Аҭоурых асценаҿы: амоноспектакль "Ацынҵәарах" шықәдыргылаз

30
(ирҿыцуп 21:49 19.02.2021)
Баграт Шьынқәба ироман "Ацынҵәарах" ала иқәыргылаз амоноспектакль ддырбеит Ф.Искандер ихьӡ зху Аурыс ҳәынҭқарратә драматә театр аҿы жәабран 18 рзы.

Аспектакль арежиссиор-ақәыргылаҩс дыҟоуп Аԥсны зҽаԥсазтәыз артист, атеатр актиор хадацәа иреиуоу Џьамбул Жорданиа.

Амоноспектакль "Ацынҵәарах" апрессазы иддырбон атеатр арт-фоие аҟны. Аублаа жәлар аҵыхәтәантәи рхаҭарнак даазырԥшуаз ихадаз иагьакзаҵәыкыз ароль наигӡон актиор Осман Абыхәба.

Ақәыргыламҭа мҩаԥысуан сааҭки ҩажәа минуҭи. Ари аамҭа иалагӡаны актиор ароман аҟынтәи еиҳа аҵакы змоу ацыԥҵәахақәа дрыԥхьоит, убри аамҭазы адекорациақәагьы уажәы-уажәы рҽырыԥсахуеит. Зны ицәырҵуеит амҳаџьырқәа атәымдгьыл ахь изго аӷбақәа, анаҩс - аҭырқәа дгьыл сакарақәа, даҽазных - Кавказ ашьхақәа.

Амоноспектакль актиорк ида уаҩ дшаламгьы, уажәы-уажәы ахәаԥшцәа рлымҳа иҭыҩуеит ароман егьырҭ афырхацәа рыбжьқәагьы. Аспектакль арежиссиор ари ақәыргыламҭазы иалиԥшааит реиҳа анырра ҟазҵо, аҩымҭа аҵакы гәыцәс иамоу ахҭысқәеи ацитатақәеи.

Амоноспектакль "Ацынҵәарах" иахәаԥшырц иааиз асасцәа изларҳәаз ала, арежиссиор илшеит ашәҟәыҩҩ ду Баграт Шьынқәба ԥсра зқәым ироман иаҵаз ахықәки атмосфереи еиқәырханы асценаҿы иааԥшыртә аҟаҵара. Аублаа аҵыхәтәантәи рхылҵшьҭра, рцынҵәарах ироль назыгӡоз Осман Абыхәба илшеит амоноспектакль ахәаԥшцәа рхы-рыԥсаҟынӡа инеиртә, ргәы иҭымҵәартә аҟаҵара.

Арежиссиор Џьамбул Жорданиа игәаанагарала, ароман "Ацынҵәарах" асценаҿы ақәыргалара имариаз усмызт, зегь реиҳа инагӡатәны ииԥхьаӡоз - асиужет хада ацәаҳәа еиқәырханы аемоциа аҵаҵаны ахәаԥшҩы изнагара акәын.

Аҭоурых-философиатә роман "Ацынҵәарах" аҿы Кавказтәи аибашьраан зҭоурыхтә ԥсадгьыл нырмыжьыр ада ԥсыхәа змамыз, ихҵәаз аублаа жәлар рҭоурых аарԥшуп. Уи ароман еиҭагоуп адунеи абызшәақәа жәпакы рахь. Раԥхьаӡа акәны иара акьыԥхь иабеит 1974 шықәсазы ажурнал "Алашара" аҟны. Баграт Шьынқәба ари ароман ала иааирԥшит иарбанзаалак ажәлар рықәӡаара ауаатәыҩса зегьы ирзеиԥшу философиатә проблеманы, адунеитә цивилизациазы ицәыӡ дуӡӡаны.

Иара убас шәаԥхьар ҟалоит:

30
  • © Sputnik / Леон Адлейба

    Жәабран 16 рзы РУСДРАМ аҿы имҩаԥысит амоноспектакль "Ацынҵәарах" аԥхьарбара.

  • © Sputnik / Леон Адлейба

    Апрессазы хазы ақәыргыламҭа ддырбеит жәабран 18 ахәылԥаз атеатр арт-фоие аҟны.

  • © Sputnik / Леон Адлейба

    Аублаа жәлар аҵыхәтәантәи рхаҭарнак даазырԥшуаз ихадаз иагьакзаҵәыкыз ароль наигӡон актиор Осман Абыхәба.

  • © Sputnik / Леон Адлейба

    Ақәыргыламҭа мҩаԥысуан сааҭки ҩажәа минуҭи.

  • © Sputnik / Леон Адлейба

    Ари аамҭа иалагӡаны актиор ароман аҟынтәи еиҳа аҵакы змоу ацыԥҵәахақәа дрыԥхьоит, убри аамҭазы адекорациақәагьы уажәы-уажәы рҽырыԥсахуеит.

  • © Sputnik / Леон Адлейба

    Зны ицәырҵуеит амҳаџьырқәа атәымдгьыл ахь изго аӷбақәа, анаҩс - аҭырқәа дгьыл сакарақәа, даҽазных - Кавказ ашьхақәа.

  • © Sputnik / Леон Адлейба

    Амоноспектакль актиорк ида уаҩ дшаламгьы, уажәы-уажәы ахәаԥшцәа рлымҳа иҭыҩуеит ароман егьырҭ афырхацәа рыбжьқәагьы.

  • © Sputnik / Леон Адлейба

    Аспектакль арежиссиор ари ақәыргыламҭазы иалиԥшааит реиҳа анырра ҟазҵо, аҩымҭа аҵакы гәыцәс иамоу ахҭысқәеи ацитатақәеи.

  • © Sputnik / Леон Адлейба

    Амоноспектакль "Ацынҵәарах" иахәаԥшырц иааиз асасцәа изларҳәаз ала, арежиссиор илшеит ашәҟәыҩҩ ду Баграт Шьынқәба ԥсра зқәым ироман иаҵаз ахықәки атмосфереи еиқәырханы асценаҿы иааԥшыртә аҟаҵара.

  • © Sputnik / Леон Адлейба

    Ахәаԥшцәа рцәаныррақәа рынкылара рцәыцәгьан, убас ирҵабыргны дыхәмаруан актиор.

  • © Sputnik / Леон Адлейба

    Аублаа аҵыхәтәантәи рхылҵшьҭра, рцынҵәарах ироль назыгӡоз Осман Абыхәба илшеит амоноспектакль ахәаԥшцәа рхы-рыԥсаҟынӡа инеиртә, ргәы иҭымҵәартә аҟаҵара.

  • © Sputnik / Леон Адлейба

    Арежиссиор Џьамбул Жорданиа игәаанагарала, ароман "Ацынҵәарах" асценаҿы ақәыргалара имариаз усмызт, зегь реиҳа инагӡатәны ииԥхьаӡоз - асиужет хада ацәаҳәа еиқәырханы аемоциа аҵаҵаны ахәаԥшҩы изнагара акәын.

Аԥсҭазаара, аԥсабара, ажәабжьқәа: афотоеицлабра аусумҭақәа

7
(ирҿыцуп 20:00 05.05.2021)
Лаҵара 5 инаркны 8-нӡа Аҟәа имҩаԥыслоит афотоцәыргақәҵа "Абхазия в фокусе. Из 20-го в 21-й".

Афотоеицлабра аихшьаалақәа рыла афотоцәыргақәҵа аартра мҩаԥысит лаҵара 5 рзы  Ацәыргақәҵатә зал хадаҿы. Арахь иааган 76 фотосахьа, аноминациақәа: "Ажәабжьқәа", "Есҽнытәи аԥсҭазаара", "Иааҳакәыршаны иҟоу аԥсабара", "Ҳаамҭазтәи ауаҩы ипортреҭ" рыла.

Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа, аноминациа "Ажәабжьқәа" аҿы – афотоҭыхыҩ Ельза Чанԥҳа, аноминациа "Иааҳакәыршаны иҟоу аԥсабара" аҟны ателеканал АбазаТВ аоператор Едуард Ежов, аноминациа "Есҽнытәи аԥсҭазаара" аҟны – авидеооператор Давид Чакобелиа, аноминациа "Амобилтә фотосахьа" аҟны– Анатоли Качалов.

Ажиури иалахәуп: асахьаҭыхыҩ Витали Џьениа, афоторепортиор Павел Волков, афотоҭыхыҩцәа Сергеи Лидов, Наталиа Лидова, арежиссер Инар Нарманиа, афотожурналист Амина Џьонуаԥҳа, франциатәи афотоҭыхыҩ Тьерри Кергроак, Асида Аҳәԥҳа.

Иара убас шәаԥхьар ҟалоит:

7
  • © Foto / Эдуард Ежов

    Ателеканал "Абаза-ТВ" авидеооператор Едуард Ежов иусумҭа "Иааҳакәыршан иҟоу аԥсабара". Иаарԥшуп аӡынтәи амшын аҟәара.

  • © Foto / Давид Чакаберия

    Аноминациа "Есҽнытәи аԥсҭазаара" аҟны аԥхьахә игеит авидеооператор Давид Чакобелиа. Иусумҭа "Аҩызцәа" аҟны иаарԥшуп аҷкәынцәа хәыҷқәа рыхәмарра.

  • © Foto / Давид Чакаберия

    Авидеооператор Давид Чакобелиа даҽа иусумҭак, иҭацәу ауадаҟны аҭыԥҳа дкәашоит.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Эля Цишба

    Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа

  • © Foto / Эдуард Ежов

    Ателеканал "Абаза-ТВ" авидеооператор Едуард Ежов даҽа иусумҭак. Ажиури рахь Едуард 15 фотосахьа наишьҭит.

  • © Foto / Оксана Григолия

    "Абхазия в фокусе – 2021" раԥхьатәи аконкурс иаиааиз Оксана Григолиаԥҳа лусумҭа "Портрет Любови Николаевны".

  • © Foto / Анатолий Качалов

    Аноминациа "Амобилтә фотосахьа" аҟны аиааира игеит Анатоли Качалов.

  • © Foto / Инна Кузьмичева

    Амра аҭашәамҭаз аҭыхра лылшеит аконкурс алахәыла Инна Кузьмичева.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Ринат Агрба

    Ринат Агрба иҭыхымҭаҿы даарԥшуп зхала иныҟәо ахаҵа.

Аҵәеигәыдҵа, аҽылампыл, аҽырыҩра: Кәтол имҩаԥысыз аҽқәа реиндаҭлара

26
(ирҿыцуп 10:14 04.05.2021)
Аџьынџьтәылатә еибашьар ду аҟны аиааира агара амш 76-шықәса ахыҵра иазкны Кәтол ақыҭан аҽырыҩрақәеи, аҽырхәмаррақәеи мҩаԥысит.

Очамчыра араион Кәтол ақыҭан имҩаԥысуаз аҽыспорттә еиндаҭларақәа ирылахәын Кәтолтәи, Гәылрыԥшьтәи акомандакәа ҩба, иара убас Гәдоуҭатәи аҽыҩҷкәынцәа.

Аԥхьахә ҭыԥқәа аанызкалаз иранашьан аԥаратә ҳамҭақәеи, аҳаҭыртә шәҟәқәеи, ахраҿақәеи.

Ауснагӡатә еиҿыркааит Кәтол ақыҭа ахадара, Очамчыра араион ахадареи аҿари аспорти русқәа рзы Аҳәынҭеилаки рыдгыларала.

Ауснагӡатә аартын иҭахаз аибашьцәа рмемориал аҿаԥхьа ашәҭшьыҵәрақәа рышьҭаҵарала.

 

26
  • © Sputnik / Томас Тхайцук

    Очамчыра араион Кәтол ақыҭан имҩаԥысуа аҽыспорттә еиндаҭларақәа ирылахәуп Кәтолтәи, Гәылрыԥшьтәи акомандакәа ҩба.

  • © Sputnik / Томас Тхайцук

    Аҽымпыл ахәмарраҿы 9:7 ҳәа аиааира ргеит Кәтолтәи акоманда.

  • © Sputnik / Томас Тхайцук

    Аҽыҩцәа ашьацқьа злоу аҽқәа ирықәтәан.

  • © Sputnik / Томас Тхайцук

    Аҽырыҩрахь инеиит ахәаԥшцәа рацәаҩны.

  • © Sputnik / Томас Тхайцук

    Аҽырыҩрақәеи, аҽырхәмаррақәеи рлахәылацәа имҩаԥыргоит аиԥхныҩлара, аҽымпыл ахәмарра, аҵәы аршәра.

  • © Sputnik / Томас Тхайцук

    Ааԥыни аџьеи рымшныҳәа аҽны аҽыспорттә еиндаҭларақәа Кәтол ақыҭан иазгәарҭоижьҭеит 10 шықәса ҵуеит.

  • © Sputnik / Томас Тхайцук

    Аҵәеигәыдҵараҿы 6:1 ҳәа аиааира ргеит Кәтолтәи аҽыбӷаҟазацәа

  • © Sputnik / Томас Тхайцук

    Аиндаҭларақәа ирылахәын кәтолаа, Гәылрыԥшь араион акоманда "Кәыдры" аҽыбӷаҟазацәа, иара убас Гәдоуҭатәи аҽыҩҷкәынцәа.

  • © Sputnik / Томас Тхайцук

    Аԥхьахә ҭыԥқәа аанызкало иранашьан аԥаратә ҳамҭақәеи, аҳаҭыртә шәҟәқәеи, ахраҿақәеи.

Аиааира Ду амш: Аԥсны ақалақьқәа рҿы Лаҵарамза 9 ишаԥыло

3
(ирҿыцуп 17:13 06.05.2021)
Аџьынџьтәылатә еибашьра Ду аҟны Аиааира амш есышықәса иазгәарҭоит Аԥсны араионқәеи ақалақьқәеи рҿы. Аныҳәатә уснагӡатәқәа рсиа Sputnik афишаҟны.

Sputnik

Аҟәа

Аныҳәатә ҽазыҟаҵарақәа Аҟәа ирылагеит лаҵара 3 рзы. Абри амш аҽны имҩаԥысит Аԥсны аҳәынҭқарратә камертә оркестри Москва аҳәынҭқарратә капеллеи рконцерт.

Аибашьра аветеранцәа алархәны афотоцәыргақәҵа "Аиааира ахаҿқәа. Ҳара ҳгәалашәареи ҳгәадуреи" Иван Папасқьыр ихьӡ зху Амилаҭтә библиотекаҿы лаҵара 5 рзы иаадыртит.

Лаҵара 6 рзы аҟәатәи ашколхәыҷқәа рзы аибашьра иазку акиносахьақәа дырбара мҩаԥысуан.

Лаҵара 9 рзы, Аиааира амш аҽны, Аҟәа Диоскураа рыԥшаҳәаҿы Идырым асолдаҭ ибаҟа аҿаԥхьа ашәҭшьыҵәрақәа рышьҭаҵара ацеремониеи амитинги аадыртуеит асааҭ 10:00 рзы. Асааҭ 11:00 рзы Аԥсни Урыстәылеи рыруаа рымҩасра еиҿкаахоит. Асааҭ 9:00 рзы итрадициахаз "Ԥсра зқәым архәҭа" ақалақь агәы иалсуеит. Асааҭ 14:00 рзы маланыҟәала аицлабра "Сабду, аиааираз иҭабуп" акциа мҩаԥгахоит. Амш ахи-аҵыхәеи ақалақь иалыҩуеит аибашьра аамҭазтәи ашәақәа, амузыка.

Гагра

Гагра аныҳәатә уснагӡатәқәа аадыртуеит Идырым асолдаҭ ибаҟа аҿаԥхьа ашәҭқәа рышьҭаҵара ацеремониала асааҭ 10:00 рзы. Нас имҩаԥысуеит акәашаратә ансамбльқәа рконцерт. Аветеранцәа аҳамҭақәа рыҭахоит.

Гәдоуҭа

Асааҭ 10:00 рзы В.И. Ленин ихьӡ зху апарк аҿы игылоу Идырым асолдаҭ ибаҟа амҵан ашәҭқәа шьҭарҵоит. Асааҭ 11:00 рзы Дәрыԥшь ақыҭан имҩаԥгахоит аҽырыҩрақәа.

Гәылрыԥшь

Гәылрыԥшь араион аҿы Аиааира амш азгәаҭара хацыркхоит Идырым асолдаҭ ибаҟа аҿаԥхьа ашәҭшьыҵәрақәа рышьҭаҵарала. Асааҭ 12:00 рзы Смецкои ихьӡ зху асанатори аҿы имҩаԥгахоит аконцерт. Гәылрыԥшь ауааԥсыра ирылшоит маланыҟәала аицлабра "Сабду, аиааираз иҭабуп" акциа иалахәхар. Лаҵара 9 ауха аныҳәатә салиут халарҵоит, ашәҭргьагьақәа амшынӡ ихырҵоит.

Очамчыра

Очамчыра араион аҿы аныҳәатә уснагӡатәқәа Кәтол ақыҭан аҽырыҩра амҩаԥгарала ихацыркхеит. Лаҵара 9 рзы Очамчыра, Идырым асолдаҭ ибаҟахьы инеиуеит араион ауааԥсыра. Асааҭ 11:00 рзы имҩаԥгахоит аконцерт.

Тҟәарчал

Тҟәарчал аныҳәа аадыртуеит асааҭ 12:00 рзы 1941-1945 шықәсқәа раан иҭахаз асолдаҭцәа рбаҟахьы анеирала. Анаҩс Акультура ахан аҿы имҩаԥысуеит аконцерт.

Гал

Гал ашҭа хадаҿы арратә музыка арҳәарала ауснагӡатәқәа ирылагоит. Имҩаԥгахоит ахәыҷқәа рыхәмаррақәа, асахьаҭыхратә цәыргақәҵа, акаҭран аҿы асахьа аҭыхра, имҩаԥгахоит "Ԥсра зқәым архәҭа" акциа, амитинг. Асааҭ 12:30 рзы галаа урыстәылатәи аҳәаахьчаҩцәа злахәу ауснагӡатәқәа рыдгалахоит.

Иара убас шәаԥхьар ҟалоит:

3