Зашҭа џьанаҭ иеиԥшу: Ельмира Ҭаркьылԥҳа аҵиаақәа нап шрыдылкыло

26
(ирҿыцуп 20:49 24.06.2021)
Ҩажәижәаба шықәса инареиҳаны иҵуеит Гагра араион Бзыԥҭа ақыҭан Ельмира Ҭаркьылԥҳа аландшафттә дизаин лнапы алакуижьҭеи, лара илааӡоит хкы рацәала аҵлақәеи ашәҭқәеи.

Ҩыџьа аԥҳацәеи ԥаки ран, быжьҩык амаҭацәа ранду Ельмира Ҭаркьылԥҳа Бзыԥҭа ақыҭан лашҭа-лгәара ус баша-маша ицқьаны мацара акәым дшазнеиуа, ара иҭагылоу аҵиаақәа ҷыдала ихырффаны, еиуеиԥшым аформақәа рыҭаны аландшафттә дизаин ԥшӡа аԥылҵоит.

Ара иуԥылоит 50 хкы инареиҳаны аҵлақәеи ашәҭқәеи, урҭ рахьтә 30 инаркны 50 шықәсанӡа зхыҵуагьы ыҟоуп. Зегь реиҳа лгәы азыбылуеит кавказтәи ашыц, уи акыр шықәса раԥхьа лара Аӡиа иаҵәа азааигәара илыԥшааит. Усҟан иара ахаҳә ахьлеиз иахҟьаны иҟәаҟәан иахькажьыз лбан, ирыцҳашьаны, адацқәа аҩныҟа иааганы еиҭалҳаит, нап адкыланы илааӡеит. 

Убри ашьҭахь лара ашыцҵлақәа акымкәа-ҩбамкәа еиҭалҳаит, ус иагьыҟалеит, Аԥсны ашыц еиҳарак ықәызхыз аԥарԥалыкь мцаԥшь Ельмира лашҭаҿы игылаз ашыц ԥырхага азамҭеит лара иҟалҵоз ахәышәтәрақәа ирыбзоураны. Рқыҭаҿы лара лҿы мацароуп ашыц ахьеиқәхаз.

Ара иҭагылоу агәырбӷьыҵлақәа рформа уамашәа иубартә иҟоуп. Шьоукы аԥшькәакь аформа рымоуп, даҽа шьоукых гьежьуп, егьырҭ еихагьежьуа ихырффоуп, иара убас абалеринацәа рыҵкқәа ршәушәагьы ҽаџьара игылоуп. Ельмира есышьыжь асааҭ хәба рзы дгыланы урҭ еилылхуеит, имыцхәу амахәқәа рхырффара далагоит. Абарҭ рҩызцәа ашедеврқәа раԥҵаразы шықәсыкгьы азхом.

Абри аҩыза ашҭа, абаҳча рааӡараҿы Ельмира длыцхраауеит лыԥшәма Роман Шармаҭаа, иара убас лҭаца Кристина, хәышықәса зхыҵуа лмаҭа еиҳабы Амина. 

26
  • © Sputnik / Томас Тхайцук

    Гагра араион Бзыԥҭа ақыҭан Шармаҭаа рашҭа-ргәара шәҭылеи хкы рацәала иаҵәаралеи иҩычоуп.

  • © Sputnik / Томас Тхайцук

    Урҭ рыҩны дарбанзаалак илаԥш адымхалакәа дзавсуам, убас иԥшӡоуп, нап адкылоуп акәша-мыкәша иҟоу аԥсабара.

  • © Sputnik / Томас Тхайцук

    Ара иҭагылоу агәырбӷьыҵлақәа рформа уамашәа иубартә иҟоуп. Шьоукы аԥшькәакь аформа рымоуп, даҽа шьоукых гьежьуп, егьырҭ еихагьежьуа ихырффоуп, иара убас абалеринацәа рыҵкқәа ршәушәагьы ҽаџьара игылоуп.

  • © Sputnik / Томас Тхайцук

    Абри аҩыза аԥшӡара аԥылҵоит анаплакҩы Ельмира Ҭаркьылԥҳа, лара аландшафттә дизаин бзиа илбоит.

  • © Sputnik / Томас Тхайцук

    Ельмира ашыц лааӡоит. Лара илылшеит шықәсқәак раԥхьа Шәачантәи Аԥсны иқәнагалаз, ашыц аиҳарак ықәызхыз аԥарԥалыкь мцаԥшь лашҭаҿы изызҳауа ари аҵиаа ацәыхьчара.

  • © Sputnik / Томас Тхайцук

    Ельмира Ҭаркьылԥҳаи Роман Шармаҭааи рмаҭацәа Аминеи Мариеи бзиа ирбоит ашыц чықьқәа ирыбжьагылоу атәарҭа ақәтәара.

  • © Sputnik / Томас Тхайцук

    Шармаҭаа рашҭеи рбаҳчаҿи ирызҳауеит 50 хкы инарзынаԥшуа ашәҭқәеи аҵлақәеи.

  • © Sputnik / Томас Тхайцук

    Ари ашҭаҿы аҭыԥ хада ааннакылоит аслантә пальма ду, уи 50 шықәса раԥхьа ара еиҭалҳахьан Ельмира ланхәа.

  • © Sputnik / Томас Тхайцук

    Аҭаацәа реиҳабы Роман Шармаҭаа аҵлақәа абылтәхәархьла ихирффоит.

  • © Sputnik / Томас Тхайцук

    Шармаҭаа рыԥсы ахьыршьои рысасцәагьы атәара бзиа ахьырбои аҭыԥқәа руак.

  • © Sputnik / Томас Тхайцук

    Аландшафттә дизаин ахь Ельмира Ҭаркьылԥҳа абзиабара лызцәырҵит 35 шықәса раԥхьа лҩызцәа ҳамҭас илырҭаз ашәҟәы "Британиа Ду абаҳчақәа" данаԥхьа ашьҭахь.

  • © Sputnik / Томас Тхайцук

    Ельмира илҭахуп лара иаԥылҵаз абаҳчақәа акыр шықәса ишәҭларц, икакаҷларц, лара лмаҭа-шьмаҭацәагьы урҭ ирхылаԥшларц.

Аԥсуа инхашьа-инҵышьа: иблахкыгоу аетнографиатә парк

33
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

33
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи

Мрада икаԥхо, мзада икаҷҷо: Аҟәа аҳҭнықалақь аушьҭымҭацәа рыхәылԥазқәа раан

111
(ирҿыцуп 22:52 18.07.2021)
Аушьҭымҭацәа рзеиԥшқалақьтә хәылԥазқәа ахьаԥырхыз азы Аԥсны аҳҭнықалақь ашколқәа урҭ хаз-хазы имҩаԥыргеит.

2021 шықәсазы аԥснытәи ашколқәа 153 ирылгеит 1975-ҩык аушьҭымҭацәа, урҭ рахьтә ааҩык хьтәы медалла ицоит, аӡәы - раӡныла. 

Ари аҵарышықәс аҵаҩцәа рзы имариамызт. Алагарҭатә школқәа мызқәак иаанкылаз рҵара еиҭахацыркын жәабран 15 рзы, аиҳабыратә классқәа мчыбжьык ашьҭахь иҭыҵит.

Убри азы 2021-тәи аҵарашықәс рашәарамза 25 рҟынӡа инахеит. Аушьҭратә ԥышәарақәа ԥхынгәы 1 азы инҵәеит.

Рашәарамза алагамҭазы Аԥсны аҵара аминистр Инал Габлиа ақәҵара ҟаиҵеит ақалақьтә хәылԥазқәа раԥыхразы, убри аан алшара риҭеит ашколқәа рашҭақәа рҿы, асабрадақәа рҿаҵаны, асоциалтә дистанциа азгәаҭаны имҩаԥыргарц.

Аԥсуа школқәа роушьҭымҭацәа ари аҩыза алшара раҩрмыжьит. Дара зегьы мышкы-мышкы алхны рыхәылԥазқәа мҩаԥыргеит.

111
  • © Sputnik / Томас Тхайцук

    2021 шықәсазы аԥснытәи ашколқәа ирылгеит 1975-ҩык аушьҭымҭацәа.

  • © Sputnik / Томас Тхайцук

    Зынӡа Аԥсны иҟоуп 153 зеиԥшҵараиуратә школ.

  • © Sputnik / Томас Тхайцук

    Акоронавирус апандемиа иахҟьаны азеиԥшқалақьтә хәылԥазқәа рымҩаԥгара мап ацәкын, аха школцыԥхьаӡа мшык-мшык алхны аушьҭымҭацәа рныҳәақәа мҩаԥыргеит.

  • © Sputnik / Томас Тхайцук

    Аҟәатәи ашколқәа роушьҭымҭацәа аҳҭынақалақь аԥшаҳәаҿы амаҭәа лыԥшаахқәа рышәҵаны инеиааиуан.

  • © Sputnik / Томас Тхайцук

    Дарбанзаалак аушьҭымҭа ҽаӡәы диеиԥшымкәа ишәыз-ихаз ҷыдала иалиԥшааит.

  • © Sputnik / Томас Тхайцук

    Аҭыԥҳацәа Аԥсуа драматә театр аҿаԥхьа рызхара рфотосахьақәа ҭырхит.

  • © Sputnik / Томас Тхайцук

    2021 шықәсазы ааҩык хьтәы медалла иалгоит, аӡәы - раӡныла. 

  • © Sputnik / Томас Тхайцук

    Афотосахьа бзиақәа ҭырхразы аушьҭымҭацәа аԥшаҳәаҿы еиҿкааз аҭыԥ ԥшӡарақәа зегьы еимырдеит.

  • © Sputnik / Томас Тхайцук

    Аҭыԥҳацәа аӡә лаҵкыс аӡә деиӷьын.

  • © Sputnik / Томас Тхайцук

    Арԥарцәа ракәзар, урҭ ирыҵахомызт.

  • © Sputnik / Томас Тхайцук

    Арҭ аҷкәынцәа еицырдыруа аҳәаанырцәтә телесериал "Острые козырьки" афырхацәа ираԥыргоит уҳәап.

  • © Sputnik / Томас Тхайцук

    Аушьҭымҭацәа рыхәылԥаз аԥшӡара аконкурс излеиԥшым акгьы ыҟам.

  • © Sputnik / Томас Тхайцук

    Абас ауп аушьҭымҭацәа рхы-рҿы рхаччо аԥсҭазаара ду ахь ршьаҿа шеихырго.

  • © Sputnik / Томас Тхайцук

    Аҭыԥҳацәа рыҵкқәа збаз ихамшҭыртә, ҽаӡәы лтәы иаламҩашьо аҟаҵара рылшеит.

  • © Sputnik / Томас Тхайцук

    Аҵкы шкәакәа абжьааԥнеиԥш сынтәагьы азҿлымҳара ду амоуп аҿар рыбжьара.

  • © Sputnik / Томас Тхайцук

    Иацы ихәыҷқәоуп ҳәа изхәаԥшуаз ашколхәыҷқәа иахьа адунаӡацәа ирҩызаха иаақәгылт.

  • © Sputnik / Томас Тхайцук

    Шьоукы-шьоук аҭыԥҳацәа аԥарԥалыкьқәа иреиԥшын.

  • © Sputnik / Томас Тхайцук

    Ашкәакәа еиԥш, аиқәаҵәа ԥштәгьы бзиа избо аҿар рацәаҩуп.

  • © Sputnik / Томас Тхайцук

    Аушьҭымҭацәа рыхәылԥаз аан арԥарацәа изышьцылахьоу рышколтә форма рыԥсахит акостиумқәа рыла, иаразнак еиқәтәеиқәгылагьы иааҟалеит.

  • © Sputnik / Томас Тхайцук

    Аҟәа аԥшаҳәа ариабжьарак еиҳагьы иԥшӡахеит, аҿар рыԥшра-рсахьа, зегь рыла убла хыркуан.

  • © Sputnik / Томас Тхайцук

    Аушьҭымҭацәа рышәҵатәы заа иазхәыцхьан, иршәырҵашаз рыӡбахьан.

  • © Sputnik / Леон Адлейба

    Ахәылԥаз ахь ирыцны иааит рҭаацәагьы.

  • © Sputnik / Леон Адлейба

    Абжьааԥны аспорт маҭәа еиҳа згәы иаҭахыз аҿар иахьа аклассика иазхьаԥшит, уи оумакала ирнаалеит.

  • © Sputnik / Леон Адлейба

    Школқәак роушьҭымҭацәа рыхьӡқәа зну аҭыӡқәа аԥшаҳәаҿы ишьақәдыргылеит.

  • © Sputnik / Леон Адлейба

    Ашкол ааныжьны ацара - иагьгәырӷьароуп, иагьлахьеиқәҵароуп.

  • © Sputnik / Леон Адлейба

    Иагьа ус иҟазаргьы, арҭ ақәыԥшцәа рыԥсҭазаараҿы акрызҵазкуа даҽа шьаҿак ҟарҵеит. Мҩамш иқәлааит!

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

5
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

5