Ихарҭәаау аверсиа
русаԤс

Аҵәгәыр иаҿашәеит: Аԥсны аԥсыӡ шыркуа

45
Аԥсны иқәынхо ауааԥсыра рахьтә аӡәырҩы бзиа ирбоит, ԥсыршьагасгьы ирымоуп жәытәнатә аахыс ҳтәылаҿы аҿиара змоу аԥсыӡкра.

Аԥсны - амшын иаԥну тәылоуп, уи адагьы хыԥхьаӡара рацәала аӡиасқәа алсуеит, урҭ ирҭоуп акалмаҳа уҳәа реиԥш иҟоу еиуеиԥшым аԥсыӡ хкқәа, ааԥынразы аӡиасқәа амшын иахьалало амшын ԥсыӡқәагьы ҭалоит.

Аԥсны иқәынхо ажәлар аԥсыӡкра ажәытәӡаахыс рнапы шалакыз дырҵабыргуеит антикатәи аамҭа иаҵанакуа археологиатә ԥшаахқәа. Урҭ рыбжьара иҟоуп ҳера ҟалаанӡа IV азқьышықәса иаҵанакуа кистриктәи анеолиттә маҭәарқәа ирхыԥхьаӡалоу аԥсыӡкыгатә каҭақәа рзы аҳаҵаҳәақәа (грузило).

Иахьагьы Аԥсны имаҷҩым аԥсыӡкра бзиа избо ауаа. Дара амшын аҿеиԥш, атәыла аӡиақәеи аӡиасқәеи рҿы аԥсыӡ ркуеит. Аԥсны аӡқәа ирҭоу аԥсыӡқәа иреиуоуп: аидыԥсала (кефаль), апҟыш (карп), аԥашәԥсыӡ (сом), ашәиаҟ (камбала), аҵыхәшәыгә (ставрида), амшынеиқәатәи амшынла (черноморский катран), аҭкәицар (карась), агәыҵаԥшь (барабулька), акамшьиа (хамса), аӡиастә калмаҳа (речная форель), колхидатәи аԥаҵақьиа (колхидский усач), кавказтәи аӡыжьԥсыӡ (кавказский голавль), ацеицеи (уклейка), аҭрыс (быстрянка), ақырцал (плотва) уҳәа ирацәаны.

45
  • © Sputnik

    Абас ауп Аҟәатәи аԥшаҳәаҿы аԥсыӡкыҩцәа шеизо, аԥсыӡ бзианы ианааиуа.

  • © Sputnik / Томас Тхайцук

    Аԥсыӡкыҩцәа ргәы хыҭхыҭуа иазыԥшуп рыҵәгәыр аԥсыӡ анбаҿашәо ҳәа.

  • © Sputnik / Томас Тхайцук

    Абри акәзар ҟалап зегь реиҳа аԥсыӡкҩы дзыргәырӷьо

  • © Sputnik / Томас Тхайцук

    Знык ала аҵәгәыр иаҿашәар ҟалоит ҩба-хԥа ԥсыӡ

  • © Sputnik / Томас Тхайцук

    Аӡәи-аӡәи еицлабны аԥсыӡ ркуеит, анаҩс аԥсыӡ агьама хаагьы шырзыԥшу дырны, еиҳагьы ргәацԥыҳәоит.

  • © Sputnik / Томас Тхайцук

    Аԥсыӡ ркуеит аӡиа Риҵа аҟынгьы

  • © Sputnik / Томас Тхайцук

    Аԥсны аԥсыӡкра аҿиара аман ижәытәӡатәиу аамҭақәа раахыс

  • © Sputnik / Михаил Мокрушин

    Уи абиԥарала еимырдоит.

  • © Sputnik / Томас Тхайцук

    Ахәыҷқәагьы ԥсыӡ дук ҳкыроуп ҳәа рҽадцаланы иаҿуп рус.

  • © Sputnik / Томас Тхайцук

    Ԥсыӡкра уанцо иақәнагоу амыругақәа зегь умазароуп.

  • © Sputnik / Томас Тхайцук

    Аԥсыӡ иара убас иркуеит акаҭақәа рхархәарала.

  • © Sputnik / Асмат Цвижба

    Аԥсны иркуа аԥсыӡ рҭиуеит аџьармыкьақәа рҿы.

  • © Sputnik / Томас Тхайцук

    Иҟоуп ԥсыӡкра ашьыжь шаанӡа ицо.

  • © Sputnik / Томас Тхайцук

    Иара убас аԥсыӡ рыҵәгәыр иаҿашәоит ҳәа алашьцара иаарымнахаанӡа иԥшу.

Еилаарцыруа лашарбагала ирхианы: Ашықәс ҿыц азы Аԥсны ақалақьқәа шдырԥшӡаз

30
Sputnik Аԥсны афотолентаҿы еизгоуп ҳтәыла ақалақьқәа Ашықәс ҿыц азы ишдырԥшӡаз зну афотосахьақәа.

Акоронавирус апандемиа иахҟьаны иҟалаз афинанстә кризис иахьмырԥшкәа Аԥсны ақалақьқәеи араионқәеи 2021-тәи Ашықәс ҿыц ахьӡала идырԥшӡеит. Идыргылеит аԥсаӡқәа, ԥштәы рацәала еилаарцыруа алашарбагақәа рыла идырхиеит апаркқәеи ашҭақәеи.

Зегь реиҳа зымҽхак ҭбааз аусурақәа мҩаԥыргеит аҳҭнықалақь аҟны, ара аԥсаӡ хада адагьы, Ахақәиҭра ашҭаҿы идыргылеит илашо еиуеиԥшым афигурақәа, агирлиандақәа зехьынџьара икнарҳаит, иара убас ишьақәдыргылеит аҵаақәшьқьырырҭа, уи аҭааҩцәа маҷым.

Гәдоуҭа идыргылаз аԥсаӡ акәзар, гәдоуҭаа рыдагьы, егьырҭ араионқәа рҟынтәи уи аԥшӡара ихызхыз ҳуааԥсыра рацәаҩын. Сынтәа иара иарҭеит иҟаԥшьыз абант ду, аҵлагьы ԥштәы рацәала икәеицеит.

Афонҿыцтәи аԥсаӡ акәзар, лашарала зегь реиҳа убла хызкуаз акәхеит. Пицундеи, Гагреи, Тҟәарчали, Очамчыреи, Гали рҿгьы идыргылаз Ашықәс ҿыц асимвол хада ауаа ргәы ҟанаҵеит.

30
  • © Sputnik / Сария Кварацхелия

    Гәдоуҭа абант ҟаԥшь ду аҭаны аԥсаӡ дыргылеит.

  • © Sputnik / Дадын Тыркба

    Афон ҿыц иҟоу асубтропикатә парк абас идырлашеит.

  • © Sputnik

    Афон ҿыц агәаны игылоу аԥсаӡ.

  • © Sputnik / Дадын Тыркба

    Афон ҿыц иҟоу асубтропикатә парк аҿы ацҳа еилаарцыруа алашарбагақәа иарҭеит.

  • © Foto / Камилла Кучуберия

    Очамчыра агәаны игылоу ашықәсҿыцазтәи аԥсаӡ.

  • © Foto / Никита Каравянский

    Гагра агәаны игылоу ашықәсҿыцазтәи аԥсаӡ.

  • © Sputnik / Томас Тхайцук

    Аҟәа Ахақәиҭра ашҭаҿы игылоу ашықәсҿыцазтәи аԥсаӡ.

  • © Foto / Рита Ажиба

    Тҟәарчал агәаны игылоу ашықәсҿыцазтәи аԥсаӡ.

  • © Foto / Эрик Микаа

    Гал агәаны игылоу ашықәсҿыцазтәи аԥсаӡ.

  • © Foto / Эрик Микаа

    Гал амҩақәа лашарбагала иҩычоуп.

  • © Foto / Эрик Микаа

    Гал агәаны игылоу ашықәсҿыцазтәи аԥсаӡ.

  • © Sputnik

    Пицунда игылоу ашықәсҿыцазтәи аԥсаӡ.

Аныҳәатә гәалаҟазаара: Ашықәс ҿыц азы Аԥсны аҳҭнықалақь шдырԥшӡаз

17
(ирҿыцуп 15:16 02.01.2021)
Ашықәс ҿыц аԥыларазы мышқәак роуп иаанхаз. Sputnik еиднакылеит аныҳәатә гәалаҟазаара зныԥшуа, Аҟәа шдырԥшӡаз аазырԥшуа афотосахьақәа.

Акоронавирустә инфекциа алаҵәара ацәшәаразы аԥкыратә уснагӡатәқәа шалагалоугьы Аԥсны аныҳәатә гәалаҟазаара аԥырҵеит. Акаҳуажәырҭақәеи адәқьанқәеи арԥшӡагақәа рыла иҩычоуп. Ахақәиҭра аштаҿы иргылоуп аԥсаӡ, иаартуп апавильонқәа, зыҟны акаҳуа, ачаи, ахаа-мыхаақәа раахәара ахьалшо.

Аҟәа ақалақь ахадара Ахақәиҭра ашҭаҟны идыргылеит аекран ду, аҭааҩцәа идырбалахоит аныҳәа иадҳәало амультфильмқәеи афильмқәеи. Иара убас иаартуп аҵааҵәҟьа иалху аҵаақәышьқьырырҭа, аҭбаареи ауреи 20-20 метра иҟоуп.

17
  • © Sputnik / Томас Тхайцук

    Акоронавирустә инфекциа алаҵәара ацәшәаразы аԥкыратә уснагӡатәқәа шалагалоугьы Аԥсны аныҳәатә гәалаҟазаара аԥырҵеит.

  • © Sputnik / Томас Тхайцук

    Ахақәиҭра аштаҿы иргылоуп аԥсаӡ, иаартуп апавильонқәа, зыҟны акаҳуа, ачаи, ахаа-мыхаақәа раахәара ахьалшо.

  • © Sputnik / Томас Тхайцук

    Витрины магазинов тоже готовы раздавать новогодние подарки – скидки.

  • © Sputnik / Томас Тхайцук

    Аҟәа ақалақь ахадара Ахақәиҭра ашҭаҟны идыргылеит аекран ду, аҭааҩцәа идырбалахоит аныҳәа иадҳәало амультфильмқәеи афильмқәеи.

  • © Sputnik / Томас Тхайцук

    Аԥсаӡ иадгыланы, гәаларшәагас, афотосахьақәа ҭырхуеит хәыҷи-дуи.

  • © Sputnik / Томас Тхайцук

    Аԥсшьарҭа аамҭа бзиа- ашықәс ҿыцазтәи аныҳәақәа.

  • © Sputnik / Томас Тхайцук

    Аниматорцәа ахәыҷқәа дырлахҿыхуеит

  • © Sputnik / Томас Тхайцук

    Акаҳуажәырҭақәеи адәқьанқәеи арԥшӡагақәа рыла иҩычоуп.

  • © Sputnik / Томас Тхайцук

    Афотосахьақәа рҭыхра маншәалоуп асыц азааигәара. Аӡәырҩы уи ԥыршәахьеит.

  • © Sputnik / Томас Тхайцук

    Аныҳәатә гәалаҟазаара уныԥшоит ақаҳуажәырҭа "Мухус" аҟны

  • © Sputnik / Томас Тхайцук

    Ахақәиҭра ашҭа акыр иԥшӡоуп.

  • © Sputnik / Томас Тхайцук

    адәқьанқәа арԥшӡагақәа рыла иҩычоуп.

  • © Sputnik / Томас Тхайцук

    Ашықәс ҿыц иазыԥшуп хәыҷи-дуи

Аԥсны аоперштаб: уахыки-ҽнаки рыла 108 коронавирус хҭыс ҿыци ԥсҭбараки

4
(ирҿыцуп 23:42 16.01.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 506-ҩык атестқәа рзыҟаҵан, урҭ рахьтә 108-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

АҞӘА, ажьырныҳәа 16 – Sputnik. Акоронавирус зцәа иалаз, ҩ-ганктәи аполисегментартә гәыҵәкра змаз ахаҵа иԥсҭазаара далҵит Гәдоуҭатәи ахәышәтәырҭаҿы, ажьырныҳәа 14 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 102-а, урҭ рахьтә 90-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 40-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 36-ҩык апациентцәа, Очамчыра ирхәышәтәуеит 26-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 26-ҩык, амобилтә госпиталь аҟны ишьҭоуп акоронавирус зыдбалоу 57-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10486-ҩык ыҟоуп, ргәы бзиахеит 8190-ҩык, рыԥсҭазаара иалҵит 152-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

 

4
Sputnik алаҳәара

Sputnik алаҳәара анапаҵаҩра шәылшоит

АнапаҵаҩраМап акра