Лавров: Вашингтон адунеи ашәарҭадаратә система ҵнашәаауеит

63
Еиду Америкатә Штатқәа ганкахьы иадцәыло мацара иааҟәымҵҟакәа адунеижәларбжьаратә шәарҭадара ашьаҭақәа рыҵшәаара иаҿуп ҳәа игәы иаанагоит Урыстәыла Адәныҟатәи аусқәа рминистр.

АҞӘА, жәабран 5 – Sputnik. Адунеи аҿы иҟоу аибарххарақәа реиҳарак зыхҟьо Еиду Америкатә Штатқәа зхадараҿы игылоу мраҭашәаратәи аҳәынҭқаррақәа жәпакы рхымҩаԥгашьоуп ҳәа иҳәеит Урыстәыла адәныҟатәи аусқәа рминистр Сергеи Лавров.

Адипломат иажәақәа рыла, Америкеи иара адгылаҩцәеи рҽазыршәоит излалшо ала аԥыжәара амазаара. Убри инадҳәаланы Вашингтон жәларбжьаратәи ашәарҭадареи астратегиатә шьақәгылазаашьеи ҵнашәаауеит.

"Ҳара иаҳбарҭоуп Аҩбатәи адунеизегьтәи аибашьра ашьҭахь инаркны иааҟәымҵӡакәа астратегиатә шьақәгылазаашьа аусхк адгылара азҭо аиқәшаҳаҭрақәа шеиларыжьуа", - ҳәа Лавров иажәақәа аанагоит РИА Новости.

Абри азы иҿырԥштәуп ЕАШ ганкахьала абжьаратәи ахарареи ахарара маҷи змоу аракетақәа раԥыхразы аиқәшаҳаҭра алҵра ҳәа иҳәоит аминистр.

ЕАШ ахада Дональд Трамп жәабран 1 азы аҳәамҭа ҟаиҵеит Вашингтон абжьаратәи ахарареи ахарара маҷи змоу аракетақәа раԥыхразы аиқәшаҳаҭра (ДРСМД) иалҵуеит ҳәа. Москва акәзаргьы уи аҭакс аиқәшаҳаҭра аусура аамҭала ишааннакыло атәы аҳәеит.

63

Ҭырқәтәыла Аҩнуҵҟатәи аусқәа рминистр Сулеиман Соилу инапынҵақәа шьҭеиҵеит

5
(ирҿыцуп 10:12 13.04.2020)
Аҩнуҵҟатәи аусқәа рминистр иӡбара акритика анаҭеит аоппозициатә партиа – акоронавирус алаҵәарахь икылнагеит ҳәа ахҳәааны.

АҞӘА, мшаԥы 13 - Sputnik. Ҭырқәтәыла Аҩнуҵҟатәи аусқәа рминистр Сулеиман Соилу инапынҵақәа шьҭеиҵеит атәылаҿ 48-тәи акоменданттә сааҭ алагалара ашьҭахь изыҟаҵаз акритика инамаданы. Иалагалаз аԥкырақәа рышьҭахь ауааԥсыра массала афатә-ажәтә раахәара иалагеит.

"Апандемиа аламырҵәаразы акомеданттә сааҭ алагалара сара сыӡброуп. Сара соуп аҭакԥхықәра зду уи ахҟьа-ԥҟьақәа рзы. Сара цәгьара ҟасҵарц сҭахымызт. Снапынҵақәа шьҭасҵоит", - иҳәеит Соилу Twitter аҿы.

Акоменданттә сааҭ алагалахоит ҳәа адырра ҟаҵан ахәашаҽны. Ҭырқәтәыла арегионқәа 331 рҟны ирылаҳәан асабшеи амҽышеи ауааԥсыра рыҩнқәа аанрыжьыр шыҟамло азы. Аха авирус массала аламырҵәара иазкыз аумҭа еиҳагьы ауаа еизнагеит – ауаа адәқьанқәа рахь идәықәлеит афатә-ажәтә аахәаразы.

Аҩнуҵҟатәи аусқәа рминистр иӡбара акритика анаҭеит аоппозициатә партиа – акоронавирус алаҵәарахь икылнагеит ҳәа ахҳәааны.

Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау
Добыча нефти, архивное фото

Аиқәшаҳаҭра ОПЕК+ заанаҵтәи аихшьаалақәа: ари еилаӡароуп, иҿҳәарадангьы иҟам

20
(ирҿыцуп 18:18 10.04.2020)
Мшаԥы 9 рзы жәа-сааҭк иназынаԥшуа ОПЕК+ алахәыла-тәылақәа аилацәажәара шымҩаԥыргазгьы, макьаназы ари ауснагӡатә алҵшәақәа цқьа еилкаамкәа иҟоуп.

Иҟоуп агәаанагара анефҭ аҵхра ареиҵаразы аганқәа реилаӡара ыҟоуп ҳәа. Аха макьаназы аформат G20 ала аилацәажәарақәа шцац ицоит.

Игор Иушков, Урыстәылатәи Афедерациа аенергетикатә шәарҭадара Амилаҭтә фонд аексперт Sputnik азы.

Акоронавирус анефҭ ахәқәа аԥсахуеит

Аиԥылара иалагаанӡагьы идырын аиқәышаҳаҭра ОПЕК+ алахәылацәа уахыки-ҽнаки рыҩныҵҟа анефҭ 10 млн. баррель аҵхра ахьынӡалшо атәы иалацәажәараны ишыҟаз.

Ари акыр идуу хыԥхьаӡароуп. Анаԥшцәа оумашәа ирбаргьы ауеит мызк аԥхьа атәылақәа уахыки-ҽнаки рыҩныҵҟала 1,5 млн. баррель аҵхра ишалацәажәоз, аха акахьы иахьзеибаамгаз. Абри ашьҭахь, мшаԥы 1 азы аҳәынҭқаррақәа зегьы ироуит ахақәиҭра анефҭ аҵхразы. Уажәы, иара арҭ аҳәынҭқаррақәа ақәшаҳаҭхоит 10 млн. баррель рыла анефҭ аҵхра шеиҵартәуаз.

Асеиԥш зыҟалаз, аџьармыкьаҿы аҭагылазаашьа аҽахьаԥсахыз ауп. Хәажәкыра алагамҭазы акоронавирус Китаи заҵәык аҿы акәын иахьыҟаз. Уа акарантинтә ҭагылазаашьа абылтәы аахәара канажьит (атранспорт аус ауамызт, анаплакқәа аус руамызт, аҳаирпланқәагьы рыԥырра ԥкын)

Акоронавирус иазку аҵыхәтәантәи ажәабжьқәа шәрыԥхьар ҟалоит абра>>

Урыстәыла усҟан Китаи иаарласны акоронавирус иаиааиуеит, нас анефҭ аҭаххарагьы еиҭашьақәгылоит ҳәа ихәыцуан. Аха авирус адунеи аҽахнарҵәо иалагеит. Атәылақәа жәпакы апандемиа иаҿадыргылеит акарантин. Адунеи зегь аҿы, хаҭалагьы Европа, анефҭ ахархәара еиҵартәит.

Мшаԥымзазы анефҭ зҭаху еиҵахеит. Имыцхәхаз анефҭ аҵәахырҭақәа рахь инарышьҭит. Анефҭ аҵхра ахылаԥшра асистема аус анамуаз аамҭазы уԥшыр ҟалон зыхәԥса дуу анефҭ аҵхыҩцәа русура анныркыло ҳәа. Убас, Еиду Америкатәи аштатқәа рҟны асланец иалху анефҭ аҵхра еиҵартәит адунеитә хәыԥсақәа 50 доллар баррельк азы ианыршәоз аамҭазы. 20-30 доллар ршәараан асланец иалху анефҭ хашәала аанагом.

Аха уажәы, адунеиаҿ анефҭ ахархәара анылаҟә, акарантин амшала, атәылақәа хаҭа-хаҭала анефҭ аҵхра ианаҟәыҵуа ҳәа аԥшра хшыҩдоуп. Мызкы-ҩымз рышьҭахь анефҭҵәахырҭақәа ҭәуеит, анефҭ аҵхрагьы зынӡа иаанкылатәхоит. Аӡәгьы иҭаххаӡом.

Абри азоуп ОПЕК+ атәыла-лахәылацәа уахыки-ҽнаки рыла 10 млн. баррель рҟынӡа анефҭ аҵхра аларҟәразы изеилаӡо. Ари анефҭҵәахырҭақәа рыҭәра аамҭа инахоит.

Москвазы ари акыр иуадаҩуп

Ҳәарада, Урыстәылазы ари аилаӡара акыр ихьанҭоуп. 2016 шықәса рзы, ОПЕК+ усҟантәи аилацәажәараан атәыла анефҭ аҵхразы арекорд шьақәнаргылеит. Убри азы Урыстәылазы ишьақәыргылахаз аҩаӡара акыр иманшәалан.

Уажәы иҵырхыҵәҟьо анефҭ еиҵатәхоит. Уи иахҟьаны ВВП лаҟәыр алшоит, атәылахь авалиута аарагьы ԥкхоит.

Аха аилаӡара ҿҳәараданы изыҟалом. Аилаӡара иазыԥхьагәанаҭоит анефҭ аҵхраз аквотақәа рышьҭыхра. Атәылақәагьы маҷ-маҷ анефҭ аҵхра иазыхынҳәуеит.

Адырранҵа: Аиқәшаҳаҭра ОПЕК+ ари – 2016 шықәсазы анефҭ аекспорт ҟазҵо атәылақәа Реиҿкаареи (ОПЕК) егьырҭ анефҭ ыҵызхуа атәылақәеи – Урыстәыла, Азербаиџьан, Ҟазахстан, Мексика, Малаизиа рыбжьара имҩаԥгаз еилаӡароуп.

20

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

0
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

0