Аԥсни акоронавируси: COVID-19 ҳалалеижьҭеи шықәсык шаҳхаагаз

13
(ирҿыцуп 14:00 07.04.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13576-ҩык ыҟоуп, ргәы бзиахеит 13070-ҩык, рыԥсҭазаара иалҵит 216-ҩык.

Мшаԥымза 7, 2020 шықәса рзы Аԥсны иаарԥшын раԥхьатәи акоронавирустә хҭыс, аха аҿкы аҽацәыхьчаратә ԥҟарақәа уи аԥхьагьы иалагалан. Хәажәкырамзазы иаԥҵан аоперативтә штаб, иалагалан раԥхьатәи аԥкрақәа. Ауаа рацәа реизарақәа ԥкын, ачарақәа рымҩаԥгара аанкылан, ашколқәеи, атеатрқәеи, акрыфарҭақәеи аркын.

Иахьазы аҿкычымазара аиқәтәара иаҿуп, атәылаҟны иалагалоу аԥкрақәа реиҳарак рԥсыҽуп. Иаартуп ашколқәа, ахәыҷбаҳчақәа, атеатрқәа, акаҳуажәырҭақәа, аус ауеит ауаажәларратә транспорт.

Макьаназы ачарақәеи амассатә уснагӡатәқәеи рымҩаԥгаразы аԥкрақәа амч рымоуп.

13
  • © Sputnik / Акоп Кущян

    Акоронавирус Гал инхо ауаҩы ианидырбала, ақалақь уахьналало акоронавирус аламырҵәараз идыргылеит амилициа апост.

  • © Sputnik / Томас Тхайцук

    Амилициа аусзуҩцәа ииасуа амашьынақәа зегьы аанкыланы игәарҭон.

  • © Sputnik / Томас Тхайцук

    Амилициаа аус рыцыруан амедусзуҩцәа - урҭ амашьынарныҟәцаҩцәеи апассаџьырцәеи ршоура ршәон, рҭагылазаашьа гәарҭон.

  • © Sputnik / Томас Тхайцук

    Акоронавирустә ԥкрақәа рыламҭалаз Аԥсны имҩаԥысуан атәыла ахадарахьы алхрақәа.

  • © Sputnik / Томас Тхайцук

    Ари афото аҿы - акоронавирус иахҟьаны акарантин аналагалаз раԥхьатәи амш ауп.

  • © Sputnik / Томас Тхайцук

    Ауаа аҭагылазаашьа иацәшәаны, адәахьы идәылҵуамызт, излалшоз ала рҽыԥхьаркуан.

  • © Sputnik / Томас Тхайцук

    Аԥкрақәа рыԥҟарақәа инарықәыршәаны, ауаажәларратә ҭыԥқәа рҟны хымԥада асабрада рҿарҵалар акәын.

  • © Sputnik / Томас Тхайцук

    Ауаа ирабжьыргон уаҳа ԥсыхәа ахьыҟам ада џьаргьы имцаларц.

  • © Sputnik / Томас Тхайцук

    Аҳәаа аркра иахҟьаны афатә-ажәтә азы аиҵахарақәа ҟалар ҳәа ишәаны, ауаа изларылшоз ала ирацәаны аахәатәқәа ҟарҵон.

  • © Sputnik / Томас Тхайцук

    Аџьармыкьақәа анадыркызгьы аамҭа ыҟан, аха урҭ рыкәша-мыкәша ахәаахәҭра мҩаԥысуан.

  • © Sputnik / Томас Тхайцук

    Гәдоуҭатәи араионтә хәышәтәырҭа хада акоронавирус алаҵәара ианалага, аковид-хәышәтәырҭа аҳасабала аусура иаладыргеит.

  • © Sputnik / Томас Тхайцук

    Уи аусура шымҩаԥысуа агәаҭаразы даҭааны игәеиҭахьан Аԥсны ахада Аслан Бжьаниа.

  • © Sputnik / Томас Тхайцук

    Гәдоуҭатәи аковидхәышәтәырҭа аусзуҩцәа хамеигӡарала шықәсынаҟьак аусура иаҿуп аҿкычымазара бааԥс иаҿагыланы.

  • © Sputnik / Томас Тхайцук

    Аԥсны ауаажәларратә ҭыԥқәа рырзҩыдаразы мшаԥымзазы, анаҩс еиҭа жьҭаарамзазы арахь цхыраара иааит Урыстәыла Атәылахьчара аминистрра ахимиатә хьчара аҟәша аусзуҩцәа.

  • © Sputnik / Томас Тхайцук

    Дара Аԥсны араионқәа рҟны азеиԥшхархәаратә мҩақәа, аџьармыкьақәа, ахәышәтәырҭақәа, аполиклиникақәа, аҵараиурҭақәа, аусбарҭақәа рҟны арзҩыдаратә усурақәа мҩаԥыргеит.

  • © Sputnik / Томас Тхайцук

    Ахимиатә хьчаразы урыстәылатәи аруаа ареспублика аинфраструктура асоциалтә обиектқәа қәҿиарала рырзҩыдара ахьымҩаԥыргаз азы Аԥсны атәылахьчара аминистрра амедалқәа "Аԥсны аҭынчра аҟазаара адгылара" ази "Аԥсны Аҳәынҭқарра атәылахьчара аминистрра 25 шықәса ахыҵра" ази рырҭеит.

  • © Sputnik / Томас Тхайцук

    Нанҳәамза алагамҭазы аԥкрақәа дырԥсыҽит, аха уеизгьы, ауаажәларратә ҭыԥқәа рҟны ауаа асабрадақәа уаанӡеиԥш ирҿарҵалар акәын.

  • © Sputnik / Томас Тхайцук

    Иреиҳау аҵараиурҭақәа рҟны аҵаратә процесс иалагеит, аха асанитартә ишьақәыргылаз асанитартә нормақәа ирықәныҟәаны.

  • © Sputnik / Томас Тхайцук

    Ауаажәлар рыбжьара иҟан асанитартә ԥҟарақәа ирықәныҟәозгьы, урҭ хырҩа рызҭозгьы.

  • © Sputnik / Томас Тхайцук

    Еиҳа амода иацныҟәо аҭыԥҳацәа рсабрадақәа рылагьы егьырҭ иаарылукаартә рҽыҟарҵон.

  • © Sputnik / Томас Тхайцук

    Аҩнуҵҟатәи аусқәа рминистрра ауаажәларратә транспорт аҟны акоронавирус аламырҵәаразы иалагалаз аԥҟарақәа ишрықәныҟәоз гәарҭон.

  • © Sputnik / Томас Тхайцук

    Цәыббрамза аказы Аԥсны ашколқәа ҩба рыда егьырҭ зегьы рышәқәа аадыртит. Есышьыжь ахәыҷқәеи арҵаҩцәеи ршоура ршәон, рҭагылазаашьа гәарҭон.

  • © Sputnik / Марианна Кубрава

    Аха акоронавирустә хҭысқәа рхыԥхьаӡара иацло ианалага, арҵаҩцәеи аҵаҩцәеи ирацәаҩны ианрыдырбала, жьҭаарамзазы ҩаԥхьа ашколқәа аркын, русура излауаз ала аонлаин-режим ахь ииаган.

  • © Sputnik / Томас Тхайцук

    Аԥсны ахәышәтәырҭақәа еихьымӡо ианалага, арахь иааит Урыстәыла Атәылахьчара аминистрра иатәу хырхарҭарацәалатәи амобилтә госпиталь.

  • © Sputnik / Томас Тхайцук

    Иара Аҟәа асасааирҭа "Аиҭар" ашҭаҿи уи аҩнуҵҟеи аусура еиҿыркааит.

  • © Sputnik / Томас Тхайцук

    Урыстәылатәи амобилтә госпиталь Аԥсны иахьынӡаҟаз аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа, алабораториаҿ имҩаԥган 5195 ПЦР тест.

  • © Sputnik / Томас Тхайцук

    Акоронавирустә ԥкрақәа иаҳа ианыӷәӷәаз аамҭазы ауаажәларратә транспорт аҟынгьы арзҩыдарақәа мҩаԥыргон. Уажәазы ауаа ирабжьгоуп асабрадақәа рхамкәа атранспорт иҭамларц.

  • © Sputnik / Леон Адлейба

    2020 шықәса жьҭаарамза инаркны 4-5 мзы аус зымуаз ашколқәеи ахәыҷбаҳчақәеи ҩаԥхьа рышәқәа аадыртыртә еиԥш алшара роуит жәабран 15 рзы.

  • © Sputnik / Леон Адлейба

    Урҭ реиҳарак русура амшԥҵәақәа шьақәыргыланы еиҿкаауп, ашкол дуқәа рҟны аиҵбыратәи аиҳабыратәи классқәа ҳәа рхатәы мшқәа рзалхуп, асанитартә ԥҟарақәа зегьы ирықәныҟәоит.

  • © Sputnik / Томас Тхайцук

    Аԥсны акоронавирус азы аҭагылазаашьа еиҳа ианҭышәынтәалаха, ачымазцәа рхыԥхьаӡара ианагха, урыстәылатәи амобилтә госпиталь аусура хнаркәшеит.

  • © Sputnik / Томас Тхайцук

    Дара руалԥшьа нагӡаны иахьынтәиааз Ставропольтәи атәылаҿацә ахь ихынҳәит.

  • © Sputnik / Леон Адлейба

    Акоронавирус еиҳарак ззы ишәарҭоу аиҳабыратә абиԥара иаҵанакуа ауаа рхы гәарҭарц, рҭынхацәа реиҷаҳаларц рабжьыргоит.

  • © Sputnik / Томас Тхайцук

    Аԥсны акоронавирустә ԥкрақәа реиҳарак дырԥсыҽит, акультуратә усбарҭақәа русуразы азин ҟаҵан.

  • © Sputnik / Леон Адлейба

    Урҭ рахьтә раԥхьа зышәқәа аазыртыз РУСДРАМ ауп.

Атемақәа:
Аҿкычымазара – акоронавирус Аԥсни адунеи аҿи: иалкаау (1166)

Аҭыԥантәи амчрахь: Аԥсны ахаланапхгараҭарахь алхрақәа шымҩаԥысыз

19
(ирҿыцуп 22:16 11.04.2021)
Аҭыԥантәи ахаланапхгараҭарахь алхрақәа мҩаԥысуан амҽыша мшаԥы 11 рзы. Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы.

Иахьатәи алхрақәа реиԥш зеиԥшу бжьынтәуп имҩаԥысуеижьҭеи Аԥсны аҭоурых ҿыц аҿы. Раԥхьаӡа акәны Аҭыԥантәи аизарақәа рахь алхрақәа мҩаԥысит хәажәкыра 14 1998 шықәсазы. Уи ашьҭахь алхрақәа мҩаԥган 2001, 2004, 2007 шықәсқәа рзы, анаҩс адепутатцәа рнапынҵақәа рыҿҳәара иацҵан, ԥшьышықәса ҳәа иҟаҵан, убри аԥҟара инақәыршәаны 2011, 2016 шықәсқәа рзы алхрақәа мҩаԥысит.

2016 шықәсазы Гал араион аламырхәӡакәа лхрақәа мҩаԥысит, избанзар 2014 шықәсазы Гал иқәныхоз реиҳараҩык аԥсуа тәылауаҩра рымхын. Иахьазы уа абжьыҭара азин рымоуп 900-ҩык иреиҵаны алхыҩцәа. Аха уеизгьы ара аҭыԥантәи алхрақәа мҩаԥгатәуп ҳәа рыӡбеит. Убри аан алхыҩцәа ахьмаҷу азы адепутатцәа рхыԥхьаӡарагьы 11-ҩык рҟынӡа иагдырхеит, Аконституциа ишаҳәо ала. Иаԥҵан аҭыԥ хадақәа фба ақыҭақәа рҿы, ақалақь аҿы - хәба.

Зынӡа абжьыҭара азин рыман 125 нызқьҩык алхыҩцәа, абжьыҭара мҩаԥысуан 161 алхратә ҭыԥ хадақәа рҟны алхырҭатә ҭыԥқәа 198 рҿы. Зегь реиҳа алхыҩцәа рацәоуп Аҟәа - 40 нызқьҩык рҟынӡа. 2020 шықәса нанҳәамзазы аҭыԥантәи адепутатцәа ирыӡбеит алхыҩцәа рхыԥхьаӡареи адепутатцәа рхыԥхьаӡара еиҿурԥшуазар, ишеишьашәалам, убри аҟнытә алхырҭатә ҭыԥ хадақәа рхыԥхьаӡара 26 рҟынтәи 19 рҟынӡа иагдырхеит. Иара убас адепутатцәа рхыԥхьаӡара ҩынтә ишозар ауп ҳәагьы ӡбан.

19
  • © Sputnik / Томас Тхайцук

    Аԥсны имҩаԥысит аҭыԥантәи амчрақәа рахь алхрақәа.

  • © Sputnik / Томас Тхайцук

    Зынӡа атәылаҿы абжьыҭара азин рымоуп 125 нызқьҩык алхыҩцәа.

  • © Sputnik / Томас Тхайцук

    Алхыҩцәа шьоукы рхәыҷқәа рыманы абжьыҭара инеиуан.

  • © Sputnik / Томас Тхайцук

    Ари ала акәзар, алхырҭахь изнеиз аҽарԥхарц азы акәзар ҟалап.

  • © Sputnik / Томас Тхайцук

    Аҳҭнықалақь аҿы алхырҭатә ҭыԥқәа рҿы авидеокамерақәа шьақәыргылан.

  • © Sputnik / Томас Тхайцук

    Аамҭала аԥыза-министр инапынҵақәа назыгӡо Владимир Делба ибжьы аиҭеит.

  • © Sputnik / Томас Тхайцук

    Ауаа рыбжьы арҭар рылшон 198 алхырҭатә ҭыԥқәа рҿы.

  • © Sputnik / Томас Тхайцук

    Зегь реиҳа алхыҩцәа рацәан аҳҭықалақь Аҟәа – 40 нызқьҩык рҟынӡа, иара убри аан аброуп ауаа зегь реиҳа имаҷны рыбжьы ахьарҭаз.

  • © Sputnik / Томас Тхайцук

    Алхратә комиссиа алахәылацәа аҽыхьчаратә ԥҟарақәа ирықәныҟәоит.

  • © Sputnik / Томас Тхайцук

    Иарбанзаалак алхратә ҭыԥ хада аҟны аӡәгьы дырзалымхыр, ма уа алхрақәа шьақәымгылеит ҳәа ирыԥхьаӡар, аиҭалхрақәа рыларҳәоит.

  • © Sputnik / Томас Тхайцук

    Аиҭалхрақәа ҩымз ирхымгакәа имҩаԥысроуп.

  • © Sputnik / Томас Тхайцук

    Асааҭ 20:00 рзы алхратә ҭыԥқәа зегьы адыркит, абжьқәа рыԥхьаӡара иалагеит.

"Аамҭақәа рыбжьара": Адгәыр Амԥар исахьақәа

68
(ирҿыцуп 15:38 10.04.2021)
Аԥсуа сахьаҭыхҩы Адгәыр Амԥар ирҿиамҭақәа рцәыргақәҵа аатит Аԥсны Ацәыргақәҵатә зал хадаҿы хәажәкыра 30 рзы. Уи исахьақәа рыхәҭак шәахәаԥш Sputnik еизнагаз афотолентаҿы.

Ацәыргақәҵа "Аамҭақәа рыбжьара" ҳәа уи автор хьӡыс иеиҭеит, избанзар аамҭақәа рыбжьароуп џьарак ак аҵыхәтәа ахьыҟоу, анаҩс иҿыцу ак анцәырҵуа. Адгәыр Амԥар ихаҭа ишиҳәо ала, араҟа аԥыжәара ргоит абасеиԥш иҟоу ахырхарҭақәа: сиурреализм, асимволизм. Аиашазы, асимволизм еснагь асиурреализм иахәҭоуп, аха ара хазы ицәырызгоит, иҳәоит иара.

Асахьаҭыхыҩ уаанӡа аныхачаԥақәа ҭихуан, уи, иара ишиҳәо ала, асиурреализм иатәу аҭыхымҭақәа раԥҵараан ицхраауеит.

Ацәыргақәҵаҿы иӡыргоу аусумҭақәа аҵыхәтәантәи шықәсык, шықәсыки бжаки рыҩныҵҟа иҭыху роуп. Уахь инагоуп 25 усумҭа.

68
  • © Sputnik / Томас Тхайцук

    "Ахьычԥаԥырҩежь агага"

  • © Sputnik / Марианна Кубрава

    "Ахьычԥаԥырҩежь агага"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Уахынлатәи аԥхыӡқәа"

  • © Sputnik / Томас Тхайцук

    "Зыблақәа арку аԥҳәызба"

  • © Sputnik / Марианна Кубрава

    "Зыблақәа арку аԥҳәызба"

  • © Sputnik / Марианна Кубрава

    Зыблақәа арку аԥҳәызба лнапқәа

  • © Sputnik / Томас Тхайцук

    "Аҿымҭра"

  • © Sputnik / Томас Тхайцук

    Адгәыр Амԥар исахьақәа рцәыргақәҵа "Аамҭақәа рыбжьара"

  • © Sputnik / Марианна Кубрава

    "Аҳәааҿы"

  • © Sputnik / Марианна Кубрава

    "Аҳәааҿы"

  • © Sputnik / Томас Тхайцук

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Аҽыкәаҳа зхалашо аҭыԥҳаи ахылԥа зхоу ҩыџьеи"

  • © Sputnik / Марианна Кубрава

    "Асҭа"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Аԥҳәызбеи адирижабльқәеи"

  • © Sputnik / Марианна Кубрава

    "Амедальон гәаларшәагас"

  • © Sputnik / Марианна Кубрава

    "Ԥшьҩык злахәу акомпозициа"

  • © Sputnik / Марианна Кубрава

    "Агьежь алахәмарра"

  • © Sputnik / Марианна Кубрава

    "Агәил зну акомпозициа"

  • © Sputnik / Марианна Кубрава

    "Аҭагәаҭасрақәа ириааины аблахтырахь инеиз"

  • © Sputnik / Томас Тхайцук

    Адгәыр Амԥар

Жәлар рдоуҳа: Ҭодуаԥҳа амифологиатә дунеи иазкны

0
(ирҿыцуп 13:50 14.04.2021)
Афольклорҭҵааҩ Есма Ҭодуаԥҳа арадио Sputnik арубрика "Жәлар рдоуҳа" аҿы еиҭалҳәеит аԥсуаа рқьабзқәа, рныҳәара злаарԥшу абызшәа атәы.
Жәлар рдоуҳа: Ҭодуаԥҳа амифологиатә дунеи иазкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

0