркалеиуа ашәыри ауҭраҭыхи рыфҩы шылаҳалаҳауа уныруеит Sputnik афотоҭыхымҭақәа уанрыхәаԥшуа.

Амзар аҟны ҭагалан шарбоугьы, макьана акыр иԥхарроуп Аԥсны. Амшынҭалара аамҭа макьана ихыркәшам, аплиажқәа рҟны рыԥсы ршьоит атуристцәа, иара аҭыԥантәиқәагьы макьана иуԥылоит. Аҳауаԥхарра +23°С, +25°С иҟоуп, амаҭәа ԥхақәа макьана адулаԥқәа ирҭоуп.

Аха ҭагалан шааиз уеилдыркаауеит аҭыԥантәи аџьармыкьақәа рҟны ицәырҵыз - ахәырма (акоролиок), аџьықәреи, ахьа, аҟаб, иара убас макьана иҵәыҵәызаргьы, ицәиаҵәоу амандарина.

Абарҭқәа зегьы рыхә ҳаракцәамкәа иааухәар улшоит Аҟәатәи аџьармыкьаҿы. Уи уажәшьҭа баша хәаахәҭырҭам, ара хымԥада атуристцәа зегьы зҭааша ҭыԥхеит. Урҭ гәахәарыла иаархәоит ашәыр, афатә архаагақәа, ашә, ажьҵаа, аԥсуа чыс хаақәа, ачаи, ацха уҳәа. Уи адагьы аҩны иҟарҵо аҩи ауаткеигьы уԥыхьашәар алшоит.

Аҟәатәи аџьармыкьа есҽны аус ауеит, ашәахьада.

16
  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы, ҭагалан уеизгьы иааит Аԥсны. Уи ус шакәу еилукаауеит
    аҭыԥантәи аџьармыкьақәа рҟны ицәырҵыз ҭагалантәи аҽаҩра.

  • © Sputnik / Томас Тхайцук

    Ицәырҵхьеит амандаринақәа. Урҭ макьана усҟак иҟамлацзаргьы, рыцәҩежьра ухнахуеит.

  • © Sputnik / Томас Тхайцук

    Жьҭаарамзазы ахьагьы ҟалоит. Аԥсуаа уи жәны ирфоит, амца иҽҳәаҵангьы ирӡуеит. Аџьармыкьаҿы уи 100 мааҭк ҳәа иааухәар ауеит.

  • © Sputnik / Томас Тхайцук

    Амыҵмыџьи алимонқәеи рыԥштәы уаркалеиуа улаԥш иҵамшәар ауам, урҭ рыда ҭагалан ухахьы иагьузаагом.

  • © Sputnik / Томас Тхайцук

    Аҟәатәи аџьармыкьаҿы иуԥыхьашәоит аџьыка адагьы, афатә архаагақәа, аххылақәа рацәаны.

  • © Sputnik / Томас Тхайцук

    Акоролиоки ахәырмеи убасҟак бзиа избо рацәаҩуп, амандарина иаԥыргома уҳәаратәы. Амала ианалухуа иашам уԥыхьамшәароуп зегь реиҳа ихадоу.

  • © Sputnik / Томас Тхайцук

    Аԥсны аҟабгьы пату ду ақәуп.

  • © Sputnik / Томас Тхайцук

    Аҟаб рфоит еиҳарак ижәны. Гәырхаагас аишәа иқәырҵоит, иара аџьыка ахьшьны ирфоит, ацхагьы ахьызшьуа дубап.

  • © Sputnik / Томас Тхайцук

    Аџьықәреи аӡа анцәырҵлак аԥсуаа даара иеигәырӷьоит, уи алапҟьақәа жәны ма амцаҿы иӡны ирфоит, уи агьама ҽакы иалаҩашьом, хәыҷи-дуи бзиа еицырбоит. Аџьықәреи анҩалак, алапҟьақәа ҿырпны, илаганы, иалҵуа ашыла хәны, аԥсуаа зда ԥсыхәа ҳамам агәыхә - абысҭа - аларуеит.

  • © Sputnik / Томас Тхайцук

    Абар ҩаԥхьа ахьа - иааигәаны шәахәаԥши! Сынтәа изымфац шәыҟазар, шәыццакы аџьармыкьахь!

  • © Sputnik / Томас Тхайцук

    Ажәакала, шәгәалаҟазаара шьҭышәхыр, шәгәабзиарагьы шәырӷәӷәар шәҭахызар, ҽаҩраҭагалан аҳамҭақәа шәрышьҭалан шәца аҟәатәи аџьармыкьахь!

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

0
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

0