Аиԥыларақәа, аспортсменцәа реихьӡарақәа: ииасыз амчыбжь афотосахьақәа рҟны

20
(ирҿыцуп 19:04 28.03.2021)
Аԥсни адунеи аҿи зҿлымҳара зуҭаша ахҭысқәа Sputnik афотосахьақәа рҟны шәрыхәаԥшырц ишәыдаагалоит.

Аԥсназы ииасуа амчыбжь беиан ҳҭысла: аиԥыларақәа, аспортсменцәа реихьӡарақәа, уҳәа ирацәоуп иалукааша. Амчыбжь алагамҭаз "Амшынеиқәафымцамч" аҿы имҩаԥысит Аԥсны аԥыза-министр ихаҭыԥуаҩ, Аԥсны аекономика аминистр Кристина Озгани анаплакы аиҳабыреи араионтә филиалқәа рхаҭарнакцәеи реиԥылара, иара убас Атәыла ахада Аслан Бжьаниа диԥылеит Адунеизегьтәи аԥсуа-абаза конгресс ахантәаҩы Мусса Егзакь, иара убас абоксиор Харитон Агрба Адунеизегьтәи абоксиортә ассоциациа ачемпион ититул ихьчеит, Диана Мелкониан абокс азы Урыстәыла аицлабрахь апутиовка даиааит, зых иақәиҭу аиқәԥаразы Урыстәыла аицлабрахь имҩа аатит Данеиль Џьопуагьы. Иара убас Ашьапылампылтә академиа "Зенит" афилиал аартра иазкыз агәырӷьаратә еилатәара мҩаԥысит.

Ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

20
  • © Sputnik / Томас Тхайцук

    "Амшынеиқәафымцамч" аҿы имҩаԥысит аекономика аминистр Кристина Озгани анаплакы аиҳабыреи афилиалқәа рнапхгаҩцәеи реиԥылара.

  • © AFP 2019 / Bulent Kilic

    Аҭырқәа ҳәсақәа Ҭырқәтәыла Сҭампылтәи аконвенциа, аҳәса рыхьчаразы иаԥҵаз жәларбжьаратәи аиқәшаҳаҭра, иахьалҵыз азы агәынамӡара аарԥшуа ақәгыларақәа мҩаԥыргеит, Сҭампыл.

  • © AP Photo

    Буддатәи аберуаҩ абинокль кны амҩатә баррикадақәа дрыхәаԥшуеит, Мандала, Мианма

  • © Sputnik / Томас Тхайцук

    Аԥсны иаартын Ахәыҷы-қәыԥштә шьапылампылтә академиа "Зенит" афилиал, афото аҟны уи ашьапылампыласцәа Аԥсны аҽазыҟаҵарақәа ирхысуеит.

  • © REUTERS / Eloisa Lopez

    Ахәылԥҵысқәа рзы аеколог Лос-Баньос иҟоу Филиппинтәи ауниверситет аҿы ахәылԥҵыс зкыз акаҭаҟынтәи ахы иоуижьуеит.

  • © AFP 2019 / Jeremie Richard

    Исландиа иҟалаз авулкан аԥжәара ауаа гыланы иахәаԥшуеит.

  • © AFP 2019 / Philip Fong

    Иапониа, Токиа апарк Китаномару аҿы асакура шәҭны иахьгылоу рпатреҭқәа ҭырхуеит атрадициатә амаҭә зшәу ауниверситет аушьҭымҭацәа.

  • Харитон Агрба Адунеизегьтәи абоксиортә ассоциациа ачемпион ититул даиааит.

  • © AP Photo / Bruna Prado

    Астронавтцәа ркостиумқәа рышәҵаны Рио-де-Жанеиро, Бразилиа аплиаж Ипанема аҟны ҩыџьа неиааиуеит.

  • © Sputnik / Alexei Danichev

    Санкт-Петербург Петропавловтәи абаа аҭыӡқәа рывара амра рҽаҭаны итәоуп.

  • © REUTERS / Carlos Jasso

    Мексикатәи аҵарауаҩ Густаво Акоста Альтамирано инапала иаԥиҵаз акоронавирус уацәызыхьчо асабрада ҿыц дирбоит.

  • © Foto / Давид Авидзба

    Аԥснытәи абоксиор Диана Мелкониан Урыстәыла аԥхьахәгараҟны аиааира лгеит.

  • © AFP 2019 / Lukas Coch

    Австралиа аӡхыҵра ҟалеит.

  • © AP Photo / Suez Canal Authority

    Ахаша, хәажәкыра 24 рзы Суецтәи абжьысырҭаҟны аидаратә ӷба ду Ever Given иаҵаз аӡы ацәмаҷхан, иаангылеит, уи амшала ари акрызҵазкуа жәларбжьаратәи атауареикәыршаратә мҩа ду аҿы амҩангарақәа аанкылахеит. Уи аусура аларгаразы акымкәа-ҩбамкәа мчыбжьы аҭаххоит.

  • © Foto / facebook / Государственный комитет РА по делам молодежи и спорту

    Даниель Џьопуа зых иақәиҭу аиқәԥаразы 18 шықәса зхыҵуа рыбжьара Урыстәыла ачемпионат аҟны араӡны даиааит.

  • © REUTERS / Peter Cziborra

    Аҿагыларатә акциаан адемонстрант аскеитборд дақәтәаны аполициаа рмашьына аԥхьа диасуеит Бристол, Британиа ду

  • © Sputnik / Томас Тхайцук

    Аԥсны ахада Аслан Бжьаниа Адунеизегьтәи аԥсуа-абаза конгресс ахантәаҩы Мусса Егзакь диԥылеит.

  • © Sputnik / Dmitry Astakhov

    Почетный караул эвзонов у могилы Неизвестного солдата на площади Синтагма в Афинах.

  • © REUTERS / Dinuka Liyanawatte

    Шри-Ланка, Коломбо абнақәа рыхшьаара иаҿагыланы иқәԥо

  • © REUTERS / Martina Valentini / Val di Sole press office

    10 шықәса зхыҵуа Фиамметта аонлаин-урок лымоуп лаб ахьча иџьмақәа ахьирҳәуа ашьхараҿы, Кальдесе, Италиа

  • © Sputnik / Томас Тхайцук

    Санкт-Петербургтәи ажәҩаҵшьыҩцәа аӡиас Иаӷьаҟны рҽазыҟарҵоит

  • © REUTERS / Mike Blake

    Асиорфинг аџьма ақәыртәаны - ацәқәырԥақәа рҿы аҽазыҟаҵарақәа мҩаԥыргоит. Сан-Клемент, Калифорниа

  • Аԥсуа ԥкьаҭасҩы Амина Аншԥҳа венгриатә аԥкьаҭасҩы Панна Удвардии командакны иқәгыланы аиааира ргеит Буенос_аирес имҩаԥысуаз атурнир ITF W25 аҿы.

  • © Sputnik / Томас Тхайцук

    Риҵатәи амилаҭтә парк

Аслан Бжьаниа шықәсыктәи иусура: иалкаау ахҭысқәа афотоқәа рҿы

196
Аԥсны ахәбатәи ахада Аслан Бжьаниа инапынҵақәа рынагӡара далагеит мшаԥы 23, 2020 шықәса инаркны. Атәыла ахадас дыҟоуижьҭеи иҵит шықәсык, иусураҿы реиҳа иалкаау ахҭысқәа - Sputnik афотоҭыхымҭақәа рҟны.

2020 шықәса хәажәкырамзазы имҩаԥган Аԥсны ахада иеиҭалхрақәа. Аслан Бжьаниа - 53741 бжьы (56,5%) иманы алхрақәа дыриааиуеит, конкурентс диман уаанӡатәи аекономика аминистр Адгәыр Арӡынба.

Аслан Бжьаниа официалла инапынҵақәа рынагӡара далагеит мшаԥымза 23 инаркны, имҩаԥгаз аинугурациа ашьҭахь. Аҭоубашьҭаҵара мҩаԥган ауаа рацәа адымгалакәа, усҟан Аԥсны иалагалаз акоронавирус аламырҵәаразы аԥкрақәа ирхьырԥшны.

