Аслан Бжьаниа шықәсыктәи иусура: иалкаау ахҭысқәа афотоқәа рҿы

317
Аԥсны ахәбатәи ахада Аслан Бжьаниа инапынҵақәа рынагӡара далагеит мшаԥы 23, 2020 шықәса инаркны. Атәыла ахадас дыҟоуижьҭеи иҵит шықәсык, иусураҿы реиҳа иалкаау ахҭысқәа - Sputnik афотоҭыхымҭақәа рҟны.

2020 шықәса хәажәкырамзазы имҩаԥган Аԥсны ахада иеиҭалхрақәа. Аслан Бжьаниа - 53741 бжьы (56,5%) иманы алхрақәа дыриааиуеит, конкурентс диман уаанӡатәи аекономика аминистр Адгәыр Арӡынба.

Аслан Бжьаниа официалла инапынҵақәа рынагӡара далагеит мшаԥымза 23 инаркны, имҩаԥгаз аинугурациа ашьҭахь. Аҭоубашьҭаҵара мҩаԥган ауаа рацәа адымгалакәа, усҟан Аԥсны иалагалаз акоронавирус аламырҵәаразы аԥкрақәа ирхьырԥшны.

Аслан Бжьаниа Аԥсны ахәбатәи ахада иоуп.

317
  • © Sputnik / Константин Грецов

    Аслан Бжьаниа иҭоубашьҭаҵара ацеремониа мҩаԥысит аҳәаанырцәтәи асасцәа рыда, мшаԥымза 23 рзы, Аҟәа.

  • © Sputnik / Томас Тхайцук

    Аҭоубашьҭаҵара ашьҭахь Аслан Бжьаниа инапаҿы идыркит аҳәынҭқарратә мчра асимволқәа – агерб зну амҳәырқәа, абираҟ, алабашьа, аҳәа.

  • © Sputnik / Томас Тхайцук

    Атәыла ахада иалхрақәа хәажәкыра 22 рзы имҩаԥган. Аслан Бжьаниа - 53741 бжьы (56,5%) иманы алхрақәа рҿы даиааиуеит.

  • © Sputnik / Томас Тхайцук

    Алхрақәа рышьҭахь Аслан Бжаниа раԥхьатәи ипресс-конференциа.

  • © Sputnik / Томас Тхайцук

    Афотожурналист Сергеи Лидов Аслан Бжьаниа ҳамҭас ииҭеит ифотосахьа.

  • © Sputnik / Томас Тхайцук

    Аслан Бжьаниа дахьцалакгьы ицуп имоҭа лҳамҭа - аҵәца.

  • Фотохост-агентство

    Аслан Бжьаниа Аџьынџьтәылатә еибашьра Ду аҟны Аиааира 75 шықәса ахыҵра апарад далахәын Москва.

  • © Foto / Григорий Сысоев

    Аиааира апарад ахь ааԥхьара ииҭеит урыстәылатәи иколлега Владимир Путин. Урыстәылеи, Аԥсни, Таџьыкисҭани, Молдавиеи, Белоруссиеи рхадацәа Идырым асолдаҭ ибаҟа амҵан ашәҭшьыҵәрақәа шьҭарҵеит.

  • © Sputnik / Алексей Никольский

    Аслан Бжьаниеи Владимир Путини Аиааира Ду 75 шықәса ахыҵра аҳаҭыраз имҩаԥгаз ауснагӡатәқәа раан аҟны.

  • © Sputnik / Томас Тхайцук

    Ԥхынгәы 2 рзы Аԥсны ахада Аслан Бжьаниа официалла атәыла ахадас дҟалеижьҭеи раԥхьатәи апресс-конференциа мҩаԥигеит.

  • © Sputnik / Томас Тхайцук

    Ахада ипресс-конференциахь инаԥхьан Аԥсны АИХқәа зегьы.

  • © Sputnik / Томас Тхайцук

    Ҩ-сааҭк инарзынаԥшуа ицоз аицәажәараан Бжьаниа 31 зҵаара рҭак ҟаиҵеит: апандемиеи аекономикеи инадыркны ԥхьаҟатәи аамҭақәа рылацәажәараҟынӡа.

  • © Sputnik / Томас Тхайцук

    Атәыла ахада Аслан Бжьаниа Аԥсны атәылахьчара аминистрра даҭааит.

  • © Foto / Пресс-служба президента Абхазии

    Аԥсны арбџьармчқәа рыдҵаҟаҵаҩ хада Аслан Бжьаниа АШәМ рҽазыҟаҵарақәа дырҭааит.

  • © Foto / пресс-служба Президента Республики Абхазия

    Аслан Бжьаниа аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит.

  • © Sputnik / Томас Тхайцук

    Аԥсны ахада Аслан Бжьаниа Аԥснытәи аҳәынҭқарратә университет аректор, афизика-математикатә ҭҵаарадыррақәа рдоктор, апрофессор Алеко Гәарамиа ииубилеи идиныҳәалеит.

  • © Sputnik / Бадрак Авидзба

    Аԥсны ахада Аслан Бжьаниа дидикылеит Урыстәыла аекономикатә ҿиара аминистр актәи ихаҭыԥуаҩ Михаил Бабич нанҳәа 20 рзы.

  • © Sputnik / Томас Тхайцук

    Аԥсны жәлар рартист Хьыбла Гьерзмааԥҳаи Аԥсны ахада Аслан Бжьаниеи реиԥылара.

  • © Sputnik / Томас Тхайцук

    Бжьаниа даҭааит Гәдоуҭатәи аковид-госпиталь цәыббра 15 рзы. Усҟан атәыла ахада иҳәеит агоспиталь аҿы аус зуа аҳақьымцәа ашәарацҵақәа шрыҭахо.

  • © Sputnik / Томас Тхайцук

    Аԥсны акоронавирустә инфекциа аҿагыларазы ацентр аартын Гәдоуҭатәи ахәышәтәырҭаҿы мшаԥымзазы.

  • © Sputnik / Томас Тхайцук

    Аԥсны ахада Аслан Бжьаниа аԥснытәи аҳақьымцәа аҳаҭыртә шәҟәқәеи аҳамҭақәеи ранеишьеит.

  • © Foto / Пресс-служба Президента РА

    Абҵара 12 рзы Шәача имҩаԥысит Аԥсны ахада Аслан Бжьаниеи Урыстәыла ахада Владимир Путини реиԥылара. Ахадацәа реиҿцәажәара хсааҭк инарзынаԥшуа ицон.

  • © Sputnik / Томас Тхайцук

    Аԥсны ахада Аслан Бжьаниа ажьырныҳәа 22 рзы адҵа ҟаиҵеит амчыбжь нҵәаанӡа афымцамчхара ахархәара еиҵартәырц, уи азы араионқәа зегьы рҿы аштабқәа еиҿкаазарц амаининг фермақәа ахьыҟоу аарԥшрази раҿыхрази.

  • © Sputnik / Томас Тхайцук

    АУН "Амшынеиқәафымцамч" адиректор хада Михаил Логәуеи Аслан Бжьаниеи.

  • © Sputnik / Асмат Цвижба

    Ажьырныҳәа 30 рзы Аԥсны ахада Аслан Бжьаниа усутә ныҟәарала Аԥсны мрагыларатәи ахәҭахьы дцеит афымцамчтә обиектқәа русура агәаҭаразы.

  • © Foto / пресс-служба Президента Республики Абхазия

    Аслан Бжьаниа, Аԥсны аԥыза-министр ихаҭыԥуаҩ, аекономика аминистр Кристина Озган, "Амшынеиқәафымцамч" аиҳабы Михаил Логәуа, Акапитатә ргылара аусбарҭа аиҳабы Ҭемыр Агрба еицны игәарҭеит афымцеихшарҭатә маругақәеи аҷаԥшьаратә пультқәеи русушьа.

  • © Sputnik

    Аслан Бжьаниа ипресс-конференциа.

  • © Sputnik

    Аԥсны ахада Аслан Бжьаниа идикылеит Аԥсны ацхрааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

  • © Sputnik / Томас Тхайцук

    Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа.

  • © Sputnik / Томас Тхайцук

    Аԥсны ахада Аслан Бжьаниа усутә ныҟәарыла мшаԥы 20 рзы Москваҟа дцеит. Бжьаниа Урыстәыла ахада Иусбарҭаҟни Урыстәыла аиҳабыра рыҟни аиԥыларақәа мҩаԥигараны дыҟоуп.

Аиааира Ду амш азгәарҭеит Аԥсны

17
(ирҿыцуп 19:55 09.05.2021)
Аџьынџьтәылатә еибашьра Дуӡӡа Аиааира амшныҳәа иазкны Аҟәа имҩаԥысит еиуеиԥшым ауснагӡатәқәа.

Аџьынџьтәылатә еибашьра Дуӡӡа Аиааира амшныҳәа иазкны Аҟәа, Амҳаџьырқәа рыԥшаҳәаҟны,  Идырым Асолдаҭ ибаҟа аҿаԥхьа ашәҭшьыҵәрақәа рықәҵарала ихацыркхеит имҩаԥысуаз аныҳәатә уснагӡатәқәа, уи ашьҭахь имҩаԥысит Аиааира Апарад.

Иахьазы Аԥсны инхоит 1941-1945 шықәсқәа рызтәи Аџьынџьтәылатә еибашьра Ду аветеранцәа 28-ҩык. Аибашьра ду иалахәын 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык инареиҳаны рышьҭахьҟа изыхнымҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит. Хҩык Аԥсны ауааԥсыра Ахьӡ-аԥша аорден акавалер нагӡацәа ҳәа ахьӡ иаԥсоуп.

Иара убас шәаԥхьар ҟалоит:

17
  • © Sputnik / Томас Тхайцук

    Аџьынџьтәылатә еибашьра ду Аиааира 76-шықәса ахыҵра азгәарҭеит Аҟәа.

  • © Sputnik / Томас Тхайцук

    Илеиуаз ақәа иахьмырԥшкәуа акциа рҽаладырхәит хәыҷи-дуи

  • © Sputnik / Томас Тхайцук

    Имҩаԥган Аиааира Ду 76 шықәса ахыҵра аҳаҭыраз апарад.

  • © Sputnik / Томас Тхайцук

    Апарад иалахәын Урыстәыла Аладатәи арратә округ иатәу аоркестр

  • © Sputnik / Томас Тхайцук

    Апарад иалахәын 600-ҩык инареиҳаны аруаа.

  • © Sputnik / Томас Тхайцук

    Аибашьра иалиааз ашәақәа нарыгӡеит.

  • © Sputnik / Томас Тхайцук

    Абаҟа амҵан ашәҭқәа шьҭарҵеит Аслан Бжьаниа, Аԥсны иҟоу Урыстәыла ацҳаражәҳәаҩ Алексеи Двинианин, Аҟәа ақалақь ахада Беслан Ешба, Аиҳабыра алахәцәа, ауаажәларра ахаҭарнакцәа, аруаа.

  • © Sputnik / Томас Тхайцук

    Апарад иалахәын зынӡа 17 парадтә гәыԥ.

  • © Sputnik / Томас Тхайцук

    Аруаа рыдагьы, уи иалахәын Аԥсны ААР, АҶА, Урыстәыла АШәМ аусзуҩцәа рколоннақәагьы.

  • © Sputnik / Томас Тхайцук

    Апарад напхгара аиҭон Аԥсны атәылахьчара аминистр актәи ихаҭыԥуаҩ, аинрал-полковник Беслан Ҵәыџьба.

  • © Sputnik / Томас Тхайцук

    Аџьынџьтәылатә еибашьра Дуӡӡа аиааира амш аҽны, лаҵара 9 рзы Аԥсны имҩаԥысит "Ԥсра зқәым архәҭа" акциа.

  • © Sputnik / Томас Тхайцук

    акциа иалахәын 40-ҩык инреиҳаны атәылауаа Аџьынџьтәылатәи еибашьра Ду иалаӡыз ргәакьацәа рфотоҭыхымҭақәа рыман.

Аԥсҭазаара, аԥсабара, ажәабжьқәа: афотоеицлабра аусумҭақәа

16
(ирҿыцуп 20:00 05.05.2021)
Лаҵара 5 инаркны 8-нӡа Аҟәа имҩаԥыслоит афотоцәыргақәҵа "Абхазия в фокусе. Из 20-го в 21-й".

Афотоеицлабра аихшьаалақәа рыла афотоцәыргақәҵа аартра мҩаԥысит лаҵара 5 рзы  Ацәыргақәҵатә зал хадаҿы. Арахь иааган 76 фотосахьа, аноминациақәа: "Ажәабжьқәа", "Есҽнытәи аԥсҭазаара", "Иааҳакәыршаны иҟоу аԥсабара", "Ҳаамҭазтәи ауаҩы ипортреҭ" рыла.

Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа, аноминациа "Ажәабжьқәа" аҿы – афотоҭыхыҩ Ельза Чанԥҳа, аноминациа "Иааҳакәыршаны иҟоу аԥсабара" аҟны ателеканал АбазаТВ аоператор Едуард Ежов, аноминациа "Есҽнытәи аԥсҭазаара" аҟны – авидеооператор Давид Чакобелиа, аноминациа "Амобилтә фотосахьа" аҟны– Анатоли Качалов.

Ажиури иалахәуп: асахьаҭыхыҩ Витали Џьениа, афоторепортиор Павел Волков, афотоҭыхыҩцәа Сергеи Лидов, Наталиа Лидова, арежиссер Инар Нарманиа, афотожурналист Амина Џьонуаԥҳа, франциатәи афотоҭыхыҩ Тьерри Кергроак, Асида Аҳәԥҳа.

Иара убас шәаԥхьар ҟалоит:

16
  • © Foto / Эдуард Ежов

    Ателеканал "Абаза-ТВ" авидеооператор Едуард Ежов иусумҭа "Иааҳакәыршан иҟоу аԥсабара". Иаарԥшуп аӡынтәи амшын аҟәара.

  • © Foto / Давид Чакаберия

    Аноминациа "Есҽнытәи аԥсҭазаара" аҟны аԥхьахә игеит авидеооператор Давид Чакобелиа. Иусумҭа "Аҩызцәа" аҟны иаарԥшуп аҷкәынцәа хәыҷқәа рыхәмарра.

  • © Foto / Давид Чакаберия

    Авидеооператор Давид Чакобелиа даҽа иусумҭак, иҭацәу ауадаҟны аҭыԥҳа дкәашоит.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Эля Цишба

    Аноминациа "Ҳаамҭазтәи ауаҩы ипортреҭ" аҟны аиааира лгеит ажурналист, афотоҭыхыҩ Елиа Ҵышәԥҳа

  • © Foto / Эдуард Ежов

    Ателеканал "Абаза-ТВ" авидеооператор Едуард Ежов даҽа иусумҭак. Ажиури рахь Едуард 15 фотосахьа наишьҭит.

  • © Foto / Оксана Григолия

    "Абхазия в фокусе – 2021" раԥхьатәи аконкурс иаиааиз Оксана Григолиаԥҳа лусумҭа "Портрет Любови Николаевны".

  • © Foto / Анатолий Качалов

    Аноминациа "Амобилтә фотосахьа" аҟны аиааира игеит Анатоли Качалов.

  • © Foto / Инна Кузьмичева

    Амра аҭашәамҭаз аҭыхра лылшеит аконкурс алахәыла Инна Кузьмичева.

  • © Foto / Эльза Чанба

    РУСДРАМ аспектакль "Солиарис" аҟны иҭыхыз афотоқәа рзы аноминациа "Ажәабжьқәа" аҿы аиаира лгеит афотоҭыхыҩ Ельза Чанԥҳа.

  • © Foto / Ринат Агрба

    Ринат Агрба иҭыхымҭаҿы даарԥшуп зхала иныҟәо ахаҵа.

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау