Леон иорден занашьоу Ардомбеи Гьемуа, Агәымшәараз амедал занашьоу Олег Каҷабаа

Аветеранцәа: аџьынџь ахьчара анаҭахха ԥсыуак ишьҭахьҟа дымгьежьит

11
(ирҿыцуп 14:28 14.08.2017)
Аџьынџьтәылатә еибашьра алагеижьҭеи 25 шықәса аҵра инамаданы Леон иорден занашьоу Ардомбеи Гьемуеи Агәымшәараз амедал занашьоу Олег Каҷабааи Sputnik арадиостудиаҟны иргәаладыршәеит реибашьратә мҩа.
Аибашьра аветеранцәа Ардомбеи Гьемуеи Олег Каҷабааи реибашьратә мҩа иазкны

"Сара хаҭала Аԥсуа гвардиа салан, аибашьра аналага аҽны Охуреи апост аҟны сыҟан. Ашьыжь, асааҭ быжьба-ааба шыҟаз реиԥш ахысбыжьқәа ҳаҳаит. Ақырҭқәа бџьарла еиқәных иҟан, раԥхьа атанк гыланы иаауан", —  иҳәеит Олег Каҷабаа.

Леон иорден занашьоу Ардомбеи Гьемуа игәалаиршәоит Ҭҟәарчалтәи ашахта иамаз арҭҟәацгақәа рхы ишадырхәоз.

"Ақырҭқәа ирҳәон "Ҭҟәарчал ақәша-мықәша унеиуа иҟам", ҳәа. Ԥсыуак игәы еиҭаԥаны ишьтахьҟьа дымгьежьит аџьынџь ахьчара анаҭахха", — иҳәеит Гьемуа.

11
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4
Астамур Квициния

Кәыҵниа амультфильм "Кәтаӷьцәа хылԥа" азы: ахәыҷӡақәа рзы, аха адуцәагьы иргәаԥхоит

3
(ирҿыцуп 12:18 28.11.2020)
Асахьаҭыхҩы, амультфильмқәа раԥҵаҩы Асҭамыр Кәыҵниа арадио Sputnik Аԥсны аефир аҿы еиҭеиҳәеит аԥсышәала ицәажәо амультфильм ҿыц аԥҵаразы имоу игәҭакқәа ртәы.
Ҳазлацәажәаша ҳамоуп: Кәыҵниа "Кәтаӷьцәа хылԥа" амультфильм аԥҵара иазкны

"Сазхәыцуан ирацәаны асценариақәа, еиуеиԥшым аԥсуа лакәқәеи алегендақәеи. Исҭахуп иаҳа ихәыҷӡақәа ирнаало, убри аан адуцәагьы ахәыԥшыртә еиԥш. Апроект маҷӡам, 20 минуҭ исҭахуп аҟаҵара. Макьана асценариа схала аус адулара саҿуп, аха аԥхьаҟа алшара соур еиҭа асценарист исырбарц сгәы иҭоуп. Шьаҭас изгеит "Кәтаӷьцәа хылԥа" алакә, амала аԥсахрақәа ахьалазгалаз ҟалеит, аперсонаж ҿыцқәагьы алагалахоит, уажәтәи аҿар анахәаԥшлак аинтерес ркыртә еиԥш аус адулара саҿуп. Исҭахуп афырхацәа ашәақәа рҳәо аҟаҵара, ахәыҷқәа амультфильм ианахәаԥшлак ашьҭахь ашәақәа рзаанхартә еиԥш", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

3

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау