Акоронавирус злоу рыхәшәтәразы: Аԥсныҟа иааз Урыстәылатәи арратә госпиталь

76
(ирҿыцуп 20:21 18.08.2021)
Урыстәылатәи Афедерациа Атәылахьчара аминистрра иатәу амобилтә госпиталь 800 километра иахысны Аԥсныҟа иааит Ставропольтәи атәылаҿацә аҟынтәи акоронавирустә инфекциа злоу ачымазцәа рыхәшәтәраҟны ацхырааразы.

Аҟәа агоспиталь дыргылеит нанҳәа 18 рзы, асааҭ 18:00 раахыс актәи ачымазцәа аднакылартә иҟан. Иара Аԥсны иҟазаауеит аепидҭагылазаашьа шьақәтәаанӡа.

Агоспиталь ҳаамҭа иақәшәо амаругақәеи ахархәагақәеи рыла еибыҭоуп. Иҟоуп иахәҭоу ахәшәқәа. Адәаҿы еиҿкаахоит адкыларҭатә ҭыԥ, алабораториа, УЗИ акабинеҭ, арентген-кабинеҭ.

Амобилтә госпиталь иԥсабаратәымкәа арыԥҳақәа аҳауарҭарсгақәа 11, апациентцәа интенсивла рхылаԥшра алзыршо амониторқәа, ашьа анализаторқәа амоуп.

Зынӡа иара 100 иара-ҭыԥк амоуп, аха ԥсыхәа амамкәа иҟалозар, даҽа 50 ҭыԥ ацҵахар алшоит. 100 ҭыԥк рҟынтәи 46 ҭыԥ аҵәыҵәри ала еиқәыршәоуп.

Урыстәыла Атәылахьчара аминистрра Аԥсныҟа иаанашьҭыз хырхарҭарацәалатәи амобилтә госпиталь аилазаараҟны иҟоуп шәҩык рҟынӡа амедусзуҩцәеи 30 ак арратә техникеи. Агоспиталь аусзуҩцәа апансионат иацәыхарамкәа Аҳәынҭқарратә дачаҿ иԥхьалоит.

Макьана еилкаам апациентцәа агоспиталь ахь ишынарышьҭло. 

Агоспиталь ареспубликахь ҩынтәуп иаауеижьҭеи. Уаанӡа, 2020 шықәса жьҭаара 20 инаркны 2021 шықәса хәажәкырамзанӡа Урыстәыла Атәылахьчара аминистрра арратә мобилтә госпиталь Аԥсны ахәшәтәреи аконсультациақәеи ирыхнажьит 3,7 нызқьҩык ауааԥсыра. Агоспиталь алабораториақәа рҿы 18 нызқь ҭҵаара мҩаԥган.

76
  • © Sputnik / Леон Адлейба

    Урыстәыла Атәылахьчара аминистрра иатәу амобилтә госпиталь нанҳәа 17 рзы аҩынтә раан Аԥсныҟа иааит

  • © Sputnik / Марианна Кубрава

    Ҵыԥх еиԥш, сынтәагьы иара асасааирҭа "Аиҭар" аҵакыраҿы ишьақәдыргылеит.

  • © Sputnik / Марианна Кубрава

    Агоспиталь аилазаараҟны иҟоуп шәҩык рҟынӡа амедусзуҩцәеи 30 ак арратә техникеи.

  • © Sputnik / Томас Тхайцук

    Нанҳәа 18 ашамҭаз аруаа агоспиталь ашьақәыргылара иалагеит.

  • © Sputnik / Марианна Кубрава

    Иҭарчу амшьамбақәа рҿы адкыларҭа, УЗИ акабинеҭ, арентген ыҟоуп.

  • © Sputnik / Марианна Кубрава

    Уи адагьы, агоспиталь иԥсабаратәымкәа арыԥҳақәа аҳауарҭарсгақәа азықәгылоуп.

  • © Sputnik / Марианна Кубрава

    "Аиҭар" аҿы урыстәылатәи аруаа ирԥылеит аҳ икәтқәа - ататашьқәа.

  • © Sputnik / Марианна Кубрава

    Раԥхьатәи апациентцәа ара ирыдыркылоит нанҳәа 18 ахәылбыҽха инаркны.

  • © Sputnik / Марианна Кубрава

    Ари афото аҿы иубоит адкыларҭа ауада шеиҿкаау.

  • © Sputnik / Марианна Кубрава

    Арратә госпиталь аусзуҩцәа азона ҟаԥшьқәа рҿы аус рухьеит, ауаа рыԥсҭазаарақәа акыр еиқәдырхахьеит.

  • © Sputnik / Марианна Кубрава

    Агоспиталь аиҳабы Абдулмежид Магомедов иажәақәа рыла, аруаа иахәҭоу ахәшәқәа рыла еиқәыршәоуп.

  • © Sputnik / Марианна Кубрава

    Апалатақәа рыхәҭак аҵәыҵәри неиртә еиқәыршәоуп.

  • © Sputnik / Марианна Кубрава

    Астационартә хәшәтәра зҭаху ачымазцәа ахԥатәи акорпус аҿы ишьҭарҵалоит.

  • © Sputnik / Марианна Кубрава

    Агоспиталь Аԥсны иҟазаауеит атәылаҿы аепидҭагылазаашьа еиӷьхаанӡа.

Рнапала игәырӷьоит: ажьицәа-абџьарҟаҵаҩцәа мгәыӡырхәатәи рфестиваль "Аихамца"

1 / 2
11
(ирҿыцуп 17:52 25.09.2021)
Цәыббра 24 рзы Мгәыӡырхәа ақыҭан аетнопарк "Аԥсны" аҿы иаадыртыз ажьицәа-абџьарҟаҵаҩцәа рфестиваль "Аихамца" иалахәуп Аԥсни Урыстәылеи рҟазацәа.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы. 

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп. 

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.

Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа  ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

11
  • © Sputnik / Томас Тхайцук

    Цәыббра 24 рзы Мгәыӡырхәа ақыҭан аетнопарк "Аԥсны" аҿы иаадыртит ажьицәа-абџьарҟаҵаҩцәа рфестиваль "Аихамца".

  • © Sputnik / Томас Тхайцук

    Уи иалахәуп Аԥсни Урыстәылеи рҟазацәа.

  • © Sputnik / Томас Тхайцук

    Афестиваль мҩаԥыслоит цәыббра 24-26 рзы.

  • © Sputnik / Томас Тхайцук

    Хымш рыҩнуҵҟа ажьицәа аиха рҭәаны еиуеиԥшым абџьархкқәа алырхроуп.

  • © Sputnik / Томас Тхайцук

    Зегь реиҳа иқәыԥшу афестиваль алахәыла Шамиль Апба даацытәиуп. Иара 14 шықәса ихыҵуеит.

  • © Sputnik / Томас Тхайцук

    Абџьархкқәа реиҳарак злырхуа Аԥсны ашьхараҿы иҵхны иааргаз аиха маден ауп.

  • © Sputnik / Томас Тхайцук

    Аҟазацәа иара убас дамасктәи аџыр арҭәашьа шырдыруа аадырԥшуеит.

  • © Sputnik / Томас Тхайцук

    Баҭал Џьапуа ҳабацәа ишыҟарҵалоз еиԥш ахәы зқәу ацәала ихҟьаны иҟаиҵаз аԥсуа ҭрадициатә ҭрына.

  • © Sputnik / Томас Тхайцук

    Ажьицәа русураҿы ажьаҳәеи арыҭәеи рыдагьы рхы иадырхәоит арҭәагатә аппарати аихаԥҟагеи.

  • © Sputnik / Томас Тхайцук

    Афестиваль "Аихамца" цәыббра 26 рҟынӡа имҩаԥыслоит.

