Иԥшьоу Симон Кананит изқәаҭыԥ: ацҳаражәҳәаҩ Аԥсны ақьырсианра шалаирҵәоз

22
(ирҿыцуп 13:51 23.05.2021)
  • По местам Симона Кананита.
  • По местам Симона Кананита.
  • По местам Симона Кананита.
  • По местам Симона Кананита.
  • По местам Симона Кананита.
  • По местам Симона Кананита.
  • Апостол Симон Кананит иҳаԥы - аиашахаҵаратә қьырсианцәа ԥшьаныҟәарала иахьнеиуа ҭыԥуп.
  • По местам Симона Кананита.
  • По местам Симона Кананита.
  • По местам Симона Кананита.
  • По местам Симона Кананита.
Лаҵара 23 рзы Аԥсны иазгәарҭоит Иԥшьоу ацҳаражәҳәаҩ Симон Кананит имш, уи игәалашәара пату ақәырҵоит ҳтәылаҿы инхо аиашахаҵаратә қьырсианцәа зегьы.

Аԥшьаҩырақәа ишырҳәо ала, I ашәышықәса азбжазы Аԥсныҟа иааит апостолцәа Андреи Аԥхьанаԥхьаҩи Симон Кананити. Андреи Аԥхьанаԥхьаҩ Кавказ Амшын еиқәа аԥшаҳәа иахьаҵанакуа аиашахаҵаратә дин рыларҵәаразы ддәықәлеит, Симон Кананит иакәзар, Ԥсырӡха даангылеит.

Ацқьа Симон Кананит Иаса Қьырса иҵаҩцәа 12-ҩык дыруаӡәкуп.

Абиблиаҿы иаҳԥыло аҳәамҭақәа изларҳәо ала, заԥхьаҟа иапостолхараны иҟаз Симон Галилеиатәи Канаҿы имҩаԥысуаз ичараан Иаса Қьырса раԥхьатәи анашана ҟаиҵеит - аӡы ҩны иааҟаиҵеит. Абри ахҭыс Симон наҟ-наҟтәи иԥсҭазаара шьаҭанкыла иаԥсахит, иара Иаса Қьырса иџьашьахәра хаҵаны иҵаҩ иакәхеит. Иаса Қьырса ажәҩан ахь данхалаз ашьҭахь Аҩынҩажәижәабамш аҽны Симонтәи аҩнаҟны амца иабзқәаны аԥсҿыхҩы иҵаҩцәа ирзылбааз Иԥшьоу аԥсыцқьа иҟынтә Симон иоуит аҳамҭа. Егьырҭ апостолцәеи иареи Қьырса и-Евангелие абжьагажәахь еиццәырҵит.

Иԥшьоу апостол Симон ҳара ҳера 55 шықәса рзеиԥш иахьатәи Афон ҿыц азааигәара иҟоу аҳаԥы нхарҭас илихит. Ԥсырӡха аӡиас аԥсҭаҿы апостол агәаҟраԥсра идикылеит. Аҳәамҭа ала, Симон иҳаԥы азааигәара I ашәышықәсазы иԥшьоу аӡыхь зҩыда ахы ыҵнахит, уи иахьа уажәраанӡагьы иҵхәраа илеиуеит. Иара анышә дахьамадоу аҭыԥ аҿы IV ашәышықәсазы ихьӡала ауахәама дыргылеит.

Иара убас шәаԥхьар ҟалоит:

22
  • © Sputnik / Томас Тхайцук

    Лаҵара 23 рзы Аԥсны иазгәарҭоит Иԥшьоу апостол Симон Кананит имш. Ари амш аиашахаҵаратә қьырсианра жәытәаахыс излаҵәахьоу Аԥсназы аҵак ду амоуп, избанзар Симон Кананит уи адин ара иалаирҵәо далагахьан ҳара ҳера I ашәышықәсазы.

  • По местам Симона Кананита.
    © Sputnik / Томас Тхайцук

    Ҳамҭак инақәыршәаны, Иԥшьоу апостол Симон ҳара ҳера 55 шықәса рзеиԥш иахьатәи Афон ҿыц азааигәара иҟоу аҳаԥы нхарҭас илихит.

  • По местам Симона Кананита.
    © Sputnik / Томас Тхайцук

    Симон Кананит аҳаԥаҿы инхарҭахь уназго амҩахәасҭа шьҭоуп даара иԥшӡоу аӡиас Ԥсырӡха аԥсҭаҿы.

  • © Sputnik / Томас Тхайцук

    Аҭыԥԥшьаныҟәаҩцәеи атуристцәеи рзы ара адыргақәа ргылоуп.

  • По местам Симона Кананита.
    © Sputnik / Томас Тхайцук

    Хаҳәла ичаԥоу амҩахәасҭаҟны, ақьырсианцәа агәра зларго ала, еиқәханы иҟоуп апостол ишьапҭыԥ зынхалаз хаҳә дук.

  • По местам Симона Кананита.
    © Sputnik / Томас Тхайцук

    Ақьырсианцәа рыгәрагарақәа рзы ианрышьҭашәарыцоз аамҭазы Иԥшьоу апостол Симон Кананит гәаҟрала иԥсҭазаара далҵит Ԥсырӡха аӡиас аԥшаҳәаҿы. Амармалташь иалху аџьар ҟаҵаны апостол ибаҟа аҳасабала Афонҿыцтәи аберҭыԥ аберцәа 1884 шықәсазы ишьақәдыргылеит.

  • По местам Симона Кананита.
    © Sputnik / Томас Тхайцук

    Симон Кананит агәаҟраԥсра ахьидикылаз аизарҭа ҭыԥ аҿы ишьҭоу ахаҳәқәа рҿы иубарҭоуп акәарма ҟаԥшьқәа, ақьырсианцәа агәра ргоит урҭ апостол икеиҭәаз ашьа ауп ҳәа.

  • © Sputnik / Томас Тхайцук

    Симон Кананит аҳаԥаҿы дахьныҳәоз иуадахь уназго амардуан хаҳәла ичаԥоуп.

  • © Sputnik / Томас Тхайцук

    Симон Кананит иҳаԥахьы уназго амҩахәасҭа.

  • По местам Симона Кананита.
    © Sputnik / Томас Тхайцук

    Симон Кананит иуадахь дызлаҩналоз иагьԥенџьырыз, иагьшәыз ахышә.

  • Апостол Симон Кананит иҳаԥы - аиашахаҵаратә қьырсианцәа ԥшьаныҟәарала иахьнеиуа ҭыԥуп.
    © Sputnik / Томас Тхайцук

    Апостол Симон Кананит иҳаԥы - аиашахаҵаратә қьырсианцәа ԥшьаныҟәарала иахьнеиуа ҭыԥуп.

  • По местам Симона Кананита.
    © Sputnik / Томас Тхайцук

    Аиашахаҵаҩ апостол Симон Кананит аҳаԥаҿы иуадаҟны Анцәа димҵаныҳәоит.

  • По местам Симона Кананита.
    © Sputnik / Томас Тхайцук

    Акельиаҿы еиқәхеит Афонҿыцтәи аберҭыԥ аҿы Анцәа имҵаныҳәоз аурыс берцәа 1884 шықәса рзы иҭырхыз Иаса Қьырсеи Симон Кананити рныхачаԥақәа.

  • По местам Симона Кананита.
    © Sputnik / Томас Тхайцук

    Симон Кананит иуадахь уназго ахаҳәтә мардуани ашәи Афонҿыцтәи аберҭыԥ аҿы Анцәа имҵаныҳәоз аурыс берцәа 1884 шықәса рзы иҟарҵеит.

  • По местам Симона Кананита.
    © Sputnik / Томас Тхайцук Томас Тхайцук

    Аԥсны Симон Кананит игәалашәара пату ду ақәырҵоит ҳтәылаҿы инхо аиашахаҵаратә қьырсианцәа зегьы. Афото аҿы - Афонҿыцтәи Симон-Кананиттәи Иԥшьоу Пантелеимон изку ахацәа рберҭыԥ аҿы икыду апостол Симон Кананит иныхачаԥа.

Басков иқәгылара, аспортсменцәа реихьӡарақәа: ииасыз амчыбжь афотосахьақәа рҟны

21
(ирҿыцуп 20:02 20.06.2021)
Аԥсни адунеи аҿи зҿлымҳара зуҭаша амчыбжь ахҭысқәа Sputnik афотосахьақәа рҟны шәрыхәаԥшырц ишәыдаагалоит.

Ииасуа амчыбжь азы адунеи аҿы ихадараз хҭысын Урыстәыла ахада Владимир Путини ЕАА ахада Џьо Баидони реиԥылара.

Аԥснытәи ажәабжьқәа ракәзар, ирацәан ацәажәарақәа зхылҿиааз ахҭысқәа. Амчыбжь злабеиаз ахҭысқәа: Аслан Бжьаниа инапы аҵеиҩит ачынуааи адепутатцәеи рхашәалақәа ашәҟәы рҭагаларазы азакәан, Атәыла аиҳабыраҟны афымцалашара амчхаразы иҟоу алшарақәа ртәы иазааҭгылеит, аԥсшьаҩцәа рганахьала ишакәымыз "асасдкылара" аарԥшын Пицунда, алаҵа ҟазҵахьоу рхыԥхьаӡара еилкаахеит.

Ажәакала, ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

21
  • Еилаԥсоу ақәԥара GMC азы Германиа ачемпион Кораи Џьенгиз (Ацыгәба) рашәара 17 азы Ҭырқәтәыла имҩаԥысуаз MMA World Mix Fight ачемпионат аҿы аиааира игеит.

  • © AP Photo / Pool / Alessandra Tarantino

    ЕВРО-2020 мҩаԥысуеит рашәара 11 инаркны ԥхынгәы 11 рҟынӡа Европа ақалақьқәа жәеиза рҿы. Афото аҿы: Италиатәи акоманда.

  • © Sputnik / Леон Адлейба

    Нарҭаа репос амотивқәа рыла стрит-арт Аҟәа иаздырхиоит.

  • © Sputnik / Mikhail Metzel

    Асаммит Урыстәыла - Еиду Америкатә аштатқәа мҩаԥысит Женева, авилла Ла Гранж аҿы рашәара 16 азы. Атәылақәа рыҩба рхадацәа реицәажәара акраамҭа ицон.

  • © AFP 2019 / Yasin Akgul

    Ҭырқәтәыла, Амармалташьтә мшын аҟәараҿы зхала зыԥсы зшьо аҭыԥҳа.

  • © Sputnik / Томас Тхайцук

    Аспектакль "Акыр иаԥсоу Памела" апремиера мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы рашәара 15 рзы.
    Апиеса атеатр арепертуар иаларҵеит ҷыдала актрисацәа руаӡәк - Аԥсны Жәлар рартистка Виолетта Маан лзы. Лара лоуп Памела лрольгьы назыгӡо.

  • © AFP 2019 / Ulises Ruiz

    Сан-Исидро-Масатепек Тала, аштат Халиско, Мексика арельсқәа ирықәҟьаз адәыӷба.

  • © REUTERS / Antara Foto / Raisan Al Farisi

    Индонезиа, Бандунге аԥсыжырҭа аусзуҩцәа COVID-19 зыхьны зыԥсҭазаара иалҵыз ачымазцәа анышә ианамарда ашьҭахь.

  • © Sputnik / Томас Тхайцук

    Еицырдыруа урыстәылатәи аестрадатә шәаҳәаҩы Николаи Басков Аԥсны аҳҭнықалақь аҟны дықәгылеит. Аконцерт еиҿыркааит асоциалтә платформа "Аԥсны аԥеиԥш" алахәылацәа реизара аҳәаақәа ирҭагӡаны.

  • © Sputnik / Томас Тхайцук

    Урыстәыла Аԥкьаҭасразы афедерациа аиҳабы ихаҭыԥуаҩ Анастасиа Мыскина аҟазара-класс мҩаԥылгеит рашәара 15 азы, Аҟәа.

  • © Sputnik / Томас Тхайцук

    Аԥсны аԥхынтәи аԥсшьара аамҭа иаԥскымҭоуп.

Аҭакәажә дышԥақәаагари: аспектакль "Акыр иаԥсоу Памела" апремиера

15
(ирҿыцуп 19:40 16.06.2021)
Аспектакль "Акыр иаԥсоу Памела" апремиера мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы рашәара 15 рзы.

Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку").

Апиеса атеатр арепертуар иаларҵеит ҷыдала актрисацәа руаӡәк - Аԥсны Жәлар рартистка Виолетта Маан лзы. Лара лоуп Памела лрольгьы назыгӡо. 

Аспектакль аус адулара цон ԥхынҷкәынмза аахыижьҭеи, аха еиуеиԥшым амзызқәа ирыхҟьаны, акоронавирус азы апандемиагьы налаҵаны, аҽазыҟаҵарақәа аамҭа акыр рыбжьаҵаны имҩаԥыргон.
"Акыр иаԥсоу Памела" режиссиорс дамоуп Урыстәыла Зҽаԥсазтәыз артист, Аԥсны Зҽаԥсазтәыз акультура аусзуҩ, Адрамтеатр арежиссиор Адгәыр Ақаҩба. Аспектакль аҿы ихәмаруеит Аԥсуа театр актиорцәа рабиԥарақәа хԥа: Виолетта Маан, Маиа Џьыкырба, Лаврик Ахба, Адгәыр Малиа, Гарри Аџьынџьал, Лана Џьапуаԥҳа, Гәдиса Ҭодуа.

Атрагикомедиа "Акыр иаԥсоу Памела" аперсонажцәа иахьатәи ақалақь ду аҿы инхо арыцҳацәа, акгьы зқәым роуп. Дара рылахь разҟы ҳәа ак анымызт, мазара ҳәа аӡәгьы акгьы рзынимыжьит, ирықәҿиом, бзиа избо ҳәа аӡәгьы дрымам. Урҭ рахьтә шьоукы ргәаҵәа жәпахеит, аӡәы акы абеицәаагари ҳәа ихәыцуеит, даҽа џьоукых - ирылаз ақьиареи агәызианреи еиқәдырхеит. 

Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку"). Ари аҩымҭаҿы рыӡбахә аҳәоит хҩык амцҳәаҩцәа рҭоурых, Памела Кронки захьӡу аҭакәажә данԥслак ашьҭахь илымоу амазаразы аԥгаԥса дара иртәыртәырц рҭахуп. Аха афырхаҵа хада лгәы рызԥжәаӡом ацәгьахәыццәа, лара урҭ зегь раналыжьуеит, агәра длыргоит аԥсҭазаараҿы аԥара раԥхьа ишыргылатәым.

15
  • © Sputnik / Томас Тхайцук

    Аспектакль "Акыр иаԥсоу Памела" аԥхьарбара мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы.

  • © Sputnik / Томас Тхайцук

    Ақәыргыламҭа аус адулара цон ԥхынҷкәынмза аахыижьҭеи.

  • © Sputnik / Томас Тхайцук

    Уи шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари".

  • © Sputnik / Томас Тхайцук

    Аспектакль аҿы ихәмаруеит Аԥсуа театр актиорцәа рабиԥарақәа хԥа.

  • © Sputnik / Томас Тхайцук

    Памела лроль налыгӡоит Аԥсны Жәлар рартистка Виолетта Маан.

  • © Sputnik / Томас Тхайцук

    Ацәгьахәыццәа руаӡәк ироль наигӡоит актиор Адгәыр Малиа.

  • © Sputnik / Томас Тхайцук

    Апиеса атеатр арепертуар иаларҵеит ҷыдала Виолетта Маан лзы.

  • © Sputnik / Томас Тхайцук

    Ари апиеса рыӡбахә аҳәоит хҩык амцҳәаҩцәа рҭоурых, дара Памела Кронки захьӡу аҭакәажә данԥслак ашьҭахь илымоу амазаразы аԥгаԥса дара иртәыртәырц рҭахуп.

  • © Sputnik / Томас Тхайцук

    Аха уи лышьразы еснагь ак рԥырхагахоит.

  • © Sputnik

    Лара аҭакәажә лакәзар урҭ зегь раналыжьуеит, агәра длыргоит аԥсҭазаараҿы аԥара раԥхьа ишыргылатәым.

  • © Sputnik / Томас Тхайцук

    Аспектакль "Акыр иаԥсоу Памела" Аԥсуа ҳәынҭқарратә драматә театр аҿы иддырбоит рашәара 16, 19:00 сааҭ рзы.

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау