Аизарақәеи аиԥыларақәеи: Аԥснытәи амчыбжь афотосахьақәа рҟны

35
(ирҿыцуп 19:30 14.03.2021)
"Амра-Банк" аҟәатәи аофис-цҵа аҟны арҳәреи, аветерантә еиҿкаара "Аруаа" реизареи, ахада Иусбарҭа аҿаԥхьа Бжьаниа адгылара ширҭо аарԥшразы идгылаҩцәа реизареи уҳәа ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

Аԥснызы ииасуа амчыбжь беиан ҳҭысла: аизарақәа, амитингқәа, абанк арҳәра уҳәа ирацәоуп иалукааша. Еиҳа иазгәаҭатәу хҭысуп ауаажәларратә ветерантә еиҿкаара "Аруаа" атәылаҿ иҟоу ауаажәларра-политикатә ҭагылазаашьа алацәажәаразы имҩаԥыргаз аизара ду. "Аруаа" реизара ду аҟны Аԥсны ахада Аслан Бжьаниа хатәгәаԥхарала ԥхьатәара ицаразы арезолиуциа рыдыркылеит, атәыла ахадак иаҳасаб ала иус изынамыгӡеит ҳәа иԥхьаӡаны. Уи аамҭазы ахада Иусбарҭа аҿаԥхьа Бжьаниа адгылара ширҭо аарԥшразы идгылаҩцәа еизеит. Иара убас, амчыбжь алагамҭазы аҟәа аусура хнаркәшеит 2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь.

Аԥсни адунеи аҿи азҿлымҳара зуҭаша ахҭысқәа Sputnik афотосахьақәа рҟны.

35
  • © Sputnik / Акоп Кущян

    "Амра-Банк" аҟәатәи аофис-цҵа аҟны арҳәра ҟалеит хәажәкыра 10 асааҭ 12:20 рзы. Абанк аусзуҩцәа ишырҳәо ала, хҩык ауаа асабрадақәа рҿаҵаны абанк иҩналеит. Аԥара дәылыргеит.

  • © Sputnik / Кирилл Брага

    Хәажәкын ныҳәа иасимволу амамыршәага Волгоград иқәдыргылеит.

  • © AFP 2019 / Pau Barrena

    Ахәыҷы ишәҭуа атамаҭра дҭагьежьуа дыхәмароит, Испаниа.

  • © AFP 2019 / Myitkyina News Journal

    ауахәама аусзуҩ лшьамхы арсны аполициа аусзуҩцәа дрыҳәоит Мианим имҩаԥысуа аҿагыларатә акциақәа ирылахәу аӡәгьы ааха рырамҭарц.

  • © Sputnik / Томас Тхайцук

    Аԥшьаша хәажәкыра 11 рзы Аҟәа имҩаԥысит аветерантә еиҿкаара "Аруаа" аизара ду. Уа Аԥсны ишьақәгылаз ауаажәларра-политикатә ҭагылазаашьа иалацәажәон.

  • © AP Photo / Matias Garay

    Аргентина абна абылрақәа ирыхҟьаны амашьына блит.

  • © Sputnik / Florence Gallez

    Париж имҩаԥысит афеминисткацәа рныҟәара.

  • © REUTERS / Aziz Taher

    ливантәи аԥара-фунт акаҳара иахҟьаны аҿагыларатә акциақәа мҩаԥыргоит.

  • © AFP 2019 / Aaref Watad

    Арҭҟәацгақәа ахәыҷы дрылагылоуп, Идлиб, Шьамтәыла.

  • © AFP 2019 / NTB / Stian Lysberg Solu

    Норвегиа иҟалаз адгьылҳәазара иахҟьаны ақыҭа Аск ааха ӷәӷәа аиуит.

  • © Sputnik / Асмат Цвижба

    Ҩышәҩык инарзынаԥшуа Аслан Бжьаниа идгылаҩцәа ахада Иусбарҭа аҿаԥхьа еизеит хәажәкыра 11 рзы.
    Ахада Иусбарҭа рыхьчоит шәҩык рҟынӡа азинхьчаратә усбарҭақәа русзуҩцәа. Аҩналарҭақәа аихатә хыцқәа рыла иаркуп.

  • © REUTERS / Maria Alejandra Cardona

    Астудентцәа аԥсшьара аамҭақәа иахьалагаз игәырӷьоит, Форт- Лодердели амшын аҟәара, Флорида.

  • © REUTERS / Yara Nardi

    Папа Франциск Ирак даҭааит.

  • © Sputnik / Томас Тхайцук

    Аҟәатәи амшын аԥшаҳәа аԥсшьаҩцәа рыла иҭәуп, уи џьашьатәым ӡынгьы-ԥхынгьы Аԥсны узҭааша рацәоуп, аԥсабара еиуеиԥшым аамҭақәа рзы уамашәа иблахкыгоуп.

  • © AFP 2019 / Delil Souleiman

    Шьамтәылатәи аҳәса амилаҭтә маҭәа амшныҳәазы, ақалақь Камишли.

  • © AP Photo / Salvatore Allegra

    Авулкан Етна

  • © Foto / Джансух Лазба

    Ҭырқәтәыла Адаԥазар иахьаҵанакуа Қоџьаели аҭыԥ аҟны, аԥсуаа раԥхьа иахьыӡхыргаз, есышықәса лаҵара 21 рзы агәалашәаратә усмҩаԥгатәқәа ахьеиҿыркаауа, хәажәкыра 10 рзы аҵлақәа шеиҭарҳауа. Ҳаԥхьаҟа уа амузеигьы аиҿкаара азгәарҭоит Ҭырқәтәыла иҟоу Аԥсуа культуратә хеилакқәа рфедерациа.

  • © REUTERS / Adrees Latif

    Техастәи ашәарҭадаратә усбарҭа аусзуҩ амигрантцәа драцәажәоит.

  • © Sputnik / Томас Тхайцук

    2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит, амедицинатә цхыраара анымҩаԥнага ашьҭахь есымшатәи агыларҭахь ихынҳәит.

  • © AFP 2019 / Wang Zhao

    Ҿыц аҭаацәара аԥызҵаз ауахәама азааигәара, Пекин.

  • © Sputnik / Марианна Кубрава

    Аҟәатәи аботаникатә баҳчаҟны ааԥын шааиз мҩашьо ашәҭқәа ашәҭра иалагеит.

  • © Sputnik / Томас Тхайцук

    Аԥсны иҟоу Урыстәыла Ацҳаражәҳәарҭеи Россотрудничествеи еиҿыркааит Хәажәкын ныҳәа Амҳаџьырқәа рыԥшаҳәаҿы, Аҟәа.

Аҭыԥантәи амчрахь: Аԥсны ахаланапхгараҭарахь алхрақәа шымҩаԥысыз

19
(ирҿыцуп 22:16 11.04.2021)
Аҭыԥантәи ахаланапхгараҭарахь алхрақәа мҩаԥысуан амҽыша мшаԥы 11 рзы. Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы.

Иахьатәи алхрақәа реиԥш зеиԥшу бжьынтәуп имҩаԥысуеижьҭеи Аԥсны аҭоурых ҿыц аҿы. Раԥхьаӡа акәны Аҭыԥантәи аизарақәа рахь алхрақәа мҩаԥысит хәажәкыра 14 1998 шықәсазы. Уи ашьҭахь алхрақәа мҩаԥган 2001, 2004, 2007 шықәсқәа рзы, анаҩс адепутатцәа рнапынҵақәа рыҿҳәара иацҵан, ԥшьышықәса ҳәа иҟаҵан, убри аԥҟара инақәыршәаны 2011, 2016 шықәсқәа рзы алхрақәа мҩаԥысит.

2016 шықәсазы Гал араион аламырхәӡакәа лхрақәа мҩаԥысит, избанзар 2014 шықәсазы Гал иқәныхоз реиҳараҩык аԥсуа тәылауаҩра рымхын. Иахьазы уа абжьыҭара азин рымоуп 900-ҩык иреиҵаны алхыҩцәа. Аха уеизгьы ара аҭыԥантәи алхрақәа мҩаԥгатәуп ҳәа рыӡбеит. Убри аан алхыҩцәа ахьмаҷу азы адепутатцәа рхыԥхьаӡарагьы 11-ҩык рҟынӡа иагдырхеит, Аконституциа ишаҳәо ала. Иаԥҵан аҭыԥ хадақәа фба ақыҭақәа рҿы, ақалақь аҿы - хәба.

Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы. Зегь реиҳа алхыҩцәа рацәоуп Аҟәа - 40 нызқьҩык рҟынӡа. 2020 шықәса нанҳәамзазы аҭыԥантәи адепутатцәа ирыӡбеит алхыҩцәа рхыԥхьаӡареи адепутатцәа рхыԥхьаӡара еиҿурԥшуазар, ишеишьашәалам, убри аҟнытә алхырҭатә ҭыԥ хадақәа рхыԥхьаӡара 26 рҟынтәи 19 рҟынӡа иагдырхеит. Иара убас адепутатцәа рхыԥхьаӡара ҩынтә ишозар ауп ҳәагьы ӡбан.

19
  • © Sputnik / Томас Тхайцук

    Аԥсны имҩаԥысит аҭыԥантәи амчрақәа рахь алхрақәа.

  • © Sputnik / Томас Тхайцук

    Зынӡа атәылаҿы абжьыҭара азин рымоуп 125 нызқьҩык алхыҩцәа.

  • © Sputnik / Томас Тхайцук

    Алхыҩцәа шьоукы рхәыҷқәа рыманы абжьыҭара инеиуан.

  • © Sputnik / Томас Тхайцук

    Ари ала акәзар, алхырҭахь изнеиз аҽарԥхарц азы акәзар ҟалап.

  • © Sputnik / Томас Тхайцук

    Аҳҭнықалақь аҿы алхырҭатә ҭыԥқәа рҿы авидеокамерақәа шьақәыргылан.

  • © Sputnik / Томас Тхайцук

    Аамҭала аԥыза-министр инапынҵақәа назыгӡо Владимир Делба ибжьы аиҭеит.

  • © Sputnik / Томас Тхайцук

    Ауаа рыбжьы арҭар рылшон 198 алхырҭатә ҭыԥқәа рҿы.

  • © Sputnik / Томас Тхайцук

    Зегь реиҳа алхыҩцәа рацәан аҳҭықалақь Аҟәа – 40 нызқьҩык рҟынӡа, иара убри аан аброуп ауаа зегь реиҳа имаҷны рыбжьы ахьарҭаз.

  • © Sputnik / Томас Тхайцук

    Алхратә комиссиа алахәылацәа аҽыхьчаратә ԥҟарақәа ирықәныҟәоит.

  • © Sputnik / Томас Тхайцук

    Иарбанзаалак алхратә ҭыԥ хада аҟны аӡәгьы дырзалымхыр, ма уа алхрақәа шьақәымгылеит ҳәа ирыԥхьаӡар, аиҭалхрақәа рыларҳәоит.

  • © Sputnik / Томас Тхайцук

    Аиҭалхрақәа ҩымз ирхымгакәа имҩаԥысроуп.

  • © Sputnik / Томас Тхайцук

    Асааҭ 20:00 рзы алхратә ҭыԥқәа зегьы адыркит, абжьқәа рыԥхьаӡара иалагеит.

"Аамҭақәа рыбжьара": Адгәыр Амԥар исахьақәа

68
(ирҿыцуп 15:38 10.04.2021)
Аԥсуа сахьаҭыхҩы Адгәыр Амԥар ирҿиамҭақәа рцәыргақәҵа аатит Аԥсны Ацәыргақәҵатә зал хадаҿы хәажәкыра 30 рзы. Уи исахьақәа рыхәҭак шәахәаԥш Sputnik еизнагаз афотолентаҿы.

Ацәыргақәҵа "Аамҭақәа рыбжьара" ҳәа уи автор хьӡыс иеиҭеит, избанзар аамҭақәа рыбжьароуп џьарак ак аҵыхәтәа ахьыҟоу, анаҩс иҿыцу ак анцәырҵуа. Адгәыр Амԥар ихаҭа ишиҳәо ала, араҟа аԥыжәара ргоит абасеиԥш иҟоу ахырхарҭақәа: сиурреализм, асимволизм. Аиашазы, асимволизм еснагь асиурреализм иахәҭоуп, аха ара хазы ицәырызгоит, иҳәоит иара.

Асахьаҭыхыҩ уаанӡа аныхачаԥақәа ҭихуан, уи, иара ишиҳәо ала, асиурреализм иатәу аҭыхымҭақәа раԥҵараан ицхраауеит.

Ацәыргақәҵаҿы иӡыргоу аусумҭақәа аҵыхәтәантәи шықәсык, шықәсыки бжаки рыҩныҵҟа иҭыху роуп. Уахь инагоуп 25 усумҭа.

68
  • © Sputnik / Томас Тхайцук

    "Ахьычԥаԥырҩежь агага"

  • © Sputnik / Марианна Кубрава

    "Ахьычԥаԥырҩежь агага"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Уахынлатәи аԥхыӡқәа"

  • © Sputnik / Томас Тхайцук

    "Зыблақәа арку аԥҳәызба"

  • © Sputnik / Марианна Кубрава

    "Зыблақәа арку аԥҳәызба"

  • © Sputnik / Марианна Кубрава

    Зыблақәа арку аԥҳәызба лнапқәа

  • © Sputnik / Томас Тхайцук

    "Аҿымҭра"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Аҳәааҿы"

  • © Sputnik / Марианна Кубрава

    "Аҳәааҿы"

  • © Sputnik / Томас Тхайцук

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Асҭа"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Амедальон гәаларшәагас"

  • © Sputnik / Марианна Кубрава

    "Ԥшьҩык злахәу акомпозициа"

  • © Sputnik / Марианна Кубрава

    "Агьежь алахәмарра"

  • © Sputnik / Марианна Кубрава

    "Агәил зну акомпозициа"

  • © Sputnik / Марианна Кубрава

    "Аҭагәаҭасрақәа ириааины аблахтырахь инеиз"

  • © Sputnik / Томас Тхайцук

    Адгәыр Амԥар

Аԥсны атәылахьчара аминистрра аррамаҵзурауаа "Саянский марш" рҽазыҟарҵоит

0
(ирҿыцуп 13:49 14.04.2021)
"Саянский марш" актәи аицлабра мҩаԥысуеит мшаԥы 14 - 17 рзы Красноиарсктәи атәылаҿацә аҿы, аҽазыҟаҵарҭа "Ергаки" аҟны.

АҞӘА, мшаԥы 14 - Sputnik. Бадри Есиава. Аԥсны атәылахьчара аминистрра аррамаҵзурауаа "Саянский марш" аҽазыҟаҵара хдыркәшеит, абри атәы иҳәеит аподполковник Алиас Уанаҿа.

Иара еиҭеиҳәеит аҽазыҟаҵарақәа мшаԥы 8 раахыс есыҽны ишымҩаԥысуа асааҭ 6:00 инаркны асааҭ 19:00 рҟынӡа, жәеиза хырхарҭа рыла.

"Арҭ ахырхарҭақәа зегь рынагӡаразы ашьхараҿ, ацаҟьарақәа ирҿысуа аҭыԥқәа ирылгоу амаршрут уахысроуп. Иаҳҳәап, ахысырҭақәа рҿы унеиаанӡа 2,5 километра ашьха аика уқәсны уцароуп. Уажәы уа ԥшь-метрак асы шьҭоуп", - иҳәеит иара.

  • Аԥсны атәылахьчара аминистрра аррамаҵзурауаа "Саянский марш" рҽазыҟарҵоит иалахәхоит
    © Foto / Аляс Ванача
  • Аԥсны атәылахьчара аминистрра аррамаҵзурауаа "Саянский марш" рҽазыҟарҵоит иалахәхоит
    © Foto / Аляс Ванача
  • Аԥсны атәылахьчара аминистрра аррамаҵзурауаа "Саянский марш" рҽазыҟарҵоит иалахәхоит
    © Foto / Аляс Ванача
1 / 3
© Foto / Аляс Ванача
Аԥсны атәылахьчара аминистрра аррамаҵзурауаа "Саянский марш" рҽазыҟарҵоит иалахәхоит

"Ергаки" аҳауатә ҭагылазаашьа Аԥсны ашьхаратә ҳауа иазааигәоуп асыҭәҳәақәа рыҟазаара ада.

Аԥснытәи аруаа разыҟаҵара аруадаҩит абаза ахьыҟоу аҳаракыра –3000 метра амшын иахыкны. Аԥхьатәи амшқәа рзы ҳаруаа аҳауатә ҭагылазаашьа рҽандыршәон. Убри аан аҽазыҟаҵарақәа мҩасуан аха еиҳа ирԥсыҽны.

Аподполковник иҳәеит аицлабрақәа ҩ-етапкны ишымҩаԥгахо. Аԥынгылақәа змоу азеиԥш маршрут 50 километра иҟоуп. Аруаа ирзыԥшуп асыԥса иагаз еиқәырхара, ашьхаҿҟьара ашәҩақәа рыла албаара, аԥшыхәра амҩаԥгара, ашәҩа ианықәныҟәо ахысра амҩаԥгара, ацаҟьарақәа "ацгәы" ҳәа изышьҭо аҵаақәныҟәагақәа рхархәарала рҿысра, ашахақәа рыла аҿҟьарақәа рылбаара.

"Аицлабра актәи амш азы 25 километра иахысны абнараҿы ақьала ргыланы иԥхьароуп. Уа адәныҟантә цхыраарада иҟазароуп. Ашьыжь аҩбатәи аетап иалагоит. Аиҭах 25 километра иахысроуп егьырҭ аусдҵақәа мҩаԥганы", - иҳәоит Уанаҿа.

© Видео Аляс Ванача
Аԥсны атәылахьчара аминистрра аррамаҵзурауаа "Саянский марш" рҽазыҟарҵоит иалахәхоит

Иара иазгәеиҭеит иҟаҵатәу зегьы ауадаҩра ду шрымоу, аха Аԥснытәи аруаа рзы еиҳа иуадаҩу, изышьцылам "ацыгәқәа" рыла ацаҟьарақәа рҿысроуп.

Аԥснытәи акоманда ари аицлабра раԥхьаӡа ишалахәугьы ргәы карыжьуам, рхы бзианы иаадырԥшып ҳәа игәыӷуеит.

Акомандақәа амаршрут ишахысызи рҿаԥхьа иқәгылаз адҵақәа шынарыгӡази рыхә ршьоит аӡбаратә коллегиа – атәыла-лахәылақәа рхаҭарнакцәа. Авертолиотқәа рҟынтәи онлаин режимла авидеорбарақәа мҩаԥгахоит. Уи иаҭахханы иҟалар иаразнакы ацхыраара алнаршоит, уи адагьы команда-цыԥхьаӡа аинструкторцәа рыцуп.

АрМИ-2021 аҳәаақәа ирҭагӡаны иазыԥхьагәаҭоуп 15 тәыла рҿы 34 конкурса еицлабра рымҩаԥгара. Аицлабра иалахәуп Урыстәыла акомандақәа фба, Аԥсны, Китаи, Аахыҵ Уаԥстәыла, Таџьикистан, Киргизиа, Узбекистан.

Иара убас шәаԥхьар ҟалоит:

0