Аҵыхәтәантәи аҵәҵәабжьы, игьежьуа анаԥшы-ааԥшырҭа: ииасыз амчыбжь афотоқәа

38
(ирҿыцуп 20:20 27.06.2021)
Sputnik Аԥсны ишәзеизнагеит иҳаҩсыз амчыбжь азы ҳтәылаҿы мацара акәымкәа адунеи аҿгьы еиҳа иалнакааз ахҭысқәа рфотосахьақәа.

Иҳаҩсыз амчыбжь азы Аԥсны ашколқәа рҿы игеит аҵыхәтәантәи аҵәҵәабжьы, Гагра иаадыртит аҭыԥантәи ауааԥсыреи асасцәеи зҭааша аԥсшьарҭа ҭыԥ ҿыц - игьежьуа анаԥшы-ааԥшырҭа, РУСДРАМ аҿы афестиваль "Ауаҩы игыларҭа" аҳәаақәа ирҭагӡаны арежиссиортә лабораториа ицәырнагеит Искандер иҩымҭақәа ирылхыз аспектакльқәа, Ашьапылампыл азы Европа ачемпионат Евро-2020 ахәмаррақәа ирыцнаҵеит, уҳәа егьырҭ ахҭысқәа.

38
  • © AP Photo / Matias Delacroix

    Астудиа ARA Yoga Caracas ахыб аҿы аентузиастцәа аиогазы рҿазыҟарҵоит. Каракас, Венесуела.

  • © Sputnik / Томас Тхайцук

    Аҟәатәи ашколқәа рҿы игеит аҵыхәтәантәи аҵәҵәабжьы.

  • © Sputnik / Томас Тхайцук

    Сынтәа ари амш мызкы иахыганы имҩаԥыргеит, рашәара 25 рзы, атәылаҿы иалагалаз акоронавирустә ԥкрақәа ирыхҟьаны аҵарашықәс ахьыркьаҿыз инамаданы.

  • © AP Photo / Andrew Medichini

    Папа Франциск Абызкаҭаҳауаҩ аԥсшәа иеиҳәоит Сан-Дамасо ашҭаҿы. Ватикан.

  • © Sputnik / Alexander Galperin

    Санкт-Петербург имҩаԥыргеит итрадициатәу аушьҭымҭацәа рыхәылԥаз "Аԥра ҟаԥшьқәа".

  • © REUTERS / Pool / Facundo Arrizabalaga

    Англиа еизгоу акоманда ашьапылампыласыҩ Фил Фоден шотландиатәи ахәмарҩы Ендриу Робертсон имаҭәа дахоит Англиеи Шотландиеи рыбжьара Евро-2020 агәыԥ D аҿы реицыхәмарран.

  • © Sputnik / Томас Тхайцук

    Амиран Адлеиба иҟаиҵаз Аԥсҳа Леон искульптура.

  • © AFP 2019 / Delil Souleiman

    Америкатәи асолдаҭ Румаилана арратә хылаԥшрақәа рымҩаԥгараан аҭыԥантәи аԥҳәыси лхәыҷи дрывагылоуп.

  • © REUTERS / Ognen Teofilovski

    Аҩадатәи Македониа Куманово ақалақь иацәыхарамкәа Кокино амегалитикатә обсерваториаҿы амши аҵхи реиҟарара амш иеигәырӷьо ахаҵа.

  • © Sputnik / Томас Тхайцук

    Башкириатәи аопереи абалети ртеатр артистцәа Аҟәа инарыгӡеит амузыкатә лакә "Иԥыруа аӷба".

  • © Sputnik / Акоп Кущян

    Гагра иаадыртит игьежьуа анаԥшы-ааԥшырҭа.

  • © REUTERS / Antonio Bronic

    Хорватиа, аӡиа Перука аҿы академиатә ажәҩаҵшьразы аҽазыҟаҵарақәа мҩаԥысуеит.

  • © AP Photo / Juan Karita

    Боливиа, ажәытә қалақь Тиунако аҿы ашьагәыҭтә милаҭ аимара аиҳабацәа ашықәсҿыцазтәи аныҳәара мҩаԥыргоит.

  • © Sputnik / Томас Тхайцук

    Арежиссиортә лабораториа "Сандро" РУСДРАМ аҿы иқәнаргылеит аспектакль "Харлампои Деспинеи".

  • © AFP 2019 / Marco Longari

    Аиашахаҵаратә қьырсиан Боле Медханиал аҿы анцәа димҵаныҳәоит, Аддис-Абеба, Ефиопиа.

Аԥсуа инхашьа-инҵышьа: иблахкыгоу аетнографиатә парк

33
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

33
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи

Мрада икаԥхо, мзада икаҷҷо: Аҟәа аҳҭнықалақь аушьҭымҭацәа рыхәылԥазқәа раан

111
(ирҿыцуп 22:52 18.07.2021)
Аушьҭымҭацәа рзеиԥшқалақьтә хәылԥазқәа ахьаԥырхыз азы Аԥсны аҳҭнықалақь ашколқәа урҭ хаз-хазы имҩаԥыргеит.

2021 шықәсазы аԥснытәи ашколқәа 153 ирылгеит 1975-ҩык аушьҭымҭацәа, урҭ рахьтә ааҩык хьтәы медалла ицоит, аӡәы - раӡныла. 

Ари аҵарышықәс аҵаҩцәа рзы имариамызт. Алагарҭатә школқәа мызқәак иаанкылаз рҵара еиҭахацыркын жәабран 15 рзы, аиҳабыратә классқәа мчыбжьык ашьҭахь иҭыҵит.

Убри азы 2021-тәи аҵарашықәс рашәарамза 25 рҟынӡа инахеит. Аушьҭратә ԥышәарақәа ԥхынгәы 1 азы инҵәеит.

Рашәарамза алагамҭазы Аԥсны аҵара аминистр Инал Габлиа ақәҵара ҟаиҵеит ақалақьтә хәылԥазқәа раԥыхразы, убри аан алшара риҭеит ашколқәа рашҭақәа рҿы, асабрадақәа рҿаҵаны, асоциалтә дистанциа азгәаҭаны имҩаԥыргарц.

Аԥсуа школқәа роушьҭымҭацәа ари аҩыза алшара раҩрмыжьит. Дара зегьы мышкы-мышкы алхны рыхәылԥазқәа мҩаԥыргеит.

111
  • © Sputnik / Томас Тхайцук

    2021 шықәсазы аԥснытәи ашколқәа ирылгеит 1975-ҩык аушьҭымҭацәа.

  • © Sputnik / Томас Тхайцук

    Зынӡа Аԥсны иҟоуп 153 зеиԥшҵараиуратә школ.

  • © Sputnik / Томас Тхайцук

    Акоронавирус апандемиа иахҟьаны азеиԥшқалақьтә хәылԥазқәа рымҩаԥгара мап ацәкын, аха школцыԥхьаӡа мшык-мшык алхны аушьҭымҭацәа рныҳәақәа мҩаԥыргеит.

  • © Sputnik / Томас Тхайцук

    Аҟәатәи ашколқәа роушьҭымҭацәа аҳҭынақалақь аԥшаҳәаҿы амаҭәа лыԥшаахқәа рышәҵаны инеиааиуан.

  • © Sputnik / Томас Тхайцук

    Дарбанзаалак аушьҭымҭа ҽаӡәы диеиԥшымкәа ишәыз-ихаз ҷыдала иалиԥшааит.

  • © Sputnik / Томас Тхайцук

    Аҭыԥҳацәа Аԥсуа драматә театр аҿаԥхьа рызхара рфотосахьақәа ҭырхит.

  • © Sputnik / Томас Тхайцук

    2021 шықәсазы ааҩык хьтәы медалла иалгоит, аӡәы - раӡныла. 

  • © Sputnik / Томас Тхайцук

    Афотосахьа бзиақәа ҭырхразы аушьҭымҭацәа аԥшаҳәаҿы еиҿкааз аҭыԥ ԥшӡарақәа зегьы еимырдеит.

  • © Sputnik / Томас Тхайцук

    Аҭыԥҳацәа аӡә лаҵкыс аӡә деиӷьын.

  • © Sputnik / Томас Тхайцук

    Арԥарцәа ракәзар, урҭ ирыҵахомызт.

  • © Sputnik / Томас Тхайцук

    Арҭ аҷкәынцәа еицырдыруа аҳәаанырцәтә телесериал "Острые козырьки" афырхацәа ираԥыргоит уҳәап.

  • © Sputnik / Томас Тхайцук

    Аушьҭымҭацәа рыхәылԥаз аԥшӡара аконкурс излеиԥшым акгьы ыҟам.

  • © Sputnik / Томас Тхайцук

    Абас ауп аушьҭымҭацәа рхы-рҿы рхаччо аԥсҭазаара ду ахь ршьаҿа шеихырго.

  • © Sputnik / Томас Тхайцук

    Аҭыԥҳацәа рыҵкқәа збаз ихамшҭыртә, ҽаӡәы лтәы иаламҩашьо аҟаҵара рылшеит.

  • © Sputnik / Томас Тхайцук

    Аҵкы шкәакәа абжьааԥнеиԥш сынтәагьы азҿлымҳара ду амоуп аҿар рыбжьара.

  • © Sputnik / Томас Тхайцук

    Иацы ихәыҷқәоуп ҳәа изхәаԥшуаз ашколхәыҷқәа иахьа адунаӡацәа ирҩызаха иаақәгылт.

  • © Sputnik / Томас Тхайцук

    Шьоукы-шьоук аҭыԥҳацәа аԥарԥалыкьқәа иреиԥшын.

  • © Sputnik / Томас Тхайцук

    Ашкәакәа еиԥш, аиқәаҵәа ԥштәгьы бзиа избо аҿар рацәаҩуп.

  • © Sputnik / Томас Тхайцук

    Аушьҭымҭацәа рыхәылԥаз аан арԥарацәа изышьцылахьоу рышколтә форма рыԥсахит акостиумқәа рыла, иаразнак еиқәтәеиқәгылагьы иааҟалеит.

  • © Sputnik / Томас Тхайцук

    Аҟәа аԥшаҳәа ариабжьарак еиҳагьы иԥшӡахеит, аҿар рыԥшра-рсахьа, зегь рыла убла хыркуан.

  • © Sputnik / Томас Тхайцук

    Аушьҭымҭацәа рышәҵатәы заа иазхәыцхьан, иршәырҵашаз рыӡбахьан.

  • © Sputnik / Леон Адлейба

    Ахәылԥаз ахь ирыцны иааит рҭаацәагьы.

  • © Sputnik / Леон Адлейба

    Абжьааԥны аспорт маҭәа еиҳа згәы иаҭахыз аҿар иахьа аклассика иазхьаԥшит, уи оумакала ирнаалеит.

  • © Sputnik / Леон Адлейба

    Школқәак роушьҭымҭацәа рыхьӡқәа зну аҭыӡқәа аԥшаҳәаҿы ишьақәдыргылеит.

  • © Sputnik / Леон Адлейба

    Ашкол ааныжьны ацара - иагьгәырӷьароуп, иагьлахьеиқәҵароуп.

  • © Sputnik / Леон Адлейба

    Иагьа ус иҟазаргьы, арҭ ақәыԥшцәа рыԥсҭазаараҿы акрызҵазкуа даҽа шьаҿак ҟарҵеит. Мҩамш иқәлааит!

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

0
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

0