Икәеицеиуа ацыԥхьқәа: Аҟәа аԥшаҳәаҿы ауаа здызԥхьалаз аӡыршә ҿыц

17
(ирҿыцуп 18:52 05.06.2021)
Аҟәа аԥшаҳәаҿы Сергеи Багаԥшь ихьӡ зху ашҭаҿы идыргылаз аӡыршә аусура иалагеит лаҵарамза 1 азы.

Аҟәа аԥшаҳәаҿы ауаа гәахәарыла изҭаауа даҽа ҭыԥк рзацлеит - уи Сергеи Багаԥшь ихьӡ зху ашҭаҿы ишьақәдыргылаз аӡыршә ҿыц ауп.

Уи аргылара иалагеит хәажәкырамзазы, аусурақәа мҩаԥнагон Аҟәа АУН "Аиқәыршәазаара".

С.В. Багаԥшь ихьӡ зху ашҭаҿы иреиӷьу апроекти иааидкыланы азеиԥш еиҿкаареи рзы аконкурс рылаҳәан 2019 шықәса ԥхынгәы 1 азы. Аусура рыдкылара аҿҳәара акырынтә иацырҵахьан, избанзар арзаҳалқәа аналарымҵозгьы ыҟан.

Азыҳәақәа рыдкылара анхыркәшаха ашьҭахь, иаарту аконкурс амҩаԥгара знапы ианыз аусутә гәыԥ анапы ианҵан ажьырныҳәа 25 2021 шықәсазы апроекттә усумҭақәа рыдкылара хдыркәшарц, ирыдыркылахьаз аусумҭақәа рыҭҵаара иалагарц.

Уажәы игылоу аӡыршә аамҭалатәихар ҟалоит, аконкурс аҟны аиааира зго апроект аҿы уи арбамзар, ианымаалозар.

17
  • © Sputnik / Томас Тхайцук

    Аҟәа аԥшаҳәаҿы Сергеи Багаԥшь ихьӡ зху ашҭаҿы уажәааигәа ицәырҵит аӡыршә ҿыц.

  • © Sputnik / Томас Тхайцук

    Ара аиҩызцәа аӡәырҩы иреиқәшәарҭахеит, рфотосахьақәа ахьҭырхуа ҭыԥхеит.

  • © Sputnik / Томас Тхайцук

    Уи адагьы, ара ашоура зхызгар зҭахугьы еизоит.

  • © Sputnik / Акоп Кущян

    Ари аӡыршәа аҳҭнықалақь ҳамҭас иеиҭеит Аҟәа ахада Беслан Ешба.

  • © Sputnik / Томас Тхайцук

    Аҭыԥантәи ауааԥсыра рыдагьы, уи аԥсшьаҩцәагьы иргәаԥхеит.

  • © Sputnik / Томас Тхайцук

    Иара убас ӡык инахәарц ара ацыгәқәеи алақәеи анааилогьы ыҟоуп.

  • © Sputnik / Томас Тхайцук

    Аҳҭнықалақь ауааԥсыра рахьтә шьоукы-шьоукы италиатәи аӡыршә Треви иеиԥшныршьалоит.

  • © Sputnik / Томас Тхайцук

    Даҽа џьоукых уи ҳақалақь архитектура ианаалом, ҳалаҿы иааиуам рҳәоит.

  • © Sputnik / Томас Тхайцук

    Ус акә, егьыс акә - ари аӡыршә ауаа рацәаҩны иаднаԥхьалеит.

  • © Sputnik / Томас Тхайцук

    Еиҳарак ахәыҷқәа даара иргәаԥхоит.

  • © Sputnik / Томас Тхайцук

    Аласбақәагьы уамашәа ибаны иахәаԥшлоит.

  • © Sputnik / Томас Тхайцук

    Аӡыршә иааигәаӡаны иахәаԥшыр зҭахугьы ҟалалоит, амала хӡааҟәрыла ҟарымҵарц рыҽгәарҭалароуп.

Басков иқәгылара, аспортсменцәа реихьӡарақәа: ииасыз амчыбжь афотосахьақәа рҟны

21
(ирҿыцуп 20:02 20.06.2021)
Аԥсни адунеи аҿи зҿлымҳара зуҭаша амчыбжь ахҭысқәа Sputnik афотосахьақәа рҟны шәрыхәаԥшырц ишәыдаагалоит.

Ииасуа амчыбжь азы адунеи аҿы ихадараз хҭысын Урыстәыла ахада Владимир Путини ЕАА ахада Џьо Баидони реиԥылара.

Аԥснытәи ажәабжьқәа ракәзар, ирацәан ацәажәарақәа зхылҿиааз ахҭысқәа. Амчыбжь злабеиаз ахҭысқәа: Аслан Бжьаниа инапы аҵеиҩит ачынуааи адепутатцәеи рхашәалақәа ашәҟәы рҭагаларазы азакәан, Атәыла аиҳабыраҟны афымцалашара амчхаразы иҟоу алшарақәа ртәы иазааҭгылеит, аԥсшьаҩцәа рганахьала ишакәымыз "асасдкылара" аарԥшын Пицунда, алаҵа ҟазҵахьоу рхыԥхьаӡара еилкаахеит.

Ажәакала, ирацәоуп амчыбжь аҩнуҵҟа имҩаԥысуаз ахҭысқәа, еиҳа иалкаахаз Sputnik афотосахьақәа рҟны.

21
  • Еилаԥсоу ақәԥара GMC азы Германиа ачемпион Кораи Џьенгиз (Ацыгәба) рашәара 17 азы Ҭырқәтәыла имҩаԥысуаз MMA World Mix Fight ачемпионат аҿы аиааира игеит.

  • © AP Photo / Pool / Alessandra Tarantino

    ЕВРО-2020 мҩаԥысуеит рашәара 11 инаркны ԥхынгәы 11 рҟынӡа Европа ақалақьқәа жәеиза рҿы. Афото аҿы: Италиатәи акоманда.

  • © Sputnik / Леон Адлейба

    Нарҭаа репос амотивқәа рыла стрит-арт Аҟәа иаздырхиоит.

  • © Sputnik / Mikhail Metzel

    Асаммит Урыстәыла - Еиду Америкатә аштатқәа мҩаԥысит Женева, авилла Ла Гранж аҿы рашәара 16 азы. Атәылақәа рыҩба рхадацәа реицәажәара акраамҭа ицон.

  • © AFP 2019 / Yasin Akgul

    Ҭырқәтәыла, Амармалташьтә мшын аҟәараҿы зхала зыԥсы зшьо аҭыԥҳа.

  • © Sputnik / Томас Тхайцук

    Аспектакль "Акыр иаԥсоу Памела" апремиера мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы рашәара 15 рзы.
    Апиеса атеатр арепертуар иаларҵеит ҷыдала актрисацәа руаӡәк - Аԥсны Жәлар рартистка Виолетта Маан лзы. Лара лоуп Памела лрольгьы назыгӡо.

  • © AFP 2019 / Ulises Ruiz

    Сан-Исидро-Масатепек Тала, аштат Халиско, Мексика арельсқәа ирықәҟьаз адәыӷба.

  • © REUTERS / Antara Foto / Raisan Al Farisi

    Индонезиа, Бандунге аԥсыжырҭа аусзуҩцәа COVID-19 зыхьны зыԥсҭазаара иалҵыз ачымазцәа анышә ианамарда ашьҭахь.

  • © Sputnik / Томас Тхайцук

    Еицырдыруа урыстәылатәи аестрадатә шәаҳәаҩы Николаи Басков Аԥсны аҳҭнықалақь аҟны дықәгылеит. Аконцерт еиҿыркааит асоциалтә платформа "Аԥсны аԥеиԥш" алахәылацәа реизара аҳәаақәа ирҭагӡаны.

  • © Sputnik / Томас Тхайцук

    Урыстәыла Аԥкьаҭасразы афедерациа аиҳабы ихаҭыԥуаҩ Анастасиа Мыскина аҟазара-класс мҩаԥылгеит рашәара 15 азы, Аҟәа.

  • © Sputnik / Томас Тхайцук

    Аԥсны аԥхынтәи аԥсшьара аамҭа иаԥскымҭоуп.

Аҭакәажә дышԥақәаагари: аспектакль "Акыр иаԥсоу Памела" апремиера

15
(ирҿыцуп 19:40 16.06.2021)
Аспектакль "Акыр иаԥсоу Памела" апремиера мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы рашәара 15 рзы.

Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку").

Апиеса атеатр арепертуар иаларҵеит ҷыдала актрисацәа руаӡәк - Аԥсны Жәлар рартистка Виолетта Маан лзы. Лара лоуп Памела лрольгьы назыгӡо. 

Аспектакль аус адулара цон ԥхынҷкәынмза аахыижьҭеи, аха еиуеиԥшым амзызқәа ирыхҟьаны, акоронавирус азы апандемиагьы налаҵаны, аҽазыҟаҵарақәа аамҭа акыр рыбжьаҵаны имҩаԥыргон.
"Акыр иаԥсоу Памела" режиссиорс дамоуп Урыстәыла Зҽаԥсазтәыз артист, Аԥсны Зҽаԥсазтәыз акультура аусзуҩ, Адрамтеатр арежиссиор Адгәыр Ақаҩба. Аспектакль аҿы ихәмаруеит Аԥсуа театр актиорцәа рабиԥарақәа хԥа: Виолетта Маан, Маиа Џьыкырба, Лаврик Ахба, Адгәыр Малиа, Гарри Аџьынџьал, Лана Џьапуаԥҳа, Гәдиса Ҭодуа.

Атрагикомедиа "Акыр иаԥсоу Памела" аперсонажцәа иахьатәи ақалақь ду аҿы инхо арыцҳацәа, акгьы зқәым роуп. Дара рылахь разҟы ҳәа ак анымызт, мазара ҳәа аӡәгьы акгьы рзынимыжьит, ирықәҿиом, бзиа избо ҳәа аӡәгьы дрымам. Урҭ рахьтә шьоукы ргәаҵәа жәпахеит, аӡәы акы абеицәаагари ҳәа ихәыцуеит, даҽа џьоукых - ирылаз ақьиареи агәызианреи еиқәдырхеит. 

Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку"). Ари аҩымҭаҿы рыӡбахә аҳәоит хҩык амцҳәаҩцәа рҭоурых, Памела Кронки захьӡу аҭакәажә данԥслак ашьҭахь илымоу амазаразы аԥгаԥса дара иртәыртәырц рҭахуп. Аха афырхаҵа хада лгәы рызԥжәаӡом ацәгьахәыццәа, лара урҭ зегь раналыжьуеит, агәра длыргоит аԥсҭазаараҿы аԥара раԥхьа ишыргылатәым.

15
  • © Sputnik / Томас Тхайцук

    Аспектакль "Акыр иаԥсоу Памела" аԥхьарбара мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы.

  • © Sputnik / Томас Тхайцук

    Ақәыргыламҭа аус адулара цон ԥхынҷкәынмза аахыижьҭеи.

  • © Sputnik / Томас Тхайцук

    Уи шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари".

  • © Sputnik / Томас Тхайцук

    Аспектакль аҿы ихәмаруеит Аԥсуа театр актиорцәа рабиԥарақәа хԥа.

  • © Sputnik / Томас Тхайцук

    Памела лроль налыгӡоит Аԥсны Жәлар рартистка Виолетта Маан.

  • © Sputnik / Томас Тхайцук

    Ацәгьахәыццәа руаӡәк ироль наигӡоит актиор Адгәыр Малиа.

  • © Sputnik / Томас Тхайцук

    Апиеса атеатр арепертуар иаларҵеит ҷыдала Виолетта Маан лзы.

  • © Sputnik / Томас Тхайцук

    Ари апиеса рыӡбахә аҳәоит хҩык амцҳәаҩцәа рҭоурых, дара Памела Кронки захьӡу аҭакәажә данԥслак ашьҭахь илымоу амазаразы аԥгаԥса дара иртәыртәырц рҭахуп.

  • © Sputnik / Томас Тхайцук

    Аха уи лышьразы еснагь ак рԥырхагахоит.

  • © Sputnik

    Лара аҭакәажә лакәзар урҭ зегь раналыжьуеит, агәра длыргоит аԥсҭазаараҿы аԥара раԥхьа ишыргылатәым.

  • © Sputnik / Томас Тхайцук

    Аспектакль "Акыр иаԥсоу Памела" Аԥсуа ҳәынҭқарратә драматә театр аҿы иддырбоит рашәара 16, 19:00 сааҭ рзы.

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау