Аҭоурыхтә ҵакы змоу азхаҵара амш

52
(ирҿыцуп 21:05 26.08.2021)
  • Ликование в Сухуме
  • Ликование в Сухуме
Жәаха- шықәса раԥхьа нанҳәа 26 рзы, Урыстәыла иазханаҵеит Аԥсни Аахыҵ Уаԥстәылеи рхьыԥшымрақәа.

Нанҳәа 26 2008 шықәсазы Урыстәыла ахада Дмитри Медведев, аԥсуеи ауаԥси жәларқәа рхы иақәиҭны иаадырԥшыз ргәаҳәара дазхьаԥшны, ООН Аԥҟаԥҵәеи, жәларбжьаратәи азин апринципқәа рзы 1970 шықәсазтәи адекларациеи, 1975 шықәсазтәи Хельсинкитәи ахыркәшаратә акти егьырҭ ишьаҭанкылатәу жәларбжьаратәи ашәҟәқәеи шьаҭас иҟаҵаны инапы аҵаиҩит Урыстәылатәи Афедерациа Аахыҵ Уаԥстәылеи Аԥсни рхьыԥшымра шазханаҵо азы ақәҵарақәа

Абас ала инаӡеит ҳажәлар акыр шықәса иззыԥшыз ргәазыҳәара. Ари аҽны зқьҩыла ауааԥсыра амҩадуқәа рахь ицәырҵит згәырӷьара ҳәаак амамыз, уи арҵабыргуан рышәаҳәареи рыкәашареи. Аҟәа ахақәиҭра ашҭаҿы Аԥсны анапхгара ҳтәыла иқәынхо зегьы ирыдырныҳәалеит Аԥсны ахьыԥшымра азхаҵара.

52
  • © AFP 2019 / STR

    Нанҳәамза 26 Аҟәа ахақәиҭра ашҭаҿы, Урыстәыла Аԥсны ахьыԥшымра азхаҵара анрыланаҳәа ашьҭахь.

  • © Sputnik / Владимир Попов

    Аҟәа ахақәиҭра ашҭаҿы хыԥхьаӡара рацәала ақалқь ауааԥсыра еизеит.

  • Ликование в Сухуме
    © Sputnik / Владимир Попов

    Аԥсны жәлар ахьыԥшымра азхаҵара рыдеиныҳәаларц ахақәиҭра ашҭахь дааит Аԥсны ахада Сергеи Багаԥшь.

  • Ликование в Сухуме
    © Sputnik / Владимир Попов

    Аҟәа иаланхо ауааԥсыра ргәырӷьара ҳәаак амамызт.

  • © Foto / Наала Авидзба

    Ахақәиҭра ашҭаҿы хәыҷи - дуи зегьы кәашон.

  • © Sputnik / Владимир Попов

    Ахьыԥшымра азхаҵара шықәсы рацәа иазықәԥон аԥсуа жәлар.

  • © AFP 2019 / IBRAGIM CHKADUA

    Аԥсуа жәлар рхьыԥшымра рыларҳәахьан 1993 шықәсазы аџьынџьтәылатә еибашьраҿы аиааира анырга ашьҭахь.

  • © Foto / Ибрагим Чкадуа

    Нанҳәа 26 2008 шықәсазы инаӡеит ҳажәлар акыр шықәса иззыԥшыз ргәазыҳәара.

  • © AFP 2019 / VIKTOR DRACHEV

    Иара убас ари амш аҽны ахьыԥшымра азхаҵара Аахыҵ Уаԥстәылагьы иазгәарҭон.

  • © Foto / Наала Авидзба

    Згәырӷьара ҳәаак амамыз зықьҩыла ақалақь ауааԥсыра амҩадуқәа рахь ицәырҵит шәаҳәарыла кәашарыла.

  • © AFP 2019 / DMITRY ASTAKHOV

    Сергеи Багаԥшь, Дмитри Медведев, Едуард Кокоиты, Кремль Аԥсни Аахыҵ Уаԥстәылеи ахьԥшымра азхаҵара анроуз амш аҽны.

Рнапала игәырӷьоит: ажьицәа-абџьарҟаҵаҩцәа мгәыӡырхәатәи рфестиваль "Аихамца"

1 / 2
11
(ирҿыцуп 17:52 25.09.2021)
Цәыббра 24 рзы Мгәыӡырхәа ақыҭан аетнопарк "Аԥсны" аҿы иаадыртыз ажьицәа-абџьарҟаҵаҩцәа рфестиваль "Аихамца" иалахәуп Аԥсни Урыстәылеи рҟазацәа.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы. 

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп. 

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.

Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа  ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

11
  • © Sputnik / Томас Тхайцук

    Цәыббра 24 рзы Мгәыӡырхәа ақыҭан аетнопарк "Аԥсны" аҿы иаадыртит ажьицәа-абџьарҟаҵаҩцәа рфестиваль "Аихамца".

  • © Sputnik / Томас Тхайцук

    Уи иалахәуп Аԥсни Урыстәылеи рҟазацәа.

  • © Sputnik / Томас Тхайцук

    Афестиваль мҩаԥыслоит цәыббра 24-26 рзы.

  • © Sputnik / Томас Тхайцук

    Хымш рыҩнуҵҟа ажьицәа аиха рҭәаны еиуеиԥшым абџьархкқәа алырхроуп.

  • © Sputnik / Томас Тхайцук

    Зегь реиҳа иқәыԥшу афестиваль алахәыла Шамиль Апба даацытәиуп. Иара 14 шықәса ихыҵуеит.

  • © Sputnik / Томас Тхайцук

    Абџьархкқәа реиҳарак злырхуа Аԥсны ашьхараҿы иҵхны иааргаз аиха маден ауп.

  • © Sputnik / Томас Тхайцук

    Аҟазацәа иара убас дамасктәи аџыр арҭәашьа шырдыруа аадырԥшуеит.

  • © Sputnik / Томас Тхайцук

    Баҭал Џьапуа ҳабацәа ишыҟарҵалоз еиԥш ахәы зқәу ацәала ихҟьаны иҟаиҵаз аԥсуа ҭрадициатә ҭрына.

  • © Sputnik / Томас Тхайцук

    Ажьицәа русураҿы ажьаҳәеи арыҭәеи рыдагьы рхы иадырхәоит арҭәагатә аппарати аихаԥҟагеи.

  • © Sputnik / Томас Тхайцук

    Афестиваль "Аихамца" цәыббра 26 рҟынӡа имҩаԥыслоит.

  • © Sputnik / Томас Тхайцук

    Аҟазацәа аус шыруа иахәаԥшразы иааит аҭыԥантәи ауааԥсыра.

  • © Sputnik / Томас Тхайцук

    Хәаԥ ақыҭан инхо 76 шықәса зхыҵуа афизик-аматематик Ролан Занҭариагьы ажьира аус бзиа ибоит.

  • © Sputnik / Томас Тхайцук

    Аҭааҩцәагьы алшара рыман ажьираҿы рхы ԥыршәар.

  • © Sputnik / Томас Тхайцук

    Ҷыдала афестиваль азы Бырзышьха иҵхны ҩынтә ихаланы илбааргеит 300 килограмм иҟоу аихамаден.

  • © Sputnik / Томас Тхайцук

    Ажьаҳәала иасны аихаҽыҭқәа дырҟьаԥсуеит, анаҩс урҭ еиуеиԥшым абџьархкқәа рылырхуеит.

  • © Sputnik / Томас Тхайцук

    Ари аҩыза ажьицәа-абџьарҟаҵаҩцәа рфестиваль Аԥсны раԥхьаӡа акәны имҩаԥысуеит.

  • © Sputnik / Томас Тхайцук

    Абри аҩыза арыҭәала аџыр цаҳәцаҳә амца иҽҳәыргоит.

  • © Sputnik / Томас Тхайцук

    Афестиваль алахәцәа аӡәырҩы аԥсуа ҳәызбақәа ҟарҵарц рыӡбеит.

Урыстәыла Аҳәынҭқарратә Думахь алхрақәа: Аԥсны рыбжьы шарҭоз

26
(ирҿыцуп 23:33 19.09.2021)
Урыстәыла Аҳәынҭқарратә Думахь адепутатцәа ралхразы абжьыҭара мҩаԥысуеит амҽыша цәыббра 19 рзы.

Аԥсны мандатктәи алхырҭатә округ иадҳәалоу аҭыԥқәа аартын Аҟәа, Гагра, Пицунда, Гәдоуҭа, Бамбора, Очамчыра, Тҟәарчал, Гал.

Аԥсны ахада Аслан Бжьаниа ибжьы аиҭеит Аҟәатәи ахәбатәи абжьаратә школ аҟны иҟоу алхырҭатә ҭыԥ аҿы. Гәдоуҭатәи алхырҭатә ҭыԥ аҟны зегь раԥхьа абжьыҭара днеит Аԥсны аԥыза-министр Александр Анқәаб.

Абжьыҭара рхы аладырхәыр рылшоит Аԥсны инхо, 18 шықәса зхыҵхьоу Урыстәыла атәылауаа, иара убасгьы абжьыҭара амш азы ара аамҭала иҟоу. Абжьыҭаразы иумазароуп аҩнуҵҟатәи ма аҳәаанырцәтәи урыстәылатәи атәылауаҩшәҟәы.

Аԥсны инхо уаанӡа Урыстәыла атәылауаа рзы абжьыҭаратә ҭыԥқәа еиҿыркаахьан 2011, 2016 шықәсқәа рызтәи алхрақәа раан. 2016 шықәсазы абжьыҭара рхы аладырхәит 20 000-ҩык ауааԥсыра, урҭ рҟынтәи 75% апартиа "Иаку Урыстәыла" азы рыбжьы рырҭеит. 2018 шықәсазы ареспубликаҿ имҩаԥысит Урыстәыла ахада иалхразы абжьыҭарақәа. Владимир Путин рыбжьы ирҭеит 94,1% ма 39 427-ҩык.

Аҳәынҭқарратә Дума захьӡу аиҿкаара раԥхьаӡа акәны ицәырҵит 1905 шықәсазы. 1917 шықәсазы февральтәи ареволиуциа ашьҭахь иаԥыхын. Иахьазы Апарламент ҵаҟатәи апалата ҳәа ишьоуп. Афедерациа ахеилаки иареи иреиҳаӡоу закәанԥҵаратә органны иҟоуп.

Иара убас шәаԥхьар ҟалоит:

26
  • © Sputnik / Томас Тхайцук

    Урыстәыла Аҳәынҭқарратә Думахь алхрақәа рзы Аԥсны иахьаҵанакуа абжьыҭаратә ҭыԥқәа жәба рыҟны амҽыша цәыббра 19 ашьыжь асааҭ 8:00 рзы ашәқәа аадыртит

  • © Sputnik / Томас Тхайцук

    Алхырҭатә ҭыԥқәа рахь зыграждантә уалԥшьа анагӡараз инеиуаз ауаа рацәан, агәаран иқәгылан.

  • © Sputnik / Томас Тхайцук

    Аԥсны ахада Аслан Бжьаниа Аҳәынҭқарратә Думахь алхрақәа ихы рылаирхәырц азы Аҟәатәи абжьаратә школ №5 аҟны иҟоу алхырҭатә ҭыԥ ахь днеиит.

  • © Sputnik / Томас Тхайцук

    Алхырҭатә ҭыԥқәа рҟны ачымазараҿкы аҽацәыхьчаразы асанитартә ԥҟарақәа ирықәныҟәон.

  • © Sputnik / Томас Тхайцук

    Абжьыҭара рхы аладырхәыр рылшоит Аԥсны инхо, 18 шықәса зхыҵхьоу Урыстәыла атәылауаа, иара убасгьы абжьыҭара амш азы ара аамҭала иҟоу.

  • © Sputnik / Томас Тхайцук

    Аԥсны мандатктәи алхырҭатә округ иадҳәалоу аҭыԥқәа аартын Аҟәа, Гагра, Пицунда, Гәдоуҭа, Бамбора, Очамчыра, Тҟәарчал, Гал.

  • © Sputnik / Томас Тхайцук

    Абжьыҭаразы иумазароуп аҩнуҵҟатәи ма аҳәаанырцәтәи урыстәылатәи атәылауаҩшәҟәы.

  • © Sputnik / Томас Тхайцук

    Сынтәа Афедералтә сиақәа ирнуп 14 партиа: КПРФ, "Зеленые", ЛДПР, "Новые люди", "Единая Россия", "Справедливая Россия - За Правду", "Яблоко", "Партия Роста, Российская партия свободы и справедливости", "Коммунисты России", "Гражданская платформа", "Зеленая альтернатива", "Родина", "Партия пенсионеров".

  • © Sputnik / Томас Тхайцук

    Аԥсны инхо уаанӡа Урыстәыла атәылауаа рзы абжьыҭаратә ҭыԥқәа еиҿыркаахьан 2011, 2016 шықәсқәа рызтәи алхрақәа раан.

  • © Sputnik / Томас Тхайцук

    Аԥсны инхо Урыстәыла атәылауаа руалԥшьа нарыгӡеит

  • © Sputnik / Томас Тхайцук

    Аҳәынҭқарратә Дума захьӡу аиҿкаара раԥхьаӡа акәны ицәырҵит 1905 шықәсазы.

  • © Sputnik / Томас Тхайцук

    Абжьыҭара инеиуаз аиҳабыратә абиԥара аӡәырҩы рмоҭацәа рыцны инеиуан.

  • © Sputnik / Томас Тхайцук

    Аԥсны ахада Аслан Бжьаниа ибжьы аиҭеит Аҟәатәи ахәбатәи абжьаратә школ аҟны иҟоу алхырҭатә ҭыԥ аҿы.

  • © Sputnik / Марианна Кубрава

    Аԥсны иахьаҵанакуа Урыстәыла Аҳәынҭқарратә Думахь адепутатцәа ралхраз иаартыз алхырҭатә ҭыԥқәа адыркит асааҭ 20:00 амҽыша цәыббра 19 рзы

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау