Агәаҭарақәа, аспортсменцәа реихьӡарақәа: ииасыз амчыбжь афотосахьақәа рҟны

15
(ирҿыцуп 19:09 18.04.2021)
Аԥсни адунеи аҿи зҿлымҳара зуҭаша ахҭысқәа Sputnik афотосахьақәа рҟны шәрыхәаԥшырц ишәыдаагалоит.

Ииасуа амчыбжь азы ихадараз ҳҭысын Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсныҟа раара. 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо гәарҭон. Урыстәылатәи аделегациа мшаԥымза 15-16 рзы иҟан Гагреи Тҟәарчали араионқәа робиектқәа рҿы, иара убас излацәажәоз азҵаарақәа иреиуан аҳазалхратә закәанԥҵара аусхк, иаҩымсит ареспублика фымцамчхарала аиқәыршәара азҵаарагьы.

Азҿлымҳара зауз хҭысын Аԥсны Афырхаҵа Лесик Цыгәба аполитикатә партиа "Амцахара" ахантәаҩыс иалхреи, Аԥсны атәылахьчара аминистрра аррамаҵзурауаа реихьӡарақәеи, аԥсуа спортсменцәа риааирақәеи.

Ажәакала, ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

Иара убас шәаԥхьар ҟалоит:

15
  • Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟан.

  • © AFP 2019 / Silvio Avila

    Бразилиатәи ақалақь Енкантадо идыргыло Иаса Қьырса-Ахьчаҩ иҳаҭәара адунеи аҟны еиҳа иҳараку ахԥатәи ҳаҭәарахоит.

  • © AFP 2019 / Dan McGarry

    Yakel жәлар реиҳабы инапаҟны икуп ааигәа зыԥсҭазаара иалҵыз Апринц Филипп ифотосахьа.

  • © AFP 2019 / Fayez Nureldine

    Таиф жәлар рмилаҭтә кәашара "Таашир", Саудатәи Аравиа.

  • © REUTERS / Yuri Novikov

    Волонтеры в костюмах персонажей "Звездных войн" во время акции по уборке улиц, посвященной 60-летию первого полета человека в космос, в Иркутске

  • © Sputnik / Максим Блинов

    Урыстәылеи Ҭырқәтәылеи рҳаиртә еимадара ԥкхоит. Аԥкырақәа ирыҵаркуеит ачартертәқәа реиԥш мшаԥы 15 инаркны рашәара 1 аҟынӡа иазыԥхьагәаҭаз еиԥымҟьарадатәи ареисқәагьы. Аӡбра рыдыркылеит Ҭырқәтәыла аепидемиологиатә ҭагылазаашьа ауадаҩхаразы.

  • © Sputnik / Томас Тхайцук

    Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистр ихаҭыԥуаҩ Сергеи Назаров зхадараҿы дыҟаз аделегациа.

  • © AP Photo / John Minchillo

    Аҿагыларатә акциа амҩаԥгаҩцәа Минессоте

  • © AP Photo / Oded Balilty

    Изральтәи астудентцәа атанк иақәтәоуп

  • © AFP 2019 / Kensington Palace / The Duchess of Cambridge

    Британиа ду акралԥҳәыс Елизавета II апринц Филиппи рмоҭацәеи.

  • © AP Photo / Martin Meissner

    Лемур Германиа азоопарк аҿы

  • © Sputnik / Томас Тхайцук

    Аԥсны Афырхаҵа Лесик Цыгәба аполитикатә партиа "Амцахара" ахантәаҩыс далырхит мшаԥы 14 рзы имҩаԥысуаз аизара ду аҟны

  • © AP Photo / Dita Alangkara

    Аԥсылманцәа рныҳәа Рамадан, Индонезиа.

  • © AP Photo / Amr Nabil

    Аԥсылманцәа рныҳәа Рамадан, Саудатәи Аравиа.

  • © AFP 2019 / Richard Bouhet

    Питон-де-ла-Фурно иԥжәаз авулкан.

  • © Foto / Аляс Ванача

    "Саянский марш" актәи аицлабра мҩаԥысуан мшаԥы 14 - 17 рзы Красноиарсктәи атәылаҿацә аҿы, аҽазыҟаҵарҭа "Ергаки" аҟны. Аԥсны атәылахьчара аминистрра аррамаҵзурауаа ари аицлабра аҟны аԥхьахә ҭыԥқәа иаԥсамхеит.

  • © REUTERS / Khalil Ashawi

    Шьамтәылатәи напышьашәалатәи аспортсменцәа.

  • © REUTERS / Peter Powell

    Аҽырыҩра, Ливерпуль.

  • Lamborghini Super Trofeo ачемпионат аҿы италиатәи акоманда "Target Racing" апилотк иҳасаб ала Дмитри Ӷәазаа мшаԥымзазы дықәгылеит.

Аиааира Ду амш азгәарҭеит Аԥсны

17
(ирҿыцуп 19:55 09.05.2021)
Аџьынџьтәылатә еибашьра Дуӡӡа Аиааира амшныҳәа иазкны Аҟәа имҩаԥысит еиуеиԥшым ауснагӡатәқәа.

Аџьынџьтәылатә еибашьра Дуӡӡа Аиааира амшныҳәа иазкны Аҟәа, Амҳаџьырқәа рыԥшаҳәаҟны,  Идырым Асолдаҭ ибаҟа аҿаԥхьа ашәҭшьыҵәрақәа рықәҵарала ихацыркхеит имҩаԥысуаз аныҳәатә уснагӡатәқәа, уи ашьҭахь имҩаԥысит Аиааира Апарад.

Иахьазы Аԥсны инхоит 1941-1945 шықәсқәа рызтәи Аџьынџьтәылатә еибашьра Ду аветеранцәа 28-ҩык. Аибашьра ду иалахәын 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык инареиҳаны рышьҭахьҟа изыхнымҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит. Хҩык Аԥсны ауааԥсыра Ахьӡ-аԥша аорден акавалер нагӡацәа ҳәа ахьӡ иаԥсоуп.

Иара убас шәаԥхьар ҟалоит:

17
  • © Sputnik / Томас Тхайцук

    Аџьынџьтәылатә еибашьра ду Аиааира 76-шықәса ахыҵра азгәарҭеит Аҟәа.

  • © Sputnik / Томас Тхайцук

    Илеиуаз ақәа иахьмырԥшкәуа акциа рҽаладырхәит хәыҷи-дуи

  • © Sputnik / Томас Тхайцук

    Имҩаԥган Аиааира Ду 76 шықәса ахыҵра аҳаҭыраз апарад.

  • © Sputnik / Томас Тхайцук

    Апарад иалахәын Урыстәыла Аладатәи арратә округ иатәу аоркестр

  • © Sputnik / Томас Тхайцук

    Апарад иалахәын 600-ҩык инареиҳаны аруаа.

  • © Sputnik / Томас Тхайцук

    Аибашьра иалиааз ашәақәа нарыгӡеит.

  • © Sputnik / Томас Тхайцук

    Абаҟа амҵан ашәҭқәа шьҭарҵеит Аслан Бжьаниа, Аԥсны иҟоу Урыстәыла ацҳаражәҳәаҩ Алексеи Двинианин, Аҟәа ақалақь ахада Беслан Ешба, Аиҳабыра алахәцәа, ауаажәларра ахаҭарнакцәа, аруаа.

  • © Sputnik / Томас Тхайцук

    Апарад иалахәын зынӡа 17 парадтә гәыԥ.

  • © Sputnik / Томас Тхайцук

    Аруаа рыдагьы, уи иалахәын Аԥсны ААР, АҶА, Урыстәыла АШәМ аусзуҩцәа рколоннақәагьы.

  • © Sputnik / Томас Тхайцук

    Апарад напхгара аиҭон Аԥсны атәылахьчара аминистр актәи ихаҭыԥуаҩ, аинрал-полковник Беслан Ҵәыџьба.

  • © Sputnik / Томас Тхайцук

    Аџьынџьтәылатә еибашьра Дуӡӡа аиааира амш аҽны, лаҵара 9 рзы Аԥсны имҩаԥысит "Ԥсра зқәым архәҭа" акциа.

  • © Sputnik / Томас Тхайцук

    акциа иалахәын 40-ҩык инреиҳаны атәылауаа Аџьынџьтәылатәи еибашьра Ду иалаӡыз ргәакьацәа рфотоҭыхымҭақәа рыман.

Аԥсҭазаара, аԥсабара, ажәабжьқәа: афотоеицлабра аусумҭақәа

16
(ирҿыцуп 20:00 05.05.2021)
Лаҵара 5 инаркны 8-нӡа Аҟәа имҩаԥыслоит афотоцәыргақәҵа "Абхазия в фокусе. Из 20-го в 21-й".

Афотоеицлабра аихшьаалақәа рыла афотоцәыргақәҵа аартра мҩаԥысит лаҵара 5 рзы  Ацәыргақәҵатә зал хадаҿы. Арахь иааган 76 фотосахьа, аноминациақәа: "Ажәабжьқәа", "Есҽнытәи аԥсҭазаара", "Иааҳакәыршаны иҟоу аԥсабара", "Ҳаамҭазтәи ауаҩы ипортреҭ" рыла.

Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа, аноминациа "Ажәабжьқәа" аҿы – афотоҭыхыҩ Ельза Чанԥҳа, аноминациа "Иааҳакәыршаны иҟоу аԥсабара" аҟны ателеканал АбазаТВ аоператор Едуард Ежов, аноминациа "Есҽнытәи аԥсҭазаара" аҟны – авидеооператор Давид Чакобелиа, аноминациа "Амобилтә фотосахьа" аҟны– Анатоли Качалов.

Ажиури иалахәуп: асахьаҭыхыҩ Витали Џьениа, афоторепортиор Павел Волков, афотоҭыхыҩцәа Сергеи Лидов, Наталиа Лидова, арежиссер Инар Нарманиа, афотожурналист Амина Џьонуаԥҳа, франциатәи афотоҭыхыҩ Тьерри Кергроак, Асида Аҳәԥҳа.

Иара убас шәаԥхьар ҟалоит:

16
  • © Foto / Эдуард Ежов

    Ателеканал "Абаза-ТВ" авидеооператор Едуард Ежов иусумҭа "Иааҳакәыршан иҟоу аԥсабара". Иаарԥшуп аӡынтәи амшын аҟәара.

  • © Foto / Давид Чакаберия

    Аноминациа "Есҽнытәи аԥсҭазаара" аҟны аԥхьахә игеит авидеооператор Давид Чакобелиа. Иусумҭа "Аҩызцәа" аҟны иаарԥшуп аҷкәынцәа хәыҷқәа рыхәмарра.

  • © Foto / Давид Чакаберия

    Авидеооператор Давид Чакобелиа даҽа иусумҭак, иҭацәу ауадаҟны аҭыԥҳа дкәашоит.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Эля Цишба

    Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа

  • © Foto / Эдуард Ежов

    Ателеканал "Абаза-ТВ" авидеооператор Едуард Ежов даҽа иусумҭак. Ажиури рахь Едуард 15 фотосахьа наишьҭит.

  • © Foto / Оксана Григолия

    "Абхазия в фокусе – 2021" раԥхьатәи аконкурс иаиааиз Оксана Григолиаԥҳа лусумҭа "Портрет Любови Николаевны".

  • © Foto / Анатолий Качалов

    Аноминациа "Амобилтә фотосахьа" аҟны аиааира игеит Анатоли Качалов.

  • © Foto / Инна Кузьмичева

    Амра аҭашәамҭаз аҭыхра лылшеит аконкурс алахәыла Инна Кузьмичева.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Ринат Агрба

    Ринат Агрба иҭыхымҭаҿы даарԥшуп зхала иныҟәо ахаҵа.

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2