Аԥсуаҭҵааратә институт ахада ихаҭыԥуаҩ, ААУ адоцент, аҭоурыхтә наукақәа ркандидат Сослан Салаҟаиа

Асовет мчра ашьакәыргылараз ақәԥаҩ: Ефрем Ешба иҭакра шыҟалаз

36
Мшаԥымза 11 1936 шықәса рзы Москва ихатә уаҭах аҿы дырбаандаҩтәын Аԥснытәи аРЕВКОМ ахада Ефрем Ешба, абри ахҭыс атәы Sputnik арадиостудиаҿы дазааҭгылоит Аԥсуаҭҵааратә институт ахада ихаҭыԥуаҩ, ААУ адоцент, аҭоурыхтә наукақәа ркандидат Сослан Салаҟаиа.

"Асовет мчра 1922 шықәса рзы ианышьақәгыла ашьҭахь Ефрем Ешба диаган зны Қарҭҟа, нас Москваҟа, нас Чечентәыла аус иуит, аха еиҭа дхынҳәуеит Москваҟа. Мшаԥымза 11 1936 шықәса рзы дырбаандаҩтәын, дрышьҭуеит Магаданҟа, шықәсык ашьҭахь Москваҟа диаргеит, ахара ҿыцгьы идырҵеит. 1939 шықәса рзы Грозныҟа дыргеит, уа Чечентәыла иҟаз атроцкистцәа реидгыла деиҳабуп ҳәа ашьра иқәырҵоит, дагьыршьоит мшаԥымза 16 1939 шықәса рзы", — ҳәа азгәеиҭеит аҵарауаҩ. 

Аԥсуаҭҵааратә институт ахада ихаҭыԥуаҩ, ААУ адоцент, аҭоурыхтә наукақәа ркандидат Сослан Салаҟаиа Ефрем Ешба данҭаркыз амш дазааҭгылоит

Сослан Салаҟаиа иара убасгьы иазгәеиҭеит Ефрем Ешбеи Ленины шеиқәшәахьаз, избан акәзар Ешба Аԥсны иҟаз абольшевикцәа дреиҳабын ҳәа дыԥхьаӡан.

36

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9

Қәҭелиа еиҭеиҳәеит раионцыԥхьаӡа шаҟа класс ҽыԥхьакра ишьҭу

7
(ирҿыцуп 18:21 24.09.2021)
Аҿкчымазара иахҟьаны ашколқәа рҟны аҭагылазаашьа зеиԥшроу, раионцыԥхьаӡа заҟа класс хыԥхьакра ишьҭу, абарҭқәа ртәы арадио Sputnik аефир аҟны еиҭеиҳәеит Аҵара аминистрра ауаажәларра рымадараз аинформациатә маҵзура аиҳабы Аслан Қәҭелиа.

Қәҭелиа еиҭеиҳәеит раионцыԥхьаӡа шаҟа класс акарантин ахь ишьҭу атәы
"…Раионла иаҳгозар, Очамчыра -12 класс рынӡа ахьыхьчарахь ишьҭуп, Гал - аҭагылазаашьа иаҳа иҭышәынтәалоуп, акарантинахь ишьҭу аклассқәа ыҟаӡам, Тҟәарчал-9 класск, Гәдоуҭа- школк аркуп, убасгьы араион аҟны хә-класск акарантин ахь ишьҭуп, Аҟәа араион - аҭагылазаашьа ҭышәынтәалоуп, акарантин ахь ишьҭу ҳамаӡам, Гагра араион - х-класск шьҭуп ахыхьчарахь, Аҟәа ақалақь - 11 класс 300 –ҩык инареиҳаны ахыхьчара ишьҭуп, 40-ҩык инареиҳаны иахьазы аковид рыдбалоуп", - иҳәеит Қәҭелиа.

Иаҳа инарҭбааны аицәажәара аудиофаил аҟны.

7

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

9
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау