Абацәеи, ахәыҷқәеи, аибашьреи: ақәыргыламҭа ҿыц "Амшаԥаҽны"

14
(ирҿыцуп 17:23 30.05.2021)
Лаҵарамза анҵәамҭазы Аԥсуа Ҳәынҭқарратә Аҿар ртеатр ахәаԥшцәа иднарбеит ақәыргыламҭа ҿыц "Амшаԥаҽны".

Аспектакль "Амшаԥаҽны" ықәиргылеит арежиссиор, Аԥсны Жәлар рартист Шьалуа Гыцба, асахьаҭыхыҩ-ақәыргылаҩс дыҟоуп Гарри Дочиа. Аспектакль асценари автор еицырдыруа атеатри, акинои, ателехәаҧшреи арежиссиор, Аԥсны зҽаԥсазтәыз аҟазара аусзуҩ Михаил Мархолиа иоуп, ақәыргыламҭа арбара игәалашәара иазкуп.

Аҿар ртеатр аиҳабы Аслан Еныкь арадио Sputnik аефир аҟны еиҭеиҳәеит апиеса иаанарԥшуа атема залырхыз атәы. Иара иазгәеиҭеит ақәыргыламҭа ишаанырԥшуа аибашьра ашьҭахьтәи аԥсҭазаара.

Аибашьра иалахәыз аишьцәа Манчеи Џьамфери аԥсҭазаара иаԥшәыманы рхы рбон, дара рхы мҩаԥыргон зегьы здыруа, зегь зылшо, аԥара азыҳәан зыԥсы цәгьаз ракәны. Аибашьра ашьҭахь кыр шықәса ҵит раб игәараҭа ианаҭаа, дара Амшаԥаҽны рҭаацәа рахь имҩахыҵит. Раҳәшьа Кама илгәаԥхомызт лашьцәа рхымҩаԥгашьа, аха дара ртәы рҳәон, иҟарҵон. Аишьцәеи аиаҳәшьеи реицәажәара аб акыр ихьааигеит.

Sputnik афотокорреспондент даҭааит ақәыргыламҭа аԥхьарбара.

Иара убас шәаԥхьар ҟалоит:

14
  • © Sputnik / Томас Тхайцук

    Лаҵарамза 27-28 рзы Аԥсуа Ҳәынҭқарратә Аҿар ртеатр ахәаԥшцәа иднарбеит ақәыргыламҭа "Амшаԥаҽны"

  • © Sputnik / Томас Тхайцук

    Апиеса аҟны иаарԥшуп зегьы рзы иҿырԥшыгоу аԥсуа ҭаацәара рҭоурых.

  • © Sputnik / Томас Тхайцук

    Аамҭала аибашьра ашьҭахьтәи ашықәсқәа роуп. Аҭаацәа зегьы Амшаԥаҽны раб игәараҭаҟны еизоит.

  • © Sputnik / Томас Тхайцук

    Аибашьра ашьҭахь аԥсҭазаара акыр аҽеиҭанакит, ауаагьы рҽырыԥсахит.

  • © Sputnik / Томас Тхайцук

    Аибашьра иалахәыз аишьцәа Манчеи Џьамфери аԥсҭазаара иаԥшәыманы рхы рбон, дара рхы мҩаԥыргон зегьы здыруа, зегь зылшо, аԥара азыҳәан зыԥсы цәгьаз ракәны.

  • © Sputnik / Томас Тхайцук

    Аишьцәеи аиаҳәшьеи реицәажәара аб акыр ихьааигеит.

  • © Sputnik / Томас Тхайцук

    Аспектакль "Амшаԥаҽны" ықәиргылеит арежиссиор, Аԥсны Жәлар рартист Шьалуа Гыцба

  • © Sputnik / Томас Тхайцук

    Аспектакль асценари автор еицырдыруа атеатри, акинои, ателехәаҧшреи арежиссиор, Аԥсны зҽаԥсазтәыз аҟазара аусзуҩ Михаил Мархолиа иоуп, ақәыргыламҭа арбара игәалашәара иазкуп.

  • © Sputnik / Томас Тхайцук

    Аҿар ртеатр еснагь иазҿлымҳауп актуалра зцу атемақәа, рықәргыламҭақәа рыла уи умбарц залшом.

  • © Sputnik / Томас Тхайцук

    Ақәыргыламҭаҿы алафи, аиашеи, амци, аҳарамреи аарԥшын.

  • © Sputnik / Томас Тхайцук

    Сааҭк аҩнуҵҟа аибашьра ашьҭахь аԥсҭазаара иалалаз ашьцылара бааԥсқәа ирзааҭгылан.

  • © Sputnik / Томас Тхайцук

    Аҭаацәарақәа рҟны иҟаз апроблемақәагьы ирзааҭгылан.

  • © Sputnik / Томас Тхайцук

    Аныки абыки ирааӡаз ахәыҷқәа изықәныҟәо аԥсҭазааратә ԥҟарақәа шеиԥшым аарԥшын

  • © Sputnik / Томас Тхайцук

    Аҿартә театр еснагь рспектакльқәа зегьы аԥсышәала ауп ишымҩаԥысуа.

  • © Sputnik / Томас Тхайцук

    "Хашҭра рықәым афырхацәа"- абарҭ ажәақәа рыла ихыркәшан аспектакль.

  • © Sputnik / Томас Тхайцук

    Ахәаԥшцәа рнапеинҟьабжьы акыр аамҭа еихсыӷьра ақәымызт.

Ааԥыни аԥхыни ирсимволу аргәыц: мышкы Драндатәи аҵыҵындрааӡарҭаҿы

15
(ирҿыцуп 19:34 11.06.2021)
Сынтәа ҩынтәуп Драндатәи аҵыҵындрааӡарҭаҿы аҵыҵындра аҽаҩра аанашьҭуеижьҭеи.

Аԥсны аҵыҵындра акырџьара иазҳауеит, ауаа руҭрақәа, рашҭақәа рҿы ахатә ҭыԥ азалхны иҟоуп. Аха иҟоуп аҵыҵындра ззы чахәк аанагогьы, аҵыхәтәантәи аамҭақәа рзы уи ааӡаразы анаплакқәа аадыртуа иалагеит.

Убас шықәсқәак раԥхьа Гәылрыԥшь араион Дранда аҳаблан иаартын аҵыҵындрааӡарҭа, ара аус руеит хышәҩык рҟынӡа аҭыԥантәи анхаҩцәа, иара аарыхырҭа аҵакыра акәзар, 20 гектар иҟоуп.

Ари анаплакаҿы ҩ-хкык аҵыҵындра рааӡоит – Ruby Gem-и Albion-и, урҭ даара ихаауп, афҩы лаҳалаҳауа, харантәигьы иуаҳауеит. Ауаа аус руеит ашьыжь асааҭ хәба инаркны шьыбжьон асааҭ акынӡа. Дара ргәы ақәбзианы аус руеит, ауалафахәы ианаамҭоу еиԥҟьарада ироуеит. 

Драндатәи анаплакаҿы изызҳауа аҵыҵындра есхымз аҽаҩра аанашьҭуеит, аӡынразы иаҳа имаҷны. Аусзуҩцәа алшықәсанык аус руеит, избанзар аҵиаақәа ршьапқәа есымша ирыцқьалатәуп, абаџьар ықәгалатәуп.

Еизыргаз аҵыҵындра амҿтәы иашьыкьқәа ирҭарҵоит, ирацәаны ианеизыргалак, атрактор ааины архьшәашәагахь инанагоит, Урыстәылаҟа аҭиразы ирышьҭаанӡа мышқәак ара иҭаҵаны ирымазар ауеит, акгьы ахьӡом. Ара иаадрыхуа аҵыҵындра Аԥсны аџьармыкьақәа рҿгьы ирҭиуеит. Аха аҭыԥ аҟны иааухәозар, кьылак 100-150 мааҭ ҳәа иуоуеит

15
  • © Sputnik / Томас Тхайцук

    Абас ауп Драндатәи анаплакаҿы аҵыҵындра шырыҟәшәо.

  • © Sputnik / Томас Тхайцук

    Еизыргаз аҵыҵындра хымԥада еилыхтәуп.

  • © Sputnik / Томас Тхайцук

    Ара ижәбоит аҵыҵындра шааҿырхызҵәҟьа.

  • © Sputnik / Томас Тхайцук

    Аҵыҵындра зҭарԥсо аиашьыкьқәа атрактор ацраҳәа иақәҵаны иҷыдоу архьшәашәагақәа рахь инаргоит.

  • © Sputnik / Томас Тхайцук

    Ара ҩ-хкык аҵыҵындра рааӡоит – Ruby Gem-и Albion-и

  • © Sputnik / Томас Тхайцук

    Анаплакаҿы аус зуа аҭыԥантәи анхаҩцәа заҵәык роуп.

  • © Sputnik / Томас Тхайцук

    Урҭ ашьыжь шаанӡа аусура иалагоит, шьыбжьон ихдыркәшоит.

  • © Sputnik / Томас Тхайцук

    Аусура иагьымариам, аха иагьыцәгьам, ара аҭагылазаашьа бзиақәа рзаԥҵоуп.

  • © Sputnik / Томас Тхайцук

    Иҟоуп ҭаацәаныла аус зуагьы.

  • © Sputnik / Томас Тхайцук

    Аҵыҵындра ахаара ишақәнагоу иамазарц азы амра бзианы иабароуп.

  • © Sputnik / Томас Тхайцук

    Аусзуҩцәа рџьабаа зду аҽаҩра иазгәыдууп.

  • © Sputnik / Томас Тхайцук

    Атракторгьы зыда ԥсыхәа рымам маругоуп.

Икәеицеиуа ацыԥхьқәа: Аҟәа аԥшаҳәаҿы ауаа здызԥхьалаз аӡыршә ҿыц

17
(ирҿыцуп 18:52 05.06.2021)
Аҟәа аԥшаҳәаҿы Сергеи Багаԥшь ихьӡ зху ашҭаҿы идыргылаз аӡыршә аусура иалагеит лаҵарамза 1 азы.

Аҟәа аԥшаҳәаҿы ауаа гәахәарыла изҭаауа даҽа ҭыԥк рзацлеит - уи Сергеи Багаԥшь ихьӡ зху ашҭаҿы ишьақәдыргылаз аӡыршә ҿыц ауп.

Уи аргылара иалагеит хәажәкырамзазы, аусурақәа мҩаԥнагон Аҟәа АУН "Аиқәыршәазаара".

С.В. Багаԥшь ихьӡ зху ашҭаҿы иреиӷьу апроекти иааидкыланы азеиԥш еиҿкаареи рзы аконкурс рылаҳәан 2019 шықәса ԥхынгәы 1 азы. Аусура рыдкылара аҿҳәара акырынтә иацырҵахьан, избанзар арзаҳалқәа аналарымҵозгьы ыҟан.

Азыҳәақәа рыдкылара анхыркәшаха ашьҭахь, иаарту аконкурс амҩаԥгара знапы ианыз аусутә гәыԥ анапы ианҵан ажьырныҳәа 25 2021 шықәсазы апроекттә усумҭақәа рыдкылара хдыркәшарц, ирыдыркылахьаз аусумҭақәа рыҭҵаара иалагарц.

Уажәы игылоу аӡыршә аамҭалатәихар ҟалоит, аконкурс аҟны аиааира зго апроект аҿы уи арбамзар, ианымаалозар.

17
  • © Sputnik / Томас Тхайцук

    Аҟәа аԥшаҳәаҿы Сергеи Багаԥшь ихьӡ зху ашҭаҿы уажәааигәа ицәырҵит аӡыршә ҿыц.

  • © Sputnik / Томас Тхайцук

    Ара аиҩызцәа аӡәырҩы иреиқәшәарҭахеит, рфотосахьақәа ахьҭырхуа ҭыԥхеит.

  • © Sputnik / Томас Тхайцук

    Уи адагьы, ара ашоура зхызгар зҭахугьы еизоит.

  • © Sputnik / Акоп Кущян

    Ари аӡыршәа аҳҭнықалақь ҳамҭас иеиҭеит Аҟәа ахада Беслан Ешба.

  • © Sputnik / Томас Тхайцук

    Аҭыԥантәи ауааԥсыра рыдагьы, уи аԥсшьаҩцәагьы иргәаԥхеит.

  • © Sputnik / Томас Тхайцук

    Иара убас ӡык инахәарц ара ацыгәқәеи алақәеи анааилогьы ыҟоуп.

  • © Sputnik / Томас Тхайцук

    Аҳҭнықалақь ауааԥсыра рахьтә шьоукы-шьоукы италиатәи аӡыршә Треви иеиԥшныршьалоит.

  • © Sputnik / Томас Тхайцук

    Даҽа џьоукых уи ҳақалақь архитектура ианаалом, ҳалаҿы иааиуам рҳәоит.

  • © Sputnik / Томас Тхайцук

    Ус акә, егьыс акә - ари аӡыршә ауаа рацәаҩны иаднаԥхьалеит.

  • © Sputnik / Томас Тхайцук

    Еиҳарак ахәыҷқәа даара иргәаԥхоит.

  • © Sputnik / Томас Тхайцук

    Аласбақәагьы уамашәа ибаны иахәаԥшлоит.

  • © Sputnik / Томас Тхайцук

    Аӡыршә иааигәаӡаны иахәаԥшыр зҭахугьы ҟалалоит, амала хӡааҟәрыла ҟарымҵарц рыҽгәарҭалароуп.

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

6
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

6