Аҟәа аӡы илагылоуп: аҳҭнықалақь аҟны илеиз ақәаршҩы ахҟьаԥҟьақәа

64
(ирҿыцуп 16:35 16.08.2021)
Аҵыхәтәантәи аамҭазы ақәыршҩы иахҟьаны Аԥсны аҳҭнықалақьи араионқәеи рҟны аӡхыҵрақәа ҟалеит, ауаа рыҩнқәа аӡы рыҩналеит, аԥхасҭа роуеит афымцатә цәаҳәақәеи ашьаҟақәеи.

Нанҳәа 15-16 руыха Аҟәа илеиз ақәаршҩы иахҟьаны метраки бжаки рҟынӡа Басла шьҭыҵит. Аӡы рнылт: Ҷанба, Шьеглова, Шотландиатәи, Ашәхәаҵаа, Аконфедератцәа, Ак. Марр, Бегәа амҩақәа, Аминистрцәа реилазаареи Аԥсны ААРи рыкәша-мыкәшеи.

Аԥсны АҶА аусзуҩцәа аӡы зҵалаз аҩнқәа рҟынтәи ауаа ахыргеит.

Аҵыхәтәантәи аамҭа аҩнуҵҟала хынтәуп абри аҩыза аҭагылазаашьа ҟалоижьҭеи.

Ԥхынгәы 27 азы илеиз ақәаршҩы иахҟьаны аӡиасқәа хыҵит, ааигәа-сигәа инхоз рыҩнқәа ирыҵалеит, Аҟәеи Гәылрыԥшь араиони руааԥсыра ӡыда иҟан аӡыҭгагатә станциа ааха ахьаиуз азы.

Ԥхынгәы 4 азы иҟаз аԥшатлакәи ақәаршҩи ареспублика араионқәа ааха ӷәӷәа рнаҭеит.

64
  • © Sputnik / Томас Тхайцук

    Нанҳәа 15-16 руыха ақәаршҩы леит Аҟәа

  • © Sputnik / Томас Тхайцук

    Ахатә ҩнқәа аӡы рыҵалеит

  • © Sputnik / Томас Тхайцук

    Амҩадуқәа аӡи аҳәынҵәеи рнуп

  • © Sputnik / Томас Тхайцук

    Ақәаршҩы иахҟьаны аӡқәа метраки бжаки ишьҭыҵит

  • © Sputnik / Томас Тхайцук

    Ахатә ҩнқәеи, аҩнеихагылақәеи рааигәа-сигәа арыцқьарақәа ирҿуп

  • © Sputnik / Томас Тхайцук

    Адәқьанқәа аӡы рыҩналеит.

  • © Sputnik / Томас Тхайцук

    Турбаза иҟоу аптекақәа руак иаиуз аԥхасҭа амҽхак макьана еилкаам

  • © Sputnik / Томас Тхайцук

    Аҟәа иҟалаз аԥсабаратә рыцҳара ахҟьаԥҟьақәа раԥыхра иара убасгьы иадыԥхьалан Гәдоуҭа, Очамчыра, Агәӡера рҟынтәи аиқәырхаҩцәа

  • © Sputnik / Томас Тхайцук

    Иааидкыланы аиқәырхаратә усбарҭа аусзуҩцәа 40-ҩыки атехника ҷыда 7 аки аус руан

  • © Sputnik / Томас Тхайцук

    Аԥша иканажьит аӡыргаратә ҭыӡқәа

  • © Sputnik / Томас Тхайцук

    Аӡы рнылт: Ҷанба, Шьеглова, Шотландиаа, Ашәхәаҵаа, Аконфедератцәа, Ак. Марр, Беигәа амҩақәа, Аминистрцәа реилазаареи Аԥсны ААРи рраиони

  • © Sputnik / Томас Тхайцук

    Аҵыхәтәантәи аамҭа аҩнуҵҟала хынтәуп абри аҩыза аҭагылазаашьа ҟалоижьҭеи.

Аԥсуа анхашәа-чашәаҿ ихы иаирхәоз амаҭәарқәа Бзыԥтәи аҩхааҿ рхатә ҭыԥ шааныркылаз

42
(ирҿыцуп 10:23 13.09.2021)
Бзыԥ аҩхааҿы иҟоу ақьафурҭа аҩнуҵаҟа еиҿкаауп ахатәы музеи. Арахь иааиуа асасцәа ирзеиҭарҳәоит аԥсуаа ҳҵас-ҳқьабз, ҳанхара-ҳанҵыра уҳәа ҳабзазашьа иадҳәалоу зегьы.

Бзыԥтәи аҩхааҿ иҟоу "Аԥсуа иашҭа" уанынҭалалак, иаразнак улаԥш нарықәшәоит жәытәнатә аахыс хҵас-ҳқьабз шьаҭас измоу, иахьа ажәытәра иагарц згәы иҭоу, аха уи еиқәырханы , еиҷаҳаны иӡыргоу аԥсуа жәытә нхаратә мыругақәа.

Араҟа иҟоуп: ауардын, акалаҭ хәыҷқәа, амҵышә хәыҷқәа, ачана,  иахьа ахархәара змам аеҳәа, акәапеи, ажәытә уанҭа, абҩатә чуанқәа. Иара убас аԥсуа инхара инҵыра зегь ахьаарԥшу амакьет. Араҟа игылоуп акәаскьа инаркны акәтҵара аҟынӡа анхаҩы имаз ахыбрақәа зегьы.

Арахь иааиуа хыԥхьаӡара рацәала асасцәа ирзеиҭарҳәоит, иарбан маҭәарзаалак иамоу аҵакы атәы, уи рхы ишадырхәоз ҳабацәа, ҳабдуцәа.

"Аныҟәарақәа мҩаԥызгоишьҭеи, сара дсықәымшәацт азҿлымҳара аазмырԥшыз аӡәы. Даара интересс икны иазыӡырҩуеит иазҵаауеит амаҭәарқәа закәу, излыху, шаҟа шықәса рхыҵуа", - ҳәа иҳәоит аԥшәма Мурман Ԥкьын.

42
  • © Sputnik / Томас Тхайцук

    "Аԥсуа иашҭа" злаҩычоу аҵиаа иаҵәа иагәыларсоуп аԥсуаа ажәытә рыбзазара-нхаратә мыругақәа.

  • © Sputnik / Томас Тхайцук

    Ҭаацәарак ныҟәызгаз ауардын. Ауардын - аԥсуа инхара-чашәараҿ даара ицхыраагӡа дуун. Макьанагь иҟоуп зхы иазырхәо анхацәа.

  • © Sputnik / Томас Тхайцук

    Иахьа уарла-шәарла иуԥыло аеҳәа. Аҵла агәы ҭыцәааны иҟарҵон, ажь анырҭаалак аеҳәа иҭажьны иалагыланы ирхәахәон.

  • © Sputnik / Томас Тхайцук

    Ажәытә уанҭа. Аԥырӷ кәиц ҭаԥсаны идыршуан, нас амаҭәа алыруанҭон.

  • © Sputnik / Томас Тхайцук

    Асасцәа даара иџьашьаны иахәаԥшуеит ирбо ираҳауа.

  • © Sputnik / Томас Тхайцук

    Аԥсуа ажәытә инхара - икәаскьа, иԥацха. Аԥацха - иахьагьы аҭаацәа реизарҭа, рыкрыфарҭа, еснагь алҩаҵә ахьҩеиуа.

  • © Sputnik / Томас Тхайцук

    Араҟа аԥшәымара аанызкылаз аблаҭых, даҽакалагь арҵушҳам ҳәа изышьҭоу.

  • © Sputnik / Томас Тхайцук

    "Аԥсуа иашҭаҿ" ицәыргоу ҳабзазара аазырԥшуа амаҭәарқәа ируаку ауардын.

  • © Sputnik / Томас Тхайцук

    Аӡызлагара - ҳабдуцәа уи ала ирлагоз аџьықәреи иалҵуа ашыла агьама иаҳа ихаауп ҳәа ирыԥхьӡоит.

  • © Sputnik / Томас Тхайцук

    Акәтҵара - аԥсуа иашҭа еснагь аҩнытә ԥсаатәла иҭәын: акәты, ашәишәи, акәата. Асас данааилак иаразнак акы изыршьуан.

  • © Sputnik / Томас Тхайцук

    Асасцәа ҳабзазара дырдырра. Аԥшәма Мурман Ԥкьын асасцәа ирзеиҭаиҳәоит аԥсуа инхашьа - инҵышьа.

Ахьтәы еихсарҭала: адунеи аҟны зегь раасҭа иԥшӡоу аханқәа жәаба

50
(ирҿыцуп 18:16 05.09.2021)
Аҩнқәа ахьтәы еихсарҭала иргылоу иршанхагоуп, ауаҩы урҭ данрыхәаԥшуа ираҳаҭу ацәаныррақәа изаанартуеит, даҽа дунеик ахь днанагоит.

Аматематикцәа  ахьтәы еихсарҭа ишьахәу еинаалароуп, еизышәароуп ҳәа азгәарҭуеит. Шәахәаԥш ахьтәы еихсарҭала адунеи аҟны зегь раасҭа иԥшӡоу аханқәа жәаба рфотосахьақәа.

  • Зҭоурых ҵаулоу, ауаа рацәа зҭаауа  Сҭампылтәи ахан Топкапы
  • Маисуртәи ахан мамзаргьы Амба Вилас, Индиа.
  • Адунеи аҟны зегь раасҭа идуу зегьы еицырдыру ахан Анеира ахьыҟамло ақалақь, Китаи.
  • Ахан Шенбрунн, Вена.
  • Ноишванштаинтәи ахан, Германиа.
  • Аимператорцәа рхан, Токио.
  • Франциа иҟоу Шамбор ахан.
  • Апапацәа ртәараҭа ахьыҟаз ахан Авиньон, Франциа.
  • Кенсингтонтәи ахан , Лондон.
  • Ахыбра Пхра Тинанг Чакри Маха Прасат, Бангкок.
50
  • © Depositphotos / Radu Bercan

    Зҭоурых ҵаулоу, ауаа рацәа зҭаауа Сҭампылтәи ахан Топкапы.

  • Маисуртәи ахан мамзаргьы Амба Вилас, Индиа.

  • Адунеи аҟны зегь раасҭа идуу зегьы еицырдыруа ахан Анеира ахьыҟамло ақалақь, Китаи.

  • © Sputnik / Philipp Brem

    Ахан Шенбрунн, Вена.

  • © Foto / Pixabay

    Ноишванштаинтәи ахан, Германиа.

  • © Sputnik / Vladimir Pesnya

    Аимператорцәа рхан, Токио.

  • Франциа иҟоу Шамбор ахан.

  • Апапацәа ртәарҭа ахьыҟаз ахан Авиньон, Франциа.

  • Кенсингтонтәи ахан , Лондон.

  • Ахыбра Пхра Тинанг Чакри Маха Прасат, Бангкок.

Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13