Аслан Бжьаниа Аԥсны ахәбатәи ахада иоуп.

196
  • © Sputnik / Константин Грецов

    Аслан Бжьаниа иҭоубашьҭаҵара ацеремониа мҩаԥысит аҳәаанырцәтәи асасцәа рыда, мшаԥымза 23 рзы, Аҟәа.

  • © Sputnik / Томас Тхайцук

    Аҭоубашьҭаҵара ашьҭахь Аслан Бжьаниа инапаҿы идыркит аҳәынҭқарратә мчра асимволқәа – агерб зну амҳәырқәа, абираҟ, алабашьа, аҳәа.

  • © Sputnik / Томас Тхайцук

    Атәыла ахада иалхрақәа хәажәкыра 22 рзы имҩаԥган. Аслан Бжьаниа - 53741 бжьы (56,5%) иманы алхрақәа рҿы даиааиуеит.

  • © Sputnik / Томас Тхайцук

    Алхрақәа рышьҭахь Аслан Бжаниа раԥхьатәи ипресс-конференциа.

  • © Sputnik / Томас Тхайцук

    Афотожурналист Сергеи Лидов Аслан Бжьаниа ҳамҭас ииҭеит ифотосахьа.

  • © Sputnik / Томас Тхайцук

    Аслан Бжьаниа дахьцалакгьы ицуп имоҭа лҳамҭа - аҵәца.

  • Фотохост-агентство

    Аслан Бжьаниа Аџьынџьтәылатә еибашьра Ду аҟны Аиааира 75 шықәса ахыҵра апарад далахәын Москва.

  • © Foto / Григорий Сысоев

    Аиааира апарад ахь ааԥхьара ииҭеит урыстәылатәи иколлега Владимир Путин. Урыстәылеи, Аԥсни, Таџьыкисҭани, Молдавиеи, Белоруссиеи рхадацәа Идырым асолдаҭ ибаҟа амҵан ашәҭшьыҵәрақәа шьҭарҵеит.

  • © Sputnik / Алексей Никольский

    Аслан Бжьаниеи Владимир Путини Аиааира Ду 75 шықәса ахыҵра аҳаҭыраз имҩаԥгаз ауснагӡатәқәа раан аҟны.

  • © Sputnik / Томас Тхайцук

    Ԥхынгәы 2 рзы Аԥсны ахада Аслан Бжьаниа официалла атәыла ахадас дҟалеижьҭеи раԥхьатәи апресс-конференциа мҩаԥигеит.

  • © Sputnik / Томас Тхайцук

    Ахада ипресс-конференциахь инаԥхьан Аԥсны АИХқәа зегьы.

  • © Sputnik / Томас Тхайцук

    Ҩ-сааҭк инарзынаԥшуа ицоз аицәажәараан Бжьаниа 31 зҵаара рҭак ҟаиҵеит: апандемиеи аекономикеи инадыркны ԥхьаҟатәи аамҭақәа рылацәажәараҟынӡа.

  • © Sputnik / Томас Тхайцук

    Атәыла ахада Аслан Бжьаниа Аԥсны атәылахьчара аминистрра даҭааит.

  • © Foto / Пресс-служба президента Абхазии

    Аԥсны арбџьармчқәа рыдҵаҟаҵаҩ хада Аслан Бжьаниа АШәМ рҽазыҟаҵарақәа дырҭааит.

  • © Foto / пресс-служба Президента Республики Абхазия

    Аслан Бжьаниа аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит.

  • © Sputnik / Томас Тхайцук

    Аԥсны ахада Аслан Бжьаниа Аԥснытәи аҳәынҭқарратә университет аректор, афизика-математикатә ҭҵаарадыррақәа рдоктор, апрофессор Алеко Гәарамиа ииубилеи идиныҳәалеит.

  • © Sputnik / Бадрак Авидзба

    Аԥсны ахада Аслан Бжьаниа дидикылеит Урыстәыла аекономикатә ҿиара аминистр актәи ихаҭыԥуаҩ Михаил Бабич нанҳәа 20 рзы.

  • © Sputnik / Томас Тхайцук

    Аԥсны жәлар рартист Хьыбла Гьерзмааԥҳаи Аԥсны ахада Аслан Бжьаниеи реиԥылара.

  • © Sputnik / Томас Тхайцук

    Бжьаниа даҭааит Гәдоуҭатәи аковид-госпиталь цәыббра 15 рзы. Усҟан атәыла ахада иҳәеит агоспиталь аҿы аус зуа аҳақьымцәа ашәарацҵақәа шрыҭахо.

  • © Sputnik / Томас Тхайцук

    Аԥсны акоронавирустә инфекциа аҿагыларазы ацентр аартын Гәдоуҭатәи ахәышәтәырҭаҿы мшаԥымзазы.

  • © Sputnik / Томас Тхайцук

    Аԥсны ахада Аслан Бжьаниа аԥснытәи аҳақьымцәа аҳаҭыртә шәҟәқәеи аҳамҭақәеи ранеишьеит.

  • © Foto / Пресс-служба Президента РА

    Абҵара 12 рзы Шәача имҩаԥысит Аԥсны ахада Аслан Бжьаниеи Урыстәыла ахада Владимир Путини реиԥылара. Ахадацәа реиҿцәажәара хсааҭк инарзынаԥшуа ицон.

  • © Sputnik / Томас Тхайцук

    Аԥсны ахада Аслан Бжьаниа ажьырныҳәа 22 рзы адҵа ҟаиҵеит амчыбжь нҵәаанӡа афымцамчхара ахархәара еиҵартәырц, уи азы араионқәа зегьы рҿы аштабқәа еиҿкаазарц амаининг фермақәа ахьыҟоу аарԥшрази раҿыхрази.

  • © Sputnik / Томас Тхайцук

    АУН "Амшынеиқәафымцамч" адиректор хада Михаил Логәуеи Аслан Бжьаниеи.

  • © Sputnik / Асмат Цвижба

    Ажьырныҳәа 30 рзы Аԥсны ахада Аслан Бжьаниа усутә ныҟәарала Аԥсны мрагыларатәи ахәҭахьы дцеит афымцамчтә обиектқәа русура агәаҭаразы.

  • © Foto / пресс-служба Президента Республики Абхазия

    Аслан Бжьаниа, Аԥсны аԥыза-министр ихаҭыԥуаҩ, аекономика аминистр Кристина Озган, "Амшынеиқәафымцамч" аиҳабы Михаил Логәуа, Акапитатә ргылара аусбарҭа аиҳабы Ҭемыр Агрба еицны игәарҭеит афымцеихшарҭатә маругақәеи аҷаԥшьаратә пультқәеи русушьа.

  • © Sputnik

    Аслан Бжьаниа ипресс-конференциа.

  • © Sputnik

    Аԥсны ахада Аслан Бжьаниа идикылеит Аԥсны ацхрааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

  • © Sputnik / Томас Тхайцук

    Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа.

  • © Sputnik / Томас Тхайцук

    Аԥсны ахада Аслан Бжьаниа усутә ныҟәарыла мшаԥы 20 рзы Москваҟа дцеит. Бжьаниа Урыстәыла ахада Иусбарҭаҟни Урыстәыла аиҳабыра рыҟни аиԥыларақәа мҩаԥигараны дыҟоуп.

Аҭоурых иагәылсыз ашәақәа: афольклортә фестиваль аҳәынҭқарратә филармониаҿы

18
(ирҿыцуп 16:07 22.04.2021)
XI Аԥсны афольклор-вокалтә ансамбльқәа рреспубликатә фестиваль "Раида" мҩаԥысит Аԥснытәи аҳәынҭқарратә филармониаҿы мшаԥы 21 рзы.

XI Аԥсны афольклор-вокалтә ансамбльқәа рреспубликатә фестиваль "Раида" мҩаԥысит Аԥснытәи Аҳәынҭқарратә филармониаҟны. Афестиваль рхы аладырхәит аԥснытәи жәеиза ансамбль, насгьы Аԥсныҟа иааит адыга ансамбль "Насыԥ" Лазаревское аҳабла аҟынтәи.

Ари акультуратә хҭыс ашҟа имҩахыҵит имаҷымкәа ажәытә ашәақәа ирызҿлымҳау, амилаҭтә фольклор згәы азыбылуа ауаажәлар. Урҭ рхыԥхьаӡараҿы иҟан аиҳабыратә беиԥара ахаҭарнакцәа реиԥш, аҿаргьы.

Раԥхьаӡа акәны афольклор-вокалтә фестиваль "Раида" мҩаԥысит 2010 шықәса рзы, усҟан уи иалахәыз х-ансабльк ракәын. Есышықәса афестиваль зхы алазырхәуа акультуратә хәышҭаарақәа рхыԥхьаӡара иацлоит. 

Аконцерт иахәаԥшырц инеиз ауаа, алшара рыман акырӡа зхыҵуа, Аԥсны аҭоурых еиуеиԥшым аамҭакәа зныԥшуа афольклортә ашәақәа рзыӡыҩрра, ақәгыларақәа напеинҟьарыла ирԥылон.

Иара убас шәаԥхьар ҟалоит:

18
  • © Sputnik / Томас Тхайцук

    Афольклор-вокалтә ансамбльқәа рреспубликатә фестиваль "Раида" мҩаԥысит Аԥснытәи аҳәынҭқарратә филармониаҿы мшаԥы 21 рзы

  • © Sputnik / Томас Тхайцук

    Афестиваль рхы аладырхәит Аԥснытәи жәеиза ансамбль

  • © Sputnik / Томас Тхайцук

    Иара убас адыга ансамбль "Насыԥ" Лазаревское аҳабла аҟынтәи"Райда"

  • © Sputnik / Томас Тхайцук

    Афестиваль алахәылацәа инарыгӡеит еиуеиԥшым афольклортә ашәақәа

  • © Sputnik / Томас Тхайцук

    Урҭ рхы иадырхәон амилаҭтә музыкатә инструментқәагьы "Райда"

  • © Sputnik / Томас Тхайцук

    Артистцәа рықәгылара хадырҭәаауан иршәыз аԥсуа маҭәа

  • © Sputnik / Томас Тхайцук

    Раԥхьаӡа акәны афестиваль "Раида" мҩаԥган 2010 шықәсазы

  • © Sputnik / Томас Тхайцук

    Аконцерт иалахәын акыршықәса ахәаԥшцәа зыргәырӷьо артистцәа

  • © Sputnik / Томас Тхайцук

    Афестиваль аҭааҩцәа алшара рыман адаули аҟьаԥҟьаԥи рыбжьгьы азыӡыҩрра

  • © Sputnik / Томас Тхайцук

    Афестиваль "Раида" хықәкыс иамоуп ажәытә ашәақәа реиқәырхареи урҭ рӡыргареи

  • © Sputnik / Томас Тхайцук

    Есышықәса афестиваль зхы алазырхәуа акультуратә хәышҭаарақәа "Райда"

  • © Sputnik / Томас Тхайцук

    Раԥхьаӡа иара анымҩаԥысуаз иалахәыз х-ансабльк ракәын

  • © Sputnik / Томас Тхайцук

    Ахәаԥшцәа ақәгыларақәа акыр иреигәырӷьон

  • © Sputnik / Томас Тхайцук

    Авидео ма афото ҟазҵоз рхыԥхьаӡара рацәан

  • © Sputnik / Томас Тхайцук

    Аконцерт алахәылацәа иранаршьеит "Аԥсны афольклортә ҭынха аиқәырхаразы" адипломқәеи аҳамҭақәеи

Бжьаниа: Аԥсны аҳәаа ахысра аԥҟарақәа аруадаҩуам

1
(ирҿыцуп 18:02 23.04.2021)
Ԥсоу аӡиас ала Аԥсни Урыстәылеи рҳәынҭқарратә ҳәаа 2020 шықәсазы ԥшьымзтәи аркра ашьҭахь нанҳәа аказы иаартын. Аԥсни Урыстәылеи, ДЖәРеи ЛЖәРеи руааԥсыра ԥкрада аҳәаа ахысра рылшоит.

АҞӘА, мшаԥы 23- Sputnik. Аԥсны сынтәа Урыстәылантәи атуристцәа хыԥхьаӡара рацәала ирзыԥшуп. Уи инадҳәаланы иагәҭакым ареспублика алалара аԥҟаррақәа рыԥсахра ма рыруадаҩра ҳәа иҳәеит Аԥсны ахада Аслан Бжьаниа ТАСС аинтервиу аҭо.

"Иҟоуп ҵыхтәи ашықәс азы аус зуаз аԥҟаррақәа. Урҭ рыԥсахра ма реиҭакра ҳгәы иҭам. Уажәы урыстәылатәи амчрақәа ирыдыркыло аӡбрақәагьы аҵакы рыманы иҟоуп. Исҳәар сылшоит ҳара иахьынӡалшо илоиалу республикоуп ҳәа".

Бжьаниа иазгәеиҭеит Аԥсны сынтәа Урыстәылантәи атуристцәа хыԥхьаӡара рацәала ирзыԥшуп, "аҭагылазаашьа ҵыԥх аасҭагьы акыр еиӷьхоит, атуристцәа рганахьала ҷыдала" ҳәа. Иара иажәақәа рыла, атуристтә сезон ҽалкаарыла рҽазыҟарҵоит азинхьчаратә усбарҭақәа иманшәалоу аҭагылазаашьақәа раԥҵаразы. Аԥсны ААР аҿаԥхьа иқәыргылахо аусдҵақәа хылаԥшра рнаҭалоит атәыла анапхгара.

Аԥсны иахьазы пандемиа иахҟьаны иалагалаз аԥкрақәа излалшо ала ирԥсыҽны аус руеит.

"Аӡәгьы игәы иҭам аҭагылазаашьа ихы иархәаны апроблемақәа раԥҵара", - ҳәа иҳәеит Бжьаниа.

Уи адагьы ахада ишиҳәо ала атуристцәа здызкыло аусбарҭақәа азыхиоуп ичмазаҩу аӡәы дҟаларгьы ахҟьаԥҟьақәа рырмариара.

"Апроблема аҵакы зегьы ирдыруеит. Аамҭақәак раԥхьа ари апроблема рымбоушәа ҟарҵозар, уажәы иҟоу зегьы еилыркаауеит. Иуҳәар алшоит апроблема аганахьала аиммунитет ҳаухьеит ҳәа, аԥсихологиатә проблемагьы абрахь иаҵанакуеит", - ҳәа иҳәеит Бжьаниа.

Аслан Бжьаниеи Владимир Путини реиԥылараан иалацәажәан Ԥсоу аӡиас алатәи аҳәынҭқарратә ҳәаа аушьҭырҭатә лшара. Аушьҭырҭатә ҭыԥ ааигәа ишыргылазгьы иара ауааи атранспорти роушьҭразы ауадаҩрақәа азцәырҵуеит. Бжьаниа иазгәеиҭеит ари апроблема аӡбаразгьы аилибакаара шыҟоу аха аамҭа шаҭаху.

"Урыстәылатәи аган ари апроблема аӡбара агәҭакуижьҭеи акрааҵуеит. Аушьҭырҭатә ҭыԥ ргылан 2012 шықәсазы, Аолимпиада аламҭалаз", - ҳәа иҳәеит иара.

"Зегь раасҭа ипроблеманы иҟоу аԥаразоужьроуп. Сгәы иаанагоит ари апроект зеиԥшрахаша еилкаахоит 2022 шықәса анҵәамҭанӡа. 2024 шықәсанӡа ари аҭыԥ аҿы иҿыцу аҭагылазаашьа ҟалар ауп. Ари имариам проектуп, аԥара маҷымкәа изҭаху. Унадыххыланы иҟауҵо акакәым", - ҳәа иҳәеит ахада.

2020 шықәсазы атуристтә сезон хымз ихьшәаны иалагеит, нанҳәа 1 азы. Жьҭаарамза анҵәамҭанӡа Аԥсны иаҭааит 600 нызқьҩык. Аԥсны атуристтә сезон лаҵара-жьҭаара амзақәа ирыбжьаркуеит.

1