Аҭоурых адаҟьақәа: Асовет мчра шьақәгылеижьҭеи шәышықәса ҵит

41
Хәажәкыра 4 , 1921 шықәсазы Аԥсны Асовет мчра шьақәыргылан. Уи аахижьҭеи иҵит шәышықәса. Ари арыцхә аҳаҭыр азы Sputnik еизнагеит Асовет аамҭақәа зныԥшуа афотоҭыхымҭақәа.

1921 шықәсанӡа Аԥсны аҵакырадгьыл Қырҭтәыла иампыҵахаланы иҟан уҳәар ауеит. 1921 шықәса, март 4 рзы Аԥсны асовет мчра шьақәгылеит. Абольшевикцәа (зхадараҿы Нестор Лакоба дгылаз) рааира ажәлар ирыдыркылеит ақырҭуа оккупантцәа рҟынтә ахақәиҭра аҳасабала. Аԥсны Советтә Социалисттә Республиканы рылаҳәан. 1925 шықәса рзы ирыдкылан Аԥснытәи ССР раԥхьатәи Аконституциа. Уи инақәыршәаны Аԥсны исуверентәу ҳәынҭқарраны ишьан.

1931 шықәса, жәабран 19 рзы Аԥсны мчыла Қырҭтәылатәи ССР иадҵан, автономтә республика астатус аманы. Ари аӡбара ҳтәыла аҭоурых аҿы илахьеиқәҵагоу даҽа даҟьак аанартит. 1937 шықәса инаркны иалагеит ҳҭоурых аҿы иуадаҩӡаз аамҭа: аԥсуаа милаҭк раҳасабала иҵызшәаауаз аусмҩаԥгатәқәа реиҳарак убасҟан имҩаԥысуан, иреиӷьыз Аԥсны аҵеицәа рырӡра, аԥсуа школқәа раркра, аԥсшәа аҳәара азин аҟамзаара – абарҭқәа зегьы ирхысыр акәхеит аԥсуа жәлар.

Жәашықәсала Аԥсны иахаԥаны иҟаз ақырҭуатәра аполитика иахҟьаны атәылаҿы иҿиеит амилаҭтә-хақәиҭратә қәԥара.

Асовет аамҭазы Аԥсны иаԥҵан еиуеиԥшымыз аҳәынҭқарратә усҳәарҭақәа, аинститутқәа, ателехәаԥшра, асовнхарақәа, аҵараиурҭақәа. Урҭ рышьаҭала иахьагьы аус зуа аусбарҭақәа рацәоуп.

41
  • © Sputnik / Юрий Абрамочкин

    Аԥснытәи АССР. Асубтропикатә нхамҩазы ақырҭуа институт. Астудентцәа амандаринақәа рплантациаҿы.

  • © Sputnik / Юрий Абрамочкин

    Аԥснытәи АССР. Аԥсуа телехәаԥшра адиктор Емма Адлеиԥҳа аефир ашьҭахь.

  • © Sputnik / В. Пачулиа

    Қырҭтәылатәи ССР. Аԥсуа археолог, апрофессор Михаил Мамед-иԥа Ҭраԥшь иҭиҵаауеит Аҟәатәи ашьхаҿы иԥшааз ажәытә бзазаратә маҭәарқәа.

  • © Sputnik / В. Киселев

    Ачаиҭра аиҳабы, СССР Аҳәынҭпремиа алауреат (1978 ш.) Оҭари Минаӡе Гал араион Аҽгәаратәи асовхоз-техникум абригада дрыцны.

  • © Sputnik / Первенцев

    СССР Аҭҵаарадыррақәа ракадемиа иатәу Гагратәи аоранжереиа аҭҵаарадырратә усзуҩ апапаииа дахәаԥшуеит.

  • © Sputnik / Владимир Первенцев

    Аԥснытәи АССР. Афилололгиатә ҭҵаарадыррақәа рлоктор Хәыхәыт Соломон-иԥа Бӷажәбеи (арӷьарахь) ашкол адиректор А. Кациеи еицәажәоит.

  • © Sputnik / Василий Малышев

    Зураб Вианор-иԥа Анчабаӡе (1920-1984), асовет ҵарауаҩ, аҭоурыхтә ҭҵаарадыррақәа рдоктор, апрофессор, Аԥснытәи аҳәынҭқарратә университет раԥхьатәи аректор, СССР Иреиҳаӡоу Ахеилак 9 ааԥхьара Амилаҭқәа рхеилак адепутат (1974—1979).

  • © Sputnik / П. Боровиков

    Аԥснытәи АССР. Гәылрыԥшь араион аҿы иҟоу Шакурантәи аҳаԥы. Аспелеолог аҳаԥы аӡаҵаҟатәи ахәҭа ҭиҵаауеит.

  • © Sputnik / Юрий Абрамочкин

    Аԥснытәи АССР. Асубтропикатә нхамҩазы ақырҭуа институт. Аинститут аректор Наполеон Иракли-иԥа Каркашаӡеи астуднетка Лана Лолуаԥҳаи.

  • © Sputnik / Лев Носов

    Қырҭтәылатәи ССР. Тҟәарчалтәи арацәа ашахта №2 ашахтиорцәа рымшԥҵәа ашьҭахь.

  • © Sputnik / Владимир Акимов

    Аԥснытәи АССР. Аԥсны инхо Нуца Абаш (арӷьарахь) лабшьҭра африкатәиуп. Уи лҩыза длыцны Аҟәа аԥшаҳәаҿы днеиааиуеит.

  • © Sputnik / Юрий Абрамочкин

    Аԥсны АССР. Гәдоуҭа араион аколхоз "Дәрыԥшь". Ачаи плантациа далагылоуп Аԥсны АССР Иреиҳау Асовет адепутат Нора Гьаргь-иԥҳа Сақаниа (агәҭа игылоу).

  • © Sputnik / Тарасов

    Артисты Национального балета Республики Дагомеи и Государственного ансамбля песни и танца Абхазской АССР.

  • © Sputnik / Владимир Родионов

    Сотрудники института экспериментальной патологии и терапии Академии медицинских наук СССР проводят подготовку обезьян к пребыванию в специальном устройстве, ограничивающем подвижность животного.

  • © Sputnik / Юрий Абрамочкин

    Абхазская АССР. Первый секретарь Абхазского обкома КП Грузии Борис Викторович Адлейба (1931-1990 гг).

  • © Sputnik / Юрий Абрамочкин

    69 шықәса зхыҵуа арҵаҩы Ражден Ҷантуриа Аԥснынтәи Белоруссиаҟа шьапыла днеит СССР ашьақәгылара 60 шықәса ахыҵра аҳаҭыр азы. Ашҭа Ҟаԥшь.

  • © Sputnik / Г.Альперт

    Аԥснытәи АССР Гәдоуҭа араион асовнхарақәа руак аҿы аҭаҭын аизгараан.

  • © Sputnik / Владимир Первенцев

    Аԥснытәи АССР. Афилологиатә ҭҵаарадыррақәа рдоктор Хәыхәыт Соломон-иԥа Бӷажәба иԥа, археолог, аҭоурыхҭҵааҩ (иахьа аҭоурыхтә ҭҵаарадыррақәа рдоктор, академик) Олег Хәыхәыт-иԥа Бӷажәба.

  • © Sputnik / Виталий Арутюнов

    Британиа дунтәи иааз аҿагыларатә акциақәа ҟаҵаны зусура аанызкылаз ашьхаусзуҩцәа рҭаацәарақәа СССР апрофхеидкылақәа рааԥхьарала Аԥснытәи АССР аԥсшьарҭаҩнқәа руак аҿы рыԥсы ршьоит.

  • © Foto / Прохоренко

    Қырҭтәылатәи ССР Аҭҵаарадыррақәа ракадемиа иатәыз Д.И. Гәлиа ихьӡ зху Аԥсуа бызшәеи, алитературеи, аҭоурыхи ринститут аҭоурыхтә ҭҵаарадыррақәа рдоктор, апрофессор Гьаргь Алықьса-иԥа Ӡиӡариа.

  • © Sputnik / Владимир Первенцев

    Аԥснытәи АССР. Аҟәа Ақалақьтә библиотека хада (уажәы И.Г. Папасқьыр ихьӡ зху Аԥснытәи Амилаҭтә библиотека).

  • © Sputnik / Е. Глазычева

    Аԥснытәи АССР Наҳар акаҵәараҿы афымцацәаҳәақәа рыргылараҿы аус зуаз авертолиот МИ-8 аекипаж (армарахьтә арӷьарахь): акомандаҟаҵаҩ Анатоли Шаповалов, аԥырҩы-аԥышәаҩ Анатоли Носаль, абортнџьныр-аԥышәаҩ Николаи Сорокалиотов.

  • © Sputnik / Владимир Первенцев

    Аԥснытәи АССР Иреиҳаӡоу Ахеилак Апрезидиум ахантәаҩы Андреи Максим-иԥа Ҷоҷуа (1879 - 1965 шш.).

  • © Sputnik / Юрий Абрамочкин

    Генеральный секретарь ЦК КПСС Леонид Ильич Брежнев (в центре) и президент Французской Республики Жорж Помпиду (слева третий) во время переговоров в Пицунде.

Аҭыԥантәи амчрахь: Аԥсны ахаланапхгараҭарахь алхрақәа шымҩаԥысыз

19
(ирҿыцуп 22:16 11.04.2021)
Аҭыԥантәи ахаланапхгараҭарахь алхрақәа мҩаԥысуан амҽыша мшаԥы 11 рзы. Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы.

Иахьатәи алхрақәа реиԥш зеиԥшу бжьынтәуп имҩаԥысуеижьҭеи Аԥсны аҭоурых ҿыц аҿы. Раԥхьаӡа акәны Аҭыԥантәи аизарақәа рахь алхрақәа мҩаԥысит хәажәкыра 14 1998 шықәсазы. Уи ашьҭахь алхрақәа мҩаԥган 2001, 2004, 2007 шықәсқәа рзы, анаҩс адепутатцәа рнапынҵақәа рыҿҳәара иацҵан, ԥшьышықәса ҳәа иҟаҵан, убри аԥҟара инақәыршәаны 2011, 2016 шықәсқәа рзы алхрақәа мҩаԥысит.

2016 шықәсазы Гал араион аламырхәӡакәа лхрақәа мҩаԥысит, избанзар 2014 шықәсазы Гал иқәныхоз реиҳараҩык аԥсуа тәылауаҩра рымхын. Иахьазы уа абжьыҭара азин рымоуп 900-ҩык иреиҵаны алхыҩцәа. Аха уеизгьы ара аҭыԥантәи алхрақәа мҩаԥгатәуп ҳәа рыӡбеит. Убри аан алхыҩцәа ахьмаҷу азы адепутатцәа рхыԥхьаӡарагьы 11-ҩык рҟынӡа иагдырхеит, Аконституциа ишаҳәо ала. Иаԥҵан аҭыԥ хадақәа фба ақыҭақәа рҿы, ақалақь аҿы - хәба.

Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы. Зегь реиҳа алхыҩцәа рацәоуп Аҟәа - 40 нызқьҩык рҟынӡа. 2020 шықәса нанҳәамзазы аҭыԥантәи адепутатцәа ирыӡбеит алхыҩцәа рхыԥхьаӡареи адепутатцәа рхыԥхьаӡара еиҿурԥшуазар, ишеишьашәалам, убри аҟнытә алхырҭатә ҭыԥ хадақәа рхыԥхьаӡара 26 рҟынтәи 19 рҟынӡа иагдырхеит. Иара убас адепутатцәа рхыԥхьаӡара ҩынтә ишозар ауп ҳәагьы ӡбан.

19
  • © Sputnik / Томас Тхайцук

    Аԥсны имҩаԥысит аҭыԥантәи амчрақәа рахь алхрақәа.

  • © Sputnik / Томас Тхайцук

    Зынӡа атәылаҿы абжьыҭара азин рымоуп 125 нызқьҩык алхыҩцәа.

  • © Sputnik / Томас Тхайцук

    Алхыҩцәа шьоукы рхәыҷқәа рыманы абжьыҭара инеиуан.

  • © Sputnik / Томас Тхайцук

    Ари ала акәзар, алхырҭахь изнеиз аҽарԥхарц азы акәзар ҟалап.

  • © Sputnik / Томас Тхайцук

    Аҳҭнықалақь аҿы алхырҭатә ҭыԥқәа рҿы авидеокамерақәа шьақәыргылан.

  • © Sputnik / Томас Тхайцук

    Аамҭала аԥыза-министр инапынҵақәа назыгӡо Владимир Делба ибжьы аиҭеит.

  • © Sputnik / Томас Тхайцук

    Ауаа рыбжьы арҭар рылшон 198 алхырҭатә ҭыԥқәа рҿы.

  • © Sputnik / Томас Тхайцук

    Зегь реиҳа алхыҩцәа рацәан аҳҭықалақь Аҟәа – 40 нызқьҩык рҟынӡа, иара убри аан аброуп ауаа зегь реиҳа имаҷны рыбжьы ахьарҭаз.

  • © Sputnik / Томас Тхайцук

    Алхратә комиссиа алахәылацәа аҽыхьчаратә ԥҟарақәа ирықәныҟәоит.

  • © Sputnik / Томас Тхайцук

    Иарбанзаалак алхратә ҭыԥ хада аҟны аӡәгьы дырзалымхыр, ма уа алхрақәа шьақәымгылеит ҳәа ирыԥхьаӡар, аиҭалхрақәа рыларҳәоит.

  • © Sputnik / Томас Тхайцук

    Аиҭалхрақәа ҩымз ирхымгакәа имҩаԥысроуп.

  • © Sputnik / Томас Тхайцук

    Асааҭ 20:00 рзы алхратә ҭыԥқәа зегьы адыркит, абжьқәа рыԥхьаӡара иалагеит.

"Аамҭақәа рыбжьара": Адгәыр Амԥар исахьақәа

68
(ирҿыцуп 15:38 10.04.2021)
Аԥсуа сахьаҭыхҩы Адгәыр Амԥар ирҿиамҭақәа рцәыргақәҵа аатит Аԥсны Ацәыргақәҵатә зал хадаҿы хәажәкыра 30 рзы. Уи исахьақәа рыхәҭак шәахәаԥш Sputnik еизнагаз афотолентаҿы.

Ацәыргақәҵа "Аамҭақәа рыбжьара" ҳәа уи автор хьӡыс иеиҭеит, избанзар аамҭақәа рыбжьароуп џьарак ак аҵыхәтәа ахьыҟоу, анаҩс иҿыцу ак анцәырҵуа. Адгәыр Амԥар ихаҭа ишиҳәо ала, араҟа аԥыжәара ргоит абасеиԥш иҟоу ахырхарҭақәа: сиурреализм, асимволизм. Аиашазы, асимволизм еснагь асиурреализм иахәҭоуп, аха ара хазы ицәырызгоит, иҳәоит иара.

Асахьаҭыхыҩ уаанӡа аныхачаԥақәа ҭихуан, уи, иара ишиҳәо ала, асиурреализм иатәу аҭыхымҭақәа раԥҵараан ицхраауеит.

Ацәыргақәҵаҿы иӡыргоу аусумҭақәа аҵыхәтәантәи шықәсык, шықәсыки бжаки рыҩныҵҟа иҭыху роуп. Уахь инагоуп 25 усумҭа.

68
  • © Sputnik / Томас Тхайцук

    "Ахьычԥаԥырҩежь агага"

  • © Sputnik / Марианна Кубрава

    "Ахьычԥаԥырҩежь агага"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Уахынлатәи аԥхыӡқәа"

  • © Sputnik / Томас Тхайцук

    "Зыблақәа арку аԥҳәызба"

  • © Sputnik / Марианна Кубрава

    "Зыблақәа арку аԥҳәызба"

  • © Sputnik / Марианна Кубрава

    Зыблақәа арку аԥҳәызба лнапқәа

  • © Sputnik / Томас Тхайцук

    "Аҿымҭра"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Аҳәааҿы"

  • © Sputnik / Марианна Кубрава

    "Аҳәааҿы"

  • © Sputnik / Томас Тхайцук

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Асҭа"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Амедальон гәаларшәагас"

  • © Sputnik / Марианна Кубрава

    "Ԥшьҩык злахәу акомпозициа"

  • © Sputnik / Марианна Кубрава

    "Агьежь алахәмарра"

  • © Sputnik / Марианна Кубрава

    "Агәил зну акомпозициа"

  • © Sputnik / Марианна Кубрава

    "Аҭагәаҭасрақәа ириааины аблахтырахь инеиз"

  • © Sputnik / Томас Тхайцук

    Адгәыр Амԥар

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара