Аԥсны Апарламент аилатәара, ЕгрыГЕС аусура: ииасыз амчыбжь афотосахьақәа рҟны

18
(ирҿыцуп 20:28 04.04.2021)
Аԥсни адунеи аҿи зҿлымҳара зуҭаша ахҭысқәа Sputnik афотосахьақәа рҟны шәрыхәаԥшырц ишәыдаагалоит.

Аԥсназы ииасуа амчыбжь беиан ҳҭысла: хәажәкыра 31 рзы Аԥсны Апарламент аилатәара мҩаԥнагит, уаҟа 2021 шықәсазтәи абиуџьет апроект аднакылеит, Аԥсны Апарламент агәабзиарахьчара, аҵарадырра, аҭҵаарадырра, акультура, аспорт, асоциалтә маҵура аусхкқәа рҟны аҳәынҭқарратә усбарҭақәа русзуҩцәа руалафахәқәа Урыстәыла ахьӡала рыцҵаразы Аԥсни Урыстәылеи рыбжьара аиқәшаҳаҭра аратификациа азнауит, иара убас Аԥсны закәаншьаҭада афымцамч ахархәаразы ахара дырӷәӷәеит. Амчыбжь анҵәамҭазы еилкаахит ЕрыГЕС аусура еиҭаналаго. Акультуратә ԥсҭазаараҿгьы ирацәан азҿлымҳара зуҭаша ахҭысқәа- Аԥсуа сахьаҭыхҩы Адгәыр Амԥар исахьақәа рцәыргақәҵа "Аамҭақәа рыбжьара" аартын, Гәдоуҭа иӡырган аҭоурыхҭҵааҩ Руслан Гәажәба ишәҟәы "Аԥсны - ҳаб игәара, ҳара ҳӡааӡаз - ҳан лгара…", Иван Папаскьыр ихьӡ зху Амилаҭтә библиотека шәышықәса ахыҵит.

Ажәакала, ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

18
  • © Sputnik / Томас Тхайцук

    ЕгрыГЕС аҩнуҵҟа.

  • © Sputnik / Ahmed Mahmoud

    Аконтеинермҩангага Ever Given Суецтәи аканал аҟны иқәханы иахьыҟаз аӡы ихырҵеит.

  • © REUTERS / Raneen Sawafta

    Палестинатәи адемонстрант израилтәи аҳәаахьчаҩ длеисуеит израилтәи аҳәааҟны Адгьыл амш аҳаҭыр азы имҩаԥгаз аҿагыларатә акциа аан Себастиа, Израиль аоккупациа зызнауз Мрагыларатәи аԥшаҳәаҿы.

  • © Sputnik / Томас Тхайцук

    Аԥсны Аҳәынҭқарра Апарламент адепутатцәа реилатәара.

  • © AFP 2019 / Bertrand Guay

    Афранцыз полициауаа аҳаскьынраҿы итәагны зыԥсы зшьо ауаа ҭырҵаауеит. Париж, Франциа.

  • © REUTERS / Khalil Ashawi

    Ԥшәыма дызмам ацыгәқәа рхыҵакырҭа Ернесто. Идлиб, Шьамтәыла.

  • © AP Photo / Channi Anand

    Афестиваль Холи аан индиатәи ахәыҷқәа аӡы еиқәырҭәоит. Џьамма, Индиа.

  • © Sputnik / Сария Кварацхелия

    Аҭоурыхҭҵааҩ Руслан Гәажәба ишәҟәы "Аԥсны - ҳаб игәара, ҳзааӡаз - ҳан лгара" аӡыргараан.

  • © REUTERS / Tom Nicholson

    Абнацәқәа шыҳәуа ирыхәаԥшуа ахаҵа. Ричмонд-парк, Лондон.

  • © REUTERS / Mike Blake

    Автомобильқәа рпарк Oscar Myer Wienermobile аҟны зпатреҭ ҭызхуа аҭаацәа, Калифорниа.

  • © REUTERS / Thomas Peter

    Апарк Иуиуаньтань аҿы ишәҭны игылоу асакура аҿаԥхьа ауаа рпатреҭ ҭырхуеит ааԥынтәи афестиваль аан. Пекин.

  • © AFP 2019 / Guillermo Arias

    Аероҭыхра абзоурала анышь ааигәара иӡысуа акит ахәа афотосахьа, Мексика.

  • © Foto / Национальная Библиотека

    Сынтәа 100 шықәса зхыҵыз Аԥсны Амилаҭтә библиотека аҿаԥхьа уи аусзуҩцәа.

  • © REUTERS / Elijah Nouvelage

    Натан Меисон инеиқәырццакны иҟалаз аторнадоқәа ианду лыҩны иарҭаз аԥхасҭа заҟароу ҭиҵаауеит арыцҳара аныҟалаз адырҩаҽны. Урҭ аторнадоқәа Охатачи, Алабама аштат, ЕАА, инхоз гәыԥҩык ауаа рыԥсҭазаарақәа ҿахнаҵәеит.

  • © Sputnik / Томас Тхайцук

    Аԥсуа сахьаҭыхҩы Адгәыр Амԥар исахьақәа рцәыргақәҵа "Аамҭақәа рыбжьара".

  • © REUTERS / Marcelo del Pozo

    Амодақәа рырбара аламҭалаз зыблахаҵ гьежьыз амодель, Севилиа, Испаниа.

  • © AP Photo / Rahmat Gul

    Зхы ача ықәҵаны инеиуа аҷкәын. Кабула, Афганистан

  • © REUTERS / Willy Kurniawan

    Араӡын ԥшшәыла ишәу арԥарацәа. Џьакарта, Индонезиа.

  • © Foto / Дмитрий Гвазава

    Дмитри Ӷәазаа европатәи ачемпионат аҟны дықәгылоит Lamborghini дақәтәаны.

  • © Sputnik Стрингер

    В. Познер Қарҭ иҿагыланы акциа амҩаԥгараан.

  • © Sputnik / Томас Тхайцук

    Ахра Аҩӡба иус азы аӡбарҭа аилатәара.

  • © REUTERS / Nacho Doce

    63 шықәса зхыҵуа аҿаҳа-дагәа Барселона амшын аԥшаҳәаҿы "амшынтә терапиа" асеанс дахысуеит.

  • © AFP 2019 / Facebook / Anonymous sourse

    Аҿагыларатә акциа алахәыла. Мианма, Иангон.

  • © Sputnik / Томас Тхайцук

    Аҟәа ақалақь агәаны аԥсшьаҩцәа.

Аҭыԥантәи амчрахь: Аԥсны ахаланапхгараҭарахь алхрақәа шымҩаԥысыз

20
(ирҿыцуп 22:16 11.04.2021)
Аҭыԥантәи ахаланапхгараҭарахь алхрақәа мҩаԥысуан амҽыша мшаԥы 11 рзы. Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы.

Иахьатәи алхрақәа реиԥш зеиԥшу бжьынтәуп имҩаԥысуеижьҭеи Аԥсны аҭоурых ҿыц аҿы. Раԥхьаӡа акәны Аҭыԥантәи аизарақәа рахь алхрақәа мҩаԥысит хәажәкыра 14 1998 шықәсазы. Уи ашьҭахь алхрақәа мҩаԥган 2001, 2004, 2007 шықәсқәа рзы, анаҩс адепутатцәа рнапынҵақәа рыҿҳәара иацҵан, ԥшьышықәса ҳәа иҟаҵан, убри аԥҟара инақәыршәаны 2011, 2016 шықәсқәа рзы алхрақәа мҩаԥысит.

2016 шықәсазы Гал араион аламырхәӡакәа лхрақәа мҩаԥысит, избанзар 2014 шықәсазы Гал иқәныхоз реиҳараҩык аԥсуа тәылауаҩра рымхын. Иахьазы уа абжьыҭара азин рымоуп 900-ҩык иреиҵаны алхыҩцәа. Аха уеизгьы ара аҭыԥантәи алхрақәа мҩаԥгатәуп ҳәа рыӡбеит. Убри аан алхыҩцәа ахьмаҷу азы адепутатцәа рхыԥхьаӡарагьы 11-ҩык рҟынӡа иагдырхеит, Аконституциа ишаҳәо ала. Иаԥҵан аҭыԥ хадақәа фба ақыҭақәа рҿы, ақалақь аҿы - хәба.

Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы. Зегь реиҳа алхыҩцәа рацәоуп Аҟәа - 40 нызқьҩык рҟынӡа. 2020 шықәса нанҳәамзазы аҭыԥантәи адепутатцәа ирыӡбеит алхыҩцәа рхыԥхьаӡареи адепутатцәа рхыԥхьаӡара еиҿурԥшуазар, ишеишьашәалам, убри аҟнытә алхырҭатә ҭыԥ хадақәа рхыԥхьаӡара 26 рҟынтәи 19 рҟынӡа иагдырхеит. Иара убас адепутатцәа рхыԥхьаӡара ҩынтә ишозар ауп ҳәагьы ӡбан.

20
  • © Sputnik / Томас Тхайцук

    Аԥсны имҩаԥысит аҭыԥантәи амчрақәа рахь алхрақәа.

  • © Sputnik / Томас Тхайцук

    Зынӡа атәылаҿы абжьыҭара азин рымоуп 125 нызқьҩык алхыҩцәа.

  • © Sputnik / Томас Тхайцук

    Алхыҩцәа шьоукы рхәыҷқәа рыманы абжьыҭара инеиуан.

  • © Sputnik / Томас Тхайцук

    Ари ала акәзар, алхырҭахь изнеиз аҽарԥхарц азы акәзар ҟалап.

  • © Sputnik / Томас Тхайцук

    Аҳҭнықалақь аҿы алхырҭатә ҭыԥқәа рҿы авидеокамерақәа шьақәыргылан.

  • © Sputnik / Томас Тхайцук

    Аамҭала аԥыза-министр инапынҵақәа назыгӡо Владимир Делба ибжьы аиҭеит.

  • © Sputnik / Томас Тхайцук

    Ауаа рыбжьы арҭар рылшон 198 алхырҭатә ҭыԥқәа рҿы.

  • © Sputnik / Томас Тхайцук

    Зегь реиҳа алхыҩцәа рацәан аҳҭықалақь Аҟәа – 40 нызқьҩык рҟынӡа, иара убри аан аброуп ауаа зегь реиҳа имаҷны рыбжьы ахьарҭаз.

  • © Sputnik / Томас Тхайцук

    Алхратә комиссиа алахәылацәа аҽыхьчаратә ԥҟарақәа ирықәныҟәоит.

  • © Sputnik / Томас Тхайцук

    Иарбанзаалак алхратә ҭыԥ хада аҟны аӡәгьы дырзалымхыр, ма уа алхрақәа шьақәымгылеит ҳәа ирыԥхьаӡар, аиҭалхрақәа рыларҳәоит.

  • © Sputnik / Томас Тхайцук

    Аиҭалхрақәа ҩымз ирхымгакәа имҩаԥысроуп.

  • © Sputnik / Томас Тхайцук

    Асааҭ 20:00 рзы алхратә ҭыԥқәа зегьы адыркит, абжьқәа рыԥхьаӡара иалагеит.

"Аамҭақәа рыбжьара": Адгәыр Амԥар исахьақәа

76
(ирҿыцуп 15:38 10.04.2021)
Аԥсуа сахьаҭыхҩы Адгәыр Амԥар ирҿиамҭақәа рцәыргақәҵа аатит Аԥсны Ацәыргақәҵатә зал хадаҿы хәажәкыра 30 рзы. Уи исахьақәа рыхәҭак шәахәаԥш Sputnik еизнагаз афотолентаҿы.

Ацәыргақәҵа "Аамҭақәа рыбжьара" ҳәа уи автор хьӡыс иеиҭеит, избанзар аамҭақәа рыбжьароуп џьарак ак аҵыхәтәа ахьыҟоу, анаҩс иҿыцу ак анцәырҵуа. Адгәыр Амԥар ихаҭа ишиҳәо ала, араҟа аԥыжәара ргоит абасеиԥш иҟоу ахырхарҭақәа: сиурреализм, асимволизм. Аиашазы, асимволизм еснагь асиурреализм иахәҭоуп, аха ара хазы ицәырызгоит, иҳәоит иара.

Асахьаҭыхыҩ уаанӡа аныхачаԥақәа ҭихуан, уи, иара ишиҳәо ала, асиурреализм иатәу аҭыхымҭақәа раԥҵараан ицхраауеит.

Ацәыргақәҵаҿы иӡыргоу аусумҭақәа аҵыхәтәантәи шықәсык, шықәсыки бжаки рыҩныҵҟа иҭыху роуп. Уахь инагоуп 25 усумҭа.

76
  • © Sputnik / Томас Тхайцук

    "Ахьычԥаԥырҩежь агага"

  • © Sputnik / Марианна Кубрава

    "Ахьычԥаԥырҩежь агага"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Уахынлатәи аԥхыӡқәа"

  • © Sputnik / Томас Тхайцук

    "Зыблақәа арку аԥҳәызба"

  • © Sputnik / Марианна Кубрава

    "Зыблақәа арку аԥҳәызба"

  • © Sputnik / Марианна Кубрава

    Зыблақәа арку аԥҳәызба лнапқәа

  • © Sputnik / Томас Тхайцук

    "Аҿымҭра"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Аҳәааҿы"

  • © Sputnik / Марианна Кубрава

    "Аҳәааҿы"

  • © Sputnik / Томас Тхайцук

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Асҭа"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Амедальон гәаларшәагас"

  • © Sputnik / Марианна Кубрава

    "Ԥшьҩык злахәу акомпозициа"

  • © Sputnik / Марианна Кубрава

    "Агьежь алахәмарра"

  • © Sputnik / Марианна Кубрава

    "Агәил зну акомпозициа"

  • © Sputnik / Марианна Кубрава

    "Аҭагәаҭасрақәа ириааины аблахтырахь инеиз"

  • © Sputnik / Томас Тхайцук

    Адгәыр Амԥар

Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0