  • © Sputnik / Томас Тхайцук

    Аҟазацәа аус шыруа иахәаԥшразы иааит аҭыԥантәи ауааԥсыра.

  • © Sputnik / Томас Тхайцук

    Хәаԥ ақыҭан инхо 76 шықәса зхыҵуа афизик-аматематик Ролан Занҭариагьы ажьира аус бзиа ибоит.

  • © Sputnik / Томас Тхайцук

    Аҭааҩцәагьы алшара рыман ажьираҿы рхы ԥыршәар.

  • © Sputnik / Томас Тхайцук

    Ҷыдала афестиваль азы Бырзышьха иҵхны ҩынтә ихаланы илбааргеит 300 килограмм иҟоу аихамаден.

  • © Sputnik / Томас Тхайцук

    Ажьаҳәала иасны аихаҽыҭқәа дырҟьаԥсуеит, анаҩс урҭ еиуеиԥшым абџьархкқәа рылырхуеит.

  • © Sputnik / Томас Тхайцук

    Ари аҩыза ажьицәа-абџьарҟаҵаҩцәа рфестиваль Аԥсны раԥхьаӡа акәны имҩаԥысуеит.

  • © Sputnik / Томас Тхайцук

    Абри аҩыза арыҭәала аџыр цаҳәцаҳә амца иҽҳәыргоит.

  • © Sputnik / Томас Тхайцук

    Афестиваль алахәцәа аӡәырҩы аԥсуа ҳәызбақәа ҟарҵарц рыӡбеит.

Урыстәыла Аҳәынҭқарратә Думахь алхрақәа: Аԥсны рыбжьы шарҭоз

26
(ирҿыцуп 23:33 19.09.2021)
Урыстәыла Аҳәынҭқарратә Думахь адепутатцәа ралхразы абжьыҭара мҩаԥысуеит амҽыша цәыббра 19 рзы.

Аԥсны мандатктәи алхырҭатә округ иадҳәалоу аҭыԥқәа аартын Аҟәа, Гагра, Пицунда, Гәдоуҭа, Бамбора, Очамчыра, Тҟәарчал, Гал.

Аԥсны ахада Аслан Бжьаниа ибжьы аиҭеит Аҟәатәи ахәбатәи абжьаратә школ аҟны иҟоу алхырҭатә ҭыԥ аҿы. Гәдоуҭатәи алхырҭатә ҭыԥ аҟны зегь раԥхьа абжьыҭара днеит Аԥсны аԥыза-министр Александр Анқәаб.

Абжьыҭара рхы аладырхәыр рылшоит Аԥсны инхо, 18 шықәса зхыҵхьоу Урыстәыла атәылауаа, иара убасгьы абжьыҭара амш азы ара аамҭала иҟоу. Абжьыҭаразы иумазароуп аҩнуҵҟатәи ма аҳәаанырцәтәи урыстәылатәи атәылауаҩшәҟәы.

Аԥсны инхо уаанӡа Урыстәыла атәылауаа рзы абжьыҭаратә ҭыԥқәа еиҿыркаахьан 2011, 2016 шықәсқәа рызтәи алхрақәа раан. 2016 шықәсазы абжьыҭара рхы аладырхәит 20 000-ҩык ауааԥсыра, урҭ рҟынтәи 75% апартиа "Иаку Урыстәыла" азы рыбжьы рырҭеит. 2018 шықәсазы ареспубликаҿ имҩаԥысит Урыстәыла ахада иалхразы абжьыҭарақәа. Владимир Путин рыбжьы ирҭеит 94,1% ма 39 427-ҩык.

Аҳәынҭқарратә Дума захьӡу аиҿкаара раԥхьаӡа акәны ицәырҵит 1905 шықәсазы. 1917 шықәсазы февральтәи ареволиуциа ашьҭахь иаԥыхын. Иахьазы Апарламент ҵаҟатәи апалата ҳәа ишьоуп. Афедерациа ахеилаки иареи иреиҳаӡоу закәанԥҵаратә органны иҟоуп.

Иара убас шәаԥхьар ҟалоит:

26
  • © Sputnik / Томас Тхайцук

    Урыстәыла Аҳәынҭқарратә Думахь алхрақәа рзы Аԥсны иахьаҵанакуа абжьыҭаратә ҭыԥқәа жәба рыҟны амҽыша цәыббра 19 ашьыжь асааҭ 8:00 рзы ашәқәа аадыртит

  • © Sputnik / Томас Тхайцук

    Алхырҭатә ҭыԥқәа рахь зыграждантә уалԥшьа анагӡараз инеиуаз ауаа рацәан, агәаран иқәгылан.

  • © Sputnik / Томас Тхайцук

    Аԥсны ахада Аслан Бжьаниа Аҳәынҭқарратә Думахь алхрақәа ихы рылаирхәырц азы Аҟәатәи абжьаратә школ №5 аҟны иҟоу алхырҭатә ҭыԥ ахь днеиит.

  • © Sputnik / Томас Тхайцук

    Алхырҭатә ҭыԥқәа рҟны ачымазараҿкы аҽацәыхьчаразы асанитартә ԥҟарақәа ирықәныҟәон.

  • © Sputnik / Томас Тхайцук

    Абжьыҭара рхы аладырхәыр рылшоит Аԥсны инхо, 18 шықәса зхыҵхьоу Урыстәыла атәылауаа, иара убасгьы абжьыҭара амш азы ара аамҭала иҟоу.

  • © Sputnik / Томас Тхайцук

    Аԥсны мандатктәи алхырҭатә округ иадҳәалоу аҭыԥқәа аартын Аҟәа, Гагра, Пицунда, Гәдоуҭа, Бамбора, Очамчыра, Тҟәарчал, Гал.

  • © Sputnik / Томас Тхайцук

    Абжьыҭаразы иумазароуп аҩнуҵҟатәи ма аҳәаанырцәтәи урыстәылатәи атәылауаҩшәҟәы.

  • © Sputnik / Томас Тхайцук

    Сынтәа Афедералтә сиақәа ирнуп 14 партиа: КПРФ, "Зеленые", ЛДПР, "Новые люди", "Единая Россия", "Справедливая Россия - За Правду", "Яблоко", "Партия Роста, Российская партия свободы и справедливости", "Коммунисты России", "Гражданская платформа", "Зеленая альтернатива", "Родина", "Партия пенсионеров".

  • © Sputnik / Томас Тхайцук

    Аԥсны инхо уаанӡа Урыстәыла атәылауаа рзы абжьыҭаратә ҭыԥқәа еиҿыркаахьан 2011, 2016 шықәсқәа рызтәи алхрақәа раан.

  • © Sputnik / Томас Тхайцук

    Аԥсны инхо Урыстәыла атәылауаа руалԥшьа нарыгӡеит

  • © Sputnik / Томас Тхайцук

    Аҳәынҭқарратә Дума захьӡу аиҿкаара раԥхьаӡа акәны ицәырҵит 1905 шықәсазы.

  • © Sputnik / Томас Тхайцук

    Абжьыҭара инеиуаз аиҳабыратә абиԥара аӡәырҩы рмоҭацәа рыцны инеиуан.

  • © Sputnik / Томас Тхайцук

    Аԥсны ахада Аслан Бжьаниа ибжьы аиҭеит Аҟәатәи ахәбатәи абжьаратә школ аҟны иҟоу алхырҭатә ҭыԥ аҿы.

  • © Sputnik / Марианна Кубрава

    Аԥсны иахьаҵанакуа Урыстәыла Аҳәынҭқарратә Думахь адепутатцәа ралхраз иаартыз алхырҭатә ҭыԥқәа адыркит асааҭ 20:00 амҽыша цәыббра 19 рзы

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау