Адәныҟатәи аусқәа рминистрра аҳәамҭа (Архивтә фото)

Адәныҟатәи аусқәа рминистрра аҳәамҭа

5
(ирҿыцуп 11:29 28.05.2015)
Аԥсны Аҳәынҭқарра Адәныҟатәи аусқәа рминистрра иаиуит адырра – Варшава ақалақь аҟны имҩаԥысран иҟоу ауаҩытәыҩса изинқәа рзы ОБСЕ адунеижәларбжьаратә форум аҽалархәразы ицараны иҟаз аԥсуа жәлар рхаҭарнакцәа авизазы мап рцәыркит.

АҞӘА, жьҭ 9 — Спутник Аԥсны. Уаанӡа аԥсуа журналистцәа Чехиа ацаразы азин рымырххьан. Урыстәыла иҟоу Польшатәи Ацҳаражәҳәарҭа Аконсултә ҟәша асеиԥш аӡбра дискриминациатәуп ҳәа азырҳәоит Аԥсны Аҳәынҭқарра Адәныҟатәи аусқәа рминистрраҟны. Иара убри аан авизақәа Қарҭ ироурц рабжьыргеит аԥсуа делегациа алахәылацәа.

Ари аҩыза афакт иаартны иунарбоит Қырҭтәылеи иара адгылаҩцәеи Аԥсны аҭахкаареи иҟоу аинформациа ырԥаршеины адунеи ауаажәларра рызнагареи рҿы рылшарақәа шеибырҭо. Дара ирҭахуп аԥсуа уаажәларреи атәыла анапхгареи Аԥсны ахьыԥшымреи асуверинитети рызҵаарақәа рҟны ргәаанагарақәа еиқәшәом ҳәа адунеи иадырдырырц. Убри азы ирылшо зегь ҟарҵеит ОБСЕ атрибуна аҟынтәи ауаажәларра рхаҭарнакцәа ықәгыланы ргәаанагара рымҳәарц азы.

Арии егьырҭ аҿырԥштәқәеи шаҳаҭра руеит Қырҭтәыла иахьагьы «аиҩызареи аинышәареи» алозунг рԥыракны аибашьра ишаҿу иалшо егьырҭ ахархәагақәа рыла. Аха Аԥсны Қырҭтәыла ООН еиԥш иҟоу атрибунақәа рҟынтәи ирыланаҳәо ажәа ҭлапҟақәа рыгәрагара иаҟәыҵхьеит. Уи иаҭакны Урыстәылеи Аԥсни рыбжьара аиҩызареи аусеицуреи реизырҳара амҩа иқәуп. Иаарласны анапы зҵаҩхо Аиҩызареи, аусеицуреи аицхыраареи рзы Аиқәшаҳаҭра ҿыц урҭ зегь аныԥшраны иҟоуп.

Аԥсны Аҳәынҭқарра Адәныҟатәи аусқәа рминистрра еиҭахгьы Аԥсны атәылауаа рганахьала адискриминациатә усқәа рымҩаԥгара инадҳәаланы азҵаара ықәнаргылараны иҟоуп изаамҭанытәиу Женеватәи аиҿцәажәарақәа раунд амҩаԥысраан. «Ҳара иалҳаршом дарбанызаалак аӡәгьы Аԥсны атәылауаа рзинқәеи рхақәиҭрақәеи ирыӷрагыларц» ҳәа аҳәоит аҳәамҭаҟны.

5

Урыстәыла, Америка, Франциа Ашьха Ҟарабах аҭагылазаашьазы аҳәамҭа еицыҟарҵоит

13
(ирҿыцуп 19:15 01.10.2020)
Цәыббра 27 рзы Ермантәылеи Азербаиџьани рыбжьара аҭагылазаашьа еицәахеит.

АҞӘА, жьҭаара 1 - Sputnik. Урыстәыла ахада Владимир Путин аҳәамҭа ҟаиҵеит Ашәарҭадаратә хеилак аилатәараҿы Ашьха Ҟарабах аҭагылазаашьа азы Урыстәыла, Америка, Франциа рхадацәа аҳәамҭа еицыҟарҵоит ҳәа. Абри азы адырра ҟаиҵеит ахада ипресс-маӡаныҟәгаҩ Дмитри Песков.

Песков иажәақәа рыла, аилацәажәараҿы агәҭынчымра аарԥшын Ашьха Ҟарабах имҩаԥысуа азы.

"Ҷыдала азхьаԥшра аҭан аинырратә цәаҳәаҿы ицо аидысларақәа рызҵаара",- иҳәеит Песков.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

13

Лукашенко Белоруссиа ахада инапынҵақәа рынагӡара далагеит

3
(ирҿыцуп 16:22 23.09.2020)
Александр Лукашенко иҭоубашьҭаҵара ацеремониа акыр ирмаӡан. Асасцәа наԥхьан иара аламҭалаз.

АҞӘА, цәыббра 23 – Sputnik. Александр Лукашенко Белоруссиа ахадас аҭоубашьҭаҵара мҩаԥигеит ҳәа аанацҳауеит Sputnik Беларусь.

Лукашено, атәыла Аконституциа инақәыршәаны, белорус бызшәала аҭоуба шьҭеиҵеит, "Ареспублика Белорусь ажәлар рымаҵ шиуа, ауаҩытәыҩса изинқәеи ихақәиҭрақәеи шихьчало, ламысцқьала инап ианҵоу аҭакԥхықәра дшаҵагыло" атәы иҳәеит ҳәа аанацҳауеит амаҵзура.

Ахада иалхрақәа мҩаԥысуан нанҳәа 9 рзы. Аофициалтә дыррақәа рыла, Лукашенко изы рыбжьы арҭеит  80,1% алхыҩцәа. Азеиԥш бжьыҭара 84,28% артәеит, заанаҵы рыбжьы рҭиит 40% абжьыҭара азин змаз ауааԥсыра.

Алхрақәа рылкаақәа анрыларҳәа ашьҭахь Белоруссиа урҭ ирықәшаҳаҭмыз ақәгыларатә акциақәа рымҩаԥгара иалагеит.

Европа атәылақәак рҿы Александр Лукашенко Белоруссиа ахадас иҟалара ашьҭахь дшазхарымҵо азы аҳәамҭақәа ҟарҵеит ҳәа аанацҳауеит РИА Новости. Абри аҩыза аҳәамҭақәа ҟарҵеит Прибалтика атәылақәа, Словакиа, Германиа.

Нанҳәа 9 рзы имҩаԥгаз алхрақәа рышьҭахь Лукашенко идныҳәалеит Урыстәыла ахада Владимир Путин, иара убас Азербаиџьан, Ермантәыла, Виетнам, Казахстан, Китаи, Таџьикистан, Ҭырқәтәыла рхадацәа.

Иара убас шәаԥхьар ҟалоит:

3

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

0
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

0