Ихарҭәаау аверсиа
русаԤс

Аныҳәатә гәалаҟазаара: Ашықәс ҿыц азы Аԥсны аҳҭнықалақь шдырԥшӡаз

20
(ирҿыцуп 15:16 02.01.2021)
Ашықәс ҿыц аԥыларазы мышқәак роуп иаанхаз. Sputnik еиднакылеит аныҳәатә гәалаҟазаара зныԥшуа, Аҟәа шдырԥшӡаз аазырԥшуа афотосахьақәа.

Акоронавирустә инфекциа алаҵәара ацәшәаразы аԥкыратә уснагӡатәқәа шалагалоугьы Аԥсны аныҳәатә гәалаҟазаара аԥырҵеит. Акаҳуажәырҭақәеи адәқьанқәеи арԥшӡагақәа рыла иҩычоуп. Ахақәиҭра аштаҿы иргылоуп аԥсаӡ, иаартуп апавильонқәа, зыҟны акаҳуа, ачаи, ахаа-мыхаақәа раахәара ахьалшо.

Аҟәа ақалақь ахадара Ахақәиҭра ашҭаҟны идыргылеит аекран ду, аҭааҩцәа идырбалахоит аныҳәа иадҳәало амультфильмқәеи афильмқәеи. Иара убас иаартуп аҵааҵәҟьа иалху аҵаақәышьқьырырҭа, аҭбаареи ауреи 20-20 метра иҟоуп.

20
  • © Sputnik / Томас Тхайцук

    Акоронавирустә инфекциа алаҵәара ацәшәаразы аԥкыратә уснагӡатәқәа шалагалоугьы Аԥсны аныҳәатә гәалаҟазаара аԥырҵеит.

  • © Sputnik / Томас Тхайцук

    Ахақәиҭра аштаҿы иргылоуп аԥсаӡ, иаартуп апавильонқәа, зыҟны акаҳуа, ачаи, ахаа-мыхаақәа раахәара ахьалшо.

  • © Sputnik / Томас Тхайцук

    Витрины магазинов тоже готовы раздавать новогодние подарки – скидки.

  • © Sputnik / Томас Тхайцук

    Аҟәа ақалақь ахадара Ахақәиҭра ашҭаҟны идыргылеит аекран ду, аҭааҩцәа идырбалахоит аныҳәа иадҳәало амультфильмқәеи афильмқәеи.

  • © Sputnik / Томас Тхайцук

    Аԥсаӡ иадгыланы, гәаларшәагас, афотосахьақәа ҭырхуеит хәыҷи-дуи.

  • © Sputnik / Томас Тхайцук

    Аԥсшьарҭа аамҭа бзиа- ашықәс ҿыцазтәи аныҳәақәа.

  • © Sputnik / Томас Тхайцук

    Аниматорцәа ахәыҷқәа дырлахҿыхуеит

  • © Sputnik / Томас Тхайцук

    Акаҳуажәырҭақәеи адәқьанқәеи арԥшӡагақәа рыла иҩычоуп.

  • © Sputnik / Томас Тхайцук

    Афотосахьақәа рҭыхра маншәалоуп асыц азааигәара. Аӡәырҩы уи ԥыршәахьеит.

  • © Sputnik / Томас Тхайцук

    Аныҳәатә гәалаҟазаара уныԥшоит ақаҳуажәырҭа "Мухус" аҟны

  • © Sputnik / Томас Тхайцук

    Ахақәиҭра ашҭа акыр иԥшӡоуп.

  • © Sputnik / Томас Тхайцук

    адәқьанқәа арԥшӡагақәа рыла иҩычоуп.

  • © Sputnik / Томас Тхайцук

    Ашықәс ҿыц иазыԥшуп хәыҷи-дуи

"Ишәҳәа ашә"

25
(ирҿыцуп 17:39 20.01.2021)
  • Лодочка
Ажьырныҳәа 20 рзы адунеи аҿы иазгәарҭоит ашә амш. Аԥсуаа ашәхкқәа рчеиџьыка иузаҟәымҭхо иадҳәалоуп.

Ашәаӡа, ашәха, ашә рҟәыҷны, иӡны, ирҩаны уҳәа ирацәоуп аԥсуаа рчеиџьыка иалоу ашәхкқәа. Ачашә, аилаџь, ачаҳаржә, амгьал игәыларҵоит ашә, иара ус баша иуфаргьы ҟалоит.

Ахьара змоу анхацәа аџьабаа адырбалоит ахш-хырҵәы аҭыԥ ақәҵара. Ажә анхьалакгьы, мчыбжьык ахш рыдыркылаӡом, нас ианрымшьароу, арахә рынцәахәы Жәабран "шәрахәымшхааит" ҳәа ирымҵаныҳәоит. Уи ашьҭахь ахш ацар арҭар, идыршыр ҟалоит, амцахь инаргоит, аџьыка адыркуеит. 

25
  • © Sputnik / Томас Тхайцук

    Аԥсуаа ашәхкқәа рчеиџьыка иузаҟәымҭхо иадҳәалоуп.

  • © Sputnik / Томас Тхайцук

    Аԥхынра, арахә рацәаны измоу ирыманы ашьхарахь ихалоит. Уаҟа аҳауа зҩыдоуп, аҳаскьын цқьоуп, ажәқәа ирымҵуа ахш иалырхуа ашә ахәша алыҵәҵәа иҟоуп. Уи даҽа гьамуп.

  • © Sputnik / Анжелика Бения

    Ашьхара ашә еицырдыруа арецепт ала ауп ишыҟарҵо, аха ахш араҟа арахәи аԥсасеи ирацәаны ирымҵуеит, убри ауп еиҳарак аус зырцәгьо.

  • © Sputnik / Анжелика Бения

    Ашьхашә ахаҭабзиареи агәабзиаразы хәарҭарас иамоу атәы аҳәара аҭахыуп ҳәа сгәы иаанагом.

  • © Sputnik / Анжелика Бения

    Ашәчырҳәқәа еиҳарак ахәыҷқәа рзы акәын ишыҟарҵоз ажәытәан. Иахьагьы имаҷҩым ашьхара ашәчырҳәқәа ҟазҵо. Аҟаҵарагьы цәгьоуп ҳәа узыҳәом. Аԥхьа ампыл хәыҷ ашә иаамыухуеит, нас агәы кылҵәаны унацәа иаахаургьежьуеит.

  • © Sputnik / Томас Тхайцук

    Абас аԥсуа ԥацхаҿы аԥсуамца иахыкнаҳаны ашәхақәа дырҩҩоит.

  • © Sputnik / Анжелика Бения

    Ашәаӡа аилаҵаразы ихиоуп ҳәы угәы ианаанаго, сак аӡыршы инӡаауыршәлар иунарбоит: еиҵыхәхәа иаразнак аӡыҭра иалагар - ихиоуп аилаҵараз, ишыҟаз инхар - уахымыццакыр еиҳа еиӷьуп, ҽа сааҭк аҟара уазыԥшыроуп.

  • © Sputnik / Томас Тхайцук

    Ашә аныхаау абысҭа мацара иадкыланы иуфап

  • © Sputnik / Томас Тхайцук

    Ашәаӡа, ашәха, ашә рҟәыҷны, иӡны, ирҩаны уҳәа ирацәоуп аԥсуаа рчеиџьыка иалоу ашәхкқәа.

  • Лодочка
    © Sputnik / Томас Тхайцук

    Ачашә аҟаҵараҿы ихадоу амарҭхә ашә ауп.

  • © Sputnik / Томас Тхайцук

    Аџьыкеи, аиаҵәареи змоу ари аҩыза ашә ус абысҭа иагәылауҵар ҟалоит, ма иӡны иуфаргьы алшоит.

  • © Sputnik / Томас Тхайцук

    Аџьмақәа рааӡара акәама-ҵамарақәа рацәаны иамоуп. Аџьма иара иатәым аӡыр аҵанаҵаӡом. Ахьараан иухьо аџьма иаҵауҵо аӡыр удыруазароуп.

Ԥала-ԥала: Аҟәа раԥхьатәи асы ықәнаршәшәеит

17
(ирҿыцуп 17:06 19.01.2021)
Аԥсны иахьаҵанакуа асоура иалагеит ажьырныҳәа 18 ауха. Ари акаршәратә ҭыԥқәа рзы раԥхьатәи соуроуп.

Аҟәеи егьырҭ амшын иаԥну Аԥсны ақалақьқәеи рҟны асду шамахамзар илеиӡом, хәыҷык леиргьы рацәак анҵыра амаӡам. Қьырса Иӡаахра аныҳәазы илеиз ирлас иӡыҭит. Sputnik ахьӡеит иузнымкыло аԥшӡара аиқәырхара.

17
  • © Sputnik / Томас Тхайцук

    Аԥсны иахьаҵанакуа асоура иалагеит ажьырныҳәа 18 ауха.

  • © Sputnik / Томас Тхайцук

    Асубтропикатә шәаԥыџьаԥ асы ақәны иахьубо аҭыԥқәа маҷуп адунеи аҿы.

  • © Sputnik / Томас Тхайцук

    Ауааԥсыра асеигәыдҵа ихәмаруеит.

  • © Sputnik / Томас Тхайцук

    Алақәагьы асы еигәырӷьоит

  • © Sputnik / Томас Тхайцук

    Аԥсны асы шамаха илеиӡом.

  • © Sputnik / Марианна Кубрава

    Амандаринақәа асы рықәыҳәҳәа абара-иссируп.

  • © Sputnik / Томас Тхайцук

    Ари арԥыс акгьы дацәшәом, асырҳәы инапаҿы иҟоуп.

  • © Sputnik / Томас Тхайцук

    Аԥсны Аҭҵаарадыррақәа ракадемиа иатәу Аботаникатә баҳчаҟны есышықәса аԥхарра бзиа избо аҵиаақәа иҷыдоу аш ала ишҭарыҳәҳәо.

  • © Sputnik / Томас Тхайцук

    Хәыҷи-дуи рзы гәырӷьароуп асоура

  • © Sputnik / Марианна Кубрава

    Ашәҭқәа лымкаала асы рнаалоит

  • © Sputnik / Томас Тхайцук

    Амшын аҟәараҿы асы абара -иџьашьахәуп.

Аԥсны Аҳәынҭстатистикаҿы ахныҟәгаратә минимум шьақәдыргылеит

0
(ирҿыцуп 00:26 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтши аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум прахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

0
Sputnik алаҳәара

Sputnik алаҳәара анапаҵаҩра шәылшоит

АнапаҵаҩраМап